4. PROZEDURA JUDIZIALAK
MURTZIAKO LAN ARLOKO 6. EPAITEGIA
Ediktua. 673/2013 prozedura
Isabel María de Zarandieta Soler andrea, Murtziako Lan arloko 6. Epaitegiko idazkari judiziala.
Aditzera ematen dut: Rocío Díaz Márquezek eskaturik, kaleratzea dela-eta, Soldatak Bermatzeko Funtsaren, Incita Instituto Científico de Innovación y Tecnologías Aplicadas de Navarra, S. enpresaren eta Duna Innovation & Technology, S.L.ren, María Mercedes Zabalza Monrealen, Silvia Aguado Sierraren, María DC Novoa Perdizen, Natalia Perujuaniz Bermúdezen, David Remón Sabalzaren, Aitor Ruiz Albesen, Elva Rego Garcíaren, Instituto Científico Innovación y Tecnologías Navarraren konkurtsoko administrazioaren, Alberto Jimenez Ervitiren eta March Duch Navarroren aurka lan arloko epaitegi honetan bideratu den banakako kaleratze objektiboaren 673/2013 prozeduran, xedapen zatian hauxe dioen ebazpena eman da:
Antolaketarako eginbidea.
Isabel Maria de Zarandieta Soler idazkari judiziala.
Murtzian, 2014ko maiatzaren 29an.
2014ko maiatzaren 28an emaitza negatiboa izanik itzuli denez langileen ordezkari guztiei judizioko zitazioa egiteko saiakera, eta Iruñeko CCOO eta UGT sindikatuek zitazioa ukatu dutenez egun bereko eginbidean zehazten diren arrazoiengatik, erabaki da 2014ko maiatzaren 5eko 10:50ean egitekoa zen judizioa bertan behera uztea, eta ezartzen da 2014ko urriaren 28an eginen dela, 11:20an, 6. judizio-aretoan, eta 11:05ean, berriz, adiskidetze-ekitaldia, 1. judizio-aretoan, idazkari judizialaren aurrean. Alderdiei zitazioa egiten zaie hasierako zitazioko ohartarazpen berberekin.
Egin bekio zitazioa Incita Instituto Científico de Innovacióni, non den jakiterik ez baitago, María Elena Ducay Irisarri kontseilariaren bidez, eta ad cautelam ediktuen bidez. Horiek Murtziako eta Nafarroako Aldizkari Ofizialetan argitaratuko dira.
Egin bekio zitazioa Duna Innovation y Technology S.L.ri, exhortoa Iruñera igorrita (helbidea: Aita Barace, 1, behea, atzealdea), José Ignacio De Arsuaga Ballugera kontseilari eta idazkariaren bidez, eta ad cautelam ediktuen bidez.
Egin bekie zitazioa langileen ordezkariei, Murtziako eta Iruñeko CCOO eta UGT sindikatuen bidez, horiek baitira helbide sozialekoak eta lantokikoak, eta sindikatuei jakinarazten zaie zitazioa jaso beharra dutela, ez baita baliozkoa adieraztea langileen ordezkari horiek egun ez daudela sindikatuan afiliaturik, zeren afiliaturik baitzeuden EEEa ekarri zuen negoziazio kolektiboan parte hartu zutenean. Egin bekie zitazioa banan-banan ediktuen bidez.
Eta Incita Instituto Científico de Innovación y Tecnologías Aplicadas de Navarra, S.ri, Duna Innovation & Technology, S.L.ri, eta María Mercedes Zabalza Monreal, Silvia Aguado Sierra, Maria DC Novoa Perdiz, Natalia Perujuaniz Bermúdez, David Remón Sabalza, Aitor Ruiz Albes, Elva Rego García, Alberto Jiménez Erviti, March Duch Navarro jaun-andreei legez jakinarazteko balio izan dezan, non diren jakiterik ez baitago, honako hau egiten dut Nafarroako Aldizkari Ofizialean argitara dadin.
Hartzaileari ohartarazten zaio bulego judizialeko iragarki-oholean ebazpenaren edo zedularen kopia jarriz eginen direla hurrengo komunikazioak, salbu eta auto edo epai itxura izan behar duten ebazpenen komunikazioenak edo epatzeenak.
Murtzian, 2014ko maiatzaren 29an.–Idazkari judiziala, Isabel María de Zarandieta Soler.
Iragarkiaren kodea: J1408305