35. ALDIZKARIA - 2014ko otsailaren 20a

2. NAFARROAKO TOKI ADMINISTRAZIOA

2.2. XEDAPEN ETA IRAGARKIAK, HERRIEN ARABERA ANTOLATUAK

LARRAGA

UOMaren 1. faseko 20.etik 26.era bitarteko lurzatien xehetasun azterlana. Behin betiko onespena

Lurraldearen Antolamenduari eta Hirigintzari buruzko abenduaren 20ko 35/2002 Foru Legearen 76. artikuluan 74. artikuluari dagokionez aurreikusitako tramitazioari jarraikiz, eta iragarkia 2013ko 231. Nafarroako Aldizkari Ofizialean, azaroaren 20an, argitaratu ondoko hogei eguneko jendaurreko epea alegaziorik gabe iragan denez, Larragako Udalak, 2014ko urtarrilaren 30ean egin osoko bilkuran, behin betiko onetsi du Larragako Udal Planeko UOM-1aren 1. faseko 20.etik 26.era bitarteko lurzatien xehetasun azterlana, Construcciones Merino Arregui, S.L.k sustatu duena.

Ondotik, haren arauen edukia argitara ematen da, Toki Araubidearen Oinarriak arautzen dituen apirilaren 2ko 7/1985 Legearen 70. artikuluan eta Lurraldearen Antolamenduari eta Hirigintzari buruzko abenduaren 20ko 35/2002 Foru Legearen 81.ean xedatuari jarraikiz. Aditzera ematen da erabaki honen kontra administrazioarekiko auzi-errekurtsoa para daitekeela zuzenean Nafarroako Auzitegi Nagusiko arlo bereko Salari zuzendua, edo, bertzenaz, Administrazioarekiko Auzien Epaitegiari, jurisdikzio hori arautzen duen uztailaren 13ko 29/1998 Legearen 8.1 artikuluan aurreikusitako kasuetan, bi hilabeteko epean, argitalpen honen biharamunetik hasita, edo, aitzinetik eta hautara, errekurtso hauetariko bat:

a) Berraztertzeko errekurtsoa, erabakia hartu duen organoari zuzendua, hilabeteko epean, erabaki hau argitaratu eta biharamunetik hasita.

b) Gora jotzeko errekurtsoa, Nafarroako Administrazio Auzitegiari zuzendua, hilabeteko epean, erabaki hau argitaratu eta biharamunetik hasita.

Larragan, 2014ko otsailaren 10ean.–Alkatea, Antonio Lamberto Urquijo.

LARRAGAKO UDAL PLANEKO UOM-1AREN 1. FASEKO 20.ETIK 26.ERA BITARTEKO LURZATIEN XEHETASUN AZTERLANA

Hirigintzako arauak

1. Eraikuntzaren kanpoko eta barneko lerrokadurak: Aldatzen da UOM-1aren 1. faseko 20.etik 26.era bitarteko lurzatietarako (03 planoa). Lurzatiak bide publikora duen aitzinaldeko eraikuntza-lerrokadura nahitaezkoa lerrokadura ofizialaren 2,5 ml.-ra paratuko da.

2. Estalkiak: grafito koloreko teila ere izanen da etxebizitza hauen estalkirako materiala.

3. Eraikuntzarako gainerako baldintzak: Aldatu da lurzatiko itxitura (70. artikulua) UOM-1aren 1. faseko 20.etik 26.era bitarteko lurzatietan; karrikaranzko lurzatia obrakoa izanen da 1,00 m garairaino eta gainerakoa metalezkoa. Bizilagunen arteko gainerako itxiturak eta gibelekoak sare soilekoak izanen dira.

Iragarkiaren kodea: L1402258