4. PROZEDURA JUDIZIALAK
KONSTITUZIO AUZITEGIA
7089/2013 konstituziokontrakotasun-errekurtsoa, otsailaren 25eko 8/2013 Foru Legearen aurka. Foru lege horren bidez, bizilekua Nafarroan dutenei Nafarroako osasun sistema publikoaren doako osasun-laguntzarako eskubidea aitortzen zaie
Konstituzio Auzitegiko Osoko Bilkurak, aurtengo abenduaren 17ko probidentziaren bidez, erabaki du tramitatzeko onartzea 7089/2013 konstituziokontrakotasun-errekurtsoa, Gobernuko presidenteak sustatua, bizilekua Nafarroan dutenei Nafarroako osasun sistema publikoaren doako osasun-laguntzarako eskubidea aitortzen dien otsailaren 25eko 8/2013 Foru Legearen aurka. Aditzera ematen da Gobernuko presidenteak Konstituzioaren 161.2 artikulura jo duela, eta horrek etenda utzi dituela inpugnatutako 8/2013 Foru Legearen indarraldia eta aplikazioa, errekurtsoa jarri zen egunetik aitzina –2013ko abenduaren 4a– prozesuko alderdientzat, eta ediktua Estatuko Aldizkari Ofizialean argitaratzen denetik aurrera, hirugarrenentzat.
Madrilen, 2013ko abenduaren 17an.–Konstituzio Auzitegiko Osoko Bilkurako Justiziako idazkaria, Herminia Palencia Guerra.
Iragarkiaren kodea: J1400215