1. NAFARROAKO FORU KOMUNITATEA
1.7. BESTELAKOAK
964/2013 EBAZPENA, azaroaren 12koa, Hezkuntza Baliabideen zuzendari nagusiak emana, Nafarroan araubide orokorreko irakaskuntza ez-unibertsitarioa ematen duten ikastetxe itundu batzuei aldi baterako zenbait unitate izateko baimena ematen diena.
2013-2014 ikasturterako araubide orokorreko irakaskuntzetan gauzatu den eskolatze prozesuan ikusi da aldi baterako eskolatze beharrak daudela ikastetxe itundu batzuetan, eta behar horiek, oraingoz, baimenduta duten gehieneko kopurua gainditzen dutela.
Nafarroako irakaskuntzaren eskola plangintzaren esparru orokorrean, Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1.d) artikuluak ematen dizkidan ahalmenak erabiliz, eta Hezkuntzako Azpiegituren Zerbitzuak proposaturik,
EBATZI DUT:
1.–Araubide orokorreko irakaskuntza ez-unibertsitarioko zenbait unitate baimentzea, eskolatze beharrengatik eta aldi baterako, Foru Komunitateko ikastetxe pribatu itundu batzuei, honako hauek, hain zuzen:
1. “Mater Dei” ikastetxe pribatua (ikastetxearen kodea: 31000831), Aiegikoa.
Osaera juridikoa: 3 unitate Haur Hezkuntzako bigarren zikloan, gehienez 75 ikaspostu, eta 6 unitate Lehen Hezkuntzan, gehienez 150 ikaspostu.
Aldi baterako baimendu diren unitateak: unitate bat Haur Hezkuntzako bigarren zikloan, 3 urteko adinari dagokion mailan, eta unitate bat Lehen Hezkuntzako lehen mailan, 2013-2014 ikasturterako; baimen horiek luzatuko dira, hurrenez hurren, ikasleek 5 urteko adinari dagokion maila bukatzen duten arte, 2015-2016 ikasturtean, eta Lehen Hezkuntzako seigarren maila bukatzen duten arte, 2018-2019 ikasturtean, baldin eta oraingo eskolatze beharrek irauten badute.
Horretaz gainera, ikastetxeak Haur Hezkuntzako bigarren zikloan beste 2 unitatetarako eta Lehen Hezkuntzako beste 5 unitatetarako aldi baterako baimena izaten jarraituko du, baimenak emateko araudian ezarritako baldintza beretan.
2. “Labiaga Ikastola” ikastetxe pribatua (ikastetxearen kodea: 31007264), Berakoa.
Osaera juridikoa: 3 unitate Haur Hezkuntzako bigarren zikloan, gehienez 75 ikaspostu, eta 6 unitate Lehen Hezkuntzan, gehienez 150 ikaspostu.
Aldi baterako baimendu diren unitateak: unitate bat Derrigorrezko Bigarren Hezkuntzako lehen mailan, eta beste bat bigarrenean, 2013-2014 ikasturtean bakar-bakarrik.
3. “Irabia-Izaga” ikastetxe pribatua (ikastetxearen kodea: 31001419), Burlatakoa.
Osaera juridikoa: 12 unitate Haur Hezkuntzan, gehienez 300 ikaspostu; 18 unitate Lehen Hezkuntzan, gehienez, 450 ikaspostu; eta 8 unitate Derrigorrezko Bigarren Hezkuntzan, gehienez 240 ikaspostu.
Aldi baterako baimendu diren unitateak: unitate bat Haur Hezkuntzako bigarren zikloan, 3 urteko adinari dagokion mailan; bi unitate Lehen Hezkuntzako lehen mailan; eta unitate bat Derrigorrezko Bigarren Hezkuntzako lehen mailan, 2013-2014 ikasturterako; baimen horiek luzatuko dira, hurrenez hurren, ikasleek 5 urteko adinari dagokion maila, Lehen Hezkuntzako seigarren maila eta Derrigorrezko Bigarren Hezkuntzako laugarren maila bukatu arte, hau da, 2015-2016 ikasturtean, 2018-2019 ikasturtean eta 2016-2017 ikasturtean, baldin eta oraingo eskolatze beharrek irauten badute.
Ikastetxeak Haur Hezkuntzako bigarren zikloan beste 4 unitatetarako eta Lehen Hezkuntzako beste 8 unitatetarako aldi baterako baimena izaten jarraituko du, baimenak emateko ebazpenean ezarritako baldintza beretan.
4. “San Fermín Ikastola” ikastetxe pribatua (ikastetxearen kodea: 31001742), Zizur Txikikoa.
Osaera juridikoa: 12 unitate Derrigorrezko Bigarren Hezkuntzan, gehienez 360 ikaspostu.
Aldi baterako baimendu diren unitateak: unitate bat Derrigorrezko Bigarren Hezkuntzako lehen mailan, 2013-2014 ikasturterako; baimen hori 2016-2017 ikasturtea bukatu arte luzatuko da, baldin eta oraingo eskolatze beharrek irauten badute.
Ikastetxeak aldi baterako beste hiru unitate gehiagorako baimena izaten jarraituko du, haiek emateko ebazpenetan ezarritako baldintza beretan.
5. “Mater Dei-Puy-Anderaz” ikastetxe pribatua (ikastetxearen kodea: 31008542), Lizarrakoa.
Osaera juridikoa: 12 unitate Derrigorrezko Bigarren Hezkuntzan, gehienez 360 ikaspostu.
Aldi baterako baimendu diren unitateak: unitate bat Derrigorrezko Bigarren Hezkuntzako lehen mailan 2013-2014 ikasturtean; baimen hori luzatuko da unitate horretako lehen mailako ikasleek Derrigorrezko Bigarren Hezkuntzako laugarren maila bukatzen duten arte, 2016-2017 ikasturtean, baldin eta oraingo eskolatze beharrek irauten badute.
Ikastetxeak, gainera, hezkuntza etapa horretan berean, beste hiru unitatetarako aldi baterako baimena izaten jarraituko du, baimenak eman zituen araudian ezarritako baldintza beretan. Baliorik gabe uzten da Derrigorrezko Bigarren Hezkuntzako unitate baterako baimena, ikastetxeak 2015-2016 ikasturterako zeukana, baimena emateko aintzat hartutako eskolatze beharrak ez baitira mantendu.
6. “Isterria” ikastetxe pribatua (ikastetxearen kodea: 31003911), Iberokoa.
Osaera juridikoa: 8 unitate Derrigorrezko Oinarrizko Hezkuntzan eta 2 unitate HIPn.
Aldi baterako baimendu diren unitateak: 2 unitate Derrigorrezko Oinarrizko Hezkuntzan, bakar-bakarrik 2013-2014 ikasturterako.
7. “Luis Amigó” ikastetxe pribatua (ikastetxearen kodea: 31000580), Mutiloakoa.
Osaera juridikoa: 9 unitate Haur Hezkuntzako bigarren zikloan, gehienez 225 ikaspostu; 12 unitate Lehen Hezkuntzan, gehienez 300 ikaspostu; eta 8 unitate Derrigorrezko Bigarren Hezkuntzan, gehienez 240 ikaspostu.
Aldi baterako baimendu diren unitateak: unitate bat Haur Hezkuntzako bigarren zikloan, 3 urteko adinari dagokion mailan; bi unitate Lehen Hezkuntzako lehen mailan; eta unitate bat Derrigorrezko Bigarren Hezkuntzako lehen mailan, 2013-2014 ikasturterako; baimen horiek luzatuko dira, hurrenez hurren, ikasleek 5 urteko adinari dagokion maila, Lehen Hezkuntzako seigarren maila eta Derrigorrezko Bigarren Hezkuntzako laugarren maila bukatu arte, hau da, 2015-2016 ikasturtean, 2018-2019 ikasturtean eta 2016-2017 ikasturtean, baldin eta oraingo eskolatze beharrek irauten badute.
Horretaz gainera, ikastetxeak Haur Hezkuntzako bigarren zikloko beste 2 unitatetarako, Lehen Hezkuntzako beste 8 unitatetarako eta Derrigorrezko Bigarren Hezkuntzako beste unitate baterako aldi baterako baimena izaten jarraituko du, baimenen araudian ezarritako moduan.
8. “Hijas de Jesús” ikastetxe pribatua (ikastetxearen kodea: 31004731), Iruñekoa.
Derrigorrezko Bigarren Hezkuntzaren osaera juridikoa: 8 unitate, gehienez ere 240 ikaspostu.
Aldi baterako baimendu diren unitateak: unitate bat Derrigorrezko Bigarren Hezkuntzako lehen mailan 2013-2014 ikasturtean; baimen hori luzatuko da unitate horretako lehen mailako ikasleek Derrigorrezko Bigarren Hezkuntzako laugarren maila bukatzen duten arte, 2016-2017 ikasturtean, baldin eta oraingo eskolatze beharrek irauten badute.
Horretaz gainera, ikastetxeak aldi baterako baimena izaten jarraituko du beste bi unitatetarako hezkuntza etapa horretan, eta berariazko unitate baterako Hezkuntza Bereziko bigarren hezkuntzako ikastetxeetan, baimenak emateko araudian ezarritako baldintza beretan.
9. “La Compasión Escolapios” ikastetxe pribatua (ikastetxearen kodea: 31004411), Iruñekoa.
Osaera juridikoa: 6 unitate Haur Hezkuntzako bigarren zikloan, gehienez 150 ikaspostu, eta 12 unitate Lehen Hezkuntzan, gehienez 300 ikaspostu.
Aldi baterako baimendu diren unitateak: unitate bat Haur Hezkuntzako bigarren zikloan, 3 urteko adinari dagokion mailan, eta unitate bat Lehen Hezkuntzako lehen mailan, 2013/14 ikasturterako; baimen hori ikasleek 5 urteko adinari dagokion maila bukatzen duten arte eta Lehen Hezkuntzako seigarren maila bukatzen duten arte luzatuko da, 2018/19 ikasturtera arte, baldin eta oraingo eskola beharrek irauten badute.
Horretaz gainera, ikastetxeak Haur Hezkuntzako bigarren zikloan beste 2 unitatetarako eta Lehen Hezkuntzako beste 5 unitatetarako aldi baterako baimena izaten jarraituko du, baimenen araudian ezarritako moduan.
10. “Miravalles-El Redín” ikastetxe pribatua (ikastetxearen kodea: 31008581), Zizur Txiki eta Iruñekoa.
Osaera juridikoa: 30 unitate (gehienez 750 ikaspostu) Lehen Hezkuntzan, eta 16 unitate (gehienez 480 ikaspostu) Derrigorrezko Bigarren Hezkuntzan.
Aldi baterako baimendu diren unitateak: unitate bat Lehen Hezkuntzako lehen mailan eta unitate bat Derrigorrezko Bigarren Hezkuntzako lehen mailan 2013-2014 ikasturtean; baimen horiek luzatuko dira ikasleek Lehen Hezkuntzako seigarren maila eta Bigarren Hezkuntzako laugarren maila bukatzen duten arte, hau da, 2018-2019 ikasturtean eta 2016-17 ikasturtean, hurrenez hurren, baldin eta oraingo eskolatze beharrek irauten badute.
Horretaz gainera, ikastetxeak Haur Hezkuntzako beste 6 unitatetarako eta Derrigorrezko Bigarren Hezkuntzako beste 3 unitatetarako aldi baterako baimena izaten jarraituko du, baimenen araudian ezarritako moduan.
11. “Nuestra Señora del Huerto” ikastetxe pribatua (ikastetxearen kodea: 31008128), Iruñekoa.
Derrigorrezko Bigarren Hezkuntzaren osaera juridikoa: 8 unitate, gehienez ere 240 ikaspostu.
Aldi baterako baimendu diren unitateak: unitate bat Derrigorrezko Bigarren Hezkuntzako lehen mailan, 2013-2014 ikasturterako; baimen hori luzatuko da ikasleek laugarren maila bukatzen duten arte, 2016-2017 ikasturtean, baldin eta oraingo eskolatze beharrek irauten badute.
Horretaz gainera, ikastetxeak Derrigorrezko Bigarren Hezkuntzan beste 2 unitatetarako aldi baterako baimena izaten jarraituko du, baimenak emateko araudian ezarritako baldintza beretan.
12. “Ikastola Garcés de los Fayos” ikastetxe pribatua (ikastetxearen kodea: 31007550), Tafallakoa.
Osaera juridikoa: 6 unitate, gehienez 150 ikaspostu, Lehen Hezkuntzan.
Aldi baterako baimendu diren unitateak: 1 unitate Lehen Hezkuntzako lehen mailan, 2013-2014 ikasturterako; baimen hori ikasleek Lehen Hezkuntzako seigarren maila bukatzen duten arte luzatuko da, hau da, 2018-2019 ikasturtera arte, baldin eta oraingo eskolatze beharrek irauten badute.
Horretaz gainera, ikastetxeak beste 5 unitatetarako baimena izaten jarraituko du hezkuntza maila horretan, baimenak emateko araudian ezarritako baldintza beretan.
13. “Anunciata” ikastetxe pribatua (ikastetxearen kodea: 31007550), Tuterakoa.
Osaera juridikoa: 6 unitate Haur Hezkuntzako bigarren zikloan, gehienez 150 ikaspostu, 12 unitate Lehen Hezkuntzan, gehienez 300 ikaspostu, eta 8 unitate Derrigorrezko Bigarren Hezkuntzan, gehienez 240 ikaspostu.
Aldi baterako baimendu diren unitateak: unitate bat 3 urteko adinari dagokion kurtsoan, unitate bat Lehen Hezkuntzako lehen kurtsoan eta unitate bat Derrigorrezko Bigarren Hezkuntzako lehen kurtsoan, 2013-2014 ikasturterako; baimen hori luzatuko da ikasleek 5 urteko adinari dagokion kurtsoa bukatzen duten arte, 2015-2016 ikasturtean, Lehen Hezkuntzako seigarren kurtsoa bukatzen duten arte, 2018-2019 ikasturtean, eta Derrigorrezko Bigarren Hezkuntzako laugarrena bukatu arte, 2016-2017 ikasturtean, baldin eta oraingo eskola beharrek irauten badute.
Ikastetxeak, gainera, aldi baterako baimena izaten jarraituko du beste bi unitatetarako Haur Hezkuntzako bigarren zikloan, 4 unitatetarako Lehen Hezkuntzan eta unitate baterako Derrigorrezko Bigarren Hezkuntzan, baimenak eman zituen araudian ezarritako baldintza beretan. Baliorik gabe uzten da Derrigorrezko Bigarren Hezkuntzako unitate baterako baimena, ikastetxeak 2014-2015 ikasturtea bukatu arte zeukana, baimena emateko aintzat hartutako eskolatze beharrak ez baitira mantendu.
14. “Compañía de María” ikastetxe pribatua (ikastetxearen kodea: 31005772), Tuterakoa.
Osaera juridikoa: 9 unitate Haur Hezkuntzako bigarren zikloan, gehienez 225 ikaspostu, eta 18 unitate Lehen Hezkuntzan, gehienez 450 ikaspostu.
Aldi baterako baimendu diren unitateak: unitate bat 3 urteko adinari dagokion mailan, eta unitate bat Lehen Hezkuntzako lehen mailan, 2013-2014 ikasturterako; baimen horiek luzatuko dira ikasleek, hurrenez hurren, 5 urteko adinari dagokion maila eta Lehen Hezkuntzako seigarren maila bukatu arte, hau da, 2015-2016 ikasturtean eta 2018-2019 ikasturtean, baldin eta oraingo eskolatze beharrek irauten badute.
Horretaz gainera, ikastetxeak aldi baterako baimena izaten jarraituko du Haur Hezkuntzako bigarren zikloan beste 2 unitatetarako, Lehen Hezkuntzan beste hiru unitatetarako eta Oinarrizko Hezkuntza Berezian (Garapenaren Nahaste Orokorren Gela) beste unitate baterako, baimenak emateko araudian ezarritako baldintza beretan.
2.–Ebazpen honen lehen atalean baimendu diren unitateen ituna egiteko, horren gaineko legerian ezarritakoa bete beharko da.
3.–Ebazpen honen aurka gora jotzeko errekurtsoa jar daiteke, Hezkuntzako kontseilariari zuzendua, argitaratu eta biharamunetik hilabeteko epean.
4.–Ebazpen hau Nafarroako Aldizkari Ofizialean argitaratuko da.
5.–Ebazpen hau igortzea ikastetxe interesdunetara, Hezkuntzako Ikuskapen Zerbitzura, Hezkuntzako Azpiegituren Zerbitzura, Ikastetxeen, Finantzaketaren eta Ikasketetarako Laguntzen Atalera eta Kontratazioaren, Zerbitzu Osagarrien eta Koordinazio Administratiboaren Atalera.
Iruñean, 2013ko azaroaren 12an.–Hezkuntza Baliabideen zuzendari nagusia, Iñigo Huarte Huarte.
Iragarkiaren kodea: F1315986