123. ALDIZKARIA - 2014ko ekainaren 25a

1. NAFARROAKO FORU KOMUNITATEA

1.7. BESTELAKOAK

313/2014 EBAZPENA, maiatzaren 26koa, Hezkuntza Baliabideen zuzendari nagusiak emana, Mutiloako Luis Amigó Haur Hezkuntzako, Lehen Hezkuntzako eta Bigarren Hezkuntzako ikastetxe pribatuaren baimena aldatzen duena, Haur Hezkuntzako bigarren zikloan eta Lehenengo Hezkuntzan unitateak handitzeagatik.

Haur Hezkuntzako bigarren zikloan 3 unitate berri eta Lehenengo Hezkuntzan 6 unitate berri baimentzeko, José María Durá Cervera jaunak eskatuta, Hirugarrendar Kaputxinoen Erlijiosoen Kongregazioa ordezkatuz, hori baita Mutiloako Luis Amigó Haur Hezkuntzako, Lehen Hezkuntzako eta Bigarren Hezkuntzako ikastetxe pribatuaren titularra, instruitu den espedientea ikusita.

Ikusirik Hezkuntzako Azpiegituren Zerbitzuak emandako aldeko txostena, non azaltzen baita ikastetxearen instalazioak egokiak direla unitate berriak hantxe kokatzeko.

Kontuan harturik Nafarroako Foru Komunitatean araubide orokorreko irakaskuntza ez-unibertsitarioa ematen duten ikastetxe pribatuak baimentzeko prozedura ezartzen duen uztailaren 6ko 251/1992 Foru Dekretuak ezarritakoa.

Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1.d) artikuluaren bidez esleitutako ahalmenak erabiliz, eta Hezkuntzako Azpiegituren Zerbitzuak proposaturik,

EBATZI DUT:

1. Mutiloako Luis Amigó Haur Hezkuntzako, Lehen Hezkuntzako eta Bigarren Hezkuntzako ikastetxe pribatuaren baimena aldatzea (ikastetxearen kodea: 31000580), Haur Hezkuntzako bigarren zikloan 3 unitate eta Lehenengo Hezkuntzan 6 unitate handitzeagatik. Ebazpen hau ematen den egunetik aurrera, behin betiko baimena izanen du Haur Hezkuntzako bigarren zikloan 12 unitate izateko, eta Lehen Hezkuntzan, berriz, 18 unitate.

2. Hemendik aurrera, hauxe izanen da ikastetxearen osaera juridikoa:

–Haur Hezkuntzako bigarren zikloa: 12 unitate, gehienez ere 300 ikaspostu.

–Lehen Hezkuntza: 18 unitate, gehienez ere 450 ikaspostu.

–Derrigorrezko Bigarren Hezkuntza: 8 unitate, gehienez ere 240 ikaspostu.

–“Zientzia eta Teknologia” eta “Humanitateak eta Gizarte Zientziak” modalitateetako Batxilergoa: 4 unitate, gehienez ere 140 ikaspostu.

3. Ikastetxeak, gainera, baimen iragankorra dauka, eskolatze premiak direla-eta, 4 unitaterako Lehenengo Hezkuntzan eta 2 unitaterako Derrigorrezko Bigarren Hezkuntzan, 2013-14 ikasturte honetarako, hura eman zuen arauan zehaztu bezala. Indarrik gabe geldituko dira, ebazpen honen 1. atalean zehazten den egunetik aurrera, ikastetxeak Haur Hezkuntzako bigarren ziklorako eta Lehenengo Hezkuntzarako zituen gainerako unitateen aldi baterako baimenak.

4. Ikastetxeak itundurik dauzkanez Haur Hezkuntzako bigarren zikloari eta Lehen Hezkuntzari dagozkion ikasketak, ebazpen honen bidez baimendutako unitate berriak abian jartzeko, bete egin beharko da itunei buruzko legediak horretaz xedatutakoa.

5. Ebazpen honen aurka gora jotzeko errekurtsoa jar daiteke, Hezkuntza Departamentuko kontseilariari zuzendua, jakinarazi eta biharamunetik hilabeteko epean.

6. Ebazpen hau Nafarroako Aldizkari Ofizialean argitaratuko da.

7. Ebazpen hau igortzea ikastetxeko titular-sustatzaileari, Hezkuntzako Ikuskapen Zerbitzuari, Hezkuntzako Azpiegituren Zerbitzuari, Ikastetxeen, Finantzaketaren eta Ikasketetarako Laguntzen Atalari eta Kontratazioaren, Zerbitzu Osagarrien eta Koordinazio Administratiboaren Atalari, eta Ikastetxeetako Informazioa Kudeatzeko Bulegoari.

Iruñean, 2014ko maiatzaren 26an.–Hezkuntza Baliabideen zuzendari nagusia, Iñigo Huarte Huarte.

Iragarkiaren kodea: F1407779