2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
BEINTZA-LABAIEN
2015eko karga-tasak. Onespena
Udalak, 2014ko azaroaren 24ko osoko bilkuran, jarraian osorik ematen den erabakia hartu zuen:
Nafarroako Toki Ogasunei buruzko 2/1995 Foru Legean xedatuarekin bat, aho batez erabaki da karga-tasa hauek ezartzea 2015erako:
1.–Hirilurreko ondasunen gaineko kontribuzioa: %0,24.
2.–Landalurreko ondasunen gaineko kontribuzioa: %0,46.
3.–Eraikuntza, instalazio eta obren gaineko zerga: %2.
4.–Hirilurren balio igoeraren gaineko zergari dagokionez, 2/1995 Foru Legearen 175. artikuluan ezarritako gehieneko portzentajeak aplikatzea. Karga-tasa: %12.
5.–Jarduera ekonomikoen gaineko zerga: 1 indizea.
Erabaki hauek 2015eko urtarrilaren 1ean hartuko dute indarra.
6.–Erabakia Nafarroako Aldizkari Ofizialean eta iragarki oholean argitaratzea, orok jakin dezan, eta ohartaraztea erabaki horren aurka errekurtso hauetako bat aurkez daitekeela:
–Gora jotzeko errekurtsoa, Nafarroako Administrazio Auzitegiari zuzendua, hilabeteko epean, jakinarazten denetik hasita.
–Administrazioarekiko auzi-errekurtsoa, Nafarroako Auzitegi Nagusiko arlo bereko salari zuzendua, bi hilabeteko epean, jakinarazi eta biharamunetik aitzina; aldez aurretik, kasua bada, eta hautara, berraztertzeko errekurtsoa, Udalaren osoko bilkurari zuzendua, hilabeteko epean.
Beintza-Labaienen, 2014ko abenduaren 1ean.–Alkatea, Jon Telletxea Juanenea.
Iragarkiaren kodea: L1416390
