1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
35/2015 FORU DEKRETUA, ekainaren 3koa, Alfonso Carlosena García jauna Nafarroako Unibertsitate Publikoko errektore izendatzen duena.
ZIOEN AZALPENA
Unibertsitateei buruzko abenduaren 6ko 6/2001 Lege Organikoak, 20.2 artikuluan, xedatzen du errektorea unibertsitateko komunitateak aukeratuko duela, hautaketa zuzenaren eta sufragio unibertsal, libre eta sekretuaren bidez, zerbitzuak unibertsitatean ematen dituzten jarduneko unibertsitate-katedradunen kidegoko funtzionarioen artetik. Xedatzen du, orobat, autonomia erkidego bakoitzean dagokion organoak izendatuko duela errektorea.
Nafarroako Unibertsitate Publikoaren estatutuen 36. eta 37. artikuluetan ezarrita daude errektorea aukeratzeko prozedura eta haren agintaldiaren iraupena.
Nafarroako Unibertsitate Publikoko errektorearen martxoaren 31ko 607/2015 Ebazpenaren bidez, unibertsitateko errektore izateko hauteskundeetarako deia egin zen.
2015eko maiatzaren 19an egindako bilkuran, Hauteskunde Batzordeak Nafarroako Unibertsitate Publikoko errektore hautetsi aldarrikatu du, behin betiko, Alfonso Carlosena García jauna.
Horrenbestez, Hezkuntzako kontseilariak proposaturik, eta Nafarroako Gobernuak 2015eko ekainaren hiruan egindako bilkuran harturiko erabakiarekin bat,
DEKRETATU DUT:
1. Alfonso Carlosena García jauna Nafarroako Unibertsitate Publikoko errektore izendatzea.
2. Foru dekretu hau Hezkuntza Departamentura eta Nafarroako Unibertsitate Publikora igortzea eta interesdunari jakinaraztea.
3. Foru dekretu hau Nafarroako Aldizkari Ofizialean argitaratzea.
Iruñean, 2015eko ekainaren 3an.–Nafarroako Gobernuko lehendakaria, Yolanda Barcina Angulo.–Hezkuntzako kontseilaria, José Iribas Sánchez de Boado.
Iragarkiaren kodea: F1508671