2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
IRUÑA
Diru-laguntzen deialdia, mugitzeko zailtasun larriak dituzten pertsonek bono-taxia erabil dezaten (2014. urtea)
Iruñeko Udaleko Gizarte Ongizate eta Berdintasun Zinegotzigo Delegatuak 2014ko urtarrilaren 24an emaniko ebazpenaren bitartez, diru-laguntzak banakako ebaluazio-araubidean emateko deialdia onetsi da, mugitzeko zailtasun larriak dituzten pertsonei egokitutako garraio alternatiboa eskaintzeko 2014. urtean, bono-taxiaz baliatuta, betiere jarraian zehazten diren baldintza orokorrekin bat.
Diru-laguntzaren xedea: aipatutakoa.
Esleitzeko era: deialdi publikoa, banakako ebaluazio-araubidean.
Aurreikusitako zenbatekoa, gehienez: 160.000 euro.
Oinarriak non jaso: Iruñeko Udaleko Erregistro Orokorrean (Kondestablearen Jauregia - Kale Nagusia 2, behea), auzo-unitateetan eta webgunean (www.pamplona.es).
Eskabideak non aurkeztu: Iruñeko Udaleko Erregistro Orokorrean (Kondestablearen Jauregia - Kale Nagusia 2, behea), erregistro osagarrietan (Descalzos k. 72, 2. solairua; San Saturnino k. 2, behea; Iratxeko monasterioaren k. 2, behea; Armada etorbidea 2, 5. solairua; Eslava k. 1, behea; eta Zapatería k. 40, behea) edo, bestela, Herri Administrazioen Araubide Juridikoaren eta Administrazio Prozedura Erkidearen Legearen 38. artikuluak aurreikusten dituen beste edozeinetan.
Eskabideak aurkezteko epea: eskabideak aurkezteko epea deialdi hau Nafarroako Aldizkari Ofizialean argitaratu eta hurrengo egun baliodunean hasiko da, eta deialdiaren indarraldi osoa hartuko du. Nolanahi ere, urriaren 15aren ostean aurkeztutako eskabideak 2015eko aurrekontuaren eta deialdiaren menpe geratuko dira.
Iruñean, 2014ko urtarrilaren 27an.–Ana Lezcano Galar, Gizarte Ongizate eta Berdintasuneko Zinegotzi Delegatua.
Iragarkiaren kodea: L1401316
