2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
GARINOAIN
Alkatetzaren eginkizunen eskuordetzea
Alkateak 5/2014 Ebazpena eman du. Hona hemen testua:
Alkatetza honi legeak aitortzen dio eskudantzia batzuk Udalbatzako beste organoen eskutan uzteko aukera, baldin eta Toki Araubidearen Oinarriak arautzen dituen apirilaren 2ko 7/1985 Legearen 21.3 artikuluan debekatutako kasuren batean sarturik ez badaude. Azkar ebazten duten organoetan udal kudeaketa hobetzeko xedea izanik, komenigarria da ondotik aipatzen diren eskumenak eskuordetzea, prozedurak arintzeko zerbitzuen eraginkortasun maila handituz. Horrenbestez, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 13.1 artikuluan, Toki Araubidearen Oinarriak arautzen dituen apirilaren 2ko 7/1985 Legearen 21.3 artikuluan eta azaroaren 28ko 2568/1986 Errege Dekretuaren bidez onetsitako Toki Entitateen Antolaketari, Funtzionamenduari eta Araubide Juridikoari buruzko Erregelamenduren 43., 44., 45., 114.etik 118.era, 120. eta 121. artikuluetan ezarritakoari jarraikiz.
Horiek horrela eta Toki Araubidearen Oinarriak arautzen dituen apirilaren 2ko 7/1985 Legearen 21. artikuluan ezarritakoari jarraituz.
Indarra duen legediak ematen dizkidan ahalmenak erabiliz,
EBATZI DUT:
Lehenbizikoa.–Garinoaingo Tokiko Gobernu Batzarraren esku eginkizun hauek uztea:
–Udala ordezkatzea.
–Udal zerbitzu eta obrak zuzendu, ikuskatu eta sustatzea.
–Gastuak xedatzea, betiere haren eskumenen barrenean.
–Lan publikoaren eskaintza onestea, Osoko Bilkurak onetsitako aurrekontuari eta plantilla organikoari jarraikiz, langileak hautatzeko probetarako eta lanpostuak betetzeko deialdietarako oinarriak onestea eta finko eta aldizkakoak ez diren ordainsari osagarriak banatzea.
–Planeamendu orokorra garatzeko tresnen onespenak, betiere Osoko Bilkurak berariaz esleituak ez baditu, baita hirigintzaren kudeaketarako eta urbanizazio proiektuetako tresnen onespena ere.
–Agintariei eginiko desobeditzeak edo udal ordenantzei eginiko arau-hausteak zehatzea, beste organo batzuen ahalmena denean salbu.
–Mota guztietako kontratazio eta kontzesioak, haien zenbatekoa aurrekontuaren baliabide arrunten %10 baino gehiago ez bada, ezta, betiere, 6 milioi euro baino gehiago ere; horien artean urte anitzetakoak ere sartzen dira, 4 urte baino gehiago iraun behar ez badute, betiere urteko guztien zenbateko metatuak aipatu portzentajea gainditzen ez badu lehen ekitaldiko aurrekontuaren baliabide arrunten gainean, ezta aipatu zenbatekoa ere.
–Obren proiektuak eta zerbitzuenak onestea, kontratazioa edo kontzesioa egiteko eskumena duenean eta aurrekontuan sartuta daudenean.
–Udal ordenantzak eta erregelamenduak betearaztea.
–Obrak eta zerbitzuak zuzendu, bultzatu eta ikuskatzea, horiek gauzatzeko erabakia hartua dagoenean, eta beharrezkoak diren aholku teknikoak jasotzea.
–Obren proiektuak eta zerbitzuak onestea, kontratazioa edo kontzesioa egiteko eskumena duenean eta aurrekontuan aurreikusita daudenean.
–Ondasunak eta eskubideak erostea, haien balioa aurrekontuko baliabide arrunten %10 baino gehiago ez bada, ezta, betiere, 3 euro milioi baino gehiago ere, baita ondarearen besterentzea ere, delako portzentajea ezta delako zenbatekoa gainditzen ez badute, kasu hauetan:
1. Ondasun higiezinak, betiere aurrekontuan aurreikusita badago.
2. Ondasun higigarriak, balio historiko edo artistikoaren deklarazioa dutenak izan ezik, haien besterentzea aurrekontuan aurreikusi ez bada.
–Udalaren erabakiak argitaratzeko eta betetzeko agintzea eta betearaztea.
Bigarrena.–Andrés Valencia eta Miguel Laspalas zinegotzien esku eskumen hauek uztea:
TITULARRA | EREMUA |
Andrés Valencia | Mantentze-lanak egitea Garinoaingo ekipamendu eremuetan eta ondasunetan, Haur Eskolan eta Musika Eskolan. |
Miguel Laspalas | Garinoaingo belardiak, larreak, uztondoak, bideak eta herri ondasunak. |
Eskuordetzeak bere ditu zuzendaritza eta kudeaketa ahalmenak, baita administrazio prozedurak hirugarrenengan eragina duten egintza administratiboen bitartez ebazteko ahalmena ere. Organo delegatuak erreferentziako aldian egiten dituen kudeaketen eta ematen dituen xedapenen berri eman beharko dio, gero, Alkatetza honi, erabakitzen denean behin edo hala eskatzen zaion aldiro; eta aldez aurretik, berriz, munta duten erabakietan, Toki Entitateen Antolaketari, Funtzionamenduari eta Araubide Juridikoari buruzko Erregelamendua onesten duen azaroaren 28ko 2568/1986 Errege Dekretuaren 115. artikuluak aipatzen duen gisara.
Gobernu Batzarreko kideak bere delegatu zaizkion eskudantziak erabiltzen dituenetan, inguruabar hori adieraziko du espresuki, eta Udal honetako Alkateak egintzat hartuko dira. Horrenbestez, Alkatetzak ebatzi beharko ditu egintza horien kontra aurkezten diren berraztertzeko errekurtsoak. Dekretu honetan egindako eskuordetzeak, indarra har dezan, organo delegatuaren onarpena beharko du. Isilbidez eman dela ulertuko da baldin eta ebazpena jakinarazi eta hiru egun baliodunean Udal honetako Alkatetzari kontrakoa adierazten ez bazaio.
Garinoainen, 2014ko urtarrilaren 21ean.–Alkate udalburua, Jose Luis Echarri Cabodevilla.
Iragarkiaren kodea: L1401018