Iragarkia

82. ALDIZKARIA - 2014ko apirilaren 29a

2. NAFARROAKO TOKI ADMINISTRAZIOA

2.2. XEDAPEN ETA IRAGARKIAK, HERRIEN ARABERA ANTOLATUAK

ANTSOAIN

Aldaketa xehakatua Antsoaingo Udal Planean, UIko (UPI 1 unitatea) P8B lurzatiari dagokionez. Behin betiko onespena

Antsoaingo Udalak, 2014ko martxoaren 26an egin osoko bilkuran, erabaki hau hartu zuen:

2013ko abenduaren 23ko osoko bilkuran hasiera batean onetsi zen Antsoaingo Udal Planean UIko (UPI 1 unitatea) P8B lurzatiko erabilera xehakatuak arautu beharrez aldaketa xehakatua egiteko dokumentua. Hura 2014ko 15. Nafarroako Aldizkari Ofizialean argitaratu zen, urtarrilaren 23an, baita Nafarroako Foru Komunitatean editatzen diren egunkarietan ere. Horren ondotik, jendaurrean egon da, bitarte horretan inork alegazio, kexa edo oharrik aurkeztu gabe.

Ikusirik udal zerbitzu teknikoen aldeko txostena, erabaki da:

1. Behin betiko onestea Antsoaingo Udal Planean UIko (UPI 1 unitatea) P8B lurzatiko erabilera xehakatuak arautu beharrez aldaketa xehakatua egiteko testu bategina, Estación de Servicio Orcoyen-Agustinos, S.L.k sustaturik. Hartan gehitu dira Iruñerriko Eraikinak eta Etxebizitzak Zaharberritzeko Bulegoko Hirigintza Aholkularitza Zerbitzuak (H.A.Z.-E.Z.A.B.U.) 2014ko otsailaren 21ean behin betiko onespenerako egin txostenean eskatzen ziren baldintza teknikoak.

2. Igor bekizkio Nafarroako Gobernuari erabaki hau eta onetsitako proiektuaren ale bat, eta hura eta testu arautzailea argitara bitez Nafarroako Aldizkari Ofizialean eta Udalaren iragarki oholean.

Antsoainen, 2014ko martxoaren 31n.–Alkatea, Antonio Gila Gila.

Baldintza partikularrak

Biltegi lotuak: bertze jarduera bati lotuez ari da.

Erabilera berariazkoak: Planak aurreikusitako erabilera zehatz bati dagokio: Hotela.

(1): Upategiak baizik ez.

(2): Azaleraren 100 m²-raino.

(3): Kalefakzioaren eta garbiketarako ur beroaren galdarek, higiezinean erabiltzeko, 500.00 Kc/h-ko muga daukate.

(4): Ez da onartzen erregai likido eta gasdunak biltegiratzeko instalaziorik.

(5): Ondoko mugak edukita, erabilera hauek baimentzen dira. Gainerakoak debekatuta daude.

–Biltegiak: Gehieneko azalera: 200 m². Gehieneko potentzia, elementu mekaniko finkorik gabe, eta zamalanetarako barne gainazala duena.

(6): Ez da onartzen etxeko ukuilurik edo zakurrak hazi eta zaintzeko instalaziorik.

(7): Udal Plan honen ondorioetarako bakar-bakarrik, industria, tailer eta biltegi jarduerak honako hauek izanen dira, Planeamenduarekin bat etorrita:

–Egungo jarduerak, Planeamenduarekin bateraezinak izateagatik antolamenduz kanpokotzat hartu ez direnak.

–Konponketa lantegiak, automobilen salerosketari erantsiak.

–Egurrezko altzariak egitea.

–Metalezko altzariak egitea.

–Tipografiak, moldiztegiak.

–Aldizkako prentsaren industriak.

–Sendagai kimikoak prestatzea.

–Lurrin produktuak prestatzea.

–Metal eraikuntzak eta galdaragintza.

–Makineria prestatzea, makineria elektrikoa izan ezik.

–Harategiaren handizkako biltegiak, hozkailurik gabe.

–Alkoholen handizkako biltegiak.

–Drogeria-artikuluen handizkako biltegiak.

–Perfumeria-artikuluen handizkako biltegiak.

–Garbiketa-artikuluen handizkako biltegiak.

–Farmazia-artikuluen handizkako biltegiak.

–Oihalgintzako biltegiak.

–Zinematografia laborategiak.

–Garbitegi-orban kentzeko lantegiak eta garbitu-lisatzekoak.

Bertze industria jarduketa batzuk onar daitezke, baldin eta haien eragina hirigintzan eta ingurumenean aipatuak bezalakoak badira.

(8): Beheko solairuko azaleraren %30 okupatzen ahal da gehienez.

(9): Planean espazio libre pribatutzat hartzen den tokian, edo, eraikuntzak lurzati osoa okupatu gabe, espazio libre pribatu bezala geratzen den tokian, zorupea okupatzen ahalko da sotoan eta erdisotoan baimentzen diren erabilerekin eta, betiere aparkalekutako eta instalazioetako sailtako. Espazio libre pribatua aparkatze beharrak asetzeko ere erabiltzen ahalko da.

(10): ST sektoreko G etxesailean baizik ez.

(11): UIko P8B lurzatian (UPI 1 unitatea) grafiatu den aldean baizik ez.

(12): UIko P8B lurzatian (UPI 1 unitatea) grafiatu den aldean baizik ez.

Iragarkiaren kodea: L1404778