Iragarkia

19. ALDIZKARIA - 2014ko urtarrilaren 29a

1. NAFARROAKO FORU KOMUNITATEA

1.7. BESTELAKOAK

57/2014 EBAZPENA, urtarrilaren 15ekoa, Industriaren, Energiaren eta Berrikuntzaren zuzendari nagusiak emana, industria segurtasunaren arloan, zenbait jarduera arlotarako lanbide gaikuntza eta txartel profesionalak lortzeko hautapen probak gainditu dituzten pertsonen zerrenda onesten duena.

Enpresaren eta Berrikuntzaren zuzendari nagusiaren urtarrilaren 17ko 102/2013 Ebazpenaren bidez (2013ko 18. Nafarroako Aldizkaria Ofiziala, urtarrilaren 17koa), industria segurtasunaren arloan, zenbait jarduera arlotarako lanbide gaikuntza eta txartel profesionalak lortzeko hautapen proben deialdia onetsi zen.

Behar diren probak egin ondoren, izendatutako epaimahaiak probak gainditu dituzten pertsonen zerrendak aurkeztu ditu, onetsiak izan daitezen.

Adierazitakoarekin bat, eta Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1. artikuluak ematen dizkidan eskudantziak erabiliz,

EBATZI DUT:

1. Industria segurtasunaren arloan, zenbait jarduera arlotarako lanbide gaikuntza eta txartel profesionalak lortzeko hautapen probak gainditu dituzten pertsonen zerrenda onestea.

2. Energiaren, Meatzaritzaren eta Industria Segurtasunaren Zerbitzuari agintzea ondoko lanbide gaikuntzaren agiriak presta ditzan: A kategoriako gas-instalatzailearena, galdaretako operadore industrialarena eta petrolio produktu likidoen I. kategoriako instalatzailearena edo konpontzailearena, baita txartel hauek ere: eraikinetako instalatzaile termikoarena eta garabi gidariarena edo dorre-garabiko operadorearena, probak gainditu dituztenek baldintzak betetzen dituztela frogatzeko agiriak aurkeztu ondoren.

3. Ebazpen honen aurka gora jotzeko errekurtsoa jar daiteke, Nafarroako Gobernuko Ekonomia, Ogasun, Industria eta Enpleguko kontseilariari zuzendua, argitaratu eta biharamunetik hasita hilabeteko epean.

4. Ebazpen hau Energiaren, Meatzaritzaren eta Industria Segurtasunaren Zerbitzuari jakinaraztea

5. Ebazpen hau Nafarroako Aldizkari Ofizialean argitaratzea, denek jakin dezaten.

Iruñean, 2014ko urtarrilaren 15ean.–Industriaren, Energiaren eta Berrikuntzaren zuzendari nagusia, Iñaki Morcillo Irastorza.

Eranskina

A kategoriako gas instalatzaileen gaikuntza lortzeko azterketarako deialdia, urtarrilaren 17ko 102/2013 Ebazpenaren bidez onetsia
(18. Nafarroako Aldizkari Ofiziala)