1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.2. Oposizioak eta lehiaketak. Lan publikoaren eskaintza
1355/2014 EBAZPENA, ekainaren 23koa, Funtzio Publikoaren zuzendari nagusiak emana. Ebazpen honen bidez, Nafarroako Foru Komunitatearen eta haren erakunde autonomoen zerbitzuko mantentze-lanetako laguntzaile izateko 3 lanpostu, D maila edo taldekoak, oposizio bidez eta barne igoera murriztuan betetzeko deialdia onetsi da.
Nafarroako Administrazio Publikoaren Institutuko zuzendari kudeatzaileak ekainaren 23an emandako 1355/2014 Ebazpenaren bidez, Nafarroako Foru Komunitatearen eta haren erakunde autonomoen zerbitzuko mantentze-lanetako laguntzaile (D maila edo taldea) izateko 3 lanpostu barne igoera murriztuan eta oposizio bidez betetzeko deialdia onetsi da.
1.–Deialdiaren xedea.
1.1. Nafarroako Foru Komunitatearen eta haren erakunde autonomoen zerbitzuko mantentze-lanetako laguntzaile (D maila edo taldea) izateko 3 lanpostu barne igoera murriztuan eta oposizio bidez betetzea da deialdi honen xedea.
1.2. Hautapen probak gainditurik deialdiaren xede den lanpostu baterako izendatzen den langilea D maila edo taldean sartuko da, eta kasuan kasuko maila eta lanposturako plantilla organikoan zehazten diren ordainsariak izanen ditu, eta lehenago zegoen departamentu edo erakunde autonomo berari atxikirik geldituko da.
1.3. Mailaz igotzeko proba hauetan parte hartzeak ez du ezertan aldatuko langileak mailaz igo aurretik zuen araubide juridikoa, funtzionarioa izan, estatutupeko langilea izan edo lan-kontratuduna izan. Eskubide pasiboen eta osasun laguntzaren araubide berari ere eutsiko dio.
Baldintza horretatik salbuetsita daude Estatuko Administraziotik Nafarroako Foru Komunitatera transferitutako funtzionarioak, MUFACEn afiliatu eta, beraz, Estatuaren Klase Pasiboen Araubidearen menpe daudenak. Horiek, mailaz igotzean, nahitaez araubidea utziko dute eta Gizarte Segurantzaren Araubide Orokorrean afiliatuko dira.
1.4. Deialdiaren xede den lanpostu baterako izendatzen den langilea lehengo eginkizun berberetan arituko da, baina, horietaz gainera, maila edo talde berriari dagozkionak ere esleitzen ahalko zaizkio.
2.–Izangaiek bete beharreko baldintzak.
2.1. Oposizio honetan onartuak izateko, izangaiek, eskaerak aurkezteko epea amaitzen den egunean, baldintza hauek bete beharko dituzte:
a) Nafarroako Foru Komunitateko eta haren erakunde autonomoetako langile finkoa izatea.
b) Abiapuntuko lanpostuan borondatezko edo nahitaezko eszedentzian ez egotea.
c) Zerbitzu teknikoetako urgazle edo mantentze-lanetako peoi espezialista izateko lanpostu baterako izendatu izana (E maila edo taldekoa).
2.2. Aurreko baldintza horiek eskabideak aurkezteko epea amaitzen den egunean bete beharrekoak direla ulertuko da, bai eta hautatzeko prozeduran zehar, izendapenaren unera arte.
3.–Parte hartzeko eskabideak.
3.1. Eskabideak deialdi honen eranskineko ereduari lotu behar zaizkio eta, haietan, izangaiek adierazi beharko dute eskatutako baldintza guztiak betetzen dituztela. Eskabide eredua Interneten bidez ere eskuratzen ahalko da, www.navarra.es helbidean, bai hori argitaratzen duen aldizkari ofizialetik, bai “Enplegu Publikoa” atalean deialdiari buruz dagoen aiputik abiatuta.
Deialdian parte hartzeko eskabideak deialdia Nafarroako Aldizkari Ofizialean argitaratu eta biharamunetik hasita hogeita hamar egun naturaleko epean aurkeztu beharko dira. Eskabideak aurkezteko epea luzaezina da.
Eskabideak aurkezteko, baliabide hauetako edozein erabil daiteke:
A) Bide telematikoa.
A.1) Internet bidez, deialdi honen fitxan dagoen “Online tramitazioa” izeneko estekan sartuta, Nafarroako Atariaren “Enplegu publikoa” atalean, www.navarra.es helbidean.
A.2) Nafarroako Foru Komunitateko Administrazioaren Erregistro Orokor Elektronikoan, Nafarroako Gobernuaren web ataritik abiatuta.
B) Aurrez aurre.
Deialdian parte hartzeko eskabideak Nafarroako Gobernuko Erregistro Orokorrean (Karlos III.aren etorbidea, 2, 31002 Iruña) edo Nafarroako Gobernuaren gainerako erregistro bulegoetako edozeinetan aurkeztu beharko dira, edo, bestela, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 38.4 artikuluan adierazi diren bideetakoren bat erabiliz.
Eskabidea posta bulegoan aurkeztea aukeratuz gero, gutun-azalak irekita egon beharko du, postetxeko langileek data eta zigilua jar diezazkioten, ziurtatu eta Nafarroako Gobernuaren Erregistro Orokorrera (Karlos III.aren etorbidea, 2, 31002 Iruña) igorri aurretik.
3.2. Desgaitasuna duten pertsonek ariketak egiteko denbora eta baliabide aldetik behar dituzten egokitzapenak eskatzen ahalko dituzte, horren beharrik izanez gero. Horretarako, eskabidearekin batera doan orri batean, zein egokitzapen eskatzen duten adierazi beharko dute, eta, bide hauetakoren baten bitartez, desgaitasuna zein den egiaztatu:
–IMSERSOk edo autonomia erkidegoan eskumena duen organoak luzatutako ziurtagiria.
–Gizarte Segurantzako Institutu Nazionalaren ebazpena, prestazio bat jasotzeko eskubidea onartzen diona hauetakoren bat izateagatik: ezintasun iraunkor osoa, erabateko ezintasun iraunkorra edo baliaezintasun handia.
Interesdunen eskura dago egokitzapenak eskatzeko eredu bat www.navarra.es helbidean, deialdiaren aipuan, “Enplegu Publikoa” atalean, hain zuzen.
3.3. Eskabideak aurkezteko epea luzaezina da.
4.–Izangaien onarpena eta erreklamazioak.
4.1. Eskaerak aurkezteko epea bukaturik, Funtzio Publikoaren zuzendari nagusiak ebazpena emanen du izangai onartuen eta baztertuen behin-behineko zerrenda onesteko, eta Nafarroako Aldizkari Ofizialean argitara dadila aginduko du.
4.2. Izangai baztertuek hamar egun balioduneko epea izanen dute, behin-behineko zerrenda Nafarroako Aldizkari Ofizialean argitaratzen denetik aitzina, erreklamazioak aurkezteko eta, deialdiko baldintzak betetzen dituztela egiaztatzeko agirietan akatsik egin badute, zuzentzeko.
4.3. Erreklamazioetarako epea bukatutakoan eta horiek ebatzita, Funtzio Publikoaren zuzendari nagusiak onartu eta baztertuen behin betiko zerrenda onesten duen ebazpena emanen du, eta Nafarroako Aldizkari Ofizialean argitara dadila aginduko.
5.–Kalifikazio epaimahaia.
5.1. Kalifikazio epaimahaia honako kide hauek osatuko dute:
Batzordeburua: Fermín Castiella de la Fuente jauna, Pertsonen Autonomiarako Nafarroako Agentziako Mendekotasunerako Baliabideen eta Kudeaketaren zuzendariordea.
Ordezkoa: Irache Ojer Campos andrea, Pertsonen Autonomiarako Nafarroako Agentziako Mendekotasunerako Zerbitzuen zuzendariordea.
Mahaikidea: Oscar Manuel Ojer Orzanco jauna, Hezkuntza Departamentuko Bideko Ama Birjina IIPko Lanbide Heziketako irakasle teknikoa.
Ordezkoa: Luis Miguel Yustes Pérez jauna, Hezkuntza Departamentuko Bideko Ama Birjina IIPko Bigarren Hezkuntzako irakaslea.
Mahaikidea: Arturo Osinaga Zenotz jauna, Hezkuntza Departamentuko Bideko Ama Birjina IIPko Lanbide Heziketako irakasle teknikoa.
Ordezkoa: Ignacio Goicoa Aznarez jauna, Hezkuntza Departamentuko Lanbide Heziketako irakasle teknikoa.
Epaimahaiko kidea: langileen ordezkari bat, Pertsonen Autonomiarako Nafarroako Agentziako langileen batzordeak proposaturik izendatua.
Ordezkoa: langileen ordezkari bat, Pertsonen Autonomiarako Nafarroako Agentziako langileen batzordeak proposaturik izendatua.
Mahaikide idazkaria: Carmelo Ayerra Gurpegui jauna, Gizarte Politiketako Departamentuko Gizarte Politikako eta Kontsumoko Zuzendaritza Nagusiko Gizarte Zerbitzuetako ikuskatzailea.
Ordezkoa: José Manuel García Arquiñano jauna, Pertsonen Autonomiarako Nafarroako Agentziako Mendekotasunerako Baliabideen eta Kudeaketaren Zuzendariordetzako administraria.
Hautaprobak hasi baino lehen eratuko da epaimahaia.
5.2. Epaimahaia ezin izanen da eratu, ezta jardun ere, kideen gehiengo osoa gutxienez bildu gabe.
5.3. Epaimahaiak gehiengoz ebatziko ditu deialdiaren oinarriak interpretatu eta aplikatzeko moduari buruz sor daitezkeen gorabehera guztiak.
5.4. Epaimahaiak aholkulari adituen laguntza izan dezake proba batzuetan nahiz guztietan. Aholkulari horiek dagokien espezialitate teknikoan aritzera mugatuko dira, eta epaimahaiari horietan baizik ez diote lagunduko.
6.–Oposizioaren nondik norakoak.
6.1. Oposizioa honelakoa izanen da:
Lehena: Birziklatze-ikastaro bat, berrogei ordukoa, Nafarroako Administrazio Publikoaren Institutuak antolatua, ohiko lanalditik kanpo emana, izangaiek lehenbiziko ariketara pasatzeko gainditu beharko dutena. Horretarako, ikastaroa bukaturik, ikastaroan emandako edukiei buruzko galdetegi bat proposatuko da (test moduko galderak izanen dira). Proba honen gehieneko puntuazioa gehienez ere 25 puntuko izanen da, eta baztertuta geldituko dira gutxienez 10 puntu eskuratzen ez dituzten izangaiak.
Bigarrena: epaimahaiak erabakitako proba praktikoak biltzen dituen ariketa bat. Proba praktikoek deialdi honen xede den espezialitatearekin izanen dute zerikusia. Proba horien gehieneko puntuazioa gehienez ere 50 puntuko izanen da, eta baztertuta geldituko dira gutxienez 25 puntu eskuratzen ez dituzten oposiziogileak.
7.–Probak gainditzen dituztenen zerrenda eta izendapen proposamena.
7.1. Proba praktikoen ariketaren kalifikazioa bukaturik, epaimahaiak, Nafarroako Gobernuaren iragarki-oholean eta azterketa egin zen tokian, proba gainditu dutenen zerrenda argitaratuko du, lortutako puntuazio osoaren arabera ordenatua.
7.2. Epaimahaiak oposizioa gainditu duten izangaien aldeko izendapen proposamena igorriko dio Funtzio Publikoaren zuzendari nagusiari.
8.–Izendapena eta jabetza hartzea.
8.1. Funtzio Publikoaren zuzendari nagusiak izendapen proposamenean ageri diren izangaiak izendatuko ditu mantentze-lanetako laguntzaile aritzeko (D maila).
8.2. Izendapena Nafarroako Aldizkari Ofizialean argitaratuko da eta biharamunean sortuko ditu ondorio ekonomiko eta administratiboak. Ondorio guztietarako, ulertuko da egun horretantxe jabetu zirela nor bere lanpostuaz, espresuki inolako ekitaldirik egin beharrik gabe.
9.–Errekurtsoak.
Epaimahaiaren egintza eta ebazpenen kontra gora jotzeko errekurtsoa aurkezten ahal da, Funtzio Publikoaren zuzendari nagusiari zuzendua, errekurtsoaren xedeko egintza argitaratu edo jakinarazi eta biharamunetik hilabeteko epean.
Deialdiaren, oinarrien eta horiek aplikatzeko egintzen kontra, epaimahaiak hartutakoen kontra izan ezik, zilegi izanen da gora jotzeko errekurtsoa jartzea, Lehendakaritza, Justizia eta Barneko kontseilariari zuzendua, errekurtsoaren xedeko egintza argitaratu edo jakinarazi eta biharamunetik hasita hilabeteko epean.
Hori guztia Nafarroako Foru Komunitateko Administrazioari buruzko abenduaren 3ko 15/2004 Foru Legearen 57. artikuluan eta urtarrilaren 13ko 4/1999 Legeak aldatutako Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 114. eta 115. artikuluetan xedatutakoari jarraikiz.
Iruñean, 2014ko ekainaren 23an.–Funtzio Publikoaren zuzendari nagusia, Gregorio Eguílaz Gogorza.
I. ERANSKINA
Eskabide eredua
Eskaera, Nafarroako Foru Komunitatearen eta haren erakunde autonomoen zerbitzuko mantentze-lanetako laguntzaile (D maila) izateko 3 lanpostu barne igoera murriztuan eta oposizio bidez betetzeko deialdian parte hartzeko. Deialdia .....(e)ko ..... Nafarroako Aldizkari Ofizialean argitaratu zen.
1) Norberaren datuak:
Izen-deiturak:
NAN zenbakia.
Helbidea
Posta kodea ............................ Herria
1. telefonoa: ............. 2. telefonoa: ............. Helbide elektronikoa: ....
2) Datu administratiboak:
a) Zein lanpostutarako izendatua: ........................................................................... (X batez adierazi bidezko dena).
Nafarroako Foru Komunitateko Administrazioko funtzionarioa.
Estatuko Administraziotik Nafarroako Foru Komunitatera transferitutako funtzionarioa.
Gizarte Segurantzatik Nafarroako Foru Komunitatera transferitutako estatutupeko langilea.
Lan-kontratudun finkoa.
b) Egoera administratiboa (X batez adierazi bidezko dena).
Jardunean (jarduneko zerbitzuarekin parekaturiko egoera bada, zehaztu zein)
Zerbitzu berezietan.
Eszedentzia berezian haurrak zaintzeko.
c) Egungo destinoa.
Departamentua:
Zerbitzua
Atala
Bulegoa
Erakunde autonomoa
Unitatea
d) Zein maila edo taldetakoa:
3) Izenpetzen duenak, bere erantzukizunpean, adierazten du deialdi honetan parte hartzeko eskatzen diren betebehar guztiak betetzen dituela, eskabideak aurkezteko epea bukatzen den egunean.
4) Desgaitasuna dudala eta, beraz, azaltzen den egokitzapena eskatzen dudala. (beste orri batean, desgaitasunaren arrazoiak eta eskatutako egokitzapenak azalduko dira).
5) Eskabidearekin batera deialdiaren 2.1.d) atalean eskaturiko dokumentazioa aurkeztu duela.
Horiek horrela,
Eskatzen dut onar nazatela Nafarroako Foru Komunitatearen eta haren erakunde autonomoen mantentze-lanetako laguntzaile (D maila) izateko 3 lanpostu barne igoera murriztuan eta oposizio bidez betetzeko deialdian.
Iruñean,........(e)ko .........................aren ............(e)an
Sinadura
FUNTZIO PUBLIKOAREN ZUZENDARI NAGUSIA.
Iragarkiaren kodea: F1409704
