Iragarkia

19. ALDIZKARIA - 2014ko urtarrilaren 29a

1. NAFARROAKO FORU KOMUNITATEA

1.7. BESTELAKOAK

1539/2013 EBAZPENA, azaroaren 21ekoa, Lurraldearen Antolamenduaren, Mugikortasunaren eta Etxebizitzaren zuzendari nagusiak emana, errepideko garraiorako ibilgailu zenbaiten gidarien hasierako kualifikazioa egiaztatzen duen lanbide gaitasunaren agiria lortzeko probak gainditu dituzten pertsonen zerrenda onesten duena. Probak 2013ko urriaren 25ean egin ziren.

Lurraldearen Antolamenduaren, Mugikortasunaren eta Etxebizitzaren zuzendari nagusiaren abenduaren 4ko 494/2012 Ebazpenaren bidez, deialdia onetsi zen errepideko garraiorako ibilgailu zenbaiten gidarien hasierako kualifikazioa egiaztatzen duen lanbide gaitasunaren agiria lortzeko. Ebazpen hori 2012ko 241. Nafarroako Aldizkari Ofizialean argitaratu zen, abenduaren 12an.

Behar diren probak egin ondoren, izendatutako epaimahaiak haiek gainditu dituzten izangaien zerrenda aurkeztu du.

Horrenbestez, Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 d) artikuluak ematen dizkidan ahalmenak erabiliz,

EBATZI DUT

1. Errepideko garraiorako ibilgailu zenbaiten gidarien hasierako kualifikazioa egiaztatzen duen lanbide gaitasunaren agiria lortzeko probak gainditu dituzten izangaien zerrenda onestea. Ebazpen honen eranskinean ageri da. Probak 2013ko urriaren 25ean egin ziren.

2. Garraio Zerbitzuari agintzea errepideko garraiorako ibilgailu zenbaiten gidarien lanbide gaitasunaren agiriak prestatu eta behar diren kualifikazio txartelak egin ditzala.

3. Ebazpen hau Garraio Zerbitzuari jakinaraztea eta Nafarroako Aldizkari Ofizialean argitaratzea, behar diren ondorioak izan ditzan.

4. Adieraztea ebazpen honen aurka gora jotzeko errekurtsoa jartzen ahal dela, Nafarroako Gobernuko Sustapeneko kontseilariari zuzendua, hilabeteko epean, Nafarroako Aldizkari Ofizialean argitaratu eta biharamunetik hasita.

Iruñean, 2013ko azaroaren 21ean.–Lurraldearen Antolamenduaren, Mugikortasunaren eta Etxebizitzaren zuzendari nagusia, José Antonio Marcén Zunzarren.

ERANSKINA

Gidarien lanbide gaitasunaren agiria lortzeko azterketa,
2013ko urriaren 25ean, gainditu dutenen zerrenda

Iragarkiaren kodea: F1400600