4. PROZEDURA JUDIZIALAK
IRUÑEKO LAN ARLOKO 1. EPAITEGIA
Enkanterako deialdiaren ediktua. 57/2013 prozedura
Rosa M.ª Valencia Ederra andrea, Iruñeko Lan arloko 1. Epaitegiko idazkari judiziala.
Aditzera ematen dut: Verónica García Morenok, Alfredo Darwin Torres Jimbok eta Aurelio San Juan Fernándezek eskaturik, Excavaciones Gorraño, S.L.ren aurka bideratu den 57/2013 betearazpen-prozeduran, erabaki da hurrengo ondasunak besterentzea enkante bidez:
–Zisternadun atoia, E9484BFF matrikulakoa, traktoreari lotzekoa, 1.500,00 euroan baloratua.
–Liebherr A-900 Litronic atzerakako hondeamakina, E5690BBD matrikulakoa, 7.500 euroan baloratua.
–Toyota Land Cruisser bide orotako autoa, 9016DSV matrikulakoa, 3.000,00 euroan baloratua.
–Liebherr A-900 Litronic atzerakako hondeamakina, E5690BBD matrikulakoa, 3.500,00 euroan baloratua.
–Guztirako balorazioa: 15.500,00 euro
–Enkantea egiteko tokia, eguna eta ordua: 2014ko maiatzaren 15ean, 10:00etan, Iruñeko Lan arloko 1. Epaitegian (Justizia Jauregia, Iruñeko San Roke kalea, 4; lehen solairua).
–Enkantearen gaineko informazioa eta baldintzak:
1. Enkantean parte hartzeko, posturagileek betebehar hauek izanen dituzte:
a) Nor diren behar bezala frogatzea.
b) Enkantearen baldintza guztiak ezagutzen dituztela aitortu beharko dute.
c) Organo honetako Gordailu eta Kontsignazioen Kontuan, hots, Banco Santanderren 3158 0000 64 0057 13 kontuan, ondasunak enkanterako duen balioaren %5 sartu izanaren gordekina aurkeztea, edo, bestela, kopuru hori adinako banku-abala jarri izanarena. Lizitatzaileak gordailu osoa edo zati bat hirugarren batengandik jasotako diruarekin egiten badu, gordekinean azaldu beharko da.
2. Idatzizko posturak enkantea iragartzen denetik hura hasi arte egin daitezke. Gutun-azal itxietan aurkeztuko dira, aurreko atalean adierazitako baldintza berberetan. Postura horiek enkantearen hasieran irekiko dira, eta ahoz egiten direnen ondorio berberak izanen dituzte.
3. Postura egin eta errematea hirugarren bati lagatzeko ahalmena alderdi betearazleari dagokio, horretarako dirurik jarri behar izan gabe.
Ediktu hau bulego judizial honetako iragarki oholean eta ohiko leku publikoetan egonen da ikusgai enkantearen eguna arte, eta betearazpenpekoari jakinarazteko erabiliko da, jakinarazpen pertsonala legeak ezarritako moduan egiterik ez badago. Eta jasota gera dadin, honako hau egin dut.
Iruñean, 2014ko apirilaren 11n.–Idazkari judiziala, Rosa M.ª Valencia Ederra.
Iragarkiaren kodea: J1405710