65. ALDIZKARIA - 2014ko apirilaren 3a

1. NAFARROAKO FORU KOMUNITATEA

1.7. BESTELAKOAK

180/2014 EBAZPENA, martxoaren 25ekoa, Lehendakaritza eta Justiziako zuzendari nagusiak emana, 67/2014 administrazioarekiko auzi-errekurtsoari buruzko espedientea Administraziorekiko Auzien Salara igortzeko agintzen duena; Nafarroako Langile Komisioetako Sindikatu Batasunak jarria da Nafarroako justizia administrazioaren zerbitzuko lanpostuak betetzeko aldi baterako langileen kudeaketa arauak ezartzen dituen Lehendakaritza, Justizia eta Barneko kontseilariaren urtarrilaren 17ko 10/2014 Foru Aginduaren aurka, 10.1h) eta 10.2 artikuluetan xedatutakoari dagokionez soilik, eta foru agindu beraren 11.1.c) artikuluan eta 7.4. artikuluko 2. lerroaldean xedatutakoaren aurka.

Administrazioarekiko Auzien Salako idazkariak, Lehendakaritza eta Justiziako Zuzendaritza Nagusian jaso den 2014ko martxoaren 14ko idazkian, aditzera ematen du Nafarroako Langile Komisioetako Sindikatu Batasunak administrazioarekiko auzi-errekurtsoa jarri duela Nafarroako justizia administrazioaren zerbitzuko lanpostuak betetzeko aldi baterako langileen kudeaketa arauak ezartzen dituen Lehendakaritza, Justizia eta Barneko kontseilariaren urtarrilaren 17ko 10/2014 Foru Aginduaren aurka, 10.1h) eta 10.2 artikuluetan xedatutakoari dagokionez soilik, eta foru agindu beraren 11.1.c) artikuluan eta 7.4. artikuluko 2. lerroaldean xedatutakoaren aurka.

Administrazioarekiko Auzien Jurisdikzioari buruzko uztailaren 13ko 29/1998 Legearen 48. eta 49. artikuluetan xedatutakoari jarraikiz, idazkariak espediente hori Epaitegiari igortzeko eskatu du eta administrazio honi eskatu dio ukitutako alderdiak epatzeko, ebazpen hau jakinarazten denetik bederatzi eguneko epean autoetan agertzeko modua izan dezaten.

Nafarroako Foru Komunitateko Administrazioari buruzko abenduaren 3ko 15/2004 Foru Legearen 22. artikuluaren bidez eta Lehendakaritza, Justizia eta Barne Departamentuaren egitura organikoa ezartzen duen urtarrilaren 29ko 12/2014 Foru Dekretuari jarraikiz emandako ahalmenak baliatuz,

EBATZI DUT:

1. Nafarroako Langile Komisioetako Sindikatu Batasunak Lehendakaritza, Justizia eta Barneko kontseilariaren urtarrilaren 17ko 10/2014 Foru Aginduaren aurka jarritako administrazioarekiko auzi-errekurtsoari buruzko espedientea Administraziorekiko Auzien Salara igortzea; errekurtsoa Nafarroako justizia administrazioaren zerbitzuko lanpostuak betetzeko aldi baterako langileen kudeaketa arauak ezartzen dituen foru agindu horren 10.1h) eta 10.2 artikuluetan xedatutakoari soilik dagokio, eta foru agindu beraren 11.1.c) artikuluan eta 7.4. artikuluko 2. lerroaldean xedatutakoaren aurkakoa da.

2. Ebazpen hau balizko interesdunei jakinaraztea, Nafarroako Aldizkari Ofizialean argitaratuz, eta haiek epatzea, autoetan demandatu gisa agertu ahal izan daitezen epaitegi horretan, honako hau argitaratu ondoko bederatzi eguneko epean.

3. Ebazpen hau Lehendakaritza, Justizia eta Barne Departamentuko Aholkularitza Juridikora eta Administrazioarekiko Auzien Salara igortzea, behar diren ondorioak izan ditzan.

Iruñean, 2014ko martxoaren 25ean.–Lehendakaritza eta Justiziako zuzendari nagusia, José Luis Ruiz Ciruelos.

Iragarkiaren kodea: F1404620