2. ALDIZKARIA - 2014ko urtarrilaren 3a

1. NAFARROAKO FORU KOMUNITATEA

1.7. BESTELAKOAK

EKONOMIA, OGASUN, INDUSTRIA ETA ENPLEGU DEPARTAMENTUA. Jendaurreko informazioa, administrazio baimenaren eskaerari buruz, 2014. urtean Nafarroako Foru Komunitateko honako udalerri eta hirigune hauetan egungo gas naturalaren sareak hedatu eta aldatzeko.

Gas naturalaren barne merkataritzarako Europar Batasuneko arauei buruz Europako Parlamentuaren eta Kontseiluaren 2003/55/EE Zuzentarauan ezarritakoari egokitzeko uztailaren 2ko 12/2007 Legeak aldatutako Hidrokarburoen Sektoreari buruzko urriaren 7ko 34/1998 Legearen 73.4 eta 89.3 artikuluetan ezarritako ondorioetarako, jendaurrean jarri da administrazio baimenerako eskaera hau:

Eskatzailea: Gas Navarra, S.A. Helbidea: Gipuzkoako etorbidea, 40 (atzealdea), 1. solairua, 31012 Iruña.

Eskaeraren xedea: aurretiko administrazio baimenaren eskaera, 2014. urteari dagokiona, egungo gas naturalaren sareak hedatzeko Nafarroako Foru Komunitateko udalerri eta hirigune hauetan: Ablitas, Oibar, Allo, Altsasu, Andosilla, Agoitz, Aranguren ibarra, Arbizu, Arguedas, Arroitz, Artaxoa, Aiegi, Azagra, Barañain, Baztan, Bera, Berbintzana, Beriain, Berriobeiti, Berriozar, Bertizarana, Buñuel, Burlata, Cabanillas, Cadreita, Caparroso, Cárcar, Zarrakaztelu, Cascante, Kaseda, Castejón, Cintruénigo, Zizur Txikia, Gazolatz, Corella, Cortes, Doneztebe, Eguesibar, Lizarra, Esteribar (Olloki, Zubiri, Larrasoaña), Etxarri Aranatz, Ezkabarte (Arre, Orikain), Faltzes, Fitero, Fontellas, Funes, Fustiñana, Galar Zendea, Uharte, Igantzi, Irurtzun, Iturmendi, Itza Zendea (Zuasti, Aldaba), Lakuntza, Larraga, Leitza, Lerín, Lesaka, Ledea, Lodosa, Los Arcos, Irunberri, Martzilla, Mélida, Mendabia, Milagro, Miranda Arga, Monteagudo, Murchante, Murillo el Fruto, Noain Elortzibar, Erriberri, Oltza (Arazuri, Ororbia), Orkoien, Oteitza, Iruña, Azkoien, Gares, Ribaforada, San Adrián, Zangoza, Santakara, Sartaguda, Sesma, Sunbilla, Tafalla, Tebas-Muru Artederreta, Tutera, Tulebras, Uharte Arakil, Urdiain, Iturmendi, Valtierra, Viana, Alesbes, Villatuerta, Atarrabia, Ziordia, Olazti eta Zizur Nagusia.

Instalazioen deskribapena: eskaeran aurreikusitako instalazioak egungo gas naturalaren sareen hedapen eta aldaketak dira, 2014. urteari dagozkionak. Sare hauen jardueraren gehieneko presioa 5 bar edo gutxiagokoa da. Gas Navarra S.A.k egin du proiektua, eta ez dira bertan sartu berariazko proiektua izan duten edo izanen duten sareak.

Proiektutako sareak guztira 24.244 metro luze dira, gutxi gorabehera.

Aurrekontua: bi milioi hirurogeita hamabost mila bostehun eta hamabi euro eta berrogeita hamabost zentimo. (2.075.512,55 euro).

Aditzera ematen da, orok jakin dezan. Espedientea Energiaren, Meatzaritzaren eta Industria Segurtasunaren Zerbitzuan aztertzen ahalko da (Iruñeko Tomás Caballero Parkea, 1-5. solairua). Han berean interesdunek egokiak iruditzen zaizkien alegazioak aurkezten ahalko dituzte, hiru kopiatan, iragarki hau Nafarroako Aldizkari Ofizialean argitara eman eta biharamunetik hasita 20 eguneko epean.

Iruñean, 2013ko abenduaren 17an.–Energiaren, Meatzaritzaren eta Industria Segurtasunaren Zerbitzuko zuzendaria, Jesús Lasa Equiza.

Iragarkiaren kodea: F1317656