116. ALDIZKARIA - 2014ko ekainaren 16a

1. NAFARROAKO FORU KOMUNITATEA

1.7. BESTELAKOAK

166/2014 EBAZPENA, maiatzaren 30ekoa, Turismoko eta Merkataritzako zuzendari nagusiak emana, Nafarroako Turismoaren Erregistroan 2 hostoko kategorian erregistratuta dauden etxebizitza-landetxeak 3 izarreko etxebizitza-landetxe gisa sailkatzen dituena.

2013ko azaroaren 21eko Nafarroako Aldizkari Ofizialean argitaratu zen azaroaren 6ko 64/2013 Foru Dekretua, landetxeetan ostatu hartzeko arauak ezartzen dituen ekainaren 28ko 243/1999 Foru Dekretua aldatzen duena.

Azaroaren 6ko 64/2013 Foru Dekretuak beste sailkapen bat ezarri du landetxeen kategorietan, beste autonomia erkidegoena bezalakoa izan dadin, baita Europaren gainontzekoan dabilenarekin konparatzeko modukoa ere.

Azaroaren 6ko 64/2013 Foru Dekretuaren xedapen gehigarri bakarrean, ezartzen da turismo arloko departamentu eskudunak ofizioz sailkatuko dituela foru dekretu horrek indarra hartzen duenean Nafarroako Turismo Erregistroan inskribatuta dauden landetxeak, zein bere kategorian, ondoko baliokidetasun hauen arabera:

–3 hosto: 4 izar.

–2 hosto: 2 edo 3 izar, zein den Turismo Erregistroan jasotako puntuazioa.

–Hosto bat: izar bat.

Turismoa eta Merkataritza Antolatu eta Sustatzeko Zerbitzuak Nafarroako Turismoaren Erregistroan 2 hostoko kategorian egonda puntuazioagatik 3 izarreko kategoria beharko luketen etxebizitza-landetxeak aztertu ditu bere puntuazioekin eta haiek kategoria horretan sailkatzeko proposamena egin du. Hauek dira:

–Aldekoetxeberri EL (Ziga, Baztan).

–Apezteguia EL (Baraibar, Larraun).

–Azparren EL (Oibar).

–Iratiespildoia EL (Orontze).

–Juandiegorena I EL (Eltzaburu, Ultzama).

–Juandiegorena II EL (Eltzaburu, Ultzama).

–La Sacristana EL (Lakar, Deierri).

–Larraldea EL (Elizondo, Baztan).

–Olano EL (Errazkin, Larraun).

–Petisansenea I EL (Azpilkueta, Baztan).

–Uhaldeko Borda EL (Aldatz, Larraun).

Horrenbestez, Kulturako, Turismoko eta Erakunde Harremanetako Departamentuaren egitura organikoa ezarri zuen uztailaren 25eko 67/2012 Foru Dekretuak ematen dizkidan eskudantziak erabiliz,

EBATZI DUT:

1.–Nafarroako Turismoaren Erregistroan inskribatzea 2 hostoko etxebizitza-landetxearen kategorian egindako aldaketa, 3 izarreko etxebizitza-landetxe izan daitezen. Ondoko zerrendan zehazten dira:

–Aldekoetxeberria EL (Ziga, Baztan).

–Apezteguia EL (Baraibar, Larraun).

–Azparren EL (Oibar).

–Iratiespildoia EL (Orontze).

–Juandiegorena I EL (Eltzaburu, Ultzama).

–Juandiegorena II EL (Eltzaburu, Ultzama).

–La Sacristana EL (Lakar, Deierri).

–Larraldea EL (Elizondo, Baztan).

–Olano EL (Errazkin, Larraun).

–Petisansenea I EL (Azpilkueta, Baztan).

–Uhaldeko Borda EL (Aldatz, Larraun).

2.–Ebazpen hau Nafarroako Aldizkari Ofizialean argitaratzea, behar diren ondorioak izan ditzan.

Ebazpen honen aurka gora jotzeko errekurtsoa jartzen ahal da, Kulturako, Turismoko eta Erakunde Harremanetako kontseilariari zuzendua, argitaratu eta biharamunetik hilabeteko epean.

Iruñean, 2014ko maiatzaren 30ean.–Turismo eta Merkataritzako zuzendari nagusia, Carlos Erce Eguaras.

Iragarkiaren kodea: F1408240