2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
NOAIN (ELORTZIBAR)
2013-2014 ikasturtean Noain Elortzibarko udal mugapetik
kanpora euskarazko eskolak ematen dituzten ikastetxe publikoetarako eskola garraiorako diru-laguntza izenduna arautzen duen deialdia eta haren oinarriak. Lehen hezkuntzako “D”
ereduko 4, 5 eta 6. mailak
Alkatetzak maiatzaren 23an eman Ebazpenaren bidez, onetsi dira Noain Elortzibarko udal mugapetik kanpora D ereduko eskolak ematen dituzten ikastetxe publikoetan Lehen Hezkuntzako 4, 5 eta 6. mailak ikasten dituzten ikasleen eskola garraiorako diru-laguntza izenduna arautzen duen deialdiaren oinarriak.
Deialdi honetan aurreikusi gabeko orotan, aplikatzekoa izanen da Diru-laguntzei buruzko azaroaren 17ko 38/2003 Lege Orokorra eta haren Erregelamendua, eta, orobat, Diru-laguntzei buruzko Ordenantza Orokorra, Osoko Bilkurak 2014ko urtarrilaren 14an onetsia (otsailaren 26ko 39. Nafarroako Aldizkari Ofiziala).
Noainen, 2014ko maiatzaren 23an.–Alkatea, Sebastián Marco Zaratiegui.
Noain Elortzibarko udal mugapetik kanpo euskarazko eskolak ematen dituzten ikastetxe publikoetara joateko eskola garraiorako diru-laguntza izenduna arautzen duen deialdia, 2013-2014 ikasturterako. LEHEN HEZKUNTZAKO “D” EREDUKO 4, 5 ETA 6. MAILAK
1.–Justifikazioa.
Deialdi honen xede diren laguntzak arrazoiturik daude, Noain Elortzibarko udal mugapean dauden ikastetxe publikoek ez baitute D eredurik eskaintzen Lehen Hezkuntzako 4, 5 eta 6. mailetan; horren ondorioz, beren seme-alabak eredu horretan matrikulatu nahi dituzten aita-amak beharturik daude horiek beste udalerri batzuetan matrikulatzera, bereziki Iruñean, eta horrek garraioan diru gehiago gastatzea dakar.
2.–Aurrekontua eta diru-laguntzaren zenbatekoa.
Aurrekontuetan, 7.275,00 euro esleituko zaio, gehienez ere, deialdi honi, aurrekontuaren kontu-sail honen kargura erabiltzen ahalko direnak: 0/425/48001. Euskarazko eskola autobuserako diru-laguntza, 2014ko ekitaldiko udal aurrekontukoa.
Onuradun bakoitzari gehienez ere eman beharreko zenbatekoa hainbanatuko da eskatzaile kopuruaren eta bakoitzak frogatutako gastuaren arabera, muga izanik eskaerarekin batean aurkeztutako datuetatik heldu dena, eta aurrekontuko kontu-sailaren zenbatekoa gainditu ahal izan gabe.
3.–Diru-laguntza eskatzeko betebeharrak eta haien frogabideak.
Diru-laguntza eskatu ahal izateko, Ordenantza Orokorrean jasotako baldintza orokorrak bete behar dira eta ez egon indarra duen legeriak debekurako ezartzen dituen arrazoietan; horrez landa, baldintza hauek bete beharko dira:
Noain Elortzibarren erroldaturiko familia unitatea eratzea eskaerak aurkezteko epea bukatu aitzin.
Seme-alaba bat edo gehiago matrikulaturik izatea 2013-2014 ikasturtean Foru Komunitatean D eredua ematen duten ikastetxe publikoetariko batean, ondoko maila hauetariko batean:
a. Lehen Hezkuntzako 4. maila.
b. Lehen Hezkuntzako 5. maila.
c. Lehen Hezkuntzako 6. maila.
Deialdi honen ondorioetarako, honako hauek osatuko dute familia unitatea:
a) Senar-emazteek eta arestiko paragrafoan aipaturiko mailetan matrikulaturiko seme-alaba adingabeek osatua.
b) Berariazko legeriaren araberako bikote egonkorrak eta arestiko paragrafoan aipaturiko mailetan matrikulaturiko seme-alaba adingabeek osatua.
c) Legezko banantze kasuetan, edo ezkontzaren bidezko loturarik ez dagoenean, bikotea egonkorra ez denean edo bizikidetzarik ez duenean, amak edo aitak eta arestiko paragrafoan aipaturiko mailetan matrikulaturiko seme-alaba adingabeek osatua.
4.–Diru-laguntza eskatzeko espedienteak bideratzeko eta ebazteko eskumena.
Espedienteak bideratzea Noain Elortzibarko Udaleko Zerbitzu Orokorren Alorraren eskumena da, eta haien ebazpena, berriz, Alkatetzarena, Diru-laguntzei buruzko ordenantza orokorraren 7. artikuluan, Diru-laguntzei buruzko azaroaren 17ko 38/2003 Lege Orokorraren 10.4 artikuluan eta Toki Araubidearen Oinarriak arautzen dituen apirilaren 2ko 7/1985 Legearen 21.1.s artikuluan xedatuari jarraikiz. Deialdiaren onespena ere Alkatetzarena da.
5.–Eskaerak aurkezteko epea eta tokia.
Eskaerak deialdi honi erantsitako eredu normalizatuaren bidez eginen dira, eta eskatzaileak sinatu behar ditu.
Eskaerak aurkezteko epea hilabete izanen da, deialdia Nafarroako Aldizkari Ofizialean argitaratu eta biharamunetik hasita.
Epe horren barnean, interesdunek deialdi honen zazpigarren oinarrian aipatzen den dokumentazioarekin batera aurkeztu behar dituzte beren eskaerak.
Eskaerak ez baditu betetzen deialdian ezarritako betekizunak, interesdunari eskatuko zaio gehienez ere hamar egun balioduneko epe luzaezinean zuzen dezala, eta ohartaraziko zaio hala egin ezean eskaera bertan behera utzi duela ulertuko dela. Betiere aitzinetik ebazpena emanen da, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 71. artikuluak aurreikusiarekin bat.
Eskaera aurkeztean baimena ematen zaio Noain Elortzibarko Udalari, bidezkotzat jotzen dituen jardueren bitartez egiaztatzeko eskatzaileek emandako informazioa zuzena den, ea eskatutako baldintzak betetzen diren kasu horretan eta onuradunak laguntza jasotzeagatik dituen betebeharrak betetzen dituen.
Eskaerak Noain Elortzibarko Udaleko Erregistro Orokorrean aurkeztuko dira (Foruen plaza, 3; 31110 Noain), edo Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 38. artikuluan adierazten diren lekuetako edozeinetan.
6.–Ebazteko eta jakinarazteko epea.
Ebazteko eta jakinarazteko epea hilabete izanen da gehienez, diru-laguntza eskaerak aurkezteko azken egun baliodunetik hasita.
Epe hori berariazko ebazpenik eman gabe bukatzen bada, eskaera ezetsitzat joko da.
7.–Aurkeztu beharreko agiriak.
1.–Eskaerak, deialdi honekin batera heldu den ereduaren arabera konpliturik eta beterik, tributu eginbeharrak eta Gizarte Segurantzarekikoak eguneratuak izatearen ziurtagiriak izanen ditu, edo hala dituelako erantzukizuneko aitorpena. Eskaerak ahalmena ematen dio Udalari aitortutakoa egiaztatzeko.
2.–Familia unitatearen erroldako ziurtagiriak.
3.–Eskaera zer adingaberendako aurkeztu den, bakoitzaren matrikularen fotokopia, hura Lehen Hezkuntzako 4, 5 edo 6. mailakoa bada, 2013-2014 ikasturtekoa eta ikastetxe publiko bateko D eredukoa.
4.–Eskola garraioaren banakako ordainagiria, bertan adierazita ikasturterako urteko kostuari dagokion diru-laguntzaren zenbatekoa, ikastetxeko 2013-2014 ikasturteko eskola egunen gainean kalkulatua, ondoko alderdi hauek kontuan hartuz:
1. Kontuan hartzen da egunero eskola garraioan gehienez ere 15 kilometroko ibilbidea duen ikastetxe bateko matrikulazioa (joan-etorria Noaindik).
Eskatzaileak aipatutako distantzia gainditzen duen ikastetxe bateko matrikulazioaren ziurtagiria aurkezten badu, baldintza hori betetzen duten ikasleendako onesten den zenbatekoa ordainduko zaio.
2. Eskaerak ez badu eskola egunen kopurua zehazten eta hura beharrezkoa baldin bada diru-laguntzaren zenbatekoa zehazteko, 175 balira bezala jokatuko da.
3. Aurrekontua halako garraio modu kolektibo, publiko nahiz pribatu bati badagokio, ikasle bakoitzaren arabera xehakatuko da. Informazio hori eman ezean, Udalak autobuseko eserleku kopurua eskatuko du eta garraio zerbitzuaren kostu osotik abiatuta eserleku bakoitzari dagokion banakako kostua kalkulatuko du.
4. Eskatzaileak deklaratzen baldin badu ibilgailu partikularra erabiltzen duela adingabeak ikastetxera eramateko, diru-laguntza banaka erabakiko da, interesdunarendako, garraiatu beharreko bidaiariak zenbanahi direla, 0.30 euro/km emanda eta gehienez ere 15 km izanik egunean, eta betiere muga izanen da taldeko garraioa erabiltzen duten ikasleendako dagoen gehieneko zenbatekoa.
Udalak ofizioz egiaztatuko du eskatzaileak eguneratuak dituela udalerriarekiko zerga betebeharrak eta erroldaturik dagoela.
8.–Jakinarazteko edo argitaratzeko bidea.
Laguntza emateari buruz organo eskudunak ematen duen ebazpenak amaiera emanen dio administrazio bideari eta haren aurka zuzenbidearen arabera bidezkoak diren errekurtsoak aurkeztu ahalko dira. Ebazpen hori banaka jakinaraziko zaie eskatzaileei, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legean xedatuari jarraikiz.
9.–Bateragarritasuna beste diru-laguntza batzuekin.
Deialdi honetako diru-laguntza bateragarria da beste edozein administrazio edo entitatek helburu bererako ematen dituen diru-laguntzekin, muga izanik ondoko paragrafoak dioena.
Diru-laguntzaren zenbatekoak ezin izanen du inoiz gainditu diruz lagundutako jardueraren kostua.
10.–Ordainketa.
Onartutako diru-laguntza ordainketa bakar baten bidez emanen da, ematearen ebazpena jakinarazi eta hilabeteko epean.
11.–Araubide juridikoa.
Azaroaren 17ko Diru-laguntzei buruzko 38/2003 Lege Orokorraren 17.2 artikuluan ezarritakoari jarraituz, deialdi hau onetsi da Udalaren Diru-laguntzei buruzko Ordenantza Orokorraren esparruan, Osoko Bilkurak 2014ko urtarrilaren 14an onetsi baitzuen (otsailaren 26ko 39. Nafarroako Aldizkari Ofiziala).
Deialdi honetan xedaturik ez dagoen guztian, Diru-laguntzei buruzko azaroaren 17ko 38/2003 Lege Orokorrari eta haren Erregelamenduari lotuko zaie, bai eta aipatutako Diru-laguntzei buruzko ordenantza orokorrari.
12.–Errekurtsoen araubidea.
Deialdi honen aurka, baita oinarri hauen aurka eta haiek betearazteko hartzen diren administrazio ebazpenen aurka ere, errekurtso hauetako edozein aurkeztu ahalko da, aukeran:
–Berraztertzeko errekurtsoa, administrazio egintzaren egile den organoari berari zuzendua, hilabeteko epean, errekurritzen den egintza jakinarazi edo, bestela, argitara eman eta biharamunetik hasita.
–Gora jotzeko errekurtsoa, Nafarroako Administrazio Auzitegiari zuzendua, hilabeteko epean, errekurritzen den egintza jakinarazten denetik hasita.
–Administrazioarekiko auzi-errekurtsoa, Nafarroako Administrazioarekiko Auzien Epaitegiari zuzendua, bi hilabeteko epean. Errekurritzen den egintza jakinarazi edo argitaratu eta biharamunean hasiko da epe hori.
Noain Elortzibarren, 2014ko maiatzaren 23an.–Alkatea, Sebastián Marco Zaratiegui.
2013-2014 ikasturtean Noain Elortzibarko udal mugapetik kanpora euskarazko eskolak ematen dituzten ikastetxe publikoetarako eskola garraiorako diru-laguntzaren eskaera
1.–Eskatzailearen datuak.
NAN/Pasportea | Ordaintzeko kontu korrontea. Entitatea: .................................................... Kontuaren zenbakia: IBAN – – / – – / – – – – / – – – – / – – / – – – – – – – – – – |
Lehen deitura | Bigarren deitura | Izena |
Helbidea | Noain (Elortzibar) | * Tlf: ...................................................... * Helbide elektronikoa: .......................... |
* Tramiteko egintzen jakinarazpena arintzeko eskatzen diren datuak. |
2.–Familia unitatearen datuak.
LEHEN DEITURA | BIGARREN DEITURA | IZENA | NANa | JAIOTZE EGUNA |
| | | | |
| | | | |
| | | | |
Familia unitatearen helbidea: Noain Elortzibarko ...............................
3.–Matrikulazioko ikastetxeko datuak.
4.–Erabili beharreko garraiobidea.
Garraiobidea: | Publikoa: Taxia / Autobusa / Partikularra |
Ordaindutako zenbatekoa: | ..................... euro / egun kopurua ........... / Km ................... |
Adingabe kopurua | ......................................... |
Seme bakoitzagatik ordaindutako zenbatekoa: | .................................................... euro. |
Erantzukizunez aitortzen dut:
q Ez dudala diru-laguntzak arautzen dituen araudian aurreikusitako debekurik, eta eguneratuak ditudala nire zerga betebeharrak eta Gizarte Segurantzarekikoak.
q Deialdiaren 3. oinarrian eskatzen diren baldintzak betetzen ditudala.
q Aitzineko datu guztiak egiazkoak direla eta orobat egiazkoa aurkezten dudan dokumentazio guztia, eta jakinaren gainean nagoela horiek ezkutatzea edo faltsutzea espedientea bertan behera uzteko arrazoi aski dela, kasu bakoitzean bidezko diren gainerako ekintzak aparte utzirik.
q Noain Elortzibarko Udalari baimen espresa ematen diodala aitortutako datuak eta aurkeztutako agiriak egiazkoak direla frogatzeko.
Noain Elortzibarren, 2014ko .............aren ...................(e)(a)n
Stua.: ...........................
Aurkeztutako agiriak:
q Familia unitatearen erroldako ziurtagiria.
q Eskaera zer adingaberendako aurkeztu den, haietako bakoitzaren matrikularen fotokopia; matrikula izanen da ikastetxe publiko bateko Lehen Hezkuntzako 4, 5 edo 6. mailakoa, 2013-2014 ikasturtekoa eta D eredukoa.
q Garraioaren banakako ordainagiria (ikasturterako urteko kostua).
q Beste bat (aipatu)*
*Aurreko puntuko dokumentazioa aurkeztu ezean, autobusaren kostu osoaren kopia aurkeztuko da eta kontratatutako eserleku kopurua; halakorik ezean, enpresaren datuak emanen dira, informazio hori eskatzeko.
Datuen babesa: Datu Pertsonalen Babesari buruzko abenduaren 13ko 15/1999 Lege Organikoa bete beharrez, aditzera ematen zaizu ezen emandako datu pertsonalak Noain Elortzibarko Udalaren Gizarte Prestazioen fitxategian sartuko direla, zer administrazio prozeduratarako eskatu diren, haren tramitazioa kudeatzeko. Datuak ikusi, zuzendu, ezabatu eta haien aurka egiteko eskubidea erabiltzeko Erregistro Orokorrera jo beharko da (Foruen Plaza, 3, 31110 Noain Elortzibar).
Iragarkiaren kodea: L1407885