1. NAFARROAKO FORU KOMUNITATEA
1.3. LURRALDEAREN ANTOLAMENDUA ETA HIRIGINTZA
4E/2014 FORU AGINDUA, urtarrilaren 20koa, Sustapeneko kontseilariak emana, Larragako Udal Planaren 2. poligonoko 1701., 1703., 1705. eta 1706. lurzatietan egiturazko aldaketa batzuk egiteko espedientea, “Granja La Patirroja, S.A. sozietateak sustatua, behin betiko onesten duena.
Larragako Udalak idazpuruan azaltzen den espedientea aurkeztu du Sustapen Departamentuan, behin betiko onetsia izan dadin. Helburua da 2. poligonoko 1701., 1703., 1705. eta 1706. lurzatientzat ezarritako kategoria eta araubidea aldatzea, oihan lurrak izatetik babestu beharreko lurzoruen kategoriara igarotzeko (natur ustiategiaren azpikategoria), LAP-4an ezarritako determinazioekin eta lurren errealitate fisikoarekin bat.
Ikusita aurkeztu den dokumentazioa, baita Lurraldearen Antolamendu eta Hirigintza Zerbitzuaren txostena ere, bidezkotzat jotzen da hura behin betiko onestea.
Sustapen Departamentuaren egitura organikoa ezarri zuen martxoaren 20ko 21/2013 Foru Dekretuaren bidez eskuratu ditudan ahalmenak erabiliz,
AGINDU DUT:
1. Behin betiko onestea Larragako Udal Planaren 2. poligonoko 1701., 1703., 1705. eta 1706. lurzatietan egiturazko aldaketa batzuk egiteko espedientea, “Granja La Patirroja, S.A.” sozietateak sustatua.
2. Adieraztea foru agindu honek ez duela administrazio bidea amaitzen. Administrazio publikoak ez diren interesdunek gora jotzeko errekurtsoa aurkezten ahal dute, Nafarroako Gobernuari zuzendua, legezkotasuna kontrolatzen duen onespen honen aurka, foru agindu hau jakinarazi edo Nafarroako Aldizkari Ofizialean argitaratu eta biharamunetik hilabeteko epean.
Halaber, onetsitako hirigintza araudiaren kontra administrazioarekiko auzi-errekurtsoa jar daiteke, Nafarroako Justizia Auzitegi Nagusiko Administrazioarekiko Auzien Salari zuzendua, edukia Nafarroako Aldizkari Ofizialean argitaratu eta bi hilabeteko epean, dagokion udalak eskaturik.
Administrazio publikoek zilegi dute administrazioarekiko auzi-errekurtsoa jartzea, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean. Horrek ez du alde batera uzten Nafarroako Gobernuan aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan aurreikusitako moduan eta epean.
3. Foru agindu hau Granja La Patirroja, S.A.ri eta Larragako Udalari jakinaraztea, dagokion hirigintza arloko araudia Nafarroako Aldizkari Ofizialean argitara dezan.
4. Foru agindu hau Nafarroako Aldizkari Ofizialean argitaratzea, behar diren ondorioak izan ditzan.
Iruñean, 2014ko urtarrilaren 20an.–Sustapeneko kontseilaria, Luis Zarraluqui Ortigosa.
Iragarkiaren kodea: F1400942
