1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
29/2014 EBAZPENA, uztailaren 30ekoa, Nafarroako Gobernuaren Eledunaren Bulegoa-Komunikazioko zuzendari nagusiak emana, Komunikazio Zerbitzuko zuzendariaren aldi baterako ordezkoak izendatzen dituena.
Nafarroako Foru Komunitateko Administrazioari buruzko abenduaren 3ko 15/2004 Foru Legearen 41.3 artikuluak ezartzen du zerbitzuetako zuzendariak hierarkikoki zer organoren mende dauden, horri egokituko zaiola haien ordezkoak izendatzea, karguak hutsik daudenean edo zuzendariak kanpoan edo eri daudenean edo arrazoi pertsonalengatik aritzerik ez dutenean.
Kargua hutsik dagoenean, zuzendaria kanpoan edo eri dagoenean edo arrazoi pertsonalengatik aritzerik ez duenean, Komunikazio Zerbitzuko zuzendari karguaren aldi baterako ordezkapenak antolatuta uzteko, beharrezkoa da aldez aurretik horretarako baimena ematea.
Horregatik, Komunikazio Zerbitzuko zuzendariak aldi baterako ordezkoak izendatu beharraz egindako txostena ikusirik, eta Kulturako, Turismoko eta Erakunde Harremanetako Departamentuaren egitura organikoa ezarri duen uztailaren 25eko 67/2012 Foru Dekretuak emandako eskudantziekin bat,
EBATZI DUT:
1. Kargua hutsik dagoenean, titularra kanpoan edo eri denean edo ezintasun bat duenean, Komunikazioko zuzendari nagusiaren ordez haren mendeko atalburuak arituko dira aldi baterako, hurrenkera honetantxe:
a) Prentsa Bulegoaren Atala.
b) Sustapen Atala.
c) Navarra.es Atariaren Atala.
d) Herritarren Arretarako Atala.
2. Ebazpen hau igortzea interesdunei, Komunikazio Zerbitzuari eta Idazkaritza Tekniko Nagusiari, baita Nafarroako Aldizkari Ofizialari ere, argitara dadin.
Iruñean, 2014ko uztailaren 30ean.–Nafarroako Gobernuaren Eledunaren Bulegoa-Komunikazioko zuzendari nagusia, Edurne Elío Aldunate.
Iragarkiaren kodea: F1410908