Iragarkia

242. ALDIZKARIA - 2014ko abenduaren 12a

2. NAFARROAKO TOKI ADMINISTRAZIOA

2.2. XEDAPEN ETA IRAGARKIAK, HERRIEN ARABERA ANTOLATUAK

BAZTAN

Giltxaurdi Udalaren kirol instalazioaren tarifa berriak

Baztango Udalak, 2014ko urriaren 30ean egin osoko bilkura arruntean, 10. puntuan erabaki zuen onestea Giltxaurdi SLk aurkeztutako Gitxaurdi Udalaren kirol instalazioaren tarifa berriak.

Tarifa berriak 2015eko urtarrilaren 1etik aitzina aplikatuko dira. Argitara ematen da orok jakin dezan.

Baztanen, 2014ko urriaren 30ean.–Alkatea, Garbiñe Elizegi Narbarte.

GILTXAURDI UDALAREN KIROL INSTALAZIOA

1.–Tarifak.

1.1. Hilabeteko abonamendua:

Dokumentazioa bideratzen den egunetik aitzina, instalazioa 30 egun natural jarraian erabiltzeko aukera ematen du.

1.2. Urteko abonamendua:

1.3. Neguko abonamendua:

1.4. Udako abonamendua:

1.5. Eguneko sarrera:

Instalazioa egun osoan zehar erabiltzeko aukera ematen du.

1.6. 10 Eguneko abonamendua:

10 egunez instalazioa egun osoan zehar erabiltzeko aukera ematen du. Dokumentazioa bideratzen den egunetik, 60 eguneko epea izanen da sarrerak erabili ahal izateko.

1.7. Taldeko sarrera:

Antolatutako taldeak sarreran %50ko deskontua instalazioa 12:30-15:30 ordutegian erabiliz gero.

2.–Hobariak.

2.1. Urteko abonatuek Udalak onartzen dituen hobariak lortzeko aukera izanen dute:

2.1.1. Errentan araberako hobariak (I. eranskina).

2.1.2. Jarduera orokorretan, urteko abonatuek %50eko deskontua izanen dute. Igeriketa ikastaroetan urteko abonatuek %40ko deskontua izanen dute.

2.1.3. Familia ugaria, urteko abonamenduan: %15eko deskontua bere mailari dagokion kuotan.

Matrikula egiteko garaian, familia ugariko ziurtagiri eguneratua aurkeztu beharko da.

Behin hobaria jasota, hurrengo urte naturalean hobaria izaten jarraitzeko, azaroaren 1etik 30era beharrezkoak diren agiriak aurkeztu beharko dituzte.

2.1.4. Bi guraso abonatu urteko abonamenduan.

4-13 urte bitarteko abonatu berriek sarrera dohainik.

4-9 urte bitarteko urteko abonatuek %11ko deskontua, bere mailari dagokion kuotan.

2.2. Minusbaliotasuna duten pertsonak. Erakunde publiko batek luzatutako ziurtagiri baten bidez justifikatu beharko du.

Minusbaliotasun maila %33 eta %65 artekoa duten pertsonak, %75ko deskontua bere mailari dagokion kuotan.

%66ko minusbaliotasuna baino handiagoa duten pertsonek doan izango dute sarrera.

3.–Arau zehatzak.

–Txartela bikoiztea: 5,00 euro.

–Urteko edo neguko abonamendua egin nahiz gero, beharrezkoa da hasierako sarrera ordaintzea.

–Kuota bat ez ordaintzeak abonamendua galtzea ekarriko du.

–Ordainagiri bat itzultzeak, hark sor ditzazkeen gastuak ordaintzea ekarriko du.

I. ERANSKINA

Errentan araberako hobariak

1.–Helburua.

Araututako hobarien helburua errenta baxuko herritarrei ere kirol jarduera fisikoa egitera bultzatzea da, kirolean jarduteak herritarren bizi-kalitatea hobetzen eta edonor pertsona gisa erabat garatzen laguntzen duelako. Gainera, Giltxaurdi Udalaren kirol instalazioaren iritziz, herritar guztiek dute kirola eta jarduera fisikoa egiteko eskubidea, kirol jarduerak osasungarriak eta atsegingarriak dira, lagungarriak herritar guztiak gizarteratzeko eta giza harremanetarako, eta herri agintarien betebeharra da horrelako jarduerak sustatzea.

2.–Hartzaileak.

Eskatzaileek aldez aurretik bete beharreko baldintzak hauek dira:

1. Eskatzen den urteko urtarrilaren 1.a baino lehen Baztanen erroldaturik egotea.

2. Udal zerga guztiak ordainduta edukitzea.

3.–Aplikazio arauak:

1. Eskabide orri betea.

2. Elkarbizitza unitateko zenbatekoa erabakitzerakoan, (onuradunen 1 atalean) Baztango Biztanleen Udal Erroldaren azken eguneratzean ageri den informazioa hartuko da aintzat. Aurkeztuko da Bizikidetasun ziurtagiria.

3. Sarrera ekonomikoengatiko hobariak ezarriko dira ondotik azaltzen den taularen arabera. Aurkeztu behar da soldata, pentsio, alokairu edo beste edozein kontzeptugatik nolabaiteko kobrantzarik jasotzen duten famili unitateko kide guztien sarreren egiaztagiria.

4. Hobaria, eskaera onartutakoan aplikatuko da.

5. Errentaren araberako hobariak eta gainontzekoak metatu ezin direnez gero, onuradunak gehien interesatzen zaiona aukeratu ahal izanen du.

6. Hobaridunak bere egoeran (hobariarekin zerikusia duena) ematen den edozein aldaketaren berri emateko konpromisoa hartzen du bere gain.

7. Nolanahi ere, hobaria emanten bada, eskatu den tarifarako bakarrik dela ulertzen da.

8. Eskaerak urtero aurkeztu beharko dira, aitzineko urteko azaroaren 1etik 30era.

Baliabideen zenbatekoa zehazteko, bizikidetza-unitatea osatzen duten pertsonak edo pertsonek jasotzen dituzten baliabide guztiak hartuko dira kontuan (errentak, ordainsariak, pentsioak eta beste edozein titulu edo kontzeptu).

Iragarkiaren kodea: L1416686