146. ALDIZKARIA - 2014ko uztailaren 28a

2. NAFARROAKO TOKI ADMINISTRAZIOA

2.2. XEDAPEN ETA IRAGARKIAK, HERRIEN ARABERA ANTOLATUAK

IRUÑA

Diru-laguntza ematea

Iruñeko Udaleko Gizarte Ongizate eta Berdintasuneko Zinegotzi Delegatuak honako ebazpen hau eman zuen 2014ko ekainaren 25ean:

RBI 25-JUN-14 (2/BI).

“Ikusirik 2014. urtean larrialdi humanitarioetan jarduketak egiteko diru-laguntzen deialdi publikorako oinarriak, eta ikusirik, halaber, Garapenaren aldeko Lankidetzako Programaren proposamenari buruzko txosten teknikoa, hau EBATZI DUT:

1.–10.000 euroko diru-laguntza ematea Asociación Comité Español de la UNRWA elkarteari, laguntza humanitarioa eman dezan, Elikagai-segurtasunerako laguntza, Siriako gatazkak lekuz aldarazitako herritarrendako izeneko proiekturako, 2014. urtean larrialdi humanitarioetan jarduketak egiteko diru-laguntzen deialdi publikoaren A modalitatearen barruan.

2.–Gastua xedatu eta ordaintzeko betebeharra aitortzea, 70/46200/482090 kontu-sailaren kargura, 10.000 euroko zenbatekoarekin, Asociación Comité Español de la UNRWA elkartearen alde, lehenbiziko puntuan adierazitako jarduketak gauzatu ditzan.”

Iruñean, 2014ko ekainaren 25ean. Zinegotzi Delegatua, Ana Lezcano Galar.

Iragarkiaren kodea: L1410333