4. PROZEDURA JUDIZIALAK
ASTURIASKO JUSTIZIA AUZITEGI NAGUSIKO LAN ARLOKO SALA
Ediktua. 1305/2014 erregutze-errekurtsoa
Evelia Alonso Crespo andrea, Oviedoko Justizia Auzitegi Nagusiko Lan arloko Salako idazkari judiziala.
Aditzera ematen dut: David Fernández Collar jaunak eskaturik, diru kopuru baten erreklamazioa dela eta, Antracitas de Gillon, S.L.ren, Induminer, S.L.ren, José Luis Álvarez Fernándezen (Induminer, S.L.ren adm. bakarra), Andrés Álvarez Fernándezen (Induminer, S.L.ren bazkide bakarra), Juan Álvarez Bartresen (Antracitas de Gillon, S.L.ren adm. bakarra), Antonio García Munte Nuñoren (Antracitas de Gillon, S.L.ko bazkide fund.), María Dolores López Palauren (Antracitas de Gillon, S.L.ko bazkide fund.), Francisco García Munte Lópezen (Antracitas de Gillon, S.L.ko bazkide fund.), Antracitas de Gillon, S.L.ren konkurtso-administrazioaren eta Soldatak Bermatzeko Funtsaren aurka bideratzen ari den 0001305/2014 erregutze-errekurtsoaren prozeduran, xedapen zatian hauxe dioen ebazpena eman da:
“Epaitza: Ezesten dugu Oviedoko Lan arloko 4. Epaitegiak emandako epaiaren aurka David Fernández Collarrek egindako erregutze-errekurtsoa, hark eskatuta, Antracitas de Gillon, S.L.ren, José Luis Álvarez Fernándezen (Induminer, S.L.ren adm. bakarra), Andrés Álvarez Fernándezen (Induminer, S.L.ren bazkide bakarra), Juan Álvarez Bartresen (Antracitas de Gillon, S.L.ren adm. bakarra), Antonio García Munte Nuñoren eta María Dolores López Palauren eta Francisco García Munte Lópezen (Antracitas de Gillon, S.L.ko bazkide fundatzaileak), Antracitas de Gillon, S.L.ren konkurtso-administrazioaren eta Soldatak Bermatzeko Funtsaren aurka bideratu diren autoetan, laneko istripu baten ondoriozko kalte eta galeren ordainari buruz, eta errekurtsoaren xedeko ebazpena berresten dugu.
Aurkaratzeko bidea.
Alderdiei ohartarazten zaie, epai honen aurka, doktrina bateratzeko kasazio-errekurtsoa jartzen ahal dela; legelari batek izenpetutako idazki baten bidez prestatu beharko da, eta Lan arloko Sala honetan aurkeztu, hura jakinarazi eta ondoko hamar egun balioduneko epe luzaezinean, Lan arloko Jurisdikzioa arautzen duen Legearen 221. artikuluan eta han adierazitako ohararazpenak eginez.
Errekurtsoa jartzeko tasa judizialak.
Lan arloan kasasio-errekurtsoa jartzeko, tasa bat ordaindu beharko da Altxor Publikoan. Azaroaren 20ko 10/2012 Legeak ezartzen ditu diru-sarrera horren nondik-norakoak, baldintzak eta zenbatekoa, 3. artikuluan (tasaren subjektu pasiboa), 4.ean (tasaren salbuespenak), 5.ean (tasaren sorrarazpena), 6.ean (tasaren zerga-oinarria), 7.ean (tributu-kuotaren zehaztapena), 8.ean (autolikidazioa eta ordainketa) eta 10. ean (baliabide telematikoak erabiltzearen ondoriozko hobariak). Lege hori erregelamendu bidez garatzen da abenduaren 13ko HAP/2662/2012 Aginduan.
Kasazio-errekurtsoaren tasatik salbuetsita daude honako hauek: a) Langileak; b) Gizarte Segurantzaren onuradunak; c) Funtzionarioak eta estatutupeko langileak; d) Sindikatuak, interes kolektibo bat gauzatzen dutenean Gizarte Segurantzaren onuradunen eta langileen defentsan; e) doako laguntza juridikorako eskubidea aitortua duten pertsona fisikoak edo juridikoak; f) Fiskaltza; g) Estatuko Administrazio Orokorra, autonomia erkidegoetakoa, toki entitateak eta haien guztien menpeko erakunde publikoak; h) autonomia erkidegoetako batzar legegileak eta gorte nagusiak; j) aurreko ataletan aipatu ez eta Doako Laguntza Juridikoari buruzko urtarrilaren 10eko 1/1996 Legearen 2. artikuluan aipatzen diren pertsona fisikoak edo juridikoak, xedapen honetan aurreikusitako moduan.
Errekurtsoetarako gordailua.
LJALaren 229. artikulua betez, errekurtsogilea ez bada bere langile edo kausaduna, edo Gizarte Segurantzaren erregimen publikoaren onuraduna, errekurtsoa jarri ahal izateko AJANeko Lan arloko Sala honek Banco Español de Créditon, Oviedoko Pelayo kaleko 4 zenbakiko bulegoan (zenbakia: 0000; klabea: 66), irekita duen gordailu eta kontsignazioen kontuan (3366 zenbakia) 600 euro sartu izana frogatu beharko du; erroilu zenbakia adierazi beharko du errekurtsoa prestatzean, eta kontzeptuaren eremuan ‘37 Lan arloa Kasasioa 36-2011 Legea’ idatzi. Diru kopuru hori sartzeko banku-transferentzia egiten bada, aipatu kontu zenbakiaren ondoren, hutsune batez bereizita, “errekurtsoa” idatzi behar da, eta jarraian kode hau: ‘37 Lan arloa Kasazioa 36-2011 Legea’. Kontu berean ordainketa bat baino gehiago egiten bada, kontzeptu bakoitzeko diru-sarrera zehaztu beharko da, baita mota bereko edo bestelako beste errekurtso batzuetarako ordainketak direnean ere, errekurritzen den ebazpenaren data jarriz oharretarako eremuan, ee/hh/uuuu formatuan.
Errekurtsoetarako gordailua edo kontsignazioak transferentzia bidez eginez gero, hauxe da IBAN kodea: ES55 0049 3569 9200 0500 1274.
Gordailu hori eratu beharretik salbuetsita daude Estatua, autonomia erkidegoak, toki entitateak eta, nortasun juridiko propioa izanik, haiei lotutako eta haien menpeko zuzenbide publikoko entitateak, berariazko araudi baten bidez erregulatzen diren zuzenbide publikoko entitateak eta organo konstituzionalak, baita sindikatuak eta doako justiziaren onura aitortua dutenak ere.
Igor bekizkio jarduketak idazkariari, epaia publiko egiteko, jakinarazteko eta erregistratzeko eginbeharrak bete daitezen.
Beraz, epai honen bidez, behin betiko epaituz, hori erabaki, agindu eta sinatzen dugu.”
Eta Antonio García Munteri, María Dolores López Palauri eta Francisco García Munte Lópezen jaraunsleei (Antracitas de Gilloneko bazkide fund.) jakinarazteko balio izan dezan, non diren jakiterik ez baitago, honako hau egin dut Nafarroako Aldizkari Ofizialean eta iragarki oholean jartzeko.
Hartzaileari ohartarazten zaio bulego judizialeko iragarki-oholean ebazpenaren edo zedularen kopia jarriz eginen direla hurrengo komunikazioak, salbu eta auto edo epai itxura izan behar duten ebazpenen komunikazioenak edo epatzeenak.
Oviedon, 2014ko uztailaren 8an.–Idazkari judiziala, Evelia Alonso Crespo.
Iragarkiaren kodea: J1410206
