4. PROZEDURA JUDIZIALAK
IRUÑEKO LAN ARLOKO 2. EPAITEGIA
Enkanterako deialdiaren ediktua. 193/2012 betearazpen-prozedura
Aránzazu Ballesteros Pérez de Albéniz andrea, Lan arloko 2. Epaitegiko idazkari judiziala.
Aditzera ematen dut: 193/2012 betearazpen-prozeduran, Aziz Bouharrak, Alberto Aguirre Vitasek, Mohammed El Fahsik, Rachid Afafek eta Svetoslav Atanasov Golevek eskaturik bideratu baita Bensatrans 2002, SLren kontra, hurrengo ondasuna enkante bidez besterentzea erabaki da:
–Ondasuna edo ondasun lotea: R1655BBS ibilgailua, Lecitrailer marka, LYFT 3E modeloa, 7.800,00 euroan baloratua, eta R0822BBT ibilgailua, mch 96 35 sa3 modeloa, ACM markakoa, 9.000,00 euroan baloratua.
–Balorazioa: R1655BBS ibilgailua, Lecitrailer marka, LYFT 3E modeloa, 7.800,00 euroan baloratua, eta R0822BBT ibilgailua, mch 96 35 sa3 modeloa, ACM markakoa, 9.000,00 euroan baloratua.
–Gordeta dauden tokia: Mélidako (Nafarroa) Bajo Aragón industrialdea, zelai batean zigilatuak, AN gasolindegiaren eta oilasko hiltegiaren parean.
–Balorazioa: R1655BBS ibilgailua, Lecitrailer marka, LYFT 3E modeloa, 7.800,00 euroan baloratua, eta R0822BBT ibilgailua, mch 96 35 sa3 modeloa, ACM markakoa, 9.000,00 euroan baloratua. Enkantea egiteko tokia, eguna eta ordua: 2014ko abenduaren 10ean, 13:00etan, organo honetako 104 judizio aretoan (1. solairuan).
–Enkantea honako hauei jarraikiz eginen da:
Lehenbizikoa.–Errematea egin aurretik zordunak bere ondasunak askatzen ahalko ditu, printzipala, interesak eta kostuak ordainduz.
Bigarrena.–Lizitatzaileek beren nortasuna behar bezala frogatu beharko dute, enkantearen baldintza orokorrak eta partikularrak ezagutzen dituztela adierazi, eta enkanteko ondasunen tasazio-balioaren %5 sartu izanaren gordekina aurkeztuko dute (epaitegi honek Santanderren duen Gordailu eta Kontsignazioen kontuan, Iruñeko Nafarroako Gorteen kaleko 5eko sukurtsalean, ES55 0049 3569 9200 05001274 kontuan, 3159 0000 64 0193/12 kontzeptua jarriz) edo, bestela, kopuru hori adinako banku-abala jarri izanarena. Lizitatzaileak gordailu hori osorik edo partez hirugarren batengandik jasotako diruarekin egiten badu, halaxe adierazi beharko da diru-sarreraren gordekinean, Prozedura Zibilari buruzko Legearen 652. artikuluaren 2. idatz-zatian xedatutakoaren ondorioetarako.
Prozedura Zibilari buruzko Legearen 652. artikuluaren 1. idatz-zatian xedatutakoarekin bat, enkantean parte hartzeko jarritako diru kopuruak itzuli eginen dira enkantea bukatu ondoren.
Hirugarrena.–Idatzizko posturak iragarki hau argitaratzen denetik enkantea egin arte aurkezten ahalko dira, gutun-azal itxian. Horren barnean erantsi beharko dira posturagilearen behar adinako identifikazioa, enkantearen baldintzak ezagutzen dituelako adierazpena eta aurreko baldintzan aipatutako gordailua egin izanaren frogagiria. Gutun-azal itxiak enkantearen hasieran irekiko dira, eta haietako posturak besteekin batera aditzera emanen dira, eta ahoz egiten direnen ondorio berberak izanen dituzte.
Laugarrena.–Alderdi betearazleak enkantean parte har dezake, bakar-bakarrik, lizitatzailerik badago. Egiten diren posturak hobetzen ahalko ditu, eta horretarako ez du dirurik jarri beharko.
Bosgarrena.–Posturak egin eta errematea hirugarren bati lagatzeko ahalmena alderdi betearazleari dagokio, ez beste inori.
Seigarrena.–Enkantean nahi adina diru eskaintzen ahalko da, baina errematea zuzenean onets dadin, eskainitako diru kopururik handiena enkantean jarritako ondasunen balioaren %50 izan behar da gutxienez ere, ordainketa geroratzeko eskaini gabe. Postura ehuneko horretatik beherakoa bada, PZLaren 650. artikuluan adierazitakoari jarraikiko zaio.
Zazpigarrena.–Errematearen prezioa 10 eguneko epean ordaindu beharko da, errematea onesten denetik hasita.
Zortzigarrena.–Enkantea eman gabe gertatuz gero, betearazleek edo, bestela, legezko erantzule solidario edo subsidiarioek, eskubidea izanen dute ondasunak balorazioaren %30 ordainduta eskuratzeko, eta, horretarako, 10 eguneko epe amankomuna emanen zaie. Eskubide hori erabili ezean, enbargoa altxatuko da. (LJALaren 264. artikulua).
Bederatzigarrena.–Errematearen prezioa PZLaren 654. artikuluaren 1. eta 2. idatz-zatietan adierazitako helbururako erabiliko da: “1.–Errematearen prezioa alderdi betearazleari emanen zaio, agindutako betearazpenaren kopuruaren kontura, eta, prezioak kopuru hori gainditzen badu, gerakina auzitegiaren esku utziko da, alderdi betearazleari azkenean zor zaiona eta betearazpenaren kostuen zenbatekoa likidatu arte. 2.–Kasuan-kasuan izan daitekeen gerakina betearazpenpeko alderdiari emanen zaio, behin ondasunak nahitaez diru bihurtu eta alderdi betearazleari zor zaion guztia eta kostuak ordaindu ondoren.”
Hamargarrena.–Epaitegi honetako idazkaritzan dagoen erregistro-ziurtagirian ageri dira enkantean jarritako ondasunaren jabariaren titulartasuna eta haren zama eta kargen egoera. Agiri hori idazkaritzan azter daiteke, eta onartu beharra dago, ez baitago beste bat eskatzeko eskubiderik (PZLaren 670.1 artikulua).
Eta, behin Aldizkari Ofizialean argitaraturik, herritar orori eta bereziki prozesu honetako alderdiei jakinarazteko balio izan dezan, eta prozesuari buruzko legeetan ezarritakoa betetzeko, honako hau egiten dut.
Iruñean, 2014ko azaroaren 5ean.–Idazkari judiziala, Aranzazu Ballesteros Pérez de Albéniz.
Iragarkiaren kodea: J1415197