1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.2. Oposizioak eta lehiaketak. Lan publikoaren eskaintza
LEHENDAKARITZA, JUSTIZIA ETA BARNE DEPARTAMENTUA. Iragarkia. Gora jotzeko errekurtsoa, Nafarroako Osasun Publikoaren eta Lan Osasunaren Institutuan Osasun Publikoko ikuskatzaile (albaitaria) izateko lanpostu bat betetzeko aldez aurreko barne egokitzapenerako deialdiaren kontra.
Nafarroako Osasun Publikoaren eta Lan Osasunaren Institutuan Osasun Publikoko ikuskatzaile (albaitaria) izateko lanpostu bat betetzeko aldez aurreko barne egokitzapenerako deialdiaren kontra, Nafarroako Osasun Publikoaren eta Lan Osasunaren Institutuko Giza Baliabideen eta Kudeaketa Ekonomikoaren Zerbitzuko buruaren martxoaren 23ko 81/2005 Ebazpenaren bidez onetsi baitzen.
María Luisa Soria Labargak gora jotzeko errekurtsoa jarri du Nafarroako Osasun Publikoaren eta Lan Osasunaren Institutuko Giza Baliabideen eta Kudeaketa Ekonomikoaren Zerbitzuko buruak martxoaren 23an emandako 81/2015 Ebazpenaren aurka, zeinak aipatutako deialdia onetsi baitzuen. Hortaz, horren berri ematen zaie interesdun guztiei, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 59. eta 112. artikuluei jarraituz, iragarki hau argitaratu eta biharamunetik gehienez ere hamar egun balioduneko epean alegazioak egin ahal izateko, Erregistro Orokorrean aurkeztuz (Nafarroako Jauregia, Karlos III.aren etorbidea, 2, Iruña), edo, bestela, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 38. artikuluan adierazitako edozein bide erabiliz.
Aurkeztutako errekurtsoaren kopia interesdunen eskura dago Funtzio Publikoaren Zuzendaritza Nagusiko Araubide Juridikoaren Atalean (Karlos III.aren etorbidea, 2, 2. solairua; Iruña).
Iruñean, 2015eko ekainaren 8an.–Funtzio Publikoaren zuzendari nagusia, Gregorio Eguílaz Gogorza.
Iragarkiaren kodea: F1508968