1. NAFARROAKO FORU KOMUNITATEA
1.7. BESTELAKOAK
398/2014 EBAZPENA, abuztuaren 6koa, Hezkuntzaren, Lanbide Heziketaren eta Unibertsitateen zuzendari nagusiak emana, Hasierako lanbide kualifikazioko programetako modalitate berezia baimentzen duena (HLKPB) Nafarroako Foru Komunitatearen funts publikoen bidez sostengatutako ikastetxeetan 2014-2015 ikasturterako.
Hezkuntzari buruzko maiatzaren 3ko 2/2006 Lege Organikoak oinarrizko alderdiak arautzen ditu oinarrizko Lanbide Heziketako zikloei dagokienez, zeinek hasierako lanbide kualifikazioko programak ordeztu baitituzte. Aurrekoa garatu beharrez, otsailaren 28ko 127/2014 Errege Dekretuaren bidez, berariazko alderdiak arautu dira Hezkuntza Sistemako Lanbide Heziketako irakaskuntzetako oinarrizko Lanbide Heziketari dagokienez. Errege dekretu horren laugarren xedapen gehigarrian, Lanbide Heziketako hezkuntza programak ezarri dira hezkuntza premia bereziak dituzten ikasleendako.
Hasierako lanbide kualifikazioko programak uztailaren 4ko 109/2008 Foru Aginduaren bidez daude arauturik Nafarroako Foru Komunitatean. Horrek hiru modalitate ezarri ditu: oinarrizko modalitatea, lanbide lantegien modalitatea eta modalitate berezia. Hasierako lanbide kualifikazioko programetako oinarrizko modalitatea eta lanbide lantegien modalitatea dira oinarrizko lanbide hezitako zikloekin ordeztu direnak. Hezkuntza premia bereziak dituzten ikasleentzat ezarritako Lanbide Heziketako hezkuntza programen bidez ordeztu da modalitate berezia.
Hezkuntzaren Kalitatea Hobetzeari buruzko abenduaren 8/2013 Lege Organikoan, azken xedapenetan bosgarrenean, zehaztutako ezarpen egutegian finkatuta dago 2014-2015 ikasturtean Hasierako lanbide kualifikazioko programek jarraitzeko aukera, baldin eta ikasturte hori baino lehen hasiak badira. Hori dela eta, Hezkuntza Departamentuak egungo Hasierako lanbide kualifikazioko programetako modalitate berezia 2015-2016 ikasturtean ordeztuko du Lanbide Heziketako hezkuntza programa berriekin hezkuntza premia bereziak dituzten ikasleendako, eta 2014-2015 ikasturtean mantenduko du Hasierako lanbide kualifikazioko programetako modalitate berezia.
Nafarroako Foru Komunitatean Hasierako lanbide kualifikazioko programak arautzen dituen uztailaren 4ko 109/2008 Foru Aginduak baimena ematen dio irakaskuntza horietan eskumena duen zuzendari nagusiari beharrezko ebazpen eta jarraibide guztiak emateko, foru agindu honetan xedatutakoa gara dadin.
Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 d) artikuluak ematen dizkidan ahalmenak erabiliz,
EBATZI DUT:
1. Nafarroako Foru Komunitatearen funts publikoen bidez sostengatutako ikastetxeei baimena ematea Hasierako lanbide kualifikazioko programetako modalitate berezia (HLKPB) garatzeko 2014-2015 ikasturtean. Ikastetxeak eta programak ebazpen honen eranskinean jasotzen dira.
2. Programak ematean, uztailaren 4ko 109/2008 Foru Aginduari jarraituko zaio. Lanbide moduluen egituraren erreferenteak eta lanbide profilarenak, aldiz, haiek onesten dituzten ebazpenei jarraituko diete, baita Hezkuntza Departamentuak programak garatzen dituzten ikastetxeak antolatu eta funtzionatzeko ematen duen araudi orokorrari ere.
3. Ebazpen hau eta eranskina Nafarroako Aldizkari Ofizialean argitaratzea.
4. Ebazpen hau eta eranskina honako hauei igortzea: Lanbide Heziketaren Zerbitzura, Antolamenduaren eta Aukera Berdintasunaren Zerbitzura, Hezkuntzako Ikuskapen Zerbitzura, Baliabide Ekonomikoen Zerbitzura, Lanbide Heziketaren Plangintza, Antolamendu eta Garapenerako Atalera, Ikasketak Antolatzeko Atalera, Ikastetxeen, haien Finantzaketaren eta Ikasketetarako Laguntzen Atalera eta ikastetxe eta erakunde ukituetara.
Iruñean, 2014ko abuztuaren 6an.–Hezkuntzaren, Lanbide Heziketaren eta Unibertsitateen zuzendari nagusia, David Herreros Sota.
ERANSKINA Hasierako lanbide kualifikazioko programetako modalitate berezia (HLKPB) - 2014-2015 ikasturtea IKASTETXE PUBLIKOAK |
IKASTETXE BAIMENDUAK | LANBIDE ARLOA | UN. | IRAUPENA (Erreferentzia) |
“Burlada FP” IB - Burlata | Sukaldeko laguntzailea. Berezia | 1 | 3.000 ordu |
“Elizondo LH” BHI - Elizondo | Bulegoko laguntzailea. Berezia | 1 | 3.000 ordu |
IB Politeknikoa - Lizarra | Elektrizitateko eta bulegoko laguntzailea. Berezia | 1 | 3.000 ordu |
“Agroforestal” IB - Iruña | Lorezaintzako laguntzailea. Berezia | 1 | 3.000 ordu |
“María Ana Sanz” Administrazioko, Merkataritzako eta Informatikako Ikastetxe Bateratua - Iruña | Bulegoko laguntzailea. Berezia Merkataritzako laguntzailea. Berezia | 1 1 | 3.000 ordu 3.000 ordu |
“Hezitzaile Eskola” IB | Garbiketako laguntzailea. Berezia | 1 | 3.000 ordu |
Nafarroako Lanbide Eskola Tekniko Sanitarioa IB - Iruña | Zeladore laguntzailea. Berezia | 1 | 3.000 ordu |
Iruñeko Arte Eskola - Iruña | Lanbide artistikoen laguntzailea. Berezia | 1 | 3.000 ordu |
“Ega” BHI - San Adrián | Elikagaien industriako laguntzailea. Berezia (a) Elikagaien industriako laguntzailea. Berezia (b) | 1 1 | 3.000 ordu 3.000 ordu |
“Tafalla” IBP - Tafalla | Bulegoko laguntzailea/Garbiketa. Berezia | 1 | 3.000 ordu |
“ETI” IBP - Tutera | Elektrizitateko laguntzailea. Berezia Merkataritzako laguntzailea. Berezia | 1 1 | 3.000 ordu 3.000 ordu |
“Andrés Muñoz Garde” HBI - Iruña | Elektrizitateko laguntzailea. Berezia | 1 | 3.000 ordu |
“Torre Monreal” HBI - Tutera | Elektrizitateko laguntzailea. Berezia | 1 | 3.000 ordu |
IKASTETXE BAIMENDUAK | PROGRAMA | UN. | IRAUPENA (Erreferentzia) |
“Isterria” HBko ikastetxea - Ibero | Elektrizitateko laguntzailea. Berezia Lorezaintzako laguntzailea. Berezia Bulegoko laguntzailea. Berezia | 1 1 1 | 3.000 ordu 3.000 ordu 3.000 ordu |
“Salesianos Politeknikoa” IB pribatua - Iruña | Zurgintzako laguntzailea. Berezia | 1 | 3.000 ordu |
“Cuatrovientos” IB pribatua - Iruña | Bulegoko laguntzailea. Berezia | 1 | 3.000 ordu |
“Santa Catalina Labouré” IP - Iruña | Bulegoko laguntzailea. Berezia | 1 | 3.000 ordu |
“Hijas de Jesús” ikastetxea - Iruña | Ostatuko laguntzailea. Berezia Bulegoko laguntzailea. Berezia | 1 1 | 3.000 ordu 3.000 ordu |
“El Molino” HBko ikastetxea - Iruña | Lanbide artistikoen laguntzailea. Berezia Elektrizitateko laguntzailea. Berezia Lorezaintzako laguntzailea. Berezia | 1 1 1 | 3.000 ordu 3.000 ordu 3.000 ordu |
‘’San Francisco Javier’’ ikastetxea - Tutera | Bulegoko laguntzailea. Berezia | 1 | 3.000 ordu |
F1411193 |
Iragarkiaren kodea: F1411193
