1. NAFARROAKO FORU KOMUNITATEA
1.3. LURRALDEAREN ANTOLAMENDUA ETA HIRIGINTZA
1/2014 FORU AGINDUA, urtarrilaren 3koa, Sustapeneko kontseilariak emana, “Salestarrak” Udalez gaindiko Plan Sektorialeko UE-1eko konpentsazio sistematik kentzeko eskatu duten jabeek hasitako nahitaezko desjabetzeak ukitutako ondasun eta eskubideak jendaurrean jartzen dituena.
Nafarroako Gobernuak 2012ko ekainaren 13an hartutako Erabakiaren bidez onetsi zen “Salestarrak” Udalez gaindiko Plan Sektoriala.
Lurraldearen Antolamenduaren, Mugikortasunaren eta Etxebizitzaren zuzendari nagusiak uztailaren 16an emandako 11/2012 Ebazpenaren bidez, behin betiko onetsi zen “Salestarrak” Udalez Gaindiko Plan Sektorialeko 1. Exekuzio Unitatearen konpentsazio batzordearen estatutuen proiektua.
Lurraldearen Antolamenduari eta Hirigintzari buruzko abenduaren 20ko 35/2002 Foru Legearen 162. artikuluan ezarritakoaren babesean, Jesús Cármenes jaunak, Konpentsazio Batzordean sartutako jabe gisa, “Repsol Comercial de Productos Petrolíferos, S.A.” ordezkatuz, UPSaren eremuan sartutako lurrak desjabetzeko eskatu du.
Sustapeneko kontseilariaren urriaren 11ko 129/2013 Foru Aginduaren bidez, “Salestarrak” Udalez gaindiko Plan Sektorialeko UE-1eko konpentsazio sistematik kentzeko eskatu duten jabeen ondasun eta eskubideen nahitaezko desjabetzea hastea erabaki zen.
2013ko azaroaren 21ean, Eduardo Lavin jaunak, Konpentsazio Batzordea ordezkatuz, desjabetzeak ukitutako ondasun eta eskubideen zerrenda aurkeztu du, baita haien balorazioari buruzko txosten bat ere.
Hori horrela, Lurraldearen Antolamendu eta Hirigintza Zerbitzuak egindako txostenarekin bat, eta Sustapen Departamentuaren egitura organikoa ezarri zuen martxoaren 20ko 21/2013 Foru Dekretuaren bidez eskuratu ditudan ahalmenak erabiliz,
AGINDU DUT:
1. “Salestarrak” Udalez gaindiko Plan Sektorialeko UE-1eko Konpentsazio Batzordearen aldeko desjabetzeak (I. eranskina) ukitutako ondasun eta eskubideen zerrenda hasiera batez onestea.
2. Ukitutako ondasun eta eskubideen zerrenda hori jendaurrean jartzea 15 egun baliodunean, foru agindu hau Nafarroako Aldizkari Ofizialean argitaratu eta biharamunetik aurrera. Epe horretan, egokitzat jotzen diren ohar edo alegazioak idatzita aurkez daitezke, eta eranskin gisa gehitu den ondasun eta eskubideen zerrendan izan daitezkeen okerrak zuzentzeko behar diren datuak aurkeztu.
3. Desjabetzeak ukitutakoari igortzea Konpentsazio Batzordeak aurkeztutako balorazio txostena, Nahitaezko Desjabetzeari buruzko Legearen 29. artikuluan xedatutakoaren ondorioetarako.
4. Foru agindu hau Nafarroako Aldizkari Ofizialean argitaratzea, eta dagokion iragarkia Nafarroako Foru Komunitatean gehien zabaltzen diren egunkarietako batera bidaltzea.
5. Foru agindu hau Jesús Cármenes Calvo jaunari, UE-1eko Konpentsazio Batzordeari, Lurraldearen Antolamendu eta Hirigintza Zerbitzuari eta Eguesibarko Udalari igortzea, eta udal horren iragarki oholean argitara dadila eskatzea.
Iruñean, 2014ko urtarrilaren 3an.–Sustapeneko kontseilaria, Luis Zarraluqui Ortigosa.
UDAL MUGAPEA | TITULARRA | TITUL. % | KARGAK | AZALERA (m²) | KATASTROKO DATUAK |
Pol. | Lurz. | Lur mota-Erab. |
Eguesibar | NAPESA, S.A. | 100 | Librea | 2.383,76 | 15 | 84 | Lurzorua |
Eguesibar | NAPESA, S.A. | 100 | Librea | 5.791,16 | 14 | 197 | Lurzorua |
Eguesibar | NAPESA, S.A. | 100 | Librea | 23,69 | 14 | 198 | Lurzorua |
F1400601 |
Iragarkiaren kodea: F1400601