2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
URROTZ-HIRIA
2014ko zergak, tasak eta prezio publikoak
Urrotz-Hiriko Udalak, 2013ko abenduaren 17ko osoko bilkuran, ondoko zerga, tasa eta prezio publiko hauek onetsi zituen 2014rako:
7.–2014ko ekitaldirako zerga-tasa, prezio publiko, tarifa eta tasa fiskalen onespena.
Ikusirik 2014ko ekitaldirako zerga-tasa, prezio publiko, tarifa eta tasa fiskalei dagokien espedientea, baita azken horiek ezartzeko eta ordenatzeko ordenantza fiskalak ere.
Nafarroako Toki Ogasunei buruzko 2/1995 Foru Legearen 12 eta 13. artikuluetan eta Nafarroako Toki Administrazioari buruzko 6/1990 Foru Legearen 325. artikuluan eta ondokoetan xedatuari jarraikiz, Udalbatzak, osoko bilkuran, erabaki du 2014ko ekitaldiko zerga-tasa, tasa fiskal, tarifa eta prezio publikoak onestea.
ONDOKO ZERGA HAUETARAKO KARGA-TASEN EZARPENA
–Eraikuntza, instalazio eta obren gaineko zerga. Obren kostu erreal eta benetakoaren gainean (oinarria, obra gauzatzeko aurrekontua): %3.
–Hirilurren balio igoeraren gaineko zerga:
- 1.–Tarte guztietan aplikatzeko portzentajea, urtean: %3.
- 2.–Karga eskala, tasak denbora tarteka:
- 1.–0 - 5 urte: %15.
- 2.–5 - 10 urte: %12.
- 3.–10 - 15 urte: %10.
- 4.–15 urtetik goiti: %8.
–Lur-ondasunen gaineko kontribuzioa:
- 1.–Hirilurreko ondasunen gainekoa: %0,35.
- 2.–Landalurreko ondasunen gainekoa: %0.79.
IDAZKARITZAKO AGIRIAK LUZATZEKO TARIFAK
–Indarrean diren agirien ziurtagiriak: 1,20 euro.
–Artxiboko agirien ziurtagiriak: 3,00 euro.
–Fotokopiak, alde bakarretik.
- DIN A4, zuri-beltzezkoa: 0,10 euro.
- DIN A4, kolorezkoa: 0,50 euro.
- DIN A3, zuri-beltzezkoa: 0,15 euro.
- DIN A3, kolorezkoa: 0,75 euro.
–Konpultsak, orrialde edo orri bakoitzeko: 0,30 euro.
–Arma txartelen tramitazioa: 0,60 euro.
–Txostenak eta kontsultei erantzutea. 3 euro.
–Faxa eta zehaztu gabeak: 0,30 euro.
–Agiriak euskarri digitalean ematea: 2 euro.
HERRIKO JABARI PUBLIKOKO LURZORU, HEGALKIN
ETA ZORUPEAREN ERABILERA PRIBATIBO
EDO APROBETXAMENDU BEREZIEN TASAK
–I. epigrafea.–Zoruko aprobetxamendu bereziak.
I.1.–Mahaiak, aulkiak, beladoreak, metro karratu edo zatiki bakoitzeko, urtean: 30 euro.
I.2.–Bertzelako aprobetxamenduak:
a) Edukiontziak, aldamioak, hesiturak eta jarduera ekonomikoa ez den bertze edozer paratzeagatik, 10 metro karratu edo horren zatikitik:
–Egunean: 1 euro. (2 hilabeteko salbuespen aldia izanen da edukiontzietarako eta urtebetekoa, berriz, aldamio, hesitura eta abarretarako).
- II. epigrafea. Hegalkineko aprobetxamendu bereziak.
–10 metro karratu edo zatiki bakoitzeko, egunean: 0,50 euro.
- III. epigrafea. Lurpeko aprobetxamendu bereziak.
–Ezarritako biltontzi bakoitzeko, urtean: 1.250,00 euro.
- IV. epigrafea. Gutxieneko eskubideak.
Aurreko epigrafeetan azaldutakoak direla eta, ordaindu beharreko zenbatekoak ondoko kopuruetara iristen ez direnean, ondotik aipatzen diren gutxieneko zenbateko hauek ordainduko dira:
–Aldamioak: 40,00 euro.
–Hesiturak: 40,00 euro.
–Bertze aprobetxamendu batzuk: 40,00 euro.
TASAK, LIZENTZIAK, ORO HAR,
ETA BEREZIKI HIRIGINTZAKOAK EMATEKO
1.–Gutxieneko tasa, lizentzia: 10 euro.
2.–Kanpoko txostenak eta hirigintzako kontsulta txostendunak behar dituzten lizentzien espedienteak: 100 euro txosten bakoitzeko.
3.–Egunkarietan iragartzea behar duten lizentzien espedienteak: 300 euro iragarki bakoitzeko.
4.–Nafarroako Aldizkari Ofizialean iragarkia paratzea behar duten espedienteak: 10 euro iragarki bakoitzeko.
5.–Tasak, 4/2005 Foru Legearen 4D eranskineko jarduera sailkatuen lizentzien gaineko espedienteengatik: 240 euro, Gestión Ambiental de Navarrak luzatzen duen txosten bakoitzeko, eta 584 euro, teknikariak txostena prestatzeko egiten duen ikustaldi bakoitzeko.
6.–Tasak, 4/2005 Foru Legearen 4D eranskineko jarduerak irekitzeko lizentzien gaineko espedienteengatik: 360 euro, Gestión Ambiental de Navarrak luzatzen duen txosten bakoitzeko, eta 492 euro, teknikariak txostena prestatzeko egiten duen ikustaldi bakoitzeko.
7.–Tasak, 4/2005 Foru Legearen 4, 4B eta 4C eranskinetako jarduerak irekitzeko lizentziengatik: 600 euro, Gestión Ambiental de Navarrak luzatzen duen txosten bakoitzeko, eta 492 euro, teknikariak txostena prestatzeko egiten duen ikustaldi bakoitzeko.
8.–Tasak, 4/2005 Foru Legearen jarduera kaltegabearen lizentzien gaineko espedienteengatik: 146 euro, Gestión Ambiental de Navarrak luzatutako txosten bakoitzeko, eta 300 euro, teknikariak txostena prestatzeko egiten duen ikustaldi bakoitzeko.
9.–Tasak, 4/2005 Foru Legearen jarduera kaltegabea irekitzeko lizentzien gaineko espedienteengatik: 213 euro, Gestión Ambiental de Navarrak luzatutako txosten bakoitzeko, eta 300 euro, teknikariak txostena prestatzeko egiten duen ikustaldi bakoitzeko.
Tarifa horiek pilatu eginen dira, baldin eta lizentzia ematean tarifetan zehaztutako kasuetako bat baino gehiago elkartzen bada.
Kasu bakoitzeko txosten teknikoaren kostua epigrafean adierazitako zenbatekoa baino handiagoa bada, arabera berean goitituko da tasa.
HERRIKO JABARI PUBLIKOKO ZORU, HEGALKIN ETA ZORUPEAN HORNIDURA ZERBITZU PUBLIKOAK USTIATZEN DITUZTEN ENPRESEN APROBETXAMENDU BEREZIEN TASAK
Aplikatuko den tasa izanen da hornidurako zerbitzu publikoak ustiatzen dituzten enpresek lortutako diru-sarrera gordinen %1,5. Tasa hauek bateragarri izanen dira toki erakundeen eskumeneko zerbitzuak edo jarduerak egiteagatik ezar daitezkeenekin. Aipatu enpresek izan beharko dute haien subjektu pasiboak.
Gainerako zerga eta tasei dagokienez, aurreko urteko tasa eta kuotak izanen dira indarrean.
Erabaki honetan aurreikusi gabeko zerga-tasa eta zergapetze motetarako, horiek Urrotz-Hirian arautzen dituzten ordenantzei jarraituko zaie.
Urrotz-Hirian, 2014ko otsailaren 6an.–Alkate udalburua, Fermín Julián García Gobeo.
Iragarkiaren kodea: L1401990
