56. ALDIZKARIA - 2014ko martxoaren 24a

1. NAFARROAKO FORU KOMUNITATEA

1.2. AGINTARIAK ETA LANGILEAK

1.2.2. Oposizioak eta lehiaketak. Lan publikoaren eskaintza

DEIALDIA, Funtzio Publikoaren zuzendari nagusiak otsailaren 27an emandako 416/2014 Ebazpenaren bitartez onetsia, Nafarroako Foru Komunitateko Administrazioaren eta haren erakunde autonomoen zerbitzuko gizarte langile izateko 8 lanpostu huts, B mailakoak, lekualdatze lehiaketa bidez betetzekoa.

Funtzio Publikoaren zuzendari nagusiak, otsailaren 27ko 416/2014 Ebazpenaren bitartez, Nafarroako Foru Komunitateko Administrazioaren eta haren erakunde autonomoen zerbitzuko gizarte langile izateko 8 lanpostu huts, B mailakoak, lekualdatze lehiaketa bidez betetzeko deialdia onetsi du.

Lekualdatze lehiaketa honako arau hauei jarraikiz eginen da: abuztuaren 30eko 251/1993 Legegintzako Foru Dekretua, Nafarroako Administrazio Publikoen zerbitzuko Langileen Estatutuaren Testu Bategina onesten duena, lanpostuak betetzeko Erregelamendua, hura garatu eta betearazteko emana, azaroaren 6ko 215/1985 Foru Dekretuaren bidez onetsia eta martxoaren 14ko 59/2005 Foru Dekretuaren bidez aldatua, ekainaren 15eko 55/2009 Foru Dekretua, Nafarroako Foru Komunitateko Administrazioko eta haren erakunde autonomoetako plantilla organikoan euskaraz jakitearen trataera arautzen duena, abuztuaren 12ko 130/1998 Foru Agindua, Lehendakaritza, Justizia eta Barneko kontseilariak emana, merezimenduen baremoei buruzkoa, aplikatu beharreko gainerako arauak eta deialdi honen oinarriak.

1.–Xedea.

Nafarroako Foru Komunitateko Administrazioaren eta haren erakunde autonomoen zerbitzuko gizarte langile izateko 8 lanpostu huts, B mailakoak eta funtzionarioen araubidekoak betetzeko deialdia iragartzen da, honela atxikita:

–Lanpostu bat, Lehendakaritza, Justizia eta Barne Departamentuko Lehendakaritza eta Justizia Zuzendaritza Nagusian, Iruñean aritzeko; lanpostu zenbakia: 6318.

–4 lanpostu, Gizarte Politiketako Departamentuko Gizarte Politikako eta Kontsumoko Zuzendaritza Nagusian, Iruñean aritzeko; lanpostu zenbakiak: 7274, 6565, 4014 eta 3367.

–2 lanpostu, Pertsonen Autonomiarako Nafarroako Agentzian:

  • Bat, Santo Domingo zahar etxean, Lizarran aritzeko; lanpostu zenbakia: 8623.
  • Bat, Programen eta Diru-laguntzen Kudeaketaren Atalean, Iruñean aritzeko; lanpostu zenbakia: 3078.

–Lanpostu bat, Nafarroako Berdintasunerako eta Familiarako Institutuan, Iruñean aritzeko; lanpostu zenbakia: 6468.

Deialdiaren 10. oinarrian aipatutako lanpostu hutsak hautatzeko egintzan, lanpostu horien ordez beste batzuk eskaintzen ahalko dira, hain zuzen ere, organo eskudunek zerbitzuaren beharren arabera sartutako aldaketen ondorioz hutsik gelditzen direnak.

2.–Lanpostu hutsen kopurua handitzea.

2.1. Deialdi honetako lanpostuen kopurua handitzen ahalko da, epaimahaiak deialdia egin duen organoari lehiatzaileen zerrenda, lortutako puntuen hurrenkeraren araberakoa, igortzen dion egunean hutsik dauden lanpostuak gehituta.

2.2. Lehiaketan beteko diren lanpostuak hauek izanen dira: deialdian bertan hasieratik eskainiak eta, hala badagokio, aurreko lerroaldeak aipatzen duen kopurua handitzearen ondoriozkoak, baita lehiaketan beste lanpostu bat lortzen duten izangaiek hutsik uzten dituztenak ere.

2.3. Aurrekoa gorabehera, izangaiek lekualdatze lehiaketetan lanpostua lortuta hutsik uzten dituzten lanpostuak ez dira eskainiko “iraungitzeko” lanpostuak direnean edo antolatzeko arrazoiak direla-eta bete behar ez direnean.

2.4. Izangai batek lehiaketa honetan lanpostua erdietsi eta bere lanpostuaren izena deialdiko lanpostuarena ez bezalakoa baldin bada, izendapenean izen berria hartuko du lanpostu berriaz jabetzen den unetik. Orobat, dagokionean, lehiaketaren ondorioz hutsik gelditu eta berriz lehiatzaileei eskaintzen zaizkien lanpostuen izena aldatu eginen da.

2.5. Halaber, lanpostu horiek deialditik kanpo uzten ahalko dira, honako arrazoi hauengatik: birkokatze prozesuei loturik egoteagatik, burutza utzi duten funtzionarioei edo jardunera itzuli direnei esleitu izanagatik edo antolamenduan ezarritako beste edozein arrazoirengatik.

3.–Betebeharrak.

3.1. Indarra duen araudian xedatutakoaren arabera, lekualdatze honetan parte hartu ahal izateko, lehiatzaileek betebehar hauek izanen dituzte, eskabideak aurkezteko epearen azken egunean eta lanpostu hutsak aukeratu eta esleitutako lanpostuaz jabetu bitartean:

a) Nafarroako Foru Komunitateko Administrazioko edo haren erakunde autonomoetako langile finkoa izatea, egoera administratiboa edozein dela ere.

b) B maila edo taldekoa izatea.

c) Gizarte langileen lanpostu baterako izendatu izana.

d) B2 mailaren pareko titulua izatea, Hizkuntza Eskola Ofizialeko 4 kurtso gaindituta izatea (2008an edo lehenago), edo 9 urrats Nafarroako Gobernuak antolatutako ikastaroetan, euskaraz jakiteko baldintza (1. jakite maila) duen lanpostua eskuratu gogo bada.

e) B motako ibilgailuak gidatzeko baimena izatea, betebehar hori duen lanpostua eskuratu gogo denean.

3.2. Zerbitzu, atal, bulego edo unitate parekaturen bateko burutzaren bat betetzen ari diren funtzionarioek zilegi izanen dute lekualdatze lehiaketan parte hartzea, baldin eta deialdiko baldintzak betetzen badituzte. Prozedura honetan esleitutako lanpostuaz jabetzeak berarekin dakar zerbitzuko zuzendari izateari edo ataleko nahiz bulegoko buru edo horiekin parekatutako unitateko buru izateari utzi beharra.

3.3. Hautapen probak gainditu eta 2009ko urtarrilaren 1etik aurrera Nafarroako Foru Komunitatearen Administrazioan, euskara edo Europar Batasuneko hizkuntzaren bat jakin beharra duten lanpostuetan sartu direnek, aurrerago, hizkuntza hori jakitea nahitaezkoa duten lanpostuak betetzeko deialdian baizik ez dute parte hartu ahal izanen.

Aurreikuspen hori ez da aplikatuko baldin eta, eskatutako hizkuntzaren ezagutza kontuan hartu gabe, hautaketa-prozesuan lortutako puntuazioari esker, betebehar hori ezarrita ez duen beste lanpostu bat ere eskuratzeko aukera baldin badu.

3.4. Borondatezko eszedentzian edo nahitaezko eszedentzian urtebete eman duten funtzionarioek zilegi izanen dute lehiaketan parte hartzea, baldin eta deialdiak eskatzen dituen baldintzak betetzen badituzte; horrela, berriz sartuko dira jarduneko zerbitzuan eta lanpostu bat behin betiko esleituko zaie.

3.5. Abuztuaren 30eko 251/1993 Legegintzako Foru Dekretuaren zortzigarren xedapen gehigarrian xedatutakoari jarraikiz, deialdiko betebeharrak betetzen dituzten Nafarroako Parlamentuko funtzionarioek ere parte hartzen ahalko dute lekualdatze lehiaketan.

4.–Ordainsariak.

Lekuz aldatzen diren langileek gaur egungo xedapenek esleitzen dizkieten ordainsariak jasoko dituzte.

5.–Eskabidea aurkezteko epea eta tokia.

5.1. Deialdian parte hartzeko eskabideak Nafarroako Gobernuko Erregistro Orokorrean (Karlos III.aren etorbidea, 2, 31002 Iruña) edo Nafarroako Gobernuaren gainerako erregistro bulegoetako edozeinetan aurkeztu beharko dira, edo, bestela, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 38.4 artikuluan adierazi diren bideetakoren bat erabiliz, deialdia Nafarroako Aldizkari Ofizialean argitaratu eta biharamunetik hamabost egun naturaleko epean.

Eskabidea posta bulegoan aurkeztea aukeratuz gero, gutun-azalak irekita egon beharko du, postetxeko langileek data eta zigilua jar diezazkioten ziurtatu eta Nafarroako Gobernuaren Erregistro Orokorrera igorri aurretik.

5.2. Eskabideak deialdi honen eranskineko ereduari lotu behar zaizkio eta, horietan, izangaiek adierazi beharko dute eskatutako baldintza guztiak betetzen dituztela. Eskabide eredua Internet bidez lortzen ahal da, deialdiaren web orritik abiatuta, www.navarra.es, “Zerbitzuak”, “Enplegua” helbidean, edo Nafarroako Aldizkari Ofizialean argitaratutako deialditik hartuta.

5.3. Eskabidearekin batera, deialdi honetan ezarritako baremoaren arabera alegatzen diren merezimendu guztien frogagiriak aurkeztu beharko dira, salbu eta administrazio publikoetan emandako zerbitzuenak eta Nafarroako Administrazio Publikoen Institutuak emandako ikastaroenak, horiek zuzenean igorriko baitizkio epaimahaiari deialdia egin duen organoak.

B2 mailaren pareko tituluaren kopia aurkeztu beharko dute edo Hizkuntza Eskola Ofizialeko 4 kurtso (2008an edo lehenago) nahiz Nafarroako Gobernuak antolatutako ikastaroetako 9 urrats gaindituta izatearen tituluaren kopia, euskaraz jakiteko baldintza (1. jakite maila) duen lanpostua eskuratu gogo bada.

Euskara maila neurtzeko proba egin nahi dutenek eskabidean adierazi beharko dute.

Orobat, B motako ibilgailuak gidatzeko baimenaren kopia aurkeztu beharko dute, betebehar hori duen lanpostua eskuratu gogo denean.

Agiri horien kopia soilak aurkeztea aski izanen da, baina aurkeztutako datuak edo agiriak ez-zuzenak edo faltsuak badira, behar diren erantzukizun penal, zibil edo administratiboak eskatuko dira.

Izangaiek merezimenduak, behar bezala ordenatuak, baremoko puntuazio eskemari jarraikiz alegatuko dituzte.

5.4. Eskabideak aurkezteko epea ezin izanen da luzatu.

6.–Onartuen behin-behineko zerrenda, erreklamazioak eta behin betiko zerrenda.

6.1. Eskaerak aurkezteko epea amaiturik, Funtzio Publikoaren zuzendari nagusiak izangai onartu eta baztertuen behin-behineko zerrenda onetsiko du, eta Nafarroako Aldizkari Ofizialean argitara dadila aginduko, eta ohartaraziko du hurrengo bost egun naturaleko epean baztertuek erreklamazioak egiten ahalko dituztela eta, akatsik baldin badago, haiek zuzendu.

6.2. Ezarritako epean eskaerarik aurkezten ez bada, Funtzio Publikoaren zuzendari nagusiak lehiaketa bete gabe gelditu dela adierazteko ebazpena emanen du. Ebazpen hori Nafarroako Aldizkari Ofizialean argitaratu beharko da.

6.3. Izangai bazterturik ez bada, zuzenean onetsiko da behin betiko zerrenda, eta Nafarroako Aldizkari Ofizialean argitaratuko.

6.4. Erreklamazioak egiteko epea bukatu eta haiek ebatzitakoan, Funtzio Publikoaren zuzendari nagusiak onartu eta baztertuen behin betiko zerrenda onetsiko du eta Nafarroako Aldizkari Ofizialean argitaratzeko aginduko du.

7.–Epaimahaiaren osaera.

7.1. Honako hauek osatuko dute lehiaketako epaimahaia:

–Mahaiburua: Sara Soto Ahechu andrea, Gizarte Politikako eta Kontsumoko Zuzendaritza Nagusiko Immigraziorako Ataleko burua.

Ordezkoa: Loli Gutiérrez Urrestarazu andrea, Gizarte Politikako eta Kontsumoko Zuzendaritza Nagusiko Oinarrizko Laguntzaren Ataleko burua.

–Epaimahaiko kidea: langileen ordezkari bat, Administrazio Erroko Langileen Batzordeak proposatua.

Ordezkoa: langileen ordezkari bat, Administrazio Erroko Langileen Batzordeak proposatua.

–Mahaikide idazkaria: Marta Goñi Abaurrea andrea, Pertsonen Autonomiarako Nafarroako Agentziako Adinekoentzako Zerbitzuen Ataleko burua.

Ordezkoa: Inés Jiménez Muro andrea, Gizarte Politikako eta Kontsumoko Zuzendaritza Nagusiko Gizarte Onarpenerako Ataleko burua.

7.2. Onartu eta baztertuen behin betiko zerrenda argitaratu ondoko bost eguneko epean eratuko da epaimahaia.

7.3. Epaimahaiak gehiengoz erabakiko ditu deialdiaren oinarriak aplikatzeko moduaz sortzen diren arazo guztiak.

7.4. Administrazio prozeduraren arauetan abstentziorako aurreikusitako arrazoiren bat gertatzen denean, epaimahaiko kideek parte hartzeari uko egin beharko diote, eta hori jakinarazi deialdia egin duen organoari. Izangaiek, halaber, zilegi dute epaimahaikideak errefusatzea, egoera horietako bat gertatzen denean.

8.–Merezimenduen kalifikazioa.

8.1. 5.3 oinarrian zehazten den bezala, merezimendu guztiak agiriekin alegatu eta frogatu behar dira izangai bakoitzak lekualdatze lehiaketa honetan parte hartzeko eskaera aurkezten duenean; salbu eta administrazio publikoetan egindako zerbitzuen frogagiriak eta Nafarroako Administrazio Publikoaren Institutuak egindako ikastaroen frogagiriak, deialdia egin duen organoak zuzenean helaraziko baitizkio epaimahaiari.

8.2. Epaimahaiak azalpenak eta datu osagarriak eskatzen ahalko ditu, lehiatzaileek alegatu eta frogatutako merezimenduen gainean.

8.3. Alegatu eta frogatutako merezimenduak deialdi honen II. eranskinean azaltzen den baremoari jarraikiz kalifikatu eta puntuatuko ditu epaimahaiak.

8.4. Epaimahaiak ezin izanen du inolaz ere kontuan hartu alegatu gabeko eta agirien bidez frogatu gabeko merezimendurik, ezta atal bakoitzeko baremoan aipatzen den gehieneko puntuazioa baino altuagorik eman ere.

8.5. Lehiatzaileen puntuazioan berdinketarik izaten bada, administrazio publikoen zerbitzuan antzinatasunik handiena dutenen alde joko da. Hala ere berdinduta segitzen badute, lehiatzaile adinez zaharrenari emanen zaio lehentasuna.

8.6. Merezimenduen kalifikazioa bukatu ondoren, epaimahaiak argitara emanen du, Nafarroako Gobernuko iragarki oholean, izangai bakoitzak lortutako puntuazioa, eta bost egun balioduneko epea ezarriko du interesdunek merezimenduen balorazioaren gainean eskubideko jotzen duten guztia alega dezaten.

9.–Izangaien zerrenda, lortutako puntuazioaren araberakoa.

Epaimahaiak, aurkeztutako erreklamazioak ebatzi ondoan, izangaien behin betiko puntuazioak argitaratuko ditu Nafarroako Gobernuko iragarki oholean, eta izangaien zerrenda, lortutako puntuazioaren arabera ordenaturik, Nafarroako Funtzio Publikoaren zuzendari nagusiari igorriko dio, espediente osoarekin batera, behar den ebazpena eman dezan.

10.–Lanpostu hutsak hautatzea.

Lehiatzaileek lortutako puntuazioaren arabera aukeratzen ahalko dituzte lanpostu hutsak; horretarako, Funtzio Publikoaren Zuzendaritza Nagusiak ekitaldi baterako dei eginen du.

Horretarako, 15 egun naturaleko epea irekiko da, eta hartan parte-hartzaileek telematikoki eginen dute eskaera, www.navarra.es, “Lan publikoa” atalean ezarriko den loturaren bidez, eta bertan lehentasun ordenaren arabera zerrendatuko dira nahi diren plazak, bai hasierakoak bai ondoriozkoak.

Ezarritako epean eskaera bidaltzen ez duten lehiatzaileek lehiaketaren xede diren lanpostu hutsak betetzeko eskubide guztiak galduko dituzte.

Lanpostu hutsen esleipenari ezin izanen zaio uko egin.

Lanpostuak betetzeko Erregelamenduan xedatutakoarekin bat, kontuan harturik izangaien atxikipenak, hau da, izangaiak zein zuzendaritza nagusiri, erakunde autonomori edo zuzendaritza nagusi baten mende ez dagoen beheragoko zein unitate organikori atxikirik dauden, ezin izanen dituzte horietako lanpostu hutsak hautatu, salbu eta udalerria, zentroa edo lanaldi arrunt edo partzialeko araubidea aldatzen bada, erregelamendu horren 8.3 artikuluaren b), c) eta d) letretan xedatu bezala.

11.–Esleipena eta lanpostuaren jabetza hartzea.

11.1. Funtzio Publikoaren zuzendari nagusiak, ebazpen bidez, dagokien lanpostua esleituko die lehiatzaileei, eta hori Nafarroako Aldizkari Ofizialean argitara dadila aginduko du.

11.2. Lehiatzaileek esleipenari buruzko ebazpena jakinarazi eta hamar egun naturaleko epean jabetu beharko dute lanpostuaz, non eta deialdia egin duen organoak jabetza hartzeko beste data bat ezartzen ez duen ebazpen horretan.

12.–Aurkeztutako agiriak.

12.1. Izangaiek, baldin eta erreklamazio edo errekurtsorik jartzen ez bada, aurkezten dituzten agiriak berreskuratzen ahalko dituzte, halaxe eskatu ondotik. Agiriak berreskuratzeko eskaera hiru hilabeteko epean aurkezten ahalko da. Epe hori esleipenaren ebazpena Nafarroako Aldizkari Ofizialean argitaratu eta hiru hilabeteren buruan hasiko da.

12.2. Aurreko atalean ezarritako epea agiriak eraman gabe bukatzen bada, izangaiak agiriak berreskuratzeari uko egin diola ulertuko da eta, beraz, horretarako eskubidea galduko du eta agiriak suntsitu eginen dira.

12.3. Erreklamazio edo errekurtsoren bat aurkezten baldin bada, aurkeztutako agiriak gorde eginen dira, ikuskatu eta aztertzeko. Agiriak berreskuratzen ahalko dira erreklamazioaren edo errekurtsoaren tramitazioak horretarako aukera ematen duenean.

13.–Errekurtsoak.

Epaimahaiaren egintza eta ebazpenen kontra gora jotzeko errekurtsoa aurkezten ahal da, Funtzio Publikoaren zuzendari nagusiari zuzendua, errekurtsoaren xedeko egintza argitaratu edo jakinarazi eta biharamunetik hilabeteko epean.

Deialdiaren, oinarrien eta horiek aplikatzeko egintzen kontra, epaimahaiak hartutakoen kontra izan ezik, zilegi izanen da gora jotzeko errekurtsoa jartzea, Lehendakaritza, Justizia eta Barneko kontseilariari zuzendua, errekurtsoaren xedeko egintza argitaratu edo jakinarazi eta biharamunetik hasita hilabeteko epean.

Hori guztia Nafarroako Foru Komunitateko Administrazioari buruzko abenduaren 3ko 15/2004 Foru Legearen 57. artikuluan eta urtarrilaren 13ko 4/1999 Legeak aldatutako Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 114. eta 115. artikuluetan xedatutakoari jarraikiz.

Iruñean, 2014ko otsailaren 27an.–Funtzio Publikoaren zuzendari nagusia, Gregorio Eguílaz Gogorza.

I. ERANSKINA

Lekualdatze lehiaketan onartua izateko eskabidea

Deialdiaren datuak:

Lanpostua:

Lanpostu kopurua:

Deialdia Nafarroako Aldizkari Ofizialaren zein zenbakitan argitaratu zen: ............ Data: ...............................................................

Datu pertsonalak:

Izen-deiturak:

NANa edo agiri baliokidea:

Jaioteguna:

Jaioterria:

Helbidea:

Posta kodea:

Sakelako telefonoa:

2. telefonoa:

Helbide elektronikoa:

Datu administratiboak:

Deialdian parte hartzeko aukera ematen dion lanpostua:

Zein departamentu, zuzendaritza nagusi edo erakunde autonomori eta zein zerbitzuri atxikirik dagoen:

Behean adierazten den egunean burutza bat betetzen ari naiz:

Adierazi bidezkoa dena:

Nafarroako Foru Komunitateko Administrazioko eta haren erakunde autonomoetako funtzionarioa.

Nafarroako Foru Komunitateko eta haren erakunde autonomoetako estatutupeko langilea.

Nafarroako Foru Komunitateko eta haren erakunde autonomoetako lan-kontratudun finkoa.

Nafarroako Parlamentuko langile finkoa.

Lanpostu horretan zein administrazio egoeratan dagoen:

Jardunean

Zerbitzu berezietan

Nahitaezko eszedentzian

Eszedentzia berezian

Borondatezko eszedentzian

Ondoko hauen proba eskatzen du:

Euskara*

Ingelesa*

Zamak erabiltzeko gaitasunari buruzko osasun azterketa*

* Deialdian aurreikusita dagoenean bakarrik markatu.

Sinatzaileak ESKAERA egiten du eskabide honetan adierazitako prozesuan onartua izan dadin eta ADIERAZTEN DU, erantzukizuna berea izanik, bertan agertzen diren datu guztiak egiazkoak direla, deialdiaren oinarrian eskatutako betebehar guztiak betetzen dituela eta datu horiek guztiak agirien bidez frogatzeko konpromisoa hartzen duela.

Eskabidearekin batera, deialdian parte hartzeko eskatzen diren agiriak eta alegatu ditudan merezimenduen frogagiriak aurkeztu ditut, .......(e)tik ........... (e)ra numeratuak, baremoko puntuazio eskemari jarraikiz.

(Sinadura)

.................(e)n, 20...(e)ko .............aren ..............(e)an

FUNTZIO PUBLIKOAREN ZUZENDARI NAGUSIA.

LEHENDAKARITZA, JUSTIZIA ETA BARNE DEPARTAMENTUA.

Oharra: Datu Pertsonalak Babesteari buruzko abenduaren 13ko 15/1999 Lege Organikoan xedatutakoa betez, jakinarazten da agiri honetan ageri diren datuak eta administrazioarekin etorkizunean izan daitekeen zerbitzu harremanena kudeatzeko beharrezkoak diren gainerako guztiak datuen fitxategi automatizatu batean sartuko direla. Nafarroako Gobernuko Nafarroako Administrazio Publikoaren Institutua da fitxategi horren erantzulea, eta datuen konfidentzialtasuna bermatzen du.

Datuen titularrari jakinarazten zaio datu pertsonalak ikusi, zuzendu, ezabatu eta haien aurka jotzeko eskubidea erabiltzen ahal duela, datuak babesteko indarra duen araudiarekin bat.

II. ERANSKINA

Merezimenduak baloratzeko baremoa

A.–Administrazio publikoetan egindako zerbitzuak:

Administrazio publikoetan egindako zerbitzuak baloratzeko, puntu bat emanen zaio, urteko, deialdia argitaratzen den egunean onetsita dagoen antzinatasunari.

Oharrak:

1. Urteen kopurua osoa ez bada, zerbitzuan egindako aldiari proportzioan dagokion puntuazioa emanen zaie izangaiei.

2. Honako A) atal honi dagokion puntuazioa gehienez ere 30 puntukoa izanen da.

3. Deialdia argitaratu ondoren egindako zerbitzuak ez dira baloratuko.

B.–Prestakuntza, irakaskuntza eta ikerketa:

1) Erakunde edo zentro publikoek eta unibertsitateek antolatutako prestakuntza jardueretan parte hartzea: 0,10 puntu, kreditu akademiko edo horren baliokide bakoitzeko (10 ikastordu), eta gehienez ere 7 puntu.

Oharrak:

1. Baloratu beharreko ikastaroetan, ikastorduen zatikiak proportzionalki banatuko dira.

2. Ikastorduen kopurua agertzen ez duten ziurtagiriei kreditu bateko balorazioa emanen zaie.

3. Ikasturte bateko iraupena agertzen duten ziurtagiriei 12 kredituko balorazioa emanen zaie.

4. Erakunde antolatzaileari buruzko betebeharrak betetzen ez badituzte ere, administrazioak agindurik edo oniritzirik eginak diren prestakuntza ekintzetan parte hartzea puntuazio berarekin baloratuko da. Horien artean, espresuki, sindikatuek administrazio publikoetako etengabeko prestakuntzarako itunen barruan antolatutakoak sartuko dira.

5. Titulu akademiko bat eskuratzeko ikasketak, hala unibertsitatekoak nola unibertsitatez kanpokoak, ez dira atal honetan baloratuko.

2) Txostenak edo komunikazioak biltzarretan edo jardunaldietan aurkeztea, lan zientifiko edo ikerlan bekadunak edo sarituak egitea eta haiek aldizkari espezializatuetan argitaratzea: 2 puntu gehienez ere, epaimahaiak baloratu beharrekoak, kontuan izanik lana edo jarduera norbanakoak edo taldeka egina den, bai eta biltzarra edo argitalpena tokikoa, eskualdekoa, herrialdekoa edo nazioartekoa den ere.

3) Sektore publikoaren esparruan prestakuntza jardueretan irakasle gisa parte hartzea eta/edo haiek antolatzea: puntu bat gehienez ere; epaimahaiak baloratu beharrekoak haien iraupenaren arabera.

Oharrak B atal osorako:

1. Atal honetan aipatutako merezimenduak soilik baloratuko dira deialdiko lanpostuarekin zerikusia izanez gero.

2. Baremoaren B) atal honetako puntuazioa 10 puntukoa izanen da gehienez.

Puntuazio erantsia hizkuntzak jakiteagatik.

–Frantsesez, ingelesez edo alemanez jakiteagatik, Europar Batasuneko lan hizkuntzak diren aldetik, hizkuntza horietako bakoitzeko 2 puntu gehienez.

–Euskaraz jakiteagatik: plantilla organikoaren arabera, lanpostu horietan aritzeko euskaraz jakitea nahitaezkoa ez bada, 4,60 puntu bitarte destinoa eremu euskaldunean duten lanpostuetarako, eta 2,76 puntu bitarte destinoa eremu mistoan dutenetarako.

Ondorio horietarako, hizkuntza eskola ofizial batek emandako gaitasun agiria edo ofizialki haren baliokidea den titulua edo jakite maila edukiz gero, aurreko ataletan adierazi den gehieneko puntuazioa emanen da.

Titulurik edo balio berekotzat hartutako jakite mailarik eduki ezik, hizkuntza eskola ofizial batean gainditutako maila bakoitzagatik edo balio berekotzat hartutako jakite mailagatik gehieneko puntuazioaren 1/5 emanen da eta, euskararen kasuan, orobat, Nafarroako Gobernuak antolatutako ikastaroetan gainditutako urrats bakoitzeko 1/12 emanen da.

Izangai bakoitzak lau hizkuntza horietan zenbat dakien baloratzeko, Nafarroako Administrazio Publikoaren Institutuak espresuki antolatutako azterketen emaitzak erabiltzen ahalko dira; azterketa horiek bost zailtasun maila izanen dituzte, eta hizkuntza bakoitzari ematen ahal zaion gehieneko balorazioaren bostena emanen zaio maila bakoitzari.

Iragarkiaren kodea: F1403213