Iragarkia

15. ALDIZKARIA - 2014ko urtarrilaren 23a

1. NAFARROAKO FORU KOMUNITATEA

1.4. DIRU-LAGUNTZAK, LAGUNTZAK ETA BEKAK

504E/2013 EBAZPENA, abenduaren 31koa, Nafarroako Enplegu Zerbitzuko zuzendari kudeatzaileak emana, diru-laguntzak emateko deialdia onesten duena, 2014an Nafarroako Foru Komunitatearen lurralde eremuan bakarrik, batik bat lanean ari diren pertsonentzat zuzendurik, gauzatzen diren prestakuntza planetarako, martxoaren 7ko TAS/718/2008 Agindua (abuztuaren 2ko ESS/1726/2012 Aginduak aldatua) aplikatuz.

Gaur egungo krisi ekonomikoaren ondorioz neurri batzuk hartu eta erreforma batzuk egin behar dira aurrekontu publikoa iraunarazten laguntzeko, kudeaketaren efizientzia hobetzeko eta aurrezkia eta eskalako ekonomiak sustatzeko.

Testuinguru horretan, Nafarroako Gobernuak borondate argia azaldu du jarduera ekonomikoa sustatzeko eta enplegua sortzeko behar diren jarduketei heltzeko, praktika egokiak bultzatuz eragile sozialekiko elkarrizketan eta lankidetzan oinarrituta. Horrela langileen enplegagarritasunaren hobekuntza zainduko da, enplegurako lanbide prestakuntzaren azpisistemaren azken helburua baita.

Alde horretatik, Lan Merkatuaren Erreformarako Presako Neurriei buruzko uztailaren 6ko 3/2012 Legeak hainbat ekintza biltzen ditu langileen enplegagarritasuna bultzatzeko eta enplegurako lanbide prestakuntzaren azpisistema garatzeko, pertsona horiek ikasten jarrai dezaten eta beren lanbide gaitasunak erabat gara ditzaten.

Planteamendu horiekin bat, aipatu legeak prestakuntza helburu duen baimen ordaindu bat ezartzen du, lanbide prestakuntza lanpostuan gertatzen diren aldaketetara moldatu behar dela dio eta langile bakoitzerako prestakuntza-kontu bat, Gizarte Segurantzako afiliazio zenbakiari atxikia, sortu behar dela aldarrikatzen du; horretarako, funtsezkotzat jotzen du prestakuntza norbanakoaren eskubidetzat hartzea.

Aipatu uztailaren 6ko 3/2012 Legeak egindako aldaketen artean, bereziki aipatu behar da martxoaren 23ko 395/2007 Errege Dekretuari dagokiona, horrexek enplegurako lanbide prestakuntzaren azpisistema arautzen baitu; aldaketa horrek lanbide prestakuntzaren azpisisteman zuzenean parte hartzeko aukera ematen die behar bezala egiaztatutako prestakuntza zentro eta entitateei, prestakuntzaren eskaintza zabalagoa, deszentralizatuagoa eta eraginkorragoa izan dadin.

Batik bat lanean ari diren pertsonei zuzendutako prestakuntza planak sartzen dira eskaintzen diren prestakuntza-modalitateetan, zeinak martxoaren 23ko 395/2007 Errege Dekretuan eta hori garatzen duen martxoaren 7ko TAS/718/2008 Aginduan (abuztuaren 2ko ESS/1726/2012 Aginduak aldatua) arautzen baitira. Martxoaren 23ko 395/2007 Errege Dekretuak enplegurako lanbide prestakuntzaren azpisistema arautzen du eskaintzako prestakuntzaren arloan, eta hura finantzatuko duten diru-laguntza publikoak emateko oinarri arautzaileak ezartzen ditu.

Prestakuntza plan horiek diru-laguntza publikoen bidez finantzatuko dira, norgehiagokako araubideari jarraikiz, eta Nafarroako Enplegu Zerbitzuko zuzendari kudeatzaileak haietarako emandako ebazpenen onuradun diren entitateek gauzatuko dituzte.

TAS agindu horretan ezarritakoa garatzeko, deialdi honetako diru-laguntzen xede dira sektorearteko prestakuntza planak, ekonomia sozialaren berariazko sektorearteko prestakuntza planak, langile autonomoentzako sektorearteko prestakuntza planak eta profesionaltasun-ziurtagiriak eskuratzeari lotutako prestakuntza plan berariazkoak. Halaber, deialdiak laguntzak eta bekak aurreikusi ditu batik bat lanean ari diren pertsonentzako prestakuntza planetan parte hartzen duten langabeei emateko.

Horrenbestez, Nafarroako Enplegu Zerbitzuaren Gobernu Kontseiluak aldeko txostena eman ondoren, eta Nafarroako Enplegu Zerbitzuaren estatutuak onetsi zituen martxoaren 14ko 15/2012 Foru Dekretuaren 13. artikuluak ematen dizkidan eskudantziak erabiliz (martxoaren 20ko 19/2013 Foru Dekretuak aldatu zuen foru dekretu hori),

EBATZI DUT:

1. Nafarroako Foru Komunitatearen lurralde eremuan bakarrik, batik bat lanean ari diren pertsonei zuzendutako prestakuntza planak finantzatzeko diru-laguntza publikoetarako deialdia onestea.

2. Diru-laguntza emateko oinarri arautzaileak onestea. Ebazpen honen eranskinean jaso dira.

3. 6.968.660 euroko gastua baimentzea, “Enplegu plana. Enplegurako lanbide prestakuntza, batik bat lanean ari diren pertsonei zuzendua, eta enplegua sustatzen duten beste batzuk” izeneko 170002/15200/4819/242104 kontu-sailaren baliokide izanen den 2014ko gastuen aurrekontuko kontu-sailaren kargura, betiere kreditua badago. Honela banatuko da:

–6.194.161,60 euro, sektorearteko prestakuntza planetarako, hitzarmenen bidez.

–103.236 euro, ekonomia sozialeko langile eta bazkideentzako sektorearteko planetarako.

–103.236 euro, langile autonomoentzako sektorearteko planetarako.

–481.768,15 euro, profesionaltasun-ziurtagiriak eskuratzeari lotutako prestakuntza ekintzak dituzten prestakuntza planetarako.

–86.258,25 euro, beka eta laguntzetarako.

4. Ebazpen hau eta eranskinak Nafarroako Aldizkari Ofizialean argitaratzea.

Ebazpen honek ez du administrazio bidea amaitzen, eta haren aurka gora jotzeko errekurtsoa jar daiteke, Ekonomia, Ogasun, Industria eta Enpleguko kontseilariari zuzendua, argitaratu eta biharamunetik hilabeteko epean. Administrazio publikoek administrazioarekiko auzi-errekurtsoa jartzen ahal dute, eskumena duen ordena jurisdikzionalari zuzendua, honako hau argitaratu eta biharamunetik hasita bi hilabeteko epean, alde batera utzi gabe Nafarroako Gobernuan aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan aurreikusitako moduan eta epeetan.

Iruñean, 2013ko abenduaren 31n.–Nafarroako Enplegu Zerbitzuko zuzendari kudeatzailea, María Isabel García Malo.

I. ERANSKINA

Prestakuntza planak finantzatzeko deialdi publikoaren oinarri arautzaileak. Plan horiek Nafarroako Foru Komunitatearen lurralde eremuan bakarrik batik bat lanean ari diren pertsonentzat dira

I

Xedapen orokorrak

Lehen oinarria.–Deialdiaren xedea eta aplikazio eremua.

Ebazpen honen xedea da Nafarroako Foru Komunitatearen lurralde eremuan bakarrik batik bat lanean ari diren pertsonentzako prestakuntza planak finantzatzeko diru-laguntzen deialdia onestea; Nafarroako Enplegu Zerbitzuko zuzendari kudeatzaileak ebazpenen bidez emanen ditu diru-laguntza horiek martxoaren 23ko 395/2007 Errege Dekretua garatzen duen martxoaren 7ko TAS/718/2008 Aginduan (dekretu bera garatuz abuztuaren 2an eman zen ESS/172972012 Aginduak aldatua) ezarritako oinarri arautzaileei eta Diru-laguntzei buruzko azaroaren 9ko 11/2005 Foru Legean aurreikusitakoari jarraituz. Martxoaren 23ko 395/2007 Errege Dekretuak enplegurako lanbide prestakuntzaren azpisistema arautzen du eskaintzako prestakuntzaren arloan, eta hura finantzatuko duten diru-laguntza publikoak emateko oinarri arautzaileak ezartzen ditu eta Lan Merkatuaren Erreformarako Presako Neurriei buruzko uztailaren 6ko 3/2012 Legeak aldatua da.

Bigarren oinarria.–Diru-laguntzen helburua eta haiek emateko printzipioak.

1. Deialdi honen bidez emanen diren diru-laguntzen helburua da Nafarroako Foru Komunitatean batik bat lanean ari diren pertsonentzako prestakuntza planak finantzatzea, horiei lan merkatuko beharrekin bat datorren prestakuntza eskaintzeko, kontuan hartuz enpresen produktibitate eta lehiakortasunaren ondoriozko eskaerak eta langileek enplegagarritasuna hobetzeko, lanbidean aurreratzeko eta garapen pertsonala lortzeko dituzten asmoak. Martxoaren 7ko TAS/718/2008 Aginduaren II. eranskinean ezarri dira zer gastu finantzatzen ahal diren.

2. Diru-laguntzak norgehiagokako araubideari jarraikiz emanen dira, objektibotasun, berdintasun, gardentasun eta publizitate irizpideak errespetatuz.

Hirugarren oinarria.–Prestakuntza planen iraupena.

Deialdi honen babesean garatzen diren prestakuntza planak 2014ko urtarrilaren 1etik aurrera gauzatzen ahal dira, 2014ko abenduaren 31 bitarte. Halaber, profesionaltasun-ziurtagiriei lotutako plan horien ekintzak gauzatzeko, deialdi hau argitaratu baino lehen hasi badira, Nafarroako Enplegu Zerbitzuak aldez aurretik baimenduta egon beharko du, urtarrilaren 18ko 34/2008 Errege Dekretua aldatu zuen martxoaren 15eko 159/2013 Errege Dekretuan ezarritakoarekin bat.

Laugarren oinarria.–Prestakuntza jarduera.

1. Prestakuntza plana osatzen duten prestakuntza ekintzak garatu eta emateko, martxoaren 23ko 395/2007 Errege Dekretuaren 7. eta 8. artikuluetan ezarritakoari jarraituko zaio.

Prestakuntza jardueren modalitateak hiru dira: bertaratzekoa, teleprestakuntza eta mistoa (bertaratzekoa eta teleprestakuntza). Jarduerek, gutxienez, 6 ordu iraunen dute, eta, gehienez, 270 ordu. Egiaztapen ofizial bat edo unibertsitate-titulu bereki bat lortzera bideratzen denean ekintza, edo arau edo hitzarmen baten bidez iraupen luzeagoa eskatzen denean, 270 ordutik gorakoa izan daiteke iraupena.

Prestakuntza jarduerak bertaratze modalitatean ematen direnean, berrogei ordukoak izanen diren, gehienez ere, eta zortzi ordukoak eguneko. Muga horretan sartuko dira lantokietako prestakuntza praktikoaren moduluko orduak, bidezkoak direnean.

2. Bertaratzeko modalitatean antolatzen diren prestakuntza ekintzak gehienez 25 ikasleko taldeetan egiteko programatuko dira. Teleprestakuntzaren kasuan, 80 ikasleko, gehienez, tutore bat izan beharko da.

Ekintza mistoetan muga horiek errespetatuko dira, prestakuntza emateko modalitatearen arabera.

3. Profesionaltasun-ziurtagiriak eskuratzeari bideratutako prestakuntza egiaztatzeko, martxoaren 23ko 395/2007 Errege Dekretuaren 11.1 eta 3. artikuluetan eta Profesionaltasun-ziurtagiriak arautzen dituen urtarrilaren 18ko 34/2008 Errege Dekretuan ezarritakoari jarraituko zaio.

Deialdi honen ondorioetarako, profesionaltasun-ziurtagiriei lotutako prestakuntza jarduerak bertaratzeko modalitatean emanen dira.

Nafarroako Enplegu Zerbitzuak ofizialki egiaztatzeko programatzen den gutxieneko prestakuntza osoko moduluetan eta Nafarroako Enplegu Zerbitzuak egiaztatutako prestakuntza zentro eta entitateetan egin beharko dira. Zentro eta entitate horiek kasuan kasuko ziurtagirietan ezarritako egokitasun-baldintzak bete beharko dituzte ebazpen honek indarra hartzen duenean, eta mantendu beharko dituzte prestakuntza jarduera gauzatzen den bitartean.

Egindako prestakuntza modularrak behar den ebaluazio prozesua bildu beharko du, ikaskuntza emaitzak eta, zein den kasua, lanbide ezagutzen eta gaitasunen eskurapena egiaztatzeko.

Profesionaltasun-ziurtagiri oso bat eskaintzen denean, lantokietako prestakuntza praktikoaren modulua sartuko da nahitaez.

Profesionaltasun-ziurtagiri bateko lantokietako prestakuntza praktikoaren modulua bakar-bakarrik egiten ahalko da baldin eta parte-hartzaileei bide ematen badie profesionaltasun-ziurtagiri bat lortzeko behar den prestakuntza osatzeko, gainerako prestakuntza moduluak gainditu dituztela egiaztatuta. Prestakuntza praktikoaren modulu hori lantokia ez den beste toki batean egiten ahalko da baldin eta aplikazio araudiak horretarako bide ematen badu.

4. Prestakuntza ez dagoenean loturik profesionaltasun-ziurtagirien prestakuntza eskaintzarekin, entitate onuradunak bertaratze ziurtagiria luzatu eta emanen dio prestakuntza ekintza bukatu duen parte-hartzaile bakoitzari, edo diploma bat, berriz, prestakuntza ebaluazio positiboarekin gainditu duen parte-hartzaile bakoitzari.

Orobat, diploma hori luzatuko da jasotako prestakuntza martxoaren 7ko TAS/718/2008 Aginduaren hirugarren xedapen iragankorrean ezarritakoa bada.

Bertaratze ziurtagiriak edo, hala badagokio, diplomak parte-hartzaileei emateko edo igortzeko gehieneko epea bi hilabetekoa da, parte hartu duteneko prestakuntza ekintza bukatzen den egunetik aurrera.

5. 12.d) oinarrian aurreikusitako prestakuntza planetan, entitate eskatzaileek ezin izanen dute 7.000 orduri baino gehiagori dagokion diru-laguntza jaso.

Bosgarren oinarria.–Profesionaltasun-ziurtagiriak eskuratzeari lotutako lantokietako prestakuntza praktikoko moduluak.

1. Entitate onuradunak prestakuntza praktikoko modulua egiten lagundu beharko die prestakuntza ematearekin batera profesionaltasun-ziurtagiri baten modulu guztiak osatzen dituzten parte-hartzaileei, betiere prestakuntza praktikoko modulua egitera behartuta badaude eta modulu hori prestakuntza planean badago. Praktika horiek Nafarroako Foru Komunitatean egin beharko dira.

Profesionaltasunaren ziurtagiriak lortzera bideratutako prestakuntza ekintzak, lantokietako prestakuntza praktikoko modulua barne, ziurtagiri horiek arautzen dituen legediari jarraikiz eginen dira. Horrez gain, prestakuntza praktikoko modulua Nafarroako Enplegu Zerbitzuak ezarritako argibideei eta prozedurari jarraikiz eginen da.

Lantokietako prestakuntza praktikoko modulua ez da beharrezkoa izanen parte-hartzaileak egiaztatzen badu profesional-ziurtagiriari lotutako lan esperientzia duela. Egiaztapen hori organo eskudunek egiten dituzten jarraipen eta kontrol jarduketetan eskatzen ahalko da, eta agiri hauek aurkeztuz eginen da:

a) Soldatako langileek:

–Gizarte Segurantzako Diruzaintza Orokorraren, Itsasoko Gizarte Institutuaren edo afiliatuta dauden mutualitatearen ziurtagiria. Ziurtagiri horrek enpresa, lan kategoria (kotizazio taldea) eta kontratazio aldia jaso behar ditu.

–Zer enpresatan hartu duten lan esperientzia, haren lan kontratua edo ziurtagiria, datu hauek berariaz adierazita: kontratuaren data, egindako jarduera eta zenbat denbora egin duen jarduera horretan.

b) Langile autonomoek edo beregaineko langileek: -Gizarte Segurantzaren Diruzaintza Orokorrak edo Itsasoko Gizarte Institutuak emandako ziurtagiria, izangaia Gizarte Segurantzan dagokion araubide berezian afiliatuta egondako aldiei buruzkoa; egindako jardueraren deskribapena; eta zenbat denbora egin duen jarduera horretan.

c) Langile boluntarioek edo bekadunek: Laguntza zer entitatetan eman den, hark emandako ziurtagiria, berariaz adierazita honakoak: betetako jarduerak eta eginkizunak, zer urtetan bete diren eta horietan emandako orduen kopuru zehatza.

2. Prestakuntza praktikoko moduluak ez du lan harremanik sortzen enpresarekin, ezta diru konpentsazioa ere parte-hartzaileentzat prestakuntza praktikoaren truke, langabeentzako beka eta laguntzetarako 9. oinarrian ezarritakoa salbu.

Horretarako, pertsonak praktika profesional ez-laboralen hasieran zein lan egoeratan dauden, horren arabera ezarriko da lanean ari direla edo lanik gabe daudela.

Lantokietako prestakuntza praktikoko modulua, ahal bada, profesionaltasun-ziurtagiri bakoitzaren gainerako prestakuntza moduluak gainditu ondoren eginen da, urtarrilaren 18ko 34/2008 Errege Dekretuaren 5.bis artikuluko 1. idatz-zatian ezarritakoari jarraikiz, eta prestakuntza plana gauzatzeko epea bukatu baino lehen.

Nolanahi ere, lantokietako prestakuntza praktikoko moduluak Nafarroako Enplegu Zerbitzuak ezarritako protokoloaren arabera egin beharko da.

Praktikak hasi baino lehen, haien berri emanen zaie enpresako langileen legezko ordezkariei, eta parte-hartzaileen eta tutoreen zerrenda igorriko zaie.

Seigarren oinarria.–Teleprestakuntzako plataformen ezaugarriak.

1. Onuradunek prestakuntza gauzatzeko erabiltzen duten teleprestakuntzako plataformak honako baldintza hauek bete beharko ditu:

a) Prestakuntza proiektu bat izatea, ikasteko metodologia, jarraipena eta ebaluazioa zehazten dituena.

b) Ikasleentzako on-line eskuliburu bat izatea, plataformaren funtzionamendua eta ikasleek berarekin egin behar dituen oinarrizko eragiketak azaltzen dituena, on-line prestakuntzaren jarraipena egiteko. Posible izanen da eskuliburua jaistea eta off-line kontsultatzea.

c) Ikasteko on-line sistema bat izatea, ikasleen prestakuntza kudeatzeko eta bermatzeko behar den ahalmena eta baldintza hauek dituena:

–Aplikatzekoa den arau teknikoan adierazten diren mailak izatea, fidagarritasunaren, segurtasunaren, irisgarritasunaren eta elkarreraginaren aldetik.

–Balizko erabiltzaile guztiak aldi berean sartzeko bide ematea, kurtsoaren etapa guztietan plataformaren banda-zabalera uniformea dela bermatuz.

d) Plataforma erabiltzeko behar diren lizentziak izatea.

e) Inolako publizitaterik ez izatea. Fabrikatzailearen logotipoa eta copyright-a ez dira publizitatetzat hartuko.

f) Edukiak editatzea eta aldatzea.

g) Erabiltzeko prest egotea eguneko 24 orduetan eta asteko 7 egunetan.

2. Halaber, komunikazio tresna hauek izan beharko ditu:

a) Foroak: foro asko aldi berean ireki, itxi eta kategorizatzeko aukera eta, gutxienez, 4 Mb-ko artxiboak igotzeko aukera izatea.

b) Txatak: gutxienez txat kanal bat irekitzea prestakuntza ekintza bakoitzeko.

c) Posta elektronikoak, tutoreak jasotako posta guztiak antolatu eta etiketatzeko aukera eta artxibo bat baino gehiago eransteko aukera ematen dituena.

d) Gertaeren egutegia: kurtsoko hilabeteak dituen egutegi pertsonalizatu eta interaktibo bat izatea.

e) Informazio eremua: tutoreek eta ikasleek kurtsoaren gaineko informazioa editatzeko aukera, berriekin eta webguneekin lotura dutenak.

f) FAQ: maiz egiten diren galderei buruzko informazioa.

g) Lineako erabiltzaileak: konektatutako ikasleak etengabe ikustea.

h) Lan taldeak: bidezkotzat jotzen diren adina lan talde sortzeko aukera.

i) Xedatutako denborak dituzten ebaluazio objektiboak sortzeko aukera.

3. Plataformaren administrazioan baldintza hauek bete beharko dira:

a) Prestakuntza ekintzaren interfazea, non aditzera emanen den jarduerak finantzaketa publikoa (Nafarroako Enplegu Zerbitzuarena) duela, 22.4 oinarrian ezarritakoa betetzeko.

b) Babeskopia, sistema erortzekotan datu guztiak errekuperatzen ahalko direla bermatzeko behar den aldizkakotasuna duena.

c) Ikasleen eta egiten diren jarduera guztien erregistroak, eta txostenen edizioa.

d) Nafarroako Enpleguko Zerbitzuko langile teknikoei baimena ematea, dagokion gakoaren bidez, prestakuntza jarduera guztien kontrola eta jarraipena egin ahal ditzaten.

e) Plataforma kudeatzeko gidaliburu bat izatea.

f) Arazoak konpontzeko laguntza teknikoa izatea, 24 ordutan erantzuna emateko gaitasuna duena.

g) Formatuaren aldetik bideoa, audioa edo bit-mapetako irudia diren objektuei euskarri ematea, ikasteko eta ebaluatzeko jardueretan multimedia formatua duten edukiak eskaini ahal izateko.

4. Entitate onuradunak prestakuntza ekintza bakoitzaren programazioa garatzen duten langileen jarduketaren plangintza izan beharko du.

Zazpigarren oinarria.–Teleprestakuntza modalitatean prestakuntza ematen duten tutore-prestatzaileen baldintza eta betebeharrak.

Teleprestakuntza modalitatean prestakuntza ematen duten tutore-prestatzaileek esperientzia izan beharko dute modalitate horretan.

Prestakuntza modalitatean jarraipena eta kalitatea bermatzeko, tutore-prestatzaileak gutxienez 20 minutu emanen ditu astean parte-hartzaileko.

Tutore-prestatzaileak, gutxienez, eginkizun hauek izanen ditu:

a) Prestakuntza taldeko ikasleen harrera plana garatzea, prestakuntza ekintzaren berariazko ezaugarrien arabera.

b) Ikasleak orientatu eta gidatzea jarduerak egiteko, materialak erabiltzeko eta ikasteko plataforma birtualaren tresnak erabiltzeko, prestakuntza ekintzetan aurreikusitako gaitasunak eskura ditzaten.

c) Ikasleen partaidetza sustatzea, gogoeta egiteko eta eztabaidatzeko jarduerak proposatuz, banakako zereginak taldeko lana antolatuz eta ezarritako komunikazio-tresnak erabiliz.

d) Parte-hartzaileek egindako jardueren jarraipena eta balorazioa egitea, zalantzak argituz eta arazoak konponduz, ikasteko plataforma birtualaren tresnen bidez, aurreikusitako plangintzara egokituta.

e) Parte-hartzaileak ebaluatzea, ezarritako irizpideen arabera, eta bidezkoak diren ebaluazio proben antolaketan eta garapenean parte hartzea.

f) Prestakuntza ekintzak antolatu, kudeatu eta garatzeko erantzukizuna duen taldearen gaineko kideekin koordinatu beharra dakartzaten ekintza guztietan parte hartzea.

Zortzigarren oinarria.–Langileen parte-hartzea.

1. Honako hauek hartzen ahalko dute parte deialdi honetan aurreikusten diren prestakuntza planetan:

a) Zerbitzua administrazio publikoetako prestakuntza akordioen aplikazio eremutik kanpoko enpresetan edo entitate publikoetan ematen duten langileak, betiere Gizarte Segurantzan lanbide prestakuntza gisa kotizatzen badute.

b) Egoera hauetako batean dauden langileak: aldizkako langile finkoak, lanik gabeko aldietan; prestakuntza aldian langabeziara pasatzen diren langileak; edo enplegu erregulaziora pasatzen diren langileak, enpleguaren etete aldian daudenean.

c) Nekazaritza arloan, Gizarte Segurantzaren araubide orokorrean, besteren kontura ari diren langileen sistema bereziari atxikitako langileak, lanik gabeko aldietan; langile autonomoen araubide bereziari atxikitakoak; itsasoko langileen araubide bereziari atxikitakoak; eta lanbide prestakuntza gisa kotizatzen ez duten Gizarte Segurantzako gainerako langileak.

d) Kooperatiba, lan sozietate eta ekonomia sozialaren bestelako enpresa eta entitateetako bazkide-langileek eta laneko bazkideek.

e) Langabeak, Nafarroako Enplegu Zerbitzuko enplegu agentzietan lan-eskatzaile gisa inskribaturik badaude. Deialdi honetan aurreikusitako prestakuntza ekintzetan pertsona horiek izanen duten parte-hartzea plan guztien %40koa izanen da, gehienez ere, eta %30ekoa, gutxienez ere, hiru arlotan: 12. oinarrian adierazitako planetan, prestakuntza plan osoan eta hartan prestakuntza hasten duten pertsonen kopuru osoari dagokionez.

Langabetzat hartzeko, prestakuntzaren hasieran langileak dauden lan egoerari jarraituko zaio. Pertsona horiek martxoaren 7ko TAS/718/2008 Aginduan aurreikusitako bekak eta laguntzak jasotzen ahalko dituzte, aurretik eskatuz gero.

f) Administrazio publikoetako langileei dagokienez, 12.a) oinarrian aurreikusitako sektorearteko prestakuntza planetan parte hartzen ahalko dute, baina gehienez ere plan bakoitzean parte hartzen dutenen %10 izanen dira.

Landunek Nafarroako Foru Komunitatean izan beharko dute lantokia.

2. Aurreko atalean deskribatutako pertsonek eta kolektiboek parte hartzeko eginen duten eskaera deialdi honen II. eranskineko ereduari jarraituko zaio.

Pertsona horiek ezin izanen dute bitan edo gehiagotan parte hartu prestakuntza ekintza berean. Ondorio guztietarako, parte-hartzaileak betebehar hori betetzen duela aitortuko du II. eranskinean.

Parte hartzeko eskabideak diru-laguntzak jasotzen dituzten entitateek zainduko dituzte eta organo eskudunen eskura egonen dira, prestakuntza ekintzen ebaluazio, jarraipen eta kontrolerako.

3. Profesionaltasun-ziurtagiriak eskuratzeari lotutako prestakuntza egiten ahalko dute indarreko araudian ezarritako baldintzak betetzen dituzten langileek, haiek arautzen dituzten errege dekretuen arabera.

4. Entitate onuradunak hautatuko ditu parte-hartzaileak, honako hauek kontuan hartuta: prestakuntza planaren lehentasunak, Nafarroako Enplegu Zerbitzuak langabeei buruz identifikatzen dituen beharrak eta berdintasun eta objektibotasun irizpideak.

Entitate onuradunak hautaketaren ardura izanen du, baita parte-hartzaileek prestakuntza ekintzan sartzeko baldintzak edo hura egiteko oinarrizko gaitasunak dituztela bermatzeko ardura ere, haren errekerimenduen arabera.

Parte hartzen duten langabeek inskribaturik egon behar dute Nafarroako Enplegu Zerbitzuko enplegu agentzietan lan-eskatzaile gisa.

Parte-hartzaileren batek prestakuntza uzten badu, beste langile batzuk (lanean ari direnak nahiz langabeak) sar daitezke hartan, joandakoen ordez. Ordezpen hori onargarria izanen da egiten bada prestakuntza ekintzaren iraupenaren %25era erdietsi baino lehenago, salbu eta prestakuntza ekintzak lotuta badaude profesionaltasunaren-ziurtagiriei, zeren, kasu horretan, ordezpena onartzeko, betiere portzentaje hori gainditu gabe, lehenengo 5 ikastegunean egin beharko baita, prestakuntza ekintza hasten denetik hasita.

Entitate onuradunek parte hartzen duten langabeen zerrenda bidali beharko dio Nafarroako Enplegu Zerbitzuari, honek enplegu eskaera eten dezan prestakuntza, aurreikuspenen arabera, bukatzen den egunaren biharamunera arte.

Halaber, prestakuntza ekintzak iraun bitarte, entitate onuradunak parte hartzen duten langabeen alten eta bajen berri eman beharko dio Nafarroako Enplegu Zerbitzuari, horrelakoak gertatu bezain pronto.

5. Kolektibo hauek izanen dute lehentasuna prestakuntzan sartzeko: emakumeak, desgaitasunen bat dutenak, kualifikazio baxua dutenak, 45 urtetik gorakoak, 30 urtetik beherako gazteak, lanik gabe luzaro egon direnak, enpresa txiki eta ertainetako langileak (batez ere 50 langiletik beherako enpresetakoak) eta terrorismoaren eta genero indarkeriaren ondorioak jasan dituztenak.

Ondorio horretarako, kualifikazio baxuko langiletzat hartuko dira ikastaroa hasten denean ondoko kotizazio taldeetako batean daudenak: 06., 07., 09. edo 10. Langabeak edo langile autonomoak badira, hauetako bat ez dutenak hartuko dira: lanbide txartela, 2. edo 3. mailako profesionaltasun-ziurtagiria, lanbide heziketako titulua edo unibertsitateko titulua.

Lanik gabe luzaro egon diren langiletzat hartuko dira hautaketaren aurreko 18 hilabeteetan gutxienez 12 hilabetetan enplegu agentzian lan-eskatzaile gisa inskribaturik egon direnak.

Bederatzigarren oinarria.–Langabeentzako beka eta laguntzak.

1. Prestakuntza planetan parte hartzen duten langabeak TAS/718/2008 Aginduaren III. kapituluan ezarritako beken eta laguntzen onuradunak izaten ahalko dira arau horretan eta oinarri honetan ezarritako betebehar eta baldintzak betetzen badituzte.

2. Deialdi honetan aurreikusitako prestakuntza ekintzetan parte hartzen duten eta desgaitasunen bat duten langabeek eskubidea izanen dute 9 euroko beka bat izateko, bertaratze egun bakoitzeko, betiere beren desgaitasuna egiaztatzen bada Adinduen eta Gizarte Zerbitzuen Institutuak (IMSERSO) edo Autonomia Erkidego bateko zerbitzu egokiak luzatutako ziurtagiriaren bitartez, minusbaliotasunaren portzentajea (gutxienez %33) adierazita.

3. Prestakuntzara bertaratzeko garraio publikoa erabiltzen duten langabeek eskubidea izanen dute eguneko 1,5 euroko gehieneko laguntza izateko, lekualdaketa hiribarnekoa bada, eta 15 eurokoa lekualdaketa herri artekoa bada.

Hiriarteko lekualdaketan garraio publikoa erabili beharrak eragindako benetako gastua, garraio txartelen bitartez frogatuko da.

Langabearen helbidetik prestakuntza ematen den zentrorako joan-etorrirako garraiobide publikorik ez badago, edo garraiobide horrek ordutegi erregular bat ez badu ikastarorako egokia, norberaren ibilgailua erabili beharraren ondoriozko laguntzarako eskubidea izan daiteke. Laguntza hori 0,19 eurokoa da kilometroko, eta gehienez 20 eurokoa eguneko. Laguntza horren ordainketaren ondorioetarako, ibilbidea egiteko garraiobide publikoko sarerik ez dagoela edo garraiobide horrek ikastarorako egokia den ordutegi erregular bat ez duela egiaztatzen duten agiri-euskarriak eskatzen ahalko dira.

Gorabehera hori laguntzaren ordainketan eskudun den organoak aztertu beharko du.

4. Ikastaroa goizez eta arratsaldez ematen bada eta langabearen helbidetik prestakuntza ematen den zentrorako joan-etorriak 20 kilometrokoak edo luzeagoak badira, mantenurako laguntza izateko eskubidea izaten ahalko da, gehienez ere 12 eurokoa eguneko.

5. 120 kilometrotik gorako ibilbideen kasuan, langabearen helbidetik prestakuntza ekintza ematen den zentrorako joan-etorria eskolak hasterako eta bukatutakoan egunero egiterik ez badago, garraio sarearen zerbitzuek ikastarorako ordutegi egokirik ez izateagatik, ostatu eta mantenuko laguntza izateko eskubidea izaten ahalko da, 60 eurokoa egun naturaleko. Kasu horretan, ikasleek hasierako eta bukaerako bidaiak klase ekonomikoan egiteko garraio-txarteletarako eskubidea izanen dute, 15 euro gehienez ere.

Gorabehera hori laguntzaren ordainketan eskudun den organoak aztertu beharko du.

Ostatu gastu erreala errentamendu kontratuaren bidez, ostatu-fakturaren bidez edo froga-balioa duen beste edozein agiriren bidez frogatuko da.

6. Aurreko ataletan aurreikusitako laguntzak zehazteko, ikasleek izena emana duten enplegu agentziaren datu-basean ageri den helbidea hartuko da kontuan, jakinarazpenetarako emandako helbidearen desberdina izan arren.

7. Martxoaren 7ko TAS/718/2008 Aginduaren 27. artikuluan familia eta lana bateratzeko aurreikusitako laguntzak ordaintzeko, langabeek 6 urtetik beherako haurrak edo mendekotasuna duen 2. gradu arteko ahaideren bat beren kargu dituztela egiaztatzen duten agiriak aurkeztu beharko dituzte, baita OAEAP-Ondorio Askotarako Errenta Adierazle Publikoaren %75etik gorako errentarik ez dutela egiaztatzen dutenak ere, aipatu aginduaren 27.1.b) artikuluan ezarritako baldintzen arabera.

Ulertuko da azken betebehar hori betetzen dela familia-unitatea osatzen duten kide guztien errenten baturak, eskatzailearena barne, kideen kopuruarekin zatiturik, hileko OAEAParen %75 gainditzen ez duenean, aparteko sarien zati proportzionala barne. Ondorio horietarako, errentatzat hartuko dira soldata sozialak, gizarteratzeko errenta minimoak edo autonomia erkidegoek gizarte laguntza gisa emandako antzeko laguntzak. Familia-unitateak beka edo laguntzaren eskatzailearen prestakuntzaren hasieran lortzen dituen errentak hartuko dira kontuan.

Diru-laguntza horien ondorioetarako Pertsona Fisikoen Errentaren gaineko Zergari buruzko Foru Legearen testu bategina onesten duen ekainaren 2ko 4/2008 Legegintzako Foru Dekretuaren 71.1. artikuluaren arabera familia-unitate gisa definituak direnak hartuko dira halakotzat. Ondorio horiexetarako, Bikote Egonkorrentzako Berdintasun Juridikoari buruzko uztailaren 3ko 6/2000 Foru Legearen 2. artikuluan definitutakoak hartuko dira bikote egonkortzat.

Familia eta lana bateratzeko laguntza horren zenbatekoa OAEAParen %75ekoa izanen da, bertaratutako egun bakoitzeko.

Langile langabeak ondoko agiri hauek aurkeztu beharko ditu: familia-liburuaren kopia konpultsatua; mendekotasuna duen ahaidearen mendekotasun ziurtagiria, halakorik bada; bizikidetasun ziurtagiria; familia-unitateko kide guztien diru-sarreren egiaztagiria; eta erantzukizuneko/zinpeko aitorpena, bestelako prestazio edo diru-sarrerarik ez izatearena.

8. Oinarri honetan ezarritakoaren ondorioetarako, profesionaltasun-ziurtagirien prestakuntza praktikoko modulua egiteak eta gainerako prestakuntza moduluen prestakuntza teoriko-praktikoa egiteak balio bera izanen dute.

9. Entitate onuradunak langabeei informazioa emanen die eskuratzen ahal dituzten laguntzei eta bekei eta horiek eskuratzeko eskatzen diren betebeharrei buruz.

Entitate onuradunak bekak eta laguntzak eskatzeko ereduak (III. eranskinekoak) emanen dizkie pertsona horiei.

Langabeek beken eta laguntzen eskabideak eta laguntzak jasotzeko baldintzak betetzen dituztela frogatzen duten agiriak aurkeztuko dituzte aipatu entitatean, prestakuntza ekintza bukatu baino lehen. Eskabide guztiei gehitu beharko zaie lan-eskaera txartela.

Aurreko dokumentazioaz gain, Nafarroako Enplegu Zerbitzuak bekak edo laguntzak eman eta ordaintzeko beharrezkotzat jotzen duen beste edozein agiri edo informazio osagarri eskatzen ahalko du.

10. Nafarroako Enplegu Zerbitzuak kudeatu eta ordainduko ditu beka eta laguntza horiek. Laguntzak zuzenean emanen dira, martxoaren 24ko 357/2006 Errege Dekretuan ezarritako prozedurari jarraikiz, ikasleak eskaera egin eta hiru hilabeteko epean ebazpena eman ondoren. Nafarroako Enplegu Zerbitzuak ebazpena eman eta, hala denean, beka edo laguntza ordainduko du, dirua langileak emandako kontu korrontean sartuz.

Bekak edo laguntzak eskuratzeko eskubidea galduko da, prestakuntza ekintza bakoitzean hilean justifikaziorik gabe hirutan baino gehiagotan huts eginez gero. Dena dela, ikasleak ez du eskubiderik izanen prestakuntza ekintzara agertu ez den egunei dagokien laguntza edo beka jasotzeko. Prestakuntza ekintza mistoak direnean, bekak eta laguntzak ez dira kobratuko langabeek aurrez aurreko prestakuntza ekintzetara agertu behar dutenean baizik.

11. Eskabidea betetakoan, entitate onuradunak Nafarroako Enplegu Zerbitzura bidaliko du, prestakuntzara bertaratu dela frogatzeko agiriekin eta eskatutako laguntza edo bekari buruzko dokumentazioarekin batera.

Aurreko lerroaldean aipatzen den dokumentazioa 10 eguneko epean bidali behar da, prestakuntza ekintza bukatu eta biharamunetik hasita.

Hiru hilabete baino gehiago irauten duten prestakuntza ekintzen kasuan, tarteko bidalketa bat egin daiteke, eskabidearekin eta prestakuntzara bertaratu izanaren frogagiriekin eta eskatutako beka edo laguntzari buruzko dokumentazioarekin, epe horri dagokionak.

Prestakuntzara bertaratu dela frogatzeko, eredu normalizatuak erabiliko dira.

Hamargarren oinarria. Bertaratze modalitatearen prestakuntza ekintzak eta lantokietako prestakuntza praktikoko modulua egiten dituztenen nahitaezko istripu-asegurua.

Diru-laguntzaren entitate onuradunak istripu aseguruaren poliza sinatu beharko du, prestakuntza ekintza hasi baino lehen. Poliza prestakuntza ekintzaren iraunaldi teoriko-praktikora eta eguneko ordutegira moldatuko da, eta honako hauek estali behar ditu: in itinere istripuen gastuak eta ikasleek enpresetan edo beste establezimendu batzuetan, prestakuntza ekintzen garapenari laguntzeko antolatuak, egiten dituzten bisiten ondoriozko arriskuak.

Poliza horrek prestakuntza gauzatzean parte-hartzaileek eragindako kalteak estaliko ditu. Nafarroako Enplegu Zerbitzuak ez du izango inolako erantzukizunik horren gainean. Ondorio horretarako, hirugarren aurreko erantzukizun zibila prestakuntza ekintza gauzatzeari lotutako gastutzat hartuko da.

Entitate onuradunak aseguru poliza kolektiboa sinatzen ahal du, azaldutako argigarriak betez, onetsitako prestakuntza planaren ikasle guztiak estaltzen dituena.

Parte-hartzaile batek ezin izanen du prestakuntza ekintza bat edo prestakuntza praktikoko modulu bat hasi, inolaz ere, istripu aseguruaren poliza sinatu ez bada. Polizak, gutxienez, honako estaldura hauek izanen ditu:

–Heriotza, istripuagatik.

–Baliaezintasun erabatekoa eta iraunkorra, istripuagatik.

–Baliaezintasun iraunkor partziala, istripuagatik. Baremoaren araberakoa izanen da.

–Osasun laguntza mugagabea, istripuagatik.

II

Aurrekontua

Hamaikagarren oinarria.–Prestakuntza planak finantzatzeko aurrekontua.

1. Deialdi honen babesean garatzen diren prestakuntza planak 2014ko gastuen aurrekontuko “Enplegu plana. Enplegurako lanbide prestakuntza, batik bat lanean ari diren pertsonei zuzendua, eta enplegua sustatzen duten beste batzuk” izeneko 170002/15200/4819/242104 kontu-sailaren kargura finantzatuko dira.

Diru-laguntzak ematea eta ondoriozko hitzarmenak sinatzea nahiko aurrekontu-kreditu indarduna izatearen mende egonen da.

2. Deialdi honi dagokion gehieneko finantzaketa 6.968.660 eurokoa da, honela banaturik:

a) Sektorearteko prestakuntza planak, 12.a) oinarrian ezarritakoak: 6.194.161,60 euro.

b) Jarduera ekonomikoa ematen duten ekonomia sozialeko langile eta bazkideentzako sektorearteko prestakuntza planak, 12.b) oinarrian ezarritakoak: 103.236 euro.

c) Langile autonomoentzako sektorearteko prestakuntza planak, 12.c) oinarrian ezarritakoak: 103.236 euro.

d) Profesionaltasun-ziurtagiriak eskuratzeari lotutako prestakuntza duten prestakuntza planak, 12.d) oinarrian ezarritakoak: 481.768,15 euro.

–Beka eta laguntzetarako: 86.258,25 euro.

3. Aipatu planetako batean diru gehiegirik bada, erabat eman ezin izan diren planei dagokien kopurua handitzeko erabiliko da, lehentasun ordena honekin:

–Sektorearteko prestakuntza planak, 12.a) oinarrian ezarritakoak.

–Langile autonomoentzako sektorearteko prestakuntza planak, 12.c) oinarrian ezarritakoak.

–Profesionaltasun-ziurtagiriak eskuratzeari lotutako prestakuntza duten prestakuntza planak, 12.d) oinarrian ezarritakoak.

–Jarduera ekonomikoa ematen duten ekonomia sozialeko langile eta bazkideentzako sektorearteko prestakuntza planak, 12.b) oinarrian ezarritakoak.

III

Prestakuntza plan motak eta entitate eskatzaileak

Hamabigarren oinarria.–Prestakuntza plan motak.

Deialdi honen babesean diru-laguntzak ematen ahalko dira batik bat lanean ari diren pertsonentzako prestakuntza plan mota hauek gauzatzeko:

a) Jarduera ekonomikoaren hainbat sektoreren zeharkako gaitasunak edo sektore baten berariazko gaitasunak ikastera bideratutako prestakuntza ekintzek osatzen dituzten sektorearteko prestakuntza planak, langileen legezko ordezkaritzari dagozkion eginkizunak burutzeko gaitzen duen prestakuntza barne, beste sektore batzuetako langileak birziklatu eta berriko kualifikatzearren.

b) Jarduera ekonomikoa ematen duten ekonomia sozialeko langile eta bazkideentzako sektorearteko prestakuntza planak.

c) Langile autonomoentzako sektorearteko prestakuntza planak.

d) Profesionaltasun-ziurtagiriak eskuratzeari lotutako prestakuntza ekintzak dituzten prestakuntza planak, honako gaitasun hauek ikasteko: jarduera ekonomikoaren hainbat sektoretako zeharkako gaitasunak, beste sektore batzuetako langileak, birziklatu eta birkualifikatzeko, sektore baten berariazko gaitasunak edo lehentasunezko prestakuntza arloetako gaitasunak. Azken hauek produkzio eredu berriaren kualifikazio beharrei aurrea hartzekoak dira, bai eta sektore berritzaileenak garatzekoak, Moderna Planari lotutakoak eta Nafarroako sektore estrategikoak, eremu hauetan:

–Ekintzailetza, mikroenpresak sortu eta kudeatzea.

–Nekazaritzaren sektorean: produkzio ekologikoa eta oihanen kudeaketa eta aprobetxamendua.

–Merkataritzaren esparruan: enpresa eta logistika nazioarteratzea.

–Industria produkzioaren ingurunean: fabrikazio mekanikoa, ekipamendu ondasunen muntaketa eta haiek martxan jartzea, automatizazio industriala, makinen muntaketa eta mantentze-lanak, industria ekipoa eta produkzio-linea automatizatuak, hozteko instalazioen muntaketa eta mantentze-lanak.

–Energia berriztagarriak eta efizientzia energetikoa.

–Domotika.

–Ingurumen kudeaketa eta hiri edo industria hondakinen kudeaketa.

–Nekazaritzako elikagaien industria.

–Pertsonei arreta emateko sektorean: norberaren autonomia sustatzearekin zerikusia dutenak.

–Informatikaren eta komunikazioen esparruan: web teknologiak dituzten aplikazioen garapena, interneteko zerbitzuen administrazioa eta enpresa baliabideak planifikatzeko sistemen kudeaketa eta programazioa.

–Produkzio farmakologikoa.

Prestakuntza plan horietako prestakuntza ekintzak prestakuntza modulu edo profesionaltasun-ziurtagiri osoei dagozkie.

Hamahirugarren oinarria.–Entitate eskatzaileak: baldintzak eta egiaztapena.

Aurreko oinarrian adierazitako plan mota ezberdinak finantzatzeko diru-laguntzak eskatzen ahalko dituzte honako entitate hauek:

1. 12.a) oinarrian ezarritako sektorearteko prestakuntza planak gauzatzeko: Estatuan ordezkaritza handiena duten enpresaburuen erakundeek eta sindikatuek eta Nafarroako Foru Komunitatean ordezkaritza handiena dutenek.

2. Jarduera ekonomikoa ematen duten ekonomia sozialeko langile eta bazkideentzako sektorearteko prestakuntza planak gauzatzeko: Nafarroako Foru Komunitateko sektorearteko konfederazioak eta federazioak, indar nahikoa badute honako baldintza hauen arabera:

a) Ekonomia sozialeko entitate ezberdinen artean Nafarroako Foru Komunitatean ordezkaritza handieneko hiru erakunde, gutxienez, elkartzea. Entitate horiek Ekonomia Sozialari buruzko martxoaren 29ko 5/2011 Legearen 5. artikuluan biltzen dira.

b) Haren egoitza sozial iraunkorra edo bertan sartutako erakundeena Nafarroan egotea.

Baldintza horiek egiaztatzeko, ekonomia sozialeko entitate elkartuen ordezkaritza duten erakundeek ziurtagiriak luzatuko dituzte eta Nafarroako Gobernuko Lan Zuzendaritza Nagusiak txosten bat emanen du, Nafarroako Enplegu Zerbitzuak eskatu eta hamabost eguneko epean.

c) Giza baliabideak izatea bere egituran.

d) Instalazioak izatea prestakuntza garatzeko.

3. Langile autonomoentzako sektorearteko prestakuntza planak gauzatzeko, honako hauek eskatzen ahal dute:

a) Langile autonomoen sektorearteko lanbide elkarteak, baldintza hauen arabera:

1. Nafarroako Langile Autonomoen Lanbide Elkarteen Erregistroan izena emanik egotea.

2. Giza baliabideak izatea bere egituran.

3. Instalazioak izatea prestakuntza garatzeko.

Nafarroako Gobernuko Lan Zuzendaritza Nagusiak txosten bat emanen du, Nafarroako Enplegu Zerbitzuak eskatu eta hamabost eguneko epean. Bertan deialdian parte hartzen duten elkarteak erregistroan inskribaturik daudela dioten ziurtagiriak eta entitate bakoitzaren pisu erlatiboari buruzko proposamen bat sartuko dira. Horretarako, Lan Zuzendaritza Nagusiak behar den informazioa eskatzen ahalko dio entitate bakoitzari.

b) Erakunde sindikalak, Langile Autonomoen Estatutuari buruzko uztailaren 11ko 20/2007 Legearen 21.5 artikuluak aipatzen dituenak.

4. 12.d) oinarrian aurreikusitako prestakuntza planen kasua, Nafarroako Enplegu Zerbitzuak egiaztatutako prestakuntza zentro eta entitateak, honen arabera:

a) Prestakuntza planean aurkezten diren profesionaltasun-ziurtagirian bertan, edo ziurtagirietan, egiaztatzea.

b) Egiaztatzea deialdi hau argitaratzen denean, diru-laguntza eskaeraren xedeko prestakuntza espezialitateen kasuan.

Halaber, profesionaltasun-ziurtagiri bakoitzerako, bera arautzen duen errege dekretuan ezarritako baldintzak, gutxienez, bete beharko dituzte lanbide-arlo bereko prestakuntza ematen denean.

Behin ere ez dute azpikontratatuko egin beharreko prestakuntza jarduera. Horregatik profesionaltasun-ziurtagiri bakoitzari lotutako prestakuntza programetan eskatutako espazioak, instalazioak eta baliabideak izan beharko dituzte. Onuradunak diruz lagundutako prestakuntza emateko irakasleren bat kontratatzea ez da azpikontrataziotzat hartuko.

Hamalaugarren oinarria.–Prestakuntza planak gauzatzeko hitzarmenak.

1. 12. oinarrian adierazitako prestakuntza planak kasuan kasuko diru-laguntza ematen duen ebazpenaren arabera gauzatuko dira, baita oinarrian seinalatutako entitateek eta Nafarroako Enplegu Zerbitzuak sinatzen dituzten hitzarmenen arabera ere.

2. Hitzarmenek eduki hau izan beharko dute, gutxienez:

a) Hitzarmena izenpetzen duten entitate onuradunak, bazkideak zein diren azalduta, halakorik dagoenean.

b) Hitzarmenaren helburua eta aplikazio eremua.

c) Aplikatu beharreko araudia.

d) Prestakuntza planaren ezaugarriak, alderdi tekniko eta formalak azalduta.

e) Finantzaketa.

f) Entitate onuradun bakoitzak bere gain hartuko dituen konpromisoak eta, hala denean, kudeatuko dituen zenbatekoak.

g) Diruz lagundutako jarduera osorik edo haren parte bat gauzatzen duten entitate azpikontratatuak; onuradunei lotutakoak, halakorik bada, zein diren adieraziko da, prestakuntza plana gauzatzen ari direnean sartzen ahal direnak alde batera utzi gabe.

h) Jarraipenerako Batzorde Mistoa, bere eginkizunak, osaera, kide kopurua eta funtzionamendurako araubidea zehaztuta.

i) Suntsiarazteko arrazoiak eta ondorioak.

j) Hitzarmenaren indarraldia eta amaiera iragartzea, horretarako kasuak, formalitateak eta epeak adierazita.

IV

Prozeduraren hasiera, instrukzioa eta ebazpena

Hamabosgarren oinarria.–Diru-laguntzarako eskerak.

1. Deialdi honi loturik aurkezten diren diru-laguntza eskabideak elektronikoki tramitatuko dira, entitate eskatzaileek Enplegu Prestakuntzarako Hiruko Fundazioaren web orrian (www.fundaciontripartita.org) erabilgarri izanen duten aplikazio informatikoaz baliatuz.

Horretarako, entitate horiek pertsona fisiko edo juridikoaren ziurtagiri elektroniko bat, legez onartutako entitate batek emana, eduki beharko dute. Eskabidea elektronikoki bete ondoren, eskabidearen paperezko kopia bat aurkeztuko da, epearen barnean, Nafarroako Enplegu Zerbitzuaren erregistroan, eta, horrekin batera, planaren laburpena eta elektronikoki aurkeztutako agirien zerrenda.

Eskabidea egiten denean aplikazio informatikoa ezin bada erabili, entitate eskatzaileek hurrengo lerroaldean ezarritakoaren arabera beteko dute eskabidea.

Entitate eskatzaileek aukeran izanen dute Nafarroako Gobernuko enpleguaren atariko web orrian dagoen eskabidea betetzea eta bai eskabidearen bai prestakuntza planaren paperezko bi kopia aurkeztea Nafarroako Enplegu Zerbitzuko erregistroan. Dokumentazioa euskarri informatikoan ere aurkeztu beharko da.

Eskabideak Herri Administrazioen Araubide Juridikoari eta Administrazio Prozedura Erkideari buruzko Legearen 38.4 artikuluan aipatu erregistro eta bulegoetan ere aurkez daitezke.

2. Eskabideak aurkezteko epea 30 egun baliodunekoa izanen da, deialdi hau Nafarroako Aldizkari Ofizialean argitaratu eta biharamunetik hasita.

Hamaseigarren oinarria.–Eskaeraren edukia.

1. Eskaerak eduki hau izan beharko du, gutxienez:

a) Eskatzailearen izena eta sozietatearen izena.

b) Eskaera egiten duen legezko ordezkari baimenduaren identifikazioa eta sinadura.

c) Eskatzailearen erantzukizuneko aitorpena, eskaeran emandako informazioa eta datuak benetakoak direla dioena, eta, hala denean, diru-laguntza ematen duen organoa baimentzea Foru Ogasunari eta Gizarte Segurantzako Diruzaintza Nagusiari eskatzeko eskatzaileak zerga betebeharrak eta Gizarte Segurantzakoak beteak dituen jakiteko datuak.

2. Eskabidearekin batera honako dokumentazio hau aurkeztuko da:

a) Eskaera sinatzen duenak pertsona juridiko eskatzailearen izenean jarduteko ahalmena baduela egiaztatzen duen agiria, indarra duen legeriaren araberakoa.

b) Entitatearen identifikazio fiskaleko txartelaren fotokopia, eta pertsona juridiko eskatzailearen izenean jarduten duen pertsonak Nafarroako Enplegu Zerbitzuari ematen dion baimena, datuak Nortasun Datuak Egiaztatzeko Sistemaren bidez egiazta ditzan, apirilaren 28ko 522/2006 Errege Dekretuan ezarritakoaren arabera. Baimen hori eman ezean, pertsona horrek nortasun agiri nazionalaren fotokopia aurkeztu beharko du.

c) Entitate eskatzailearen behar bezala legeztatutako estatutuen fotokopia.

d) Diru-laguntzei buruzko azaroaren 9ko 11/2005 Foru Legearen 13. artikuluko 2. eta 3. idatz-zatietan aipatu egoeretakoren batean ez dagoela dioen aitorpena (egoera horiek onuradun izatea galaraziko liokete).

e) Entitate eskatzaileak garatuko duen prestakuntza plana, oinarri honetako 3. atalean aurreikusitako informazioa duena.

f) Ekonomia sozialeko langile eta bazkideentzako sektorearteko prestakuntza planen kasuan, 13.2 oinarrian ezarritako egiaztapen dokumentazioa.

g) Martxoaren 7ko TAS/718/2008 TAS Aginduaren 3.5 artikuluan ezarritako entitate elkartuen zerrenda, baita agindu horren 3.6 artikuluan ezarritako elkarteko entitateen zerrenda ere, kudeaketan entitate bakoitzak bere egiten dituen konpromisoak eta zenbatekoak adierazita.

h) Hitzarmena osorik edo horren zati bat gauzatuko duten entitate azpikontratatuen zerrenda; entitate onuradunari lotuta daudenak, halakorik bada, zein diren adieraziko da.

i) Prestakuntza zentro edo entitatearen legezko ordezkariak sinatutako erantzukizuneko aitorpena, eskatutako espezialitateen prestakuntza Nafarroako Foru Komunitatean emateko egiaztapena eta behar diren baliabideak dituztela eta egiaztapen horretarako bide eman zuten errege dekretuetan ezarritako baldintzak mantentzen direla ziurtatzen duena.

j) Esperientzia eskatzen bada, entitate eskatzailearen erantzukizuneko aitorpena.

k) Profesionaltasun-ziurtagiriei lotutako prestakuntza planen kasuan, 1897/2013 Ministerio Aginduan aipatu dokumentazio tekniko guztia aurkeztu beharko da.

l) Eskatzailea pertsona juridikoa bada, ez dagoela gardentasunaren betebeharraren menpe dioen aitorpena, Nafarroako Aurrekontu Orokorren kargurako diru-laguntzen onuradunen gardentasun betebeharrak arautzen dituen irailaren 11ko 59/2013 Foru Dekretuaren 3. artikuluan adierazitako bi inguruabarrak gertatzen ez direnez:

–Emandako diru-laguntza 20.000 eurotik gorakoa izatea urtean.

–Emandako diru-laguntza entitate onuradunaren negozio-zifraren edo urteko aurrekontuaren %20tik gorakoa izatea.

Ondorio horietarako, Nafarroako Foru Komunitateko Administrazioak edo haren erakunde publikoek urte naturalean emandako diru-laguntza guztien kopuruak batuko dira.

Aurrekoaz gain, Nafarroako Enplegu Zerbitzuak espedientea ebazteko beharrezkotzat jotzen duen beste edozein agiri edo informazio osagarri eskatzen ahalko du.

Ez da beharrezkoa izanen lehendik Nafarroako Enplegu Zerbitzuan zeuden agiriak aurkeztea, prestakuntza arloan erakunde horrek emandako diru-laguntzetarako aurreko eskaeren tramitazioan eman baitziren. Halakoetan, eskatzaileak Herri Administrazioen Araubide Juridikoari eta Administrazio Prozedura Erkideari buruzko Legearen 35. artikuluko f) idatz-zatian ezarritakoari heltzen ahalko dio, baina Enplegurako Lanbide Prestakuntza Kudeatzeko Atalean zein espediente zenbakirekin tramitatu ziren esan beharko du.

3. Prestakuntza planak martxoaren 7ko TAS/718/2008 Aginduaren 16.2 artikuluan ezarritako informazioa izanen du. Halaber, eranskin hauek gehituko dira, eredu normalizatuak erabilita:

a) Planeko prestakuntza ekintza bakoitzaren laburpen-orria. Horretarako, profesionaltasun-ziurtagiriak eskuratzeari lotutako prestakuntza ekintzen kasuan, ekintza horiek profesional-ziurtagiri osoei, prestakuntza modulu osoei edo prestakuntza unitateei egokituko dira, kasuaren arabera.

b) Plana kudeatzeko onuradun bihurtuko diren entitateen gaitasun teknikoa frogatzen duen txostena, informazio hau emanen duena, gutxienez ere: azken hiru urtean prestakuntza planak eta beste jarduera batzuk garatzen izandako esperientzia, entitate horiek dituzten baliabide tekniko eta materialak adierazita eta, zein den kasua, prestakuntza plana garatzen dutenena.

4. Entitate berak ezin izanen du finantziaziorik eskatu, deialdi honen kargura, 12. oinarrian aurreikusten direnei erreparatuz mota bereko prestakuntza plan bat baino gehiago gauzatzeko.

Aurreko lerroaldean ezarritakoa betetzen ez bada, epean aurkeztutako eskaeren artean lehenagoko aurkezpen data duena finantzatuko da soilik. Aurkezpen data bera badute, parte-hartzaile gehiago aurreikusten duen prestakuntza planerako eskaera finantzatuko da.

Hamazazpigarren oinarria.–Errekerimenduak eta tramitera ez onartzea.

1. Diru-laguntzarako eskabidea aurkeztu ondoren, deialdi honetan aipatzen diren baldintzak betetzen ez baditu, interesdunei 10 eguneko epea emanen zaie, idazkia jaso eta biharamunetik hasita, behar diren argibideak edo agiriak aurkez ditzaten, eta adieraziko zaie halaber, hala egin ezean eskaerari uko egin diotela ulertuko dela eta espedientea artxibatzeko ebazpena emanen dela, Diru-laguntzei buruzko azaroaren 9ko 11/2005 Foru Legearen 19.3 artikuluarekin bat.

Hori hala izanik ere, errekerimenduak planeko prestakuntza ekintzetakoren bat edo batzuk ukituz gero, ekintza horiek baztertu eginen dira planetik, eta planeko gainerakoa tramitatuko da horretarako behar diren baldintzak eta betebeharrak betetzen badira.

2. Nolanahi ere, ez dira tramitera onartuko deialdian ezarritako epean aurkezten ez diren eskabideak eta 4.5 oinarrian ezarritako mugak errespetatzen ez direnak; horrelakoetan, ez da akatsak zuzentzeko aukerarik izanen, eta artxibatu eginen dira. Ondoko baldintzetako bat betetzen ez dutenak ere ez dira onartuko:

a) Eskatzailearen izena eta sozietatearen izena.

b) Eskaera egiten duen legezko ordezkari baimenduaren identifikazioa edo sinadura.

c) Planeko prestakuntza ekintzak.

d) Eskatutako diru-laguntzaren zenbatekoa.

Hemezortzigarren oinarria.–Eskaerak baloratzeko irizpideak.

Eskaerak irizpide hauek aplikatuz baloratuko dira:

a) Prestakuntza eskaintza Enplegu Prestakuntzarako Hiruko Fundazioaren web orrian (www.fundaciontripartita.org) argitaratutako lehentasunezko ekintzetara egokitzea.

Irizpide honek balorazio osoaren 35 puntu osatuko du, gehienez ere. Atal honi dagokion gutxieneko puntuazioa ezin da 10 puntukoa baino txikiago izan.

Profesionaltasun-ziurtagiriak eskuratzeari lotutako prestakuntza ekintzei dagokienez, lehentasunezko prestakuntza arlo hauek ezarri dira: produkzio eredu berriaren kualifikazio beharrei aurrea hartzekoak, sektore berritzaileenak garatzekoak, Moderna Planari lotutakoak eta Nafarroako sektore estrategikoak, 12.d) oinarrian aipatutako eremu hauen arabera:

Banaketa honi jarraikiz eginen da balorazioa:

1.–Lehentasunezko ekintzetan parte hartzen dutenen kopurua %50 baino txikiago denean: 0 puntu.

2.–Lehentasunezko ekintzetan parte hartzen dutenen kopurua %50 edo gehiago eta %60 baino gutxiago denean: 10 puntu.

3.–Lehentasunezko ekintzetan parte hartzen dutenen kopurua %60 edo gehiago eta %70 baino gutxiago denean: 20 puntu.

4.–Lehentasunezko ekintzetan parte hartzen dutenen kopurua %70 edo gehiago eta %80 baino gutxiago denean: 30 puntu.

5.–Lehentasunezko ekintzetan parte hartzen dutenen kopurua %80 edo gehiago denean: 35 puntu.

b) Prestakuntza planeko lehentasunezko kolektiboak.

Atal honek balorazio osoaren 20 puntu osatuko du, gehienez ere. Atal honi dagokion gutxieneko puntuazioa ezin da 4 puntukoa baino txikiago izan.

Banaketa honi jarraikiz eginen da balorazioa:

1.–Planeko lehentasunezko kolektiboetako parte-hartzaileen kopurua %25 baino txikiagoa denean: 0 puntu.

2.–Planeko lehentasunezko kolektiboetako parte-hartzaileen kopurua %25 edo gehiago eta %36 baino gutxiago denean: 5 puntu.

3.–Planeko lehentasunezko kolektiboetako parte-hartzaileen kopurua %36 edo gehiago eta %51 baino gutxiago denean: 10 puntu.

4.–Planeko lehentasunezko kolektiboetako parte-hartzaileen kopurua %51 edo gehiago eta %66 baino gutxiago denean: 15 puntu.

5.–Planeko lehentasunezko kolektiboetako parte-hartzaileen kopurua %66 baino handiagoa denean: 20 puntu.

Planeko lehentasunezko kolektiboetako parte-hartzaileen kopurua zehazteko, parte-hartzaile bat kolektibo bat baino gehiagorekin identifikatzen ahal bada, behin baino ez da zenbatuko.

c) Prestakuntza planeko prestakuntza ekintzen alderdi teknikoei dagokienez.

Atal honetako irizpideek balorazio osoaren 25 puntu osatuko dute, gehienez ere. Atal honi dagokion gutxieneko puntuazioa ezin da 10 puntukoa baino txikiago izan.

Prestakuntza ekintzen alderdi hauek hartuko dira kontuan:

1. Prestakuntza ekintzen egiaztapena.

Prestakuntza ekintza bukatzean lortzen ahal den ziurtagiri mota baloratuko da, banaketa honen arabera:

1.–Bertaratze-ziurtagiria: 0 puntu.

2.–Aprobetxamenduari buruzko diploma: 2 puntu. Ebaluazio positiboa (deialdiaren 4.4 oinarria) eta Kualifikazioen Katalogo Nazionalari lotutako prestakuntza gainditzeagatik luzatutako diploma, prestakuntza horren profesionaltasun-ziurtagiririk ez baitago (Hirugarren xedapen iragankorra. TAS 718/2008 Agindua).

3.–Prestakuntza unitatearen ziurtagiria: 4 puntu.

4.–Gaitasun unitateen (prestakuntza moduluen) egiaztapen partzial metagarria: 8 puntu.

5.–Profesionaltasun-ziurtagiri osoa edo lanbide-gaitasunari lotutako ziurtagiria: 10 puntu.

Atal honi dagokion informazioa kontrol organoen eskura egonen da egiten dituzten jarraipen eta kontrol jarduketetan.

2. Plangintza didaktikoa eta ikaskuntzaren ebaluazioaren plangintza.

Plangintza didaktikoak eta prestakuntza ekintzen ebaluazioaren plangintzak baloratuko dira, bai eta plangintza horiek gauzatzeko erabiltzen diren materialak eta tresnak ere, irakaskuntzaren kalitatea a priori ezartzeko eta ikaskuntzaren emaitzak segurtatzeko.

Garapen maila altuko plangintza didaktikoak eta ebaluazioaren plangintzak egiten diuzten prestakuntza planek puntuazio handiagoa lortuko dute, banaketa honen areabera:

1.–Plangintza didaktikoa edo ebaluazioaren plangintza egiten ez dutenak: 0 puntu.

2.–Plangintza didaktikoak eta ebaluazioarena egiten dituzte, baina ez dute hurrengo informazioa adierazten: prestakuntzarako eta ebaluaziorako aurreikusitako egunak, erabiliko diren guneak, ebaluazio tresnak eta tresna horien aplikazioak behar duen denbora: puntu bat.

3.–Plangintza didaktikoak eta ebaluazioarena egiten dituztenak, 2. puntuko informazio osoa adierazita: 3 puntu.

4.–Plangintzak egiten dituztenak 3. puntuan jasotakoaren arabera eta, horrez gain, materialak (gida didaktikoak, ikaskuntza gidak, etab.) erabili eta ebaluazio probak egiten dituztenak: 5 puntu.

Atal honi dagokion informazioa kontrol organoen eskura egonen da egiten dituzten jarraipen eta kontrol jarduketetan.

3. Lehentasunezko eremuak sartzea.

Prestakuntza ekintza baten barrenean lehentasunezko eremu hauekin zerikusia duten edukiak ematea edo informatzea baloratuko da: enpresaren nazioartekotzea, ekintzailetza, berrikuntza, produkzio prozesuen garapen teknologikoa, logistika eta efizientzia energetikoa.

Banaketa honi jarraikiz eginen da balorazioa:

1.–Lehentasunezko eremuei lotutako moduluak edo informazioa ez duten prestakuntza ekintzak: 0 puntu.

2.–Lehentasunezko eremu bati lotutako modulu edo informazioren bat duten prestakuntza ekintzak: 2.5 puntu.

3.–Lehentasunezko eremu bati baino gehiagori lotutako modulu edo informazioren bat duten prestakuntza ekintzak: 5 puntu.

Atal honi dagokion informazioa kontrol organoen eskura egonen da egiten dituzten jarraipen eta kontrol jarduketetan.

4. Entitate eskatzaileak prestakuntza planeko ekintzetan duen esperientzia egiaztatua.

Entitate eskatzaileak prestakuntza planeko prestakuntza ekintzetan duen aurreko esperientzia baloratuko da, baliabideak bertakoak zein kanpokoak izanik.

Banaketa honi jarraikiz eginen da balorazioa:

1.–Aurreko esperientzia badago aurkezten diren prestakuntza ekintzen irakaskuntzan, eta esperientzia %10 baino txikiagoa da: 0 puntu.

2.–Aurreko esperientzia badago aurkezten diren prestakuntza ekintzen irakaskuntzan, eta esperientzia %10 edo handiagoa eta %20 baino txikiagoa da: puntu bat.

3.–Aurreko esperientzia badago aurkezten diren prestakuntza ekintzen irakaskuntzan, eta esperientzia %20 edo handiagoa eta %40 baino txikiagoa da: 2 puntu.

4.–Aurreko esperientzia badago aurkezten diren prestakuntza ekintzen irakaskuntzan, eta esperientzia %40 edo handiagoa eta %60 baino txikiagoa da: 3 puntu.

5.–Aurreko esperientzia badago aurkezten diren prestakuntza ekintzen irakaskuntzan, eta esperientzia %60 edo handiagoa eta %80 baino txikiagoa da: 4 puntu.

6.–Aurreko esperientzia badago aurkezten diren prestakuntza ekintzen irakaskuntzan, eta esperientzia %80 edo handiagoa da: 5 puntu.

Hemeretzigarren oinarria.–Diru-laguntzaren zenbatekoa zehaztea.

Diru-laguntzaren zenbatekoa zehazteko, irizpide hauek hartuko dira kontuan, 12. oinarrian ezarritako prestakuntza plan motaren arabera:

1. Prestakuntza plan mota bakoitza finantzatzeko 11. oinarrian ezarritako aurrekontua.

2. Eskaerak lortutako balorazio teknikoa, aurreko oinarrian bildutako irizpideen arabera.

3. Orobat, bertaratze-modalitatean, deialdi honetarako ezarritako gehieneko modulu ekonomikoak 8 eurokoak izanen dira ikasle eta ordu bakoitzeko, oinarrizko mailako kurtsoetarako eta profesionaltasun-ziurtagiriari lotutakoetarako; eta 11 eurokoak, behar bezala egiaztatutako goi mailako kurtsoetarako. Deialdi honetan ezarririk ez dagoen guztian martxoaren 7ko TAS/718/20008 Aginduan xedatutakoari jarraituko zaio.

4. Oinarri hauetan aurreikusitako prestakuntza planak balorazio teknikoaren ondoriozko puntuazio hurrenkeraren arabera finantzatuko dira, 11. oinarrian ezarritako kreditu erabilgarria agortu arte. Puntuazioa berdina duten eskaeren artean, parte-hartzaile gehiago dituena finantzatuko da. Parte-hartzaile kopuru bera badute, lehenago aurkeztu zena finantzatuko da.

Hogeigarren oinarria.–Prozeduraren instrukzioa.

1. Laguntzak emateko prozeduraren instrukzioa Nafarroako Enplegu Zerbitzuko Lanerako Prestakuntza Zerbitzuari dagokio.

2. Emandako diru-laguntzen jarraipena, kontrola eta likidazioa egiteko eta datu-baseen mantentze eta babes lanetarako, Enpleguan Prestatzeko Hiruko Fundazioaren edo espedienteen instrukzioan haren ordez aritzen den organoaren laguntza teknikoa egonen da.

3. Deialdi honetan xedatutakoa aplikatzearen ondorioz prestakuntza planaren balorazioa eginda eta diru-laguntza zehaztua, eta espedientea eta aginduzkoak diren txostenak ikusi ondoren, instrukzio organoak ebazpen proposamena eginen du, behar bezala arrazoitua.

4. Ebazpen proposameneko diru-laguntzaren zenbatekoa aurkeztutako eskaerakoa baino txikiagoa denean, 10 eguneko epea emanen da alegazioak aurkez ditzaten edo eskaera alda dezaten, konpromisoak eta baldintzak emanen zaien diru-laguntzara egokitzeko.

5. Interesdunak eskaera aldatzen badu, eta aldaketa Prestakuntza Zerbitzuaren adostasuna badu, aldaketa eta jarduketa guztiak organo eskudunari igorri zaizkio, ebazpena eman dezan. Aitzitik, interesdunak ez badu aldatzen eskaera eta ez du aurkezten alegaziorik, hasierako eskaeraren edukia mantenduko da eta jarduketa guztiak organo eskudunari igorri zaizkio, ebazpena eman dezan.

Nolanahi ere, aldaketa diru-laguntzaren xedea, baldintzak eta helburua errespetatu beharko ditu, irizpide hauen arabera:

a) Prestakuntza ekintzen kopurua gutxitzen ahalko da, prestakuntza planeko lehentasunezko ekintzen parte-hartzaileen portzentajea kontuan hartuta, behin-behineko ebazpen proposamenean ezartzen diren baldintzekin bat. Halaber, ekintza bakoitzeko talde eta parte-hartzaileen kopurua gutxitzen edo handitzen ahalko da. Aldaketa horrek erreferentzia planaren arabera lehentasunezkoak diren ekintzen parte-hartzaileen portzentajea errespetatu beharko du, bai eta ebazpen proposamenean berariaz adierazten den beste edozein muga edo baldintza.

b) Behin ere ez dira sartuko onartu ez diren prestakuntza ekintzak, eta ez da aldatuko onartuen iraupena eta modalitatea.

c) Eskaeraren balorazio teknikoan kontuan hartutako baldintzak errespetatu beharko dira.

7. Diru-laguntzak ematen dituen ebazpena eman eta hitzarmena sinatu aurretik, eskatzaileak justifikatu beharko du 14.2.g) oinarriak aipatzen dituen entitate azpikontratatuen hautaketa eskatutako gaitasun teknikoari erreparatuz egin dela.

8. Hasiera batean onartutako prestakuntza ekintzak, azken zehaztapenari dagokionez, ez dira itxiak. Nafarroako Enplegu Zerbitzuak baimena ematen ahalko du ekintza horien ordez lehentasun maila bereko beste batzuk egiteko. Baimen hori lortzeko, entitate onuradunak idatziz egin beharko du eskaera, ordezpenerako arrazoiak emanez. Horrekin batera, ordeztu beharreko prestakuntza ekintza bakoitzeko beste fitxa bat aurkeztuko da, kasuan kasuko edukiarekin. Nafarroako Enplegu Zerbitzuan aurkeztuko da, eta horrek ez du inolako gehikuntzarik eraginen hasiera batean emandako diru-laguntzan. Emandako ekintzetan zerbait ordezteko, hamaseigarren oinarrian ageri den Jarraipenerako Batzorde Mistoaren erabakia beharko da.

Nafarroako Enplegu Zerbitzuko zuzendari kudeatzaileak eskatzen diren ordezpenei buruzko ebazpena emanen du, gehienez ere 15 eguneko epean, eskaera egin eta biharamunetik hasita.

Hogeita batgarren oinarria.–Diru-laguntzaren ebazpena eta ordainketa.

1. Behin betiko ebazpen proposamena aztertuta, eta entitate onuradunak edo onuradunek tributu arloko betebeharrak eta Gizarte Segurantzari dagozkionak eguneratuak dituztela egiaztatuta, Nafarroako Enplegu Zerbitzuko zuzendari kudeatzaileak ebazpena emanen du prozeduraren gainean.

Betebehar horiek bete direla ez bada behar bezala frogatzen, onuradunari errekerimendu bat eginen zaio 10 eguneko epean egiazta dezan. Epe hori igarota eskatzaileak akatsa zuzendu gabe, eskaera artxibatuko da.

2. Prozedura ebatzi eta jakinarazteko epea lau hilabetekoa izanen da gehienez, eskabideak aurkezteko epea amaitu eta biharamunetik hasita. Epe hori ebazpenik eman gabe bukatzen bada, ezetsitzat joko da eskaera.

Nafarroako Enplegu Zerbitzuak ebazpena entitate onuradunari jakinaraziko dio hamar eguneko epean, ebazpena eman eta biharamunetik hasita.

3. Eskaeraren balorazio teknikoa egiteko kontuan hartu diren baldintzak adieraziko dira diru-laguntzak emateko ebazpenean, eta Nafarroako Enplegu Zerbitzuko zuzendari kudeatzaileak eta entitate onuradunek sinatu behar duten hitzarmena eta prestakuntza plana atxikiko zaizkio ebazpenari.

4. Nafarroako Enplegu Zerbitzuko zuzendari kudeatzaileak emandako ebazpenen aurka, gora jotzeko errekurtsoa jartzen ahal da, Ekonomia, Ogasun, Industria eta Enpleguko kontseilariari zuzendua, jakinarazi eta biharamunetik hilabeteko epean.

5. Diru-laguntzaren ordainketa aurreratu edo kontura egiten ahalko da. Ematen den diru-laguntza aurreratzen ahalko da, Diru-laguntzei buruzko azaroaren 9ko 11/2005 Foru Legean arreikusitakoari jarraituz, baldin eta entitateak funtsen hornidura behar duela frogatzen badu. Aurrerakina ez da inoiz guztira emandako zenbatekoaren %25etik gorakoa izanen. Kontura ordaintzeko, entitateak gauzatutakoaren txosten teknikoa edo gastuen ordainagiriak aurkeztu beharko ditu, eta entitateak frogatutako kopurua ordainduko zaio.

Aurreko lerroaldean aipatu ordainketak egiteko, diru-laguntzaren eskaerarekin batera, entitateek behar bezala justifikatutako ordainketak eskatu beharko dituzte eta, zein den kasua, hogeita seigarren oinarrian aipatu dokumentazioa diru-laguntza ematen zaiola jakinarazi eta hilabetean telematika bidez aurkeztu izana frogatu, edo Foru Komunitateko Administrazioaren zein organori aurkeztu dion adierazi, organo horrek emandako diru-laguntzaren onuradun izateagatik. Informazio hori eman izana ez da frogatu beharrik izanen, hura Nafarroako Foru Komunitateko Administrazioaren Gobernu Irekiaren Atariko webgunean argitaratuta bada.

V

Prestakuntza gauzatzea eta haren kalitatearen ebaluazioa eta kontrola

Hogeita bigarren oinarria.–Prestakuntza plana gauzatzea.

1. Entitate onuradunak gauzatuko ditu prestakuntza planak, martxoaren 7ko TAS 718/2008 Aginduaren 4. eta 17. artikuluetan ezarritakoaren arabera.

2. Prestakuntza talde bakoitzaren hasiera jakinaraziko da telematikaren bidez, Enplegurako Atariaren web orrian eskuragarri dagoen eredu normalizatua erabilita, bi egun natural lehenago, gutxienez. Profesionaltasun-ziurtagiriei lotutako prestakuntza denean, epe hori 5 egun naturalekoa izanen da.

Jakinarazpena egin ondotik, aldaketa edo bertan behera gelditzea jakinarazi beharko da, taldea/ekintza hasteko data baino lehenago, salbu eta toki, egun nahiz ordutegi aldaketa edo etetea eta berriz hastea eragin duten arrazoiak justifikatuak eta garaiz aurreikusi ezinak badira, edo taldea/ekintza gauzatzen ari dela gertatzen bada.

Kasu horietan, onuradunak aldaketaren berri eman beharko du, gorabehera hori izan dela jakin eta berehala.

Halaber, prestakuntza taldea hasi eta hirugarren eskola eguna arteko epean, hori barne, parte-hartzaileen zerrenda igorri beharko da telematikaren bidez, Enplegurako Atariaren web orrian eskuragarri dagoen eredu normalizatua erabilita, eta parte-hartzaile langabeak identifikatuta.

Hirugarren eskola egunera bitarte emandako orduak prestakuntza ekintzaren orduen %25 baino gehiago badira, dokumentazio hori bidali beharko da prestakuntzaren %25 hori bete baino lehen. Dokumentazioa bidaltzea ontzat emanen da baldin eta ehuneko hori gainditzen den eskola egunera bitarte bidaltzen bada.

Zerrendan parte-hartzaileen aurreikusitako kopurua gainditzen ahalko da, balizko bajak beteko dituztenak sartuz. Azken hauek identifikatu eta bereiziko dira idazkian. Ordezpen hori onargarria izanen da egiten bada prestakuntza ekintzaren iraupenaren %25era iritsi baino lehenago, salbu eta prestakuntza ekintzak lotuta badaude profesionaltasun-ziurtagiriei, zeren, kasu horretan, ordezpena onartzeko prestakuntza ekintzaren bosgarren eskola eguna bitarte egin beharko baita (betiere portzentaje hori gainditu gabe).

Zerrenda horren kopia kontrol organoen esku utzi beharko da egun horretatik aurrera.

Atal honetan aurreikusitako jakinarazpenak Enplegurako Prestakuntzaren Estatuko Fundazioak horretarako ezartzen duen prozedura telematikoaren bidez eginen dira, transmisiorako behar diren segurtasun betebeharrak betez; diru-laguntzak ematen dituen ebazpena jakinarazten denetik aitzina hasten diren prestakuntza talde guztiei buruzkoak izanen dira jakinarazpenak.

Aipatu diren epeetan jakinarazten ez bada, prestakuntza taldea “ez egintzat” joko da, salbu eta gertatu bada ezinbesteko arrazoiengatik, behar bezala frogaturik eta gorabehera horiek gertatzean jakinarazirik.

Enplegurako Prestakuntzaren Hiruko Fundazioak horretarako ezartzen duen prozedura telematikoa martxan ez badago, jakinarazpenak Zerbitzu horren bidez edo Herri Administrazioen Araubide Juridikoari eta Administrazio Prozedura Erkideari buruzko 30/1992 Legearen 38.4 artikuluak aipatzen dituen erregistro eta bulegoen bidez, Nafarroako Enplegu Zerbitzuak ezarritako eredu normalizatuak erabilita.

3. Prestakuntza talde bakoitzaren prestakuntza bukatuta, 25.1 oinarrian ezarritako hiru hilabeteko gehieneko epean, prestakuntza plana bukatu eta biharamunetik hasita, bukatu duen prestakuntza talde bakoitzaren ziurtagiria bidaltzen ahalko da, prestakuntza bukatu duten parte-hartzaileen zerrenda eta utzi dutenena jakinaraziz. Jakinarazpen hori telematikaren bidez eginen da, Hiruko Fundazioan interneten duen orrian eskuragarri dagoen eredu normalizatua erabilita. Jakinarazpenean taldea gauzatzean izandako kostu zuzenak sartzen ahalko dira.

Pertsona langabeen kasuan, lana lortzeagatik prestakuntza ekintza utzi behar izan dutenek ekintza hori bukatu dutela ondorioztatuko da, baldin eta prestakuntza ekintzaren %25 egin badute gutxienez.

4. Onuradunek diruz lagundutako jarduera publikoa dela agerrarazi beharko dute. Diruz lagundutako prestakuntza ekintzen hedapenarekin eta garapenarekin lotutako jarduketa guztietan Nafarroako Enplegu Zerbitzuaren logotipoa erakutsi beharko dute gutxienez; horrekin batera, martxoaren 12ko TIN/687/2010 Aginduaren V. eranskinean ezarritako elementuak agertuko dira (Ministerioko eta Estatuko Enplegu Zerbitzu Publikoaren irudiak). Horiek guztiak lehentasunezko tokian jarriko dira, eta ez dira inola ere entitate sustatzaile nahiz antolatzailearen ikurra baino txikiagoak izanen. Betiere proportzioak eta jatorrizko gama kromatikoa errespetatuko dira.

5. Onuradunak 8.5 oinarrian ezarritako lehentasunezko kolektiboen parte-hartzaileen portzentajea (diru-laguntzak emateko ebazpenean zehaztuta) bete beharko du. Betetzen ez bada, diru-laguntza justifikatzeko instrukzioan (Estatuko Enplegu Zerbitzu Publikoko zuzendari nagusiaren ebazpenaren bidez onetsitakoa) ezarritako ondorioak izanen dira.

6. Langabeen partaidetza deialdi honen 8.1.e) oinarrian ezarritakoa izanen da.

8.1.e) oinarrian ezarritakoa betetzen ez bada, diru-laguntza justifikatzeko instrukzioan (Estatuko Enplegu Zerbitzu Publikoko zuzendari nagusiaren ebazpenaren bidez onetsitakoa) ezarritako ondorioak izanen dira.

Onuraduna ez da aipatu diren betebeharretatik salbuetsita egonen, prestakuntza ekintzen garapenean hirugarren pertsona fisiko edo juridikoekin kontratazioa egiten bada osorik edo partzialki.

Hogeita hirugarren oinarria.–Jarraipen Batzorde Mistoa.

1. Hitzarmen bakoitza sinatzen duten alderdiek jarraipen batzorde misto bat eratuko dute, Nafarroako Enplegu Zerbitzuaren hiru ordezkarik eta entitate onuradunaren beste hiruk osaturik.

Nafarroako Enplegu Zerbitzuak izendatutako hiru batzordekideetako bat izanen da batzordeburua.

2. Edozein alderdik eskatuta bilduko da Jarraipen Batzorde Mistoa. Bilera hauen berri emanen zaio Enplegu Prestakuntzarako Hiruko Fundazioari.

3. Jarraipen Batzorde Mistoaren eginkizunak hauek dira:

a) Prestakuntza planaren garapena aztertu eta baloratzea.

b) Hala bada, onetsiriko prestakuntza planen aldaketak onestea, kontu tekniko edo formalak badira. Aldaketak eragina badu prestakuntza ekintza bakoitzean parte hartu behar zuten parte-hartzaileen kopuruan, aldaketa hori lehentasun bereko edo handiagoko talde bateko prestakuntza ekintzen artean egiten ahalko da bakarrik, eta lehentasunezko taldeen parte-hartzearen ehunekoari eutsi beharko zaio.

Dena dela, erabaki horiek hartzeko, alde bakoitzeko kideen gehiengoa beharko da.

c) Prestakuntza ekintzak burutu eta ebaluatzean lortutako emaitzak aztertzea.

d) Hitzarmenaren edukia interpretatzeko zalantzak argitzea.

Hogeita laugarren oinarria.–Prestakuntzaren kalitatearen ebaluazioa eta kontrola.

1. Martxoaren 7ko TAS/718/2008 Aginduaren V. kapituluan ezarritakoa deusetan galarazi gabe, Nafarroako Enplegu Zerbitzuak, bere eskumenen barnean, arau honen bidez finantzatutako ekintzak ebaluatu, kontrolatu eta jarraitzeko eginkizunak egiten ahalko ditu. Horretarako, entitate onuradunei edozein agiri eskatu eta/edo kanpoko auditoria egiten ahalko die, Nafarroako Enplegu Zerbitzuaren arabera, eginkizun horiek burutzeko bidezko bada.

Era berean, Nafarroako Enplegu Zerbitzuak prestakuntza guztiaren kanpoko ebaluazioa egiten ahalko du, enplegurako lanbide prestakuntzako azpisistema hobetzeko asmoz.

2. Martxoaren 7ko TAS/718/2008 Aginduaren 33.5 artikuluan ezarritakoa betetzeko (abuztuaren 2ko ESS/1726/2012 Aginduak aldatua), eskaintzako prestakuntza plana gauzatzeko ardura duten entitateek beren prestakuntzaren kalitatearen ebaluazioa eta kontrola eginen dituzte. Betetzen ez bada, diru-laguntza justifikatzeko instrukzioan (Estatuko Enplegu Zerbitzu Publikoko zuzendari nagusiaren ebazpenaren bidez onetsitakoa) ezarritako ondorioak izanen dira.

Horretarako, onuradunek lagin adierazgarria erabili behar dute, prestakuntza jaso dutenen taldeen %5ekoa, gutxienez. Lagin horrek prestakuntza planeko ekintzak beteko ditu, kasuan kasuko eremuan lehentasuna dutenak nahiz zeharkakoak, bai eta planean agertzen diren ikaskuntzaren modalitateak ere.

Garatuko diren jarduketen artean, honako hauek daude:

a) Kontrol jarduketak:

Alderdi hauei dagokienez, denbora errealean prestakuntza modu egokian ematen dela egiaztatzea: lokalak, irakasleak, ordutegia, programaren egokitasuna, etab.

Prestakuntza zentroek prestakuntza-hitzarmenari buruzko betebeharrak betetzen dituztela frogatzen duten agirien egiaztapena: Behin baino ez baimendutako azpikontratazioa izatea, bertaratzearen kontrola, prestakuntzaren doakotasuna, Nafarroako Enplegu Zerbitzuaren eta/edo Enplegu eta Gizarte Segurantzako Ministerioaren publizitatea, etab., besteak beste.

Nafarroako Enplegu Zerbitzuan egin behar diren tramiteak eta egin behar zaizkion komunikazioak betetzen diren egiaztatzeko barne-kontroleko bisitak, prestakuntza plana antolatzen edo kudeatzen den bulegoetara.

Aurrekoen osagarri den beste edozein jarduketa, telefonozko errekerimenduak, zirkularrak bidaltzea edo bestelako baliabideak erabilita.

b) Ebaluazio jarduketak.

Parte-hartzaileek prestakuntza ekintza bakoitzaren bukaeran prestakuntza ekintzen kalitateari buruz bete behar duten galde-sorten azterketa eta ustiapena.

Entitate onuradunek prestakuntza planen eraginkortasuna, efizientzia eta kalitatea segurtatzeko egokitzat jotzen duten beste edozein jarduketa egiten ahalko da.

c) Ebaluazio eta kontroleko memoria.

25.3 oinarrian ezarritako justifikazio-jarduketako memoriari dagokionez, honako hauek eduki beharko dituen emaitza-txosten bat aurkeztuko da:

Ebaluazioaren eta kontrolaren arloan egindako jarduketen deskribapena. Jarduketak burutzeko beharrezkoak izan diren giza baliabideen eta baliabide material eta teknikoen zerrenda.

Halaber, emaitzen txostenean aurkeztu beharko dira egindako ebaluazio eta kontrol jarduketetan ateratako ondorio eta gomendio nagusiak.

3. Estatuko Enplegu Zerbitzu Publikoaren 2009ko apirilaren 27ko Ebazpenaren 2. artikuluan ezarritakoarekin bat, entitate onuradunak Nafarroako Enplegu Zerbitzuarekin elkarlanean arituko dira prestakuntza ekintzen kalitatea ebaluatzeko galde-sorta banatzen eta parte-hartzaileen eskura jartzen, besteak beste. Ebazpen horren bidez, enplegurako prestakuntza ekintzen kalitatea ebaluatzeko galde-sortak argitaratu ziren.

Parte-hartzaileek galde-sorta bete ondoren, entitate onuradunek haiek zaindu, grabatu eta tabulatuko dituzte.

Entitate onuradunek, ebaluazio eta kontroleko memoriaren esparruan, parte-hartzaileen galde-sorta guztien grabazioa eta tabulazioa gehitu beharko dute, egin diren prestakuntza ekintzen kalitatea aztertu ahal izateko. Galdesortan jasotako galdera bakoitzaren tabulazioa plan bakoitzeko prestakuntza ekintzak antolatzen diren talde bakoitzeko bana aurkeztuko da, eta plan osoari buruzko beste bat ere bai. Grabazio eta tabulazio hori dituen fitxategiaren edo fitxategien kopia euskarri informatikoan bidaliko da.

Galdesortako datuen ustiapena ere aurkez daiteke, non azalduko baitira lortutako emaitza nagusiak eta atera diren ondorioak.

4. Justifikatutako diru-laguntzaren %3 bitarte erabili beharko dute entitate onuradunek oinarri honetako 1. eta 2. ataletako jarduketetan, 90.000 euroko zenbatekoa gainditu gabe.

VI

Justifikazioa

Hogeita bosgarren oinarria.–Diru-laguntzaren justifikazioa.

1. Diru-laguntzen justifikazioa martxoaren 7ko TAS/718/2008 Aginduaren 15. artikuluan ezarritakoarekin bat tramitatuko da, eta onuradunak hiru hilabeteko epean, gehienez ere, aurkeztu beharko du, prestakuntza plana bukatu eta biharamunetik hasita.

Aipatutakoa galarazi gabe, 2014ko abenduaren 31 izanen da kontu justifikagarria aurkezteko azken eguna, zeinak ordainagirien edo kontabilitateko dokumentuen zerrenda jasoko baitu egindako gastuak eta horiek ordaindu direla frogatzeko. Dena dela, 2014ko abenduaren 31rako aurkeztu eta ordaindu diren nominei dagozkien Gizarte Segurantzako kotizazioen ordainketaren justifikazioa eta PFEZaren ordainketarena 2015eko otsailaren 5a baino lehen aurkeztu beharko da.

Oinarri honetan aurreikusitako justifikazioa diru-laguntza justifikatzeko instrukzioan ezarritako irizpide, baldintza eta betebeharrekin bat eginen da. Diruz laguntzen ahal diren gastuak instrukzio horretan zehazten dira, baita martxoaren 7ko TAS/718/2008 Aginduaren II. eranskinean ere. Agindu hori Estatuko Enplegu Zerbitzu Publikoko zuzendari nagusiaren 2012ko abuztuaren 10eko Ebazpenaren bidez onetsi zen. Hori ez betetzeagatik sortzen diren ondorioak aipatu instrukzioan ezarritakoak dira.

2. Aurreko atalean aurreikusitako ondorioetarako, onuradunak justifikazio kontu bat aurkeztuko du Nafarroako Enplegu Zerbitzuan, ezarritako baldintzak bete dituela eta diru-laguntza emateko ebazpenean ageri ziren helburuak lortu dituela frogatzeko. Justifikazio kontu hori gastuen frogagiriak edo auditoria txostena emanez aurkez daiteke, Diru-laguntzei buruzko Lege Orokorraren Erregelamendua onesten duen uztailaren 21eko 887/2006 Errege Dekretuan ezarritakoari jarraikiz.

3. Justifikazio kontua gastuen frogagirien bidez aurkezten denean, onuradunak ondoko agiriak aurkeztu beharko ditu inprimaki normalizatua erabiliz:

a) Diru-laguntza ematerakoan ezarritako baldintzak betetzen dituela frogatzeko jarduketa memoria, egindako jarduerak eta lortutako emaitzak azalduko dituena. Memoria osatuko dute prestakuntza plana bukatu izanaren ziurtagiriak, prestakuntza ekintza bakoitza gauzatu izanaren ziurtagiriak eta egindako kontrol eta ebaluazio jarduketek.

b) Prestakuntza jardueren kostua frogatzeko memoria ekonomikoa, honakoak bilduko dituena:

1. Prestakuntza egitean izan diren eta diruz laguntzen ahal diren gastuen zerrenda sailkatua.

2. Diruz lagundutako prestakuntza ekintzen kostuak frogatzeko agiriak.

Horri dagokionez, kostuak fakturen edo merkataritzako trafiko juridikoan froga balio bera duten agirien bidez frogatuko dira edo aurreko letrako gastuetarako administrazio eragina dutenen bidez eta, gainera, halakorik badaude, ordainketa frogatzen duten agirien bidez, alegia, banku-agirien edo ordainketen benetakotasuna frogatzen duten bestelako agirien bidez.

Fakturetan zerbitzuak edo kontzeptuak zehatz azalduko dira. Zuzeneko kostuen frogagirien kasuan, fakturatutako kostuak zein espedienteri egozten zaizkion, horren zenbakia jarri beharko da. Onuradunak datu hori azaltzeko zigilua jar dezake fakturaren jatorrizkoan, hornitzaileak faktura ematean jarri ez badu.

Atal honetan aipatutako dokumentazioak jatorrizkoa edo kopia konpultsatua izan behar du, eta beharrezkoa bada, aurreko lerroaldean aipatzen den zigilua jarriko da lehenbizi. Dokumentazio horren ordez, auditore baten ziurtagiria aurkezten ahal da; bertan, entitateak diru-laguntzari egozten dizkion fakturak eta dagozkien ordainketa agiriak aipatuko dira; betiere, lehen adierazitako informazioa zehazten dutela.

3. Jaso arren erabili ez den diru-laguntza zatia Nafarroako Enplegu Zerbitzuari itzuli izanaren frogagiria eta, hala denean, aplikatu ez diren etekin finantzarioena.

4. Diruz lagundutako jarduera finantzatu duten bestelako diru-laguntzen edo diru-sarreren zerrenda zehatza, zenbatekoa eta haren jatorria adierazita, halakorik bada.

c) Eskatutako hiru eskaintzak, Diru-laguntzei buruzko azaroaren 9ko 11/2005 Foru Legearen 28.3 artikulua aplikatuz, salbu eta entitateak Enplegua Hobetu eta Handitzeari buruzko abenduaren 29ko 43/2006 Legearen bosgarren xedapen gehigarriaren bigarren atalean xedatutakoari heltzen badio.

Kasu horretan, ulertuko da onuradunak hor ezarritakoa bete duela modu arrazoituan frogatzen badu hornitzailea eraginkortasun eta ekonomia irizpideei jarraikiz hautatu dela, kontuan harturik prestakuntza ekimenak eta horiek garatzeko esparrua. Justifikaziorako beste bide batzuk erabili ahal izatea galarazi gabe, aurrekoa jarraian adierazitako aukeraren baten bidez frogatzen ahalko da:

Merkatuan dauden pareko operazio errealen prezioen metodoa: merkataritzako trafikoan balio duen euskarriko agiriak aurkeztuz frogatu beharko da merkatuan pareko eta antzeko eragiketak daudela, diru-laguntzaren xede den eragiketaren ekonomia eta eragimena agerian uzten dutenak.

Garai bereko aurrekontuen deflaktazio metodoa: onuradunak antzeko operazio alderagarrien egungo aurrekontuak aurkeztu ahal izanen ditu, kontratazioa egin zenetik alderdi hau frogatu bitarte izandako KPIaren gorabeherarekin zuzenduta (deflaktatuta), agerian utziko dutenak kontratazioa eragimenez eta ekonomiaz egin zela.”

4. Onuradunak auditorearen txostenaren bidez aurkezten duenean justifikazio kontua, eta Diru-laguntzei buruzko Lege Orokorraren Erregelamenduko 74.1 artikuluan xedatutakoa betetzen badu, aurreko atalean aurreikusitako dokumentazioa eman beharko du, arau honetako 3.b.2 atalean aipatzen dena izan ezik (Diruz lagundutako prestakuntza ekintzen kostuak frogatzeko agiriak).

Onuradunak izendatuko du auditorea. Hori Kontu-auditoreen Erregistro Ofizialean jardunean dagoela agertu beharko da, proposatzen zaizkion jardun eta gainbegiratze arauak bete beharko ditu, eta bere txostena ebazpen honen IV. eranskineko ereduan ageri diren edukiari eta esparruari buruzkoa izanen da.

Entitate onuradunek diru-laguntzaren zati bat erabiltzen ahalko dute auditorearen txostenaren ondoriozko gastuak konpentsatzeko: justifikatutako diru-laguntzaren %2 gehienez ere eta ez 90.000 euro baino gehiago.

5. Halaber, prestakuntzaren kalitatea ebaluatu eta kontrolatzeko jarduketei buruzko dokumentazioa aurkeztu beharko da, 24. oinarrian aipatutako moduan.

6. Azpikontratazioa:

Bat.–Entitate onuradunak osorik edo hein batean, behingoz bakarrik eta oinarri hauetan ezarri bezala, prestakuntza jarduera azpikontratatzen ahalko du. Onuradunak diruz lagundutako prestakuntza emateko irakasleren bat kontratatzea ez da azpikontrataziotzat hartuko.

Onuradunak bere baliabideak izan beharko ditu prestakuntza planaren programazio eta koordinazio eginkizunetarako eta, betiere, diruz laguntzen den jarduera gauzatzeko erantzukizun guztia hartuko du administrazio publikoaren aurrean. Hala hark nola azpikontratistak ziurtatu beharko dute jarraipen eta kontrol organismoen eginkizunak egoki betetzen direla.

Behin ere ez da azpikontraturik eginen hirugarrenekin, haren edukiari balio erantsia gehitu gabe jardueraren kostua handitzen bada.

Bi.–Azpikontratazioa onuradunari lotutako entitateekin egiten bada, ondoko egoera hauek gertatu beharko dira:

–Kontratazioa merkatuko baldintza normalen pean egitea.

–Aldez aurretik organo emailearen baimena eskuratzea.

Hiru.–Hirugarrenekin itundutako jarduera diru-laguntzaren %20 baino handiagoa denean eta zenbateko hori 60.000 eurotik gorakoa bada, kontratua agiri idatzi baten bidez formalizatu beharko da eta organo emaileak aldez aurretik baimendu beharko du. Ezin izanen da, inolaz ere, kontratu bat zatikatu haren zenbatekoa gutxitzeko eta baldintza hori betetzea saihesteko.

Lau.–Oinarri honen bigarren eta hirugarren ataletan aipatutako organo emaileak aldez aurretik eman beharreko baimenari dagokionez, espresuki eman ahal izanen da diru-laguntza emateko ebazpenaren bidez edo, hala bada, prestakuntza jarduera egiteko sinatutako hitzarmenaren bidez, edo baimena eskatzen den egunetik hurrengo 15 eguneko epean igorritako ebazpenaren bidez. Aipatu epea organo emaileak ezer ere adierazi gabe bukatzen bada, baimena emantzat joko da.

Bost.–Edonola ere, onuradunei eta kontratistei aplikatzekoak izanen dira Diru-laguntzei buruzko azaroaren 9ko 11/2005 Foru Legearen 26. eta 28.3 artikuluetan jasotzen diren mugak eta betebeharrak.

VII

Betebeharrak eta itzulketa

Hogeita seigarren oinarria.–Onuradunen betebeharrak.

Oinarri hauetan jasotako betebeharrez, Diru-laguntzei buruzko azaroaren 9ko 11/2005 Foru Legean eskatutakoez eta gainontzeko aplikazio araudiaz gain, hamaseigarren oinarriko 2.l) atalean aipatu inguruabarretan dauden entitate eta pertsona juridiko onuradunek, telematika bidez Nafarroako Gobernuko Erregistro Orokor Elektronikoa baliatuz, ondotik aipatzen den informazioa, Nafarroako Enplegu Zerbitzuari zuzendua eta entitatearen legezko ordezkariak sinatua, aurkeztu beharko dute, diru-laguntza ematen zaiela dioen ebazpena jakinarazi eta hilabeteko epean:

a) Entitatearen gobernu, administrazio eta zuzendaritza organoen osaera.

b) Organo horiek osatzen dituzten kargudunen zerrenda.

c) Entitateak aurreko urtean kargudun bakoitzari ordaindutako ordainsari gordinak eta gainerako diru konpentsazioak, kontzeptutan banatuta. Sortu berriak diren entitateen kasuan, informazioa haien aurrekontuetan edo plan ekonomiko-finantzarioan bildutakoa izanen da.

d) Kargudun bakoitzaren dedikazio araubidea gobernu, administrazio eta zuzendaritza eginkizunetarako.

e) Entitate onuradunaren urteko azken kontuen kopia bat.

Hogeita zazpigarren oinarria.–Diru-laguntzaren itzulketa.

1. Deialdi honetan ezarritako baldintza eta betebeharrak eta gainerako arau aplikagarriak betetzen ez badira, ezta emate-ebazpenean eta dagokion hitzarmenean ezarritako baldintzak ere, aldez aurretik bidezko den itzulketa-prozeduraren ondoren, jasotako diru-laguntza osorik edo hein batean itzuli beharko da, ondoriozko berandutza-interesekin batera (ordainketa agindu eta itzulketa bidezkoa dela erabakitzen denera bitartekoak).

2. Aurreko atalean aipatutako ez-betetzeen maila honako irizpide hauen arabera zehaztuko da:

a) Ez-betetzea erabatekoa bada:

Diru-laguntza eman zen helburuei dagokienez edo justifikazioaren betebeharrari dagokionez ez-betetzea erabatekoa bada, emandako diru-laguntzaren %100 itzuli beharko da. Ez-betetzea erabatekotzat hartuko da, baldin eta diruz lagundutako jardueran ez bada helburuen %35 bete, honela neurturik: prestakuntza-orduen kopurua bider prestatutako ikasle kopurua.

b) Ez-betetzea hein batekoa bada:

Diru-laguntza eman zen helburuei dagokienez edo justifikazioaren betebeharrari dagokionez ez-betetzea hein batekoa bada, emandako diru-laguntza hein batean itzuli beharko da. Aurreko lerroaldean aipatutako adierazlea %35etik %100era bitarte bete bada, diru-laguntzari ez-betetzearen portzentaje hori kenduko zaio, betiere gastuak behar bezala justifikatu badira.

3. Aurreko lehenengo atalean dirua itzultzeko aurreikusitako kasuren bat gertatu dela jakitean ofizioz hasiko da dirua itzultzeko prozedura, ezarritako prozedurarekin bat eta, bidezko bada, Diru-laguntzei buruzko azaroaren 9ko 11/2005 Foru Legean xedatutakoarekin bat.

4. Orobat, aurreko oinarrian aurreikusitako betebeharrak betetzen ez badira, emandako diru-laguntza osorik itzuli beharko da.

5. Atal honetan ezarritako itzuli beharrak ez du galarazten Diru-laguntzei buruzko azaroaren 9ko 11/2005 Foru Legean diru-laguntzen arloko arau-hauste eta zehapen administratiboei buruz ezarritakoa.

Hogeita zortzigarren oinarria.–Epeak.

Azaroaren 26ko 30/1992 Legearen 48. artikuluarekin bat, epeak egun baliodunetan zenbatuko dira, espresuki besterik adierazi ezean.

Hogeita bederatzigarren oinarria.–Datuen babesa.

Datu Pertsonalak Babesteari buruzko abenduaren 13ko 15/1999 Lege Organikoan xedatutakoaren ondorioetarako, ebazpen honetan arautzen diren prestakuntza ekintzak jasotzen dutenen eta haiekin lotura dutenen datu pertsonalen tratamenduaren erantzulea Nafarroako Enplegu Zerbitzua izanen da, ekintzen eskaeran, kudeaketan, finantzaketan, kontrolean, jarraipenean eta ebaluazioan. Dagozkion fitxategien titulartasuna publikoa izanen da.

Aurreko atalean aipatutako datu pertsonalak beharrezkoak badira prestakuntza ekintzen eta diru-laguntzen eskaeran, kudeaketan, finantzaketan, kontrolean, jarraipenean eta ebaluazioan, ez da beharrezkoa izanen ukituen baimena datu horiek biltzeko (zuzenean edo diru-laguntzen onuradunek egindako jakinarazpenen bidez), ezta Nafarroako Enplegu Zerbitzuak eginen duen tratamendurako ere.

Ulertuko da datu pertsonalen tratamenduaren erantzuleak abenduaren 13ko 15/1999 Lege Organikoan aurreikusitako informazio betebeharrak, bereziki 5. artikulukoak, bete dituela informazio hori diru-laguntzaren onuradunari jakinarazi badio. Onuradunak, aldiz, prestakuntza ekintzen jasotzaileei igorriko die informazioa, baita ekintzen eskaeran, kudeaketan, finantzaketan, kontrolean, jarraipenean eta ebaluazioan parte hartzen duten guztiei ere. Horretarako, informazio egokia sartuko da datu pertsonalak eskuratzeko dokumentazioan edo formularioetan.

Hogeita hamargarren oinarria.–Diru-laguntzen publizitatea.

Diru-laguntzei buruzko azaroaren 9ko 11/2005 Foru Legearen 15. artikuluan xedatutakoarekin bat, Prestakuntza Zerbitzuak jendaurrean jarriko ditu emandako diru-laguntzak Nafarroako Atarian (www.navarra.es), eta bertan adieraziko dira deialdia, aurrekontuko zein programari eta kredituri egotzi zaizkien, onuraduna, emandako zenbatekoa eta diru-laguntzaren xedea.

Hogeita hamaikagarren oinarria.–Prestakuntza espezialitateen fitxategia.

Estatuko Enplegu Zerbitzu Publikoaren 2010eko martxoaren 12ko Ebazpenaren xedapen gehigarri bakarrarekin bat, Nafarroako Enplegu Zerbitzua Estatuko Enplegu Zerbitzu Publikoarekin lankidetzan arituko da batik bat lanean ari diren pertsonentzako prestakuntza planei (gauzatu edo gauzatzen ari direnei) dagozkien espezialitateak fitxategian sartzen, haiek baliozkotu eta kodetu ondoren. Ebazpen horren bidez, espezialitate berriak prestakuntza espezialitateen fitxategian sartzeko prozedura ezarri zen.

Hogeita hamabigarren oinarria.–Prestakuntza zentro eta entitateak.

Profesionaltasun-ziurtagiriak eskuratzeari lotuta ez dauden prestakuntza ekintzetan deialdi honen babesean parte hartzen duten prestakuntza zentro eta entitateei ez zaie aplikatuko Estatuko Enplegu Zerbitzu Publikoaren 2010eko uztailaren 29ko Ebazpena.

Hogeita hamahirugarren oinarria.–Administrazio errekurtsoak.

Oinarri arautzaile hauen aurka gora jotzeko errekurtsoa jar daiteke, Ekonomia, Ogasun, Industria eta Enpleguko kontseilariari zuzendua, argitaratu eta biharamunetik hilabeteko epean.

II. ERANSKINA

Parte hartzeko eskaera. 2014ko prestakuntza planak

Espedientearen zenbakia

Prestakuntza proiektua eskatzen duen entitatea:

Prestakuntza ekintza (izena eta zenbakia):

Langilearen/parte-hartzailearen datuak.

Langilearen/parte-hartzailearen datuak.

Egun zein entitatean egiten duen lan.

Behean sinatzen duenak aitortzen du adierazitako datuak egiazkoak direla eta oraingo deialdian ez duela behin baino gehiagotan parte hartzen ekintza berean.

Era berean, eta Datu Pertsonalak Babesteari buruzko abenduaren 13ko 15/1999 Lege Organikoan eta hura garatzeko gainerako arauetan xedatutakoaren ondorioetarako, baimena ematen du Nafarroako Enplegu Zerbitzuak, prestakuntza planaren entitate eskatzaileek eta haren zentro laguntzaileek agiri honetan agertzen diren datu pertsonalak erabiltzeko eta tratamendu informatikoa egiteko, jasotako prestakuntzaren jarraipen, kontrol eta ebaluazioaren ondorioetarako.

Eguna: .......................................................
Langilearen sinadura

(1) Kodeen zerrenda: AO araubide orokorra, ALF aldizkako langile finkoak lanik gabeko aldietan, EE enplegu erregulazioa lanik gabeko aldietan, NEK nekazarien araubide berezia, AU autonomoen araubide berezia, AP administrazio publikoa, EL etxeko langilea, PL prestakuntza aldian langabezira pasatzen diren langileak, LHB Langileen Estatutuko 2. artikuluan aipatutako lan harreman berezietako langileak, GSHB Gizarte Segurantzarekin hitzarmen berezia duten langileak, ALF aldizkako langile finkoak lanik gabeko aldietan, IL Itsasoko Araubide Bereziko langileak, LE Lanbide elkargoa.

(2) ETEtzat hartuko dira Batzordeak abuztuaren 6an emandako 800/2008 EE Erregelamenduaren I. eranskinean ezartzen diren baldintzak betetzen dituzten enpresa guztiak. Erregelamendu horren bidez, merkatu bateratuarekin bateragarriak diren laguntzen kategoria batzuk finkatu ziren, Tratatuaren 87. eta 88. artikuluak aplikatuz (Kategorien arabera salbuesteko erregelamendu orokorra; 2008ko abuztuaren 9ko EEAO, 214 zk.).

Legezko abisua:

1. Prestakuntza ikastaro baterako eskabidearekin batera aurkeztutako datu pertsonalak Nafarroako Enplegu Zerbitzuak eta eskainitako ikastaroak eman behar dituzten entitateek tratatuko dituzte, ikastaroak antolatu eta eman ahal izateko.

2. Lehen aipatu eskabidea aurkeztean, interesdunak baimena ematen du bere datu pertsonalak hirugarrenei emateko, bakar-bakarrik estatistika, txosten, azterlan edo irizpenak egiteko, zuzenean loturik badaude Nafarroako Enplegu Zerbitzuaren eskumen eta helburuekin, bereziki Enplegu Behatokiari dagozkion horiekin.

3. Datuak ikusi, zuzendu eta ezabatzeko eta horien aurka jotzeko eskubideaz baliatzeko Nafarroako Enplegu Zerbitzura jo beharko da (Arcadio María Larraona, 1, 31008 Iruña), hura baita eskabidearekin batera emandako datu pertsonalak tratatzeko ardura duen erakunde autonomoa.

4. Edonola ere, datu pertsonalak tratatu eta ematerakoan Datu Pertsonalak Babesteari buruzko abenduaren 13ko 15/1999 Lege Organikoan ezarritako araubideari jarraikiz jokatuko da.

III. ERANSKINA

Batik bat lanean ari diren pertsonentzat diren prestakuntza planetan aurreikusitako prestakuntza ekintzetako parte-hartzaileek bekak eta laguntzak jasotzeko eskaera. 2014 deialdia

Behean sinatzen duenak ............................., NAN ......................, helbidea ................................, posta kodea ............., herria ................, probintzia ........................, harremanetarako telefonoa ........................, langabea eta .........................(e)ko Enplegu Agentzian inskribatua, eskaeraren eguna ................../ .........../ ........

Adierazten du:

.....(e)ko ....aren ....(e)an, ................................... izeneko ........... prestakuntza ekintza hasi du ............ taldean, .................... ordutegian, ...................................... zentroan (helbidea: ....................................), prestakuntza planaren barrenean CVN2012 .................. espediente zenbakiarekin.

Enplegurako lanbide prestakuntzaren azpisistema arautzen duen martxoaren 23ko 395/2007 Errege Dekretua hein batean garatzen duen martxoaren 7ko TAS/718/2008 Aginduan ezarritakoarekin bat.

Bankuko datuak.

Eskatutako laguntza/beka transferentzia bidez emateko, onuraduna titular duen kontu korrontearen bankuko datuak ziurtatu dira:

ADIERAZTEN DUT, eskabide honetan ageri diren datuak benetakoak direla, eta hemendik aurrera horietan aldaketaren bat izaten bada Nafarroako Enplegu Zerbitzuari jakinarazi beharraren berri badudala.

.................(e)n, 20....(e)ko .............aren ..............(e)an

Datu Pertsonalak Babesteari buruzko abenduaren 13ko 15/1999 Lege Organikoan xedatutakoaren ondorioetarako, behean sinatzen duenak baimena ematen du eskatutako beka edo laguntzaren xedeko prestakuntza ekintzarako eskabidean eta beste agiri normalizatu batzuetan azaltzen diren datu pertsonalen tratamendua egiteko (horren barnean sartzen da entitate onuradunak horiek bildu eta bidezko baliabideak erabiliz –telematikoak barne– Nafarroako Enplegu Zerbitzuari helaraztea, 395/2007 EDrekin eta TAS/718/2008 Aginduarekin bat, eta fitxategietan sartzea), Nafarroako Enplegu Zerbitzuak (Arcadio María Larraona kalea, 1, 31008 Iruña) eskatu den beka edo laguntzaren ebaluazioa, kudeaketa, kontzesioa, kontrola eta jarraipena egin dezan (i), bai zuzenean bai Enplegu Prestakuntzarako Hiruko Fundazioaren bidez; eta (ii) Nafarroako Enplegu Zerbitzuak deitzen dituen eta martxoaren 23ko 395/2007 Errege Dekretuaren (enplegurako lanbide-heziketako azpisistema arautzen duenaren) III. kapituluan ezarritakoaren babesean ematen dituen ekintza osagarrietako onuradunei lagatzeko, onuradun horiek ekintza osagarri horiek gauzatu ahal ditzaten soilik datu pertsonalak hirugarren batzuei jakinarazi edo emateko ahalmenik izan gabe, eta kasuan kasuko ekintza osagarria bukatu ondoren datuak suntsitzeko betebeharra izanik.

Ez dut nahi Nafarroako Enplegu Zerbitzuak aurreko (ii) atalean aurreikusi den lagapena egitea.

Behean sinatzen duenak datuak ikusi, zuzendu eta ezabatzeko eta horien aurka jotzeko eskubidea erabiltzen ahalko du Nafarroako Enplegu Zerbitzuaren aurrean (Arcadio María Larraona kalea, 1, 31008 Iruña), indarra duen araudian ezarritakoari jarrakiz.

Sinadura: ...............................................
Nafarroako Enplegu Zerbitzua

IV. ERANSKINA

Auditorearen txosten ekonomikoa

Auditorearen txostenak alderdi eta eduki hauei buruzko irizpen bat jasoko du:

–Onuradunak bete beharreko baldintzak, bai diru-laguntzari buruzko araudian bai onuradunari ezartzen zaizkion betebeharrei buruzko dokumentazioan jasotakoak.

–Justifikazio kontuari buruz egindako egiaztapenen adierazpen espresa, haiek labur adierazita. Prozeduraren eta egindako lanen deskripzioa.

–Onuradunak aurkeztutako justifikazio kontuaren egiaztapena, diru-laguntza arautzen duten oinarrietan eta hitzarmenean adierazitako elementu guztiak dituela egiaztatzeko.

–Justifikazio kontua horretarako behar adina ahal dituen pertsona batek izenpetu duela egiaztatzea.

–Jarduketa memorian dagoen informazioa eta justifikazio ekonomikorako aurkeztutako agiriak bat datozen aztertzea.

–Memoria ekonomiko laburtuan jasotako informazioa diruz lagundutako jardueraren gastuen zerrenda sailkatuan oinarritua dagoen, gastu bakoitzaren hartzekoduna, zenbatekoa, jaulkipen data eta ordainketa data zehaztuta dakarren zerrenda alegia.

–Onuradunak jarduera gauzatzeko egindako gastu guztiek diruz lagundutako jardueraren izaerarekin lotura argia dutela egiaztatzea, baita jarduera justifikatzeko finkatutako epearen barruan ordaindu direla ere.

–Onuradunak aurreko e) paragrafoan aipatutako zerrendako gastuen eta ordainketaren jatorrizko frogagiriak dituela egiaztatzea, baita agiri horiek onuradunaren kontabilitate erregistroetan islatu direla ere.

–Honako hauei buruzko informazio zehatza duten egiaztapenak:

• Jarduerari egotzitako zeharkako kostuak.
• Azpikontratazioari dagozkion alderdiak, Diru-laguntzei buruzko 11/2005 Foru Legearen 26. artikulua aplikatuz.
• Aukeratutako hornitzailea, diruz laguntzen ahal den gastua 30.000 eurotik gorakoa bada obren kasuan, edo 12.000tik gorakoa, ekipamenduko ondasunez hornitu bada edo zerbitzuak eman badira, aipatu foru legearen 28. artikulua aplikatuz.
• Kostuen sailkapena.
• Auditoreak atzemandako egintzak, duten garrantziagatik interesgarritzat jotzen direnak organo kudeatzailearentzat eta ez direnak bakar-bakarrik onuradunak bete gabe utzitako araudia edo diru-laguntza jasotzeko ezarritako baldintzak.

–Zeharkako gastuak jardueraren ekitaldiari egozteko erabili den banaketa sistema zuzena eta proportziozkoa dela eta kontabilitatearen arloan oro har onartutako printzipio eta arauekin bat datorrela egiaztatzea.

–Gastu guztiek hitzarmenaren baldintzak eta Diru-laguntzei buruzko 11/2005 Foru Legean ezarritakoak betetzen dituztela egiaztatzea.

–Hitzarmenean eta Diru-laguntzei buruzko 11/2005 Foru Legean azpikontratazioaren arloan jasotzen diren xedapenak betetzen direla egiaztatzea.

–Onuraduna entitate edo pertsona juridikoa bada, Foru Komunitateko Administraziotik urte naturalean lortutako diru-laguntzek irailaren 11ko 59/2013 Foru Dekretuaren 3.1 artikuluan adierazitako inguruabarrak betetzen ote dituzten egiaztatzea, gardentasun betebeharrari lotu gabeko aitorpena aurkeztuz gero; foru dekretu horrek Nafarroako Aurrekontu Orokorren kargurako diru-laguntzen onuradunek dituzten gardentasun betebeharrak arautzen ditu.

–Onuradunaren adierazpenen gutuna lortzea, justifikazio kontua izenpetu zuen pertsonak sinatuta.

–Balio Erantsiaren gaineko Zerga berreskuragarria ez dela, inongo kasutan, frogatutako gastuetako zenbateko handienaren gisan sartu egiaztatzea.

Txostena egiten duen auditorea onuradunak aukeratuko du, baina Kontabilitatearen eta Kontu Auditoriaren Institutuaren mendeko Kontu-auditoreen Erregistro Ofizialean jardunean dagoela agertu beharko da, eta proposatzen zaizkion jardun eta gainbegiratze arauak bete beharko ditu. Txostenaren kostua diruz lagundu daiteke, justifikatutako diru-laguntzaren %2ra arte, eta gehienez ere 90.000 euro.

Auditorearen txostena osorik aurkezten ez bada, entitateari eskatuko zaio txosten hori zuzen dezala 15 egun balioduneko epean. Ez bada ezarritako epean hura zuzentzen, txostena ez da finantzatuko, eta akatsa duten gaiak ere ez dira finantzatuko, non ez diren, aurretik ezarritako epean, haiek justifikatzen aurreikusitako beste bitarteko baten bidez eta ez duen organo kudeatzaileak baliozkotzen.

Justifikatutako gastua ez bada iristen kontura edo aldez aurretik ordaindutako guztizko zenbatekora, NEZaren aldeko diru-sarreraren frogagiria aurkeztu beharko da, kontura edo aldez aurretik ordaindutako zenbatekotik justifikatutako zenbatekora doan aldearekin, likidazio ebazpenean ezartzen dena ukatu gabe.

Ezarritako epean, edo zuzenketak egiteko ematen den epean, justifikatu ezean, justifikatu gabeko gastuak eta ordainketak kobratzeko eskubidea galduko da.

Justifikazio euskarrien azterketa

Auditoreak, justifikazio euskarriak aztertzean, euskarri mota bakoitzari dagozkion irizpide eta eskakizunak hartu beharko ditu kontuan, zeinak SPEEk onetsitako kostuen jarraibide eta inprimakietan adierazita eta Enplegu Prestakuntzarako Hiruko Fundazioaren web orrian argitaratuta baitaude, horien balio formalari dagokionez.

Justifikazio euskarrian frogatutako gastu bakoitza alderatu beharko da eskatzaileak inprimakietan ezarritako laburpen agirian frogatutako prestakuntza jarduerarekin.

Euskarri horiei dagozkien ordainketak benetan egin direla ere egiaztatu beharko du, bai eta Diru-laguntzei buruzko azaroaren 9ko 11/2005 Foru Legearen 26.3 eta 28.3 artikuluetan ezarritakoa bete dela ere.

Egotzitako eta justifikatutako kostuen arteko aldea azaldu beharko du, justifikazio euskarriak eta ekintzak edo taldeak adierazita, eta emaitzen azterketarako aipagarria iruditzen zaizkion oharrak erantsiko ditu.

Edozein modutan ere, txosteneko atal bakoitzerako aztertutako kostuen zenbatekoak kasuan kasuko atalean aurkeztutako kostu guztiak hartu beharko ditu.

Txostenaren edukia

Erreferentziako arauan adierazitakoaz gain, auditorearen txostenak honako hauek eduki beharko ditu:

–Hitzarmenaren identifikazio datuak:

–Espedientearen zenbakia:

–Eskatzailea:

–Emandako diru-laguntza:

–Aurkeztutako justifikazio euskarrien azterketaren emaitza ekonomikoa:

Kapitulu bakoitzean, egotzitako gastuak onartu ez izanaren arrazoiak azalduko dira.

–Egotzitako kostuak Onartutako kostuak:

–Kanpoko fakturazioa:

–Barneko langileen gastuak:

–Amortizazioak:

–Gastu orokorrak (argia, ura, telefonoa...):

–Kostuak, guztira:

Azkenik, egintza aipagarririk atzematen ez denean, adierazpen hau eginen da: “Egindako lanaren ondorioz, jakinarazten zaizue ez dugula/dudala hauteman araudi aplikagarria edo ........ri (adierazi diru-laguntzaren onuraduna) ezarritako baldintzak ez betetzea ekar dezakeen egintzarik edo inguruabarrik, diru-laguntza jasotzeko”.

Bestela, egintza aipagarririk atzematen denean, honako paragrafo hau sartu beharko da: “Egindako lanaren ondorioz, jakinarazten zaizue badela araudi aplikagarria edo ........ri (adierazi diru-laguntzaren onuraduna) ezarritako baldintzak ez betetzea ekar dezakeen egintzarik edo inguruabarrik, diru-laguntza jasotzeko”.

Ohar orokorrak

Entitatearen izena:

Auditorearen izen-deiturak:

Data eta sinadura:

Oharra: txosten honek entitate auditorearen zigilua izanen du, kasua bada, eta jarduketa txostenaren eta txosten ekonomikoaren laburpen-inprimakiekin batera aurkeztuko da.

Iragarkiaren kodea: F1400219