4. PROZEDURA JUDIZIALAK
BILBOKO LAN ARLOKO 10. EPAITEGIA
Ediktua. 976/2013 prozedura
Fátima Elorza Arizmendi andrea, Bilboko Lan arloko 10. Epaitegiko idazkari judiziala.
Aditzera ematen dut: Itziar Cajigas Panerak eta Confederación Sindicalek eskaturik, lan arazo kolektiboak direla eta, Arga Motor, S.L., Automotor Bikar, S.A., Automóviles Múgica, S.L., Carbizkaia, S.A., Carbizkaia Services, S.L., Easo Motor, S.L., Egiburu Logistic, S.L., Múgica e Izaguirre, S.L., Oarso Car, S.L. eta Vertiz Motor S.L. enpresen aurka lan arloko epaitegi honetan bideratzen ari diren gatazka kolektiboko 976/2013 autoetan honako hau eman da:
Zitazio zedula:
Zitatzeko agindu duen agintaria: Bilboko Lan arloko 10. Epaitegiko idazkari judiziala.
Zein auzitan: goian aipatutakoa.
Noiz eman den horretarako ebazpena: 2014/01/29.
Zitatzen den pertsona: Arga Motor, S.L., alderdi demandatua den aldetik.
Zitazioaren xedea: alderdi demandatu gisa parte hartzea adiskidetze-ekitaldian eta, beharrezkoa bada, judizioan.
Eta judizioko egitate eta inguruabarren gainean Itziar Cajigas Panerak eta Confederacion Sindical E.L.A.-S.T.V.k eskatutako galdeketari erantzutea, Epaitegiak bidezkotzat jotzen badu.
Zein toki, egun eta ordutan agertu behar duen:
2014ko otsailaren 24ko 09:00etan agertu beharko du adiskidetze-ekitaldira epaitegi honetako Idazkaritzan, Justizia Jauregiko 7. solairuan.
Ekitaldi horretan alderdiak bat etortzen ez badira, 09:30ean agertu beharko du 1. solairuan dagoen 12. judizio-aretoan (Barroeta Aldamar, 10), dagokion judizioa egitera.
Legezko ohartarazpenak:
1.–Bidezko arrazoirik gabe agertzen ez bazara, horrek ez du galaraziko adiskidetze-ekitaldia eta judizioa egitea, eta judizioak aurrera jarraituko du, auzi-iheslaria dela deklaratu beharrik izan gabe (Lan arloko Jurisdikzioa arautzen duen Legearen 83.3 artikulua).
Gainera, judizioan egin beharreko galdeketari dagokionez, galderetan aipatzen diren egitateak aitortutzat jo ahal izanen dira, betiere haietan pertsonalki aritu bada eta haiek egiazkotzat jotzeak kalte egiten badio erabat zein hein batean (Lan arloko Jurisdikzioa arautzen duen Legearen 91.2 artikulua).
Galdeketa ez baldin bada egitate pertsonalei buruzkoa, onartu ahalko da egitateak pertsonalki ezagutzen dituen hirugarren batek erantzutea, osoa edo zati bat, betiere galdeketa egiteko unean pertsona hori epaitegiaren eskura baldin badago, hala eskatzen baduzu eta deklarazioaren erantzukizuna onartzen baduzu (Lan arloko Jurisdikzioa arautzen duen Legearen 91.4 artikulua).
2.–Erabili nahi dituzun frogabide guztiak eraman behar dituzu judiziora (Lan arloko Jurisdikzioa arautzen duen Legearen 82.3 artikulua). Frogabideak agiriak badira, behar bezala aurkeztuak, ordenatuak eta zenbatuak izan beharko dira (Lan arloko Jurisdikzioa arautzen duen Legearen 94. artikulua).
3.–Alderdiek adiskidetzea formalizatzen ahalko dute judizioa saihesteko, horretarako bulego judizialean agertuz, jarritako egunaren zain egon gabe, eta zilegi izanen dute, orobat, auzia Lan arloko Jurisdikzioa arautzen duen Legean xedatutakoaren arabera eratuta dauden bitartekotza prozeduren mende jartzea, nahiz eta horrek ez duen etetea ekarriko, bi alderdiek adostasunez eskatzen ez badute behintzat, bitartekotzaren mende jartzea justifikatuz (Lan arloko Jurisdikzioa arautzen duen Legearen 82.3 artikulua).
4.–Alderdi demandatzaileak zure esku dagoen agiriren bat froga moduan proposatu eta epaitegiak onartu badu, aurkeztu egin beharko duzu. Bidezko arrazoirik gabe aurkezten ez baduzu, erabakitako frogari dagokionez kontrako alderdiak egiten dituen alegazioak frogatutzat jo ahalko dira (Lan arloko Jurisdikzioa arautzen duen Legearen 94.2 artikulua).
5.–Aditzera ematen zaio alderdi demandatzailea legelari batek lagunduta agertuko dela judizioan. Zuk ere horietako profesional batekin agertzeko asmorik baldin baduzu, Epaitegiari jakinarazi beharko diozu, idatziz, zitazioaren ondoko bi egunetan. Hala egiten ez baduzu, ulertuko da uko egiten diozula judizio egintzan profesional horiez baliatzeko eskubideari (Lan arloko Jurisdikzioa arautzen duen Legearen 21.2 artikulua).
6.–Epaitegi honetan aurkezten duzun lehen idazkian edo agertzen zaren lehen aldian, jakinarazpenetarako helbide bat eta datu guztiak adierazi beharko dituzu (Lan arloko Jurisdikzioa arautzen duen Legearen 53.2 artikulua).
Jakinarazpenetarako emandako helbideak eta datuek ondorio osoak izanen dituzte, eta haietan eraginik gabe egindako jakinarazpenak baliozkoak izanen dira, bestelako datuak ematen ez diren bitartean; zure betebeharra da haiek eguneratzea. Halaber, telefono zenbakia, faxa, helbide elektronikoa edo antzekoa aldatzen denean, bulego judizial honi jakinarazi beharko zaio, baldin eta epaitegiarekin komunikatzeko erabiltzen bada (Lan arloko Jurisdikzioa arautzen duen Legearen 53.2 artikuluaren bigarren lerroaldea).
7.–Pertsona fisikoen edo erakunde sozialen ordezkaritza notario-ahalordearen bidez frogatu behar da, edo bestela idazkari judizialaren aurrean aurkeztuz izendatu behar da ordezkaria.
8.–NANa, pasaportea edo egoiliar txartela ekarri behar duzu ekitaldira.
Bilbon (Bizkaia), 2014ko urtarrilaren 29an. Idazkari judiziala.
Eta Arga Motor, S.L.ri legezko jakinarazpena egiteko balio izan dezan, non den jakiterik ez baitago, honako hau egiten dut Nafarroako Aldizkari Ofizialean argitara dadin.
Hartzaileari ohartarazten zaio bulego judizialeko iragarki-oholean eginen direla hurrengo komunikazioak, salbu eta autoenak, epaienak, prozesuari amaiera ematen dioten edo auzia ebazten duten dekretuenak edo epatzeenak.
Bilbon (Bizkaia), 2014ko urtarrilaren 29an.–Idazkari judiziala, Fátima Elorza Arizmendi.
Iragarkiaren kodea: J1401807