3. ESTATUKO ADMINISTRAZIOA
EBROKO UR KONFEDERAZIOA
Iragarki oharra. Erreferentzia: 2013-A-152
Nafarroako Ubidearen Elkarte Orokorrak honako datu eta ezaugarriak dituen ur publikoen aprobetxamenduaren ezaugarriak aldatzeko eskatu du (erakunde honen 2004ko apirilaren 14ko Ebazpenaren bidez emandako ur publikoen aprobetxamendua):
Eskatzailea: Nafarroako Ubidearen Elkarte Orokorra.
Xedea: Nafarroako Ubidearen ureztatze eremuen ezaugarriak aldatzea.
Ibilgua: Irati ibaia, Itoizko urtegia.
Gehieneko bolumena urtean: 355,59 hm³.
Ureztatu beharreko azalera: 59.160 hektarea.
Eskubidearen titulua: Ur Erregistroko A atalean, 39. liburuan, 82. orrian inskribatua.
Eskatutako aldaketaren xedea da emandako bolumena eta ureztatu beharreko azalera handitzea; horrenbestez, orain arteko 340 hm³-ko bolumena urtean 53.125 hektarea ureztatzeko, aurrerantzean 355,59 hm³-ko bolumena izanen da, 59.160 hektareako azalera ureztatzeko, Nafarroako Autonomia Erkidegoko zenbait udal mugapetan. Eskaerari erantsi zaio “Nafarroako Ubidearen ureztatze eremuen ezaugarriak aldatzeko proiektua”, 2013ko abuztuaren 21ean INTIA-Nafarroako Nekazaritzako Industrien Teknologien eta Azpiegituren Institutuak izenpetua.
Nafarroako Ubidearen ureztatze eremuan udal mugape hauek sartuko dira, eta proiektatutako handitzea egiteko beharrezkoak diren lanak bertan eginen dira: Andosilla, Azagra, Cárcar, Funes, Lerin, Lodosa, Oteiza, San Adrián eta Sesma.
Aditzera ematen da orok jakin dezan eta eskaera honek kalte egiten diela uste dutenek beren erreklamazioak Ebroko Ur Konfederazioari idatziz aurkezteko aukera izan dezaten, hogeita bost egun balioduneko epean, iragarki hau Nafarroako Aldizkari Ofizialean argitaratzen denetik hasita. Eta, horretarako, espedientea eta dokumentazio teknikoa ikusgai egonen dira Ebroko Ur Konfederazioan (Sagasta pasealekua 26-28, Zaragoza), bulego orduetan.
Zaragozan, 2014ko urtarrilaren 2an.–Ur komisarioa, eskuordez, komisario albokoa, Francisco José Hijós Bitrián.
Iragarkiaren kodea: E1400034