18. ALDIZKARIA - 2014ko urtarrilaren 28a

2. NAFARROAKO TOKI ADMINISTRAZIOA

2.2. XEDAPEN ETA IRAGARKIAK, HERRIEN ARABERA ANTOLATUAK

IRUÑA

Infraetxeetan bizi diren familiei diru-laguntzak emateko
deialdia, alokairuak ordaintzeko, 2014. urtean

Iruñeko Udaleko Gizarte Ongizate eta Berdintasun Zinegotzigo Delegatuak, 2014ko urtarrilaren 17an emaniko ebazpenaren bitartez, deialdia onetsi zuen, 2014. urtean krisialdi-egoeran dauden familiei edo infraetxeetan, etxebizitza desegokietan eta beste zenbait egoeratan bizi diren familiei banakako ebaluazio-araubidean diru-laguntzak emateko, alokairuak ordain ditzaten, honako baldintza orokor hauekin bat:

Oinarrien xedea: aipatutakoa.

Aurreikusitako zenbatekoa, gehienez: 170.000 euro.

Oinarriak non jaso: Iruñeko Udaleko auzo-unitateetan eta www.pamplona.es webgunean.

Eskabideak non aurkeztu: auzo-unitateetan edo Iruñeko Udaleko Gizarte Ongizate eta Berdintasun Alorreko beste Programetan, betiere galdatutako agiriekin batera.

Aurkezteko epea: iragarkia Nafarroako Aldizkari Ofizialean argitaratu eta hurrengo egun baliodunetik aitzina, 2014ko abenduaren 31ra bitarte.

Eskaerak aurrekontuko diru-izendapena eduki bitartean ebatziko dira.

Iruñean, 2014ko urtarrilaren 20an.–Ana Lezcano Galar, Zinegotzi Delegatua.

Iragarkiaren kodea: L1401050