48. ALDIZKARIA - 2014ko martxoaren 11

4. PROZEDURA JUDIZIALAK

LIZARRAKO LEHEN AUZIALDIKO ETA INSTRUKZIOKO
2. EPAITEGIA

Ediktua. 44/2014 prozedura

Rafael Miguel Zapata Vázquez de Prada jauna, Lizarrako Lehen Auzialdiko eta Instrukzioko 2. Epaitegiko idazkari judiziala.

Aditzera ematen dut: epaitegi honetan traktua berriro hasteko 44/2014 jabari-espedientearen prozedura bideratzen ari da, Carmen Echavarri Gil andreak eskaturik, honako finka honen zuzenketa egiteko:

“Hiri-finka, 9 zenbakikoa, hiri honetako San Francisco Javier kaleko 14 zenbakiko etxean (gaur egun 16 zenbakikoa, udalaren arabera) hirugarren solairuko erdiko pisua (B letrakoa); etxebizitzarako pisua da, etxearen hirugarren solairuan dagoena, erdian, ondotik aipatzen den etxeko eskailera komunetik igoz. Azalera eraikia: ehun eta bi metro eta berrogeita lau zentimetro koadro. Azalera erabilgarria: laurogeita bost metro koadro. Gelak: sukaldea, jangela, hiru logela, bainugela, trastelekua, banatzeko korridorea eta, sarreran, atarte txiki bat. Mugak: bertara sartzean, parean, eskaileraren jaitsiera bat, pisura sartzeko tokia; eskuinean, solairu bereko ezkerreko eta eskuineko pisuak; ezkerrean, solairu bereko ezkerreko pisua; atzean, eraikinaren orubearen gainerako zatia, kale berri bat irekitzea xede duena, eta, partez, Los Llanos pasealekua”.

Honen bidez, egun honetako probidentzian erabakitakoarekin bat, eskatutako inskripzioaren ondorioz kalte har dezaketen pertsona aipatugabeei dei egiten zaie, ediktu hau argitaratu ondoko hamar eguneko epean espedientean ager daitezen eta eskubidez komeni zaiena alega dezaten.

Lizarran, 2014ko otsailaren 6an.–Idazkari judiziala, Rafael Miguel Zapata Vázquez de Prada.

Iragarkiaren kodea: J1402702