1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
2286/2013 EBAZPENA, azaroaren 26koa, Nafarroako Enplegu Zerbitzuko zuzendari kudeatzaileak emana, Amaya Bengochea Carpena andrea Nafarroako Enplegu Zerbitzuko Bitartekaritza Ataleko buru izendatzen duena bitarte baterako.
Nafarroako Foru Komunitateko Administrazioari buruzko abenduaren 3ko 15/2004 Foru Legeak 27.3 artikuluan ezartzen du atalburuak, bulegoburuak eta ataletik beherako unitateetako buruak Foru Komunitateko funtzio publikoari buruzko legedian ezartzen denari jarraikiz izendatuko eta kargutik kenduko direla.
Horrenbestez, Nafarroako Foru Komunitateko Administrazioaren eta haren erakunde autonomoen organoetako langileen arloko eskudantziak zehazten dituen otsailaren 21eko 30/2005 Foru Dekretuaren 8. artikuluak eta martxoaren 14ko 15/2012 Foru Dekretuaren bidez onetsitako Nafarroako Enplegu Zerbitzuaren Estatutuek xedatutakoari jarraikiz,
EBATZI DUT:
1. Amaya Bengochea Carpena andrea, Foru Komunitateko Administrazioko funtzionarioa, Nafarroako Enplegu Zerbitzuko Bitartekaritza Ataleko buru izendatzea bitarte baterako.
2. Ebazpen hau Funtzio Publikoaren Zuzendaritza Nagusira, Nominen eta Gizarte Segurantzaren Atalera eta Nafarroako Enplegu Zerbitzuko Bitartekaritza eta Orientazio Zerbitzura igortzea.
3. Ebazpen hau interesdunari jakinaraztea.
4. Ebazpen hau Nafarroako Aldizkari Ofizialean argitaratzea, behar diren ondorioak izan ditzan.
Iruñean, 2013ko azaroaren 26an.–Nafarroako Enplegu Zerbitzuko zuzendari kudeatzailea, María Isabel García Malo.
Iragarkiaren kodea: F1401341