4. PROZEDURA JUDIZIALAK
TUTERAKO LEHEN AUZIALDIKO ETA INSTRUKZIOKO
5. EPAITEGIA
Ediktua. 269/2013 prozedura
Tuteran, 2014ko maiatzaren 8an.
Edurne Miranda de Ortiz de Latierro andrea, Tuterako Lehen Auzialdiko eta Instrukzioko 5. Epaitegiko idazkari judiziala.
Aditzera ematen dut: epaitegi honetan 0000269/2013 hitzezko judizioaren prozedura (250.2) tramitatzen ari da. Auto horietan ebazpena eman da (25/14 epaia, 2014ko martxoaren 14koa), eta interesdunek haren kopia dute eskura bulego judizial honetan.
25/14 epaia.
Epaile magistratua: Ángel Manuel de Pedro Tomás jauna.
Barruti judiziala: Tutera.
Eguna: 2014ko martxoaren 14a.
Alderdi demandatzailea: Tempur Pedic España, S.A.
Prokuradorea: María José Ayala Lázaro andrea.
Abokatua: Natalia Castro andrea.
Alderdi demandatua: Ochoa y Ros, S.L.
Auzi-ihesean.
Judizioaren gaia: prezioa ordaintzea. Salerosketa kontratua. Ihesean.
Epaitza:
Osorik baiesten dut Tempur Pedic España, S.A.ren prokuradore María José Ayala Lázaro andreak auzi-ihesean den Ochoa y Ros, S.L.ren aurka jarritako demanda eta, horrenbestez, demandatua kondenatzen dut auzi-jartzaileari lau mila zazpiehun eta hamazazpi euro eta hogeita bi zentimo (4717,22 euro) ordaintzera, baita fakturetako zenbatekoen interesak ere, 3/2004 Legean agertzen direnak, fakturetan agertzen diren betebeharren mugaegunetik demanda aurkeztu arte, gehi legezko interesak demanda jarri zenetik osorik ordaindu arte, gehi bi puntu ebazpen honen egunetik aurrera.
Alderdi demandatua kondenatzen dut berariaz prozesuko kostuak ordaintzera.
Epai honen aurka, aurretik legezko gordailua eginda, apelazio-errekurtsoa jar daiteke bi ondoreetan, jakinarazpenaren ondoko hogei egun balioduneko epean, idazkia garaiz eta behar den moduan aurkeztuz epaitegi honetan, Nafarroako Probintzia Auzitegiak ebatz dezan.
Jakinaraz bekie alderdiei legean aurreikusitako moduan, Botere Judizialari buruzko Lege Organikoaren 265. eta 266. artikuluekin bat.
Eraman bedi jatorrizkoa epaien liburura, eta utz bedi lekukotza nahikoa jatorrizko autoetan. Hala, auzialdi honetan behin betiko epaituz, hori erabaki, agindu eta sinatzen dut.
Epaile magistratua.
Eta “Ochoa & Ros, S.L.”ri legezko eran jakinarazteko balio izan dezan, non den jakiterik ez baitago, bai eta ohartarazteko ere ebazpen honen kontra apelazio-errekurtsoa aurkez daitekeela hogei eguneko epean, honako honen bi ale egin eta sinatzen ditut, Nafarroako Aldizkari Ofizialean eta epaitegi honetako iragarki oholean argitara daitezen.
Tuteran, 2014ko maiatzaren 8an.–Idazkari judiziala, Edurne Miranda Ortiz de Latierro.
Iragarkiaren kodea: J1409939
