1. NAFARROAKO FORU KOMUNITATEA
1.1. XEDAPEN OROKORRAK
1.1.2. Foru Dekretuak
29/2014 FORU DEKRETUA, martxoaren 5ekoa, Nafarroako Foru Komunitateko Fiskaltzaren Bulego berriaren lanpostu zerrenda hasiera batean onesten duena.
Botere Judizialaren uztailaren 1eko 6/1985 Lege Organikoak, abenduaren 23ko 19/2003 Lege Organikoak aldatu ondoren, 521.1 artikuluan ezartzen du langileak antolatzea eta bulego judizialen egitura osatzen duten unitateetan sartzea onetsi beharreko lanpostu-zerrenden bidez eginen direla, eta zerrenda horiek publikoak izanen direla.
Abenduaren 23ko 19/2003 Lege Organikoaren zazpigarren xedapen gehigarriak jasotzen duenez, lege organiko horretan antolaketaren arloan ezarritako xedapenak eta arauak erreferentzia izanen dira fiskaltzetako eta fiskaltza atxikipenetako lanpostuak antolatzeko; lanpostu horietan soilik arituko dira Justizia Administrazioaren zerbitzuko kidegoetako funtzionarioak, eta lege honetan eta lege hau garatzeko ematen diren erregelamenduzko xedapenetan kidego horietarako ezartzen den estatutu juridikoaren arauak aplikatuko zaizkie.
Botere Judizialaren uztailaren 1eko 6/1985 Lege Organikoaren 522. artikuluan xedatutakoa aplikatuz, eskumenak beren gain hartuak dituzten autonomia erkidegoek beren lurraldeetako bulego judizialetako lanpostu-zerrendak onetsi beharko dituzte hasiera batean, Botere Judizialaren Kontseilu Nagusiak txostena emanda eta sindikatuekin negoziatu ondoren; behin betiko onespena Justizia Ministerioak emanen du, eta ukatzeko arrazoi bakarra legezkotasuna izanen da.
Nafarroako Gobernuko Lehendakaritza, Justizia eta Barne Departamentuko Lehendakaritza eta Justizia Zuzendaritza Nagusiak, bere eskumenez baliatuz, Nafarroako Foru Komunitateko Fiskaltzaren Bulego berriaren lanpostu-zerrenda egin du, eta foru dekretu honen eranskinean jaso da.
Hori horrela, Lehendakaritza, Justizia eta Barneko kontseilariak proposaturik, eta Nafarroako Gobernuak 2014ko martxoaren 5ean egindako bilkuran hartutako erabakiarekin bat,
DEKRETATU DUT:
Artikulu bakarra.–Hasiera batean onestea Nafarroako Foru Komunitateko Fiskaltzaren Bulego berriaren lanpostu-zerrenda, dekretu honen eranskinean jasota dagoena.
AZKEN XEDAPEN BAKARRA
Foru dekretu honek Nafarroako Aldizkari Ofizialean argitaratu eta biharamunean hartuko du indarra.
Iruñean, 2014ko martxoaren 5ean.–Nafarroako Gobernuko lehendakaria, Yolanda Barcina Angulo.–Lehendakaritza, Justizia eta Barneko kontseilaria, F. Javier Morrás Iturmendi.
KUDEAKETA ZENTROA: NAFARROAKO GOBERNUKO LEHENDAKARITZA, JUSTIZIA
ETA BARNE DEPARTAMENTUKO LEHENDAKARITZA ETA JUSTIZIA ZUZENDARITZA NAGUSIA
AUTONOMIA ERKIDEGOA: NAFARROA I. ERANSKINA |
KODEA | LANPOSTUAREN IZENA | KOPURUA | OSAG. OROKORRA | OSAG. BERARIAZKOA | LANPOSTU MOTA | KIDEGOA | MAILA | SARBIDEA | JATORRIKO ADM. | BALDINTZAK | BALORATU BEHARREKO MEREZIMENDUAK |
HERRIA: IRUÑA DESTINOKO ZENTROA: NAFARROAKO FORU KOMUNITATEKO FISKALTZAREN BARRUKO FISKALTZAREN BULEGOA |
| NFK-KO FISKALTZAREN KOORDINATZAILEA | 1 | 3.510,00 | 10.352,64 | Berezia | Kudeaketa P. eta A. | B | Lehiaketa berariazkoa | Justizia Adm. | Diplomaduna | 11/12/13/14/15/16/17/18/21/22/23/24/25/30/43/46/49/56/57/58/59/60/70/80 |
| IDAZKARI PERTSONALA | 1 | 2.984,28 / 2.242,68 | 5.693,04 / 4.727,16 | Berezia | Izapidetze P. eta A./ Laguntza Judiziala | C/D | Izendapen librea | Justizia Adm. | Batxilergoa/gradua/DBH/baliokidea | 21/22/24/43/46/49/50/57/59/60/70/71/72 |
| ERREGISTRO, ESTATISTIKA ETA KALITATEAREN KONTROLERAKO ARDURADUNA | 1 | 2.984,28 | 7.333,08 | Berezia | Tramitazio P. eta A. | C | Lehiaketa berariazkoa | Justizia Adm. | Batxillergoa/ Baliokidea | 21/22/23/24/25/30/42/43/46/50/56/57/59/60 |
| FISKALTZA BARRUKO FISKALTZAREN BULEGOKO KUDEAKETA P.eta A. | 1 | 3.510,00 | 7.692,00 | Orokorra | Kudeaketa P. eta A. | B | Lekualdatze lehiaketa | Justizia Adm. | Diplomaduna | |
| FISKALTZA BARRUKO FISKALTZAREN BULEGOKO IZAPIDETZE P.eta A. | 10 | 2.984,28 | 5.693,04 | Orokorra | Tramitazio P. eta A. | C | Lekualdatze lehiaketa | Justizia Adm. | Batxillergoa/ Baliokidea | |
| FISKALTZA BARRUKO F.B.ko LAGUNTZA JUDIZIALA | 3 | 2.242,68 | 4.727,16 | Orokorra | Laguntza Judiziala | D | Lekualdatze lehiaketa | Justizia Adm. | Gradua/ DBH/ Baliokidea | |
HERRIA: TUTERA DESTINOKO ZENTROA: TUTERAKO LURRALDE ATALEKO FISKALTZAREN BULEGOA |
| FISKALTZAREN LURRALDE ATALEKO IZAPIDETZE P. eta A. | 2 | 2.984,28 | 5.693,04 | Orokorra | Tramitazio P. eta A. | C | Lekualdatze lehiaketa | Justizia Adm. | Batxillergoa/ Baliokidea | |
| FISKALTZAREN LURRALDE ATALEKO LAGUNTZA JUDIZIALA | 1 | 2.242,68 | 4.727,16 | Orokorra | Laguntza Judiziala | D | Lekualdatze lehiaketa | Justizia Adm. | Gradua/ DBH/ Baliokidea | |
Fiskaltzaren Bulegoko koordinatzaile lanpostuko osagarri berariazkoan bere kidegoko oinarrizko soldataren %20ko igoera sartuta dago. Erregistro, Estatistika eta Kalitatearen Kontrolerako arduradunaren lanpostuko osagarri berariazkoan bere kidegoko oinarrizko soldataren %15eko igoera sartuta dago. F1403473 |
Iragarkiaren kodea: F1403473
