1. NAFARROAKO FORU KOMUNITATEA
1.7. BESTELAKOAK
LEHENDAKARITZA, JUSTIZIA ETA BARNE DEPARTAMENTUA. Iragarkia. Gora jotzeko errekurtsoa, basozain izateko lekualdatze lehiaketaren deialdiaren kontrakoa.
Funtzio Publikoaren zuzendari nagusiak otsailaren 27an emandako 415/2014 Ebazpenaren bitartez onetsi zen Nafarroako Foru Komunitateko Administrazioaren eta haren erakunde autonomoen zerbitzuko basozain izateko 15 lanpostu huts, C mailakoak, lekualdatze lehiaketa bidez betetzeko deialdia, eta 2014ko 56. Nafarroako Aldizkari Ofizialean argitaratu zen, martxoaren 24an.
Carlos García Íñiguez jaunak, José Luis Lizarraga Liberal jaunak eta Rafael Tapia Casamayor jaunak gora jotzeko errekurtsoak jarri dituzte Funtzio Publikoaren zuzendari nagusiaren otsailaren 27ko 415/2014 Ebazpenaren aurka, horren bidez onetsi baitzen Nafarroako Foru Komunitateko Administrazioaren eta haren erakunde autonomoen zerbitzuko C mailako basozain izateko 15 lanpostu huts lekualdatze lehiaketa bidez betetzeko deialdia. Hortaz, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 59. eta 112. artikuluei jarraituz, horren berri ematen zaie interesdun guztiei, iragarki hau argitaratu eta biharamunetik gehienez ere hamar egun balioduneko epean alegazioak egin ahal izateko, Erregistro Orokorrean aurkeztuz (Nafarroako Jauregia, Karlos III.aren etorbidea, 2, Iruña), edo, bestela, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 38. artikuluan adierazitako edozein bide erabiliz.
Aurkeztutako errekurtsoen kopia interesdunen eskura dago Funtzio Publikoaren Zuzendaritza Nagusiko Araubide Juridikoaren Atalean (Karlos III.aren etorbidea 2, 2. solairua; Iruña).
Iruñean, 2014ko maiatzaren 28an.–Funtzio Publikoaren zuzendari nagusia, Gregorio Eguílaz Gogorza.
Iragarkiaren kodea: F1407940