102. ALDIZKARIA - 2014ko maiatzaren 27a

2. NAFARROAKO TOKI ADMINISTRAZIOA

2.1. OPOSIZIOAK ETA LEHIAKETAK. LAN PUBLIKOAREN ESKAINTZA

ZARAITZUKO IBAXAREN BATZORDEA

Deialdia, oihangintzako langile izateko
3 lanpostu oposizio-lehiaketaren bidez eta barne igoera
murriztuaz betetzeko

Zaraitzuko Ibaxaren Batzordeak, 2014ko apirilaren 15eko bilkuran hartutako erabakiaren bitartez, deialdia onetsi du Zaraitzuko Ibaxaren Batzordeko oihangintzako langile izateko 3 lanpostu oposizio-lehiaketaren bidez eta barne igoera murriztuaz betetzeko.

Oposizio-lehiaketa hau eginen da aplikatu beharreko araudian xedatuari eta ondoko oinarrietan ezartzen denari jarraikiz:

OINARRIAK

1. oinarria. Baldintza orokorrak.

1.1. Deialdi honen xedea da Zaraitzuko Ibaxaren Batzordearen jabetzakoak diren mendietako oihangintzako langile izateko hiru lanpostu, C mailakoak eta lan-kontratu finkokoak, oposizio-lehiaketa murriztuaren bidez betetzea, Zaraitzuko Ibaxaren Batzordean D mailan lanean ari diren oihangintzako hiru langileen artean.

1.2. Aplikatzekoak diren arauak.

Oposizio-lehiaketa hau eginen da Nafarroako Administrazio Publikoen zerbitzuko Langileen Estatutuaren 15.6 artikuluan ezarritakoari jarraituz, abuztuaren 30eko 251/1993 Legegintzako Foru Dekretuaren bidez onetsi baitzen, Batzorde honek onartzen dituen eraginkortasun eta ekonomia arrazoiak direla medio, lanaren antolaketak lanpostu horien erantzukizunak eta eginkizunak gehitu baititu. Deialdiko lanpostu horiekin ez da egungo plantilla organikoa handitzen.

1.3. Nafarroako Administrazio Publikoen Zerbitzuko Langileen Estatutuaren Testu Bategineko C mailari dagokiona izanen da urteko lansari gordina, gehi indarrean den araudian ezarritako nahitaezko osagarriak, bereziki %5a, arrisku bereziagatik.

1.4. Lanaldia osoa izanen da gutxienez 9 hilabetez, denboraldi bakoitzeko baldintza klimatologikoen arabera.

1.5. Maila igotzeko proba hauetan parte hartzeak ez du deusetan aldatuko langileek izendapenaren aurretik zuten langile finkoen araubide juridikoa.

1.6. Egin beharreko lanak eta eginkizunak, betiere Zaraitzuko Ibaxaren Batzordearen jabetzako lurralde eremuan, deialdiaren kategoriari dagozkionak izanen dira.

2. oinarria. Izangaien betebeharrak.

2.1. Oposizio-lehiaketa honetan onartua izateko, izangaiek beharkizun hauek bete beharko dituzte eskabideak aurkezteko epea amaitzen den egunean:

a) Zaraitzuko Ibaxaren Batzordeko langile finkoa izatea oihangintzako langilearen lanpostuan eta D mailakoa izatea.

b) Borondatezko edo nahitaezko eszedentzian ez egotea.

c) Bost urteko antzinatasun onartua frogatzea.

d) Batxilergoko, Bigarren Mailako Lanbide Heziketako edo haien balio bereko tituluaren jabe izatea, gutxienez.

Titulazioaren baldintza betetzen ez denean, horren ordain izan daiteke Zaraitzuko Ibaxaren Batzordean zortzi urteko zerbitzuak eman izana frogatzea.

e) Eginkizun publikoetan aritzeko gaitasun fisiko eta psikikoa edukitzea, eta administrazio publiko baten zerbitzutik berezia ez izatea.

3. oinarria. Eskabideak.

Eskabideak Ibaxaren Herriko Etxeko bulegoetako erregistroan aurkeztu beharko dira, deialdi hau Nafarroako Aldizkari Ofizialean argitaratu eta hurrengo zazpi egun naturaleko epean. Deialdi honen I. eranskinean argitaratutako ereduari egokituko zaizkio eskabideak. Eskabideak aurkezteko epea luzaezina izanen da.

Izangaiek eskabidearekin batera aurkeztuko dituzte Zaraitzuko Ibaxaren Batzordean egiazki lan egindako urteen frogagiriak eta eskatzen den titulazioa, konpultsatutako agiriekin.

4. oinarria. Izangaien onarpena eta erreklamazioak.

4.1. Eskabideak aurkezteko epea bukatutakoan, Batzordeko buruak ebazpena emanen du onartu eta baztertuen behin-behineko zerrenda onesteko, eta Nafarroako Aldizkari Ofizialean argitaratzeko aginduko du.

4.2. Izangai baztertuek hamar egun balioduneko epea izanen dute, behin-behineko zerrenda Nafarroako Aldizkari Ofizialean argitaratzen denetik, erreklamazioak aurkezteko eta, akatsik egin badute, haiek zuzentzeko.

4.3. Erreklamazioetarako epea egindakoan eta haiei erantzun ondotik, Batzordeko buruzk ebazpena emanen du onartu eta baztertuen behin betiko zerrenda onesteko, eta Nafarroako Aldizkari Ofizialean argitaratzeko aginduko du.

5. oinarria. Epaimahaia.

5.1. Epaimahaia honako kide hauek osatuko dute:

Mahaiburua: Zaraitzuko Ibaxaren Batzordekoa.

Ordezkoa: Zaraitzuko Ibaxaren Batzordeko langileen batzordeko mahaikide bat.

Mahaikideak: Zaraitzuko Ibaxaren Batzordeko 4 mahaikide.

Ordezkoak: Zaraitzuko Ibaxaren Batzordeko 4 mahaikide.

Mahaikide idazkaria: Zaraitzuko Ibaxaren Batzordeko idazkaria.

Ordezkoa: Zaraitzuko udal bateko idazkaria, izendatzeke.

5.2. Epaimahaia ezin izanen da eratu, ezta jardun ere, kideen gehiengo osoa gutxienez bildu gabe.

Kide anitzeko organoaren eraketa baliozkoa izateko, beharrezkoa izanen da elkartzea mahaiburua eta idazkaria, edo haien ordezkoak, eta gutxienez ere mahaikideen erdiak.

5.3. Epaimahaiko kideek ez dute parte hartuko, eta organo dei egileari horren berri emanen diote, baldin eta Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legean parte ez hartzeko aipatzen diren egoeretakoren batean badaude.

Izangaiek, halaber, zilegi dute mahaikideak errefusatzea, egoera horietako bat gertatzen denean.

5.4. Epaimahaiak gehiengoz ebatziko ditu deialdiaren oinarriak interpretatu eta aplikatzeko moduari buruz sor daitezkeen gorabehera guztiak.

5.5. Epaimahaiak aholkulari adituen laguntza izan dezake proba batzuetan nahiz guztietan. Aholkulari horiek laguntza emanen diete epaimahaikoei, nork bere espezialitate teknikoan.

6. oinarria. Oposizio-lehiaketaren nondik-norakoa.

6.1. Oposizio-lehiaketak bi fase izanen ditu, lehiaketaldia lehenbizi, oposizioaldia ondoan.

A) Lehiaketaldia.

6.2. Ondotik heldu den baremoaren arabera baloratuko ditu epaimahaiak izangaiek aurkeztutako merezimenduak. Oposizio-lehiaketan parte hartzeko eskabidea egitean aurkeztu eta egiaztatu beharko dira merezimendu guztiak, agirien bidez. Agiriok jatorrizkoak edo behar bezala egiaztatuak izan beharko dute, bestela aurkeztu gabetzat joko dira.

6.3. Merezimenduak.

a) Lanpostuan duen antzinatasuna eta esperientzia egiaztatzea.

b) Titulazioa edukitzea.

c) Bere eginkizunen arloko prestakuntza ikastaroak egin izana.

a), b) eta c) merezimenduengatik 10 puntu lor daitezke, gehienez ere.

–Euskaraz jakitea. Hizkuntza Eskola Ofizial batek emandako Gaitasun Agiriaren bidez egiaztatuko da, edo ofizialki baliokidea den beste tituluren baten bidez, edo maila zehazteko proba eginez. Gehienez ere 5 puntu emanen dira, eta ez da baztergarria izanen.

6.4. Izangaiek alegatutako merezimenduen gaineko argibideak eta datu osagarriak eskatu ahalko ditu epaimahaiak edozein unetan.

6.5. Lehiaketaldia bukaturik, epaimahaiak iragarkien oholean jarriko du izangaien zerrenda, haietako bakoitzak lehiaketaldian ateratako puntuak zehaztuta.

B) Oposizioaldia.

6.6. Oposizioaldiak ondoko proba hauek izanen ditu:

Azterketa, test moduko 25 galderakoa.

Epaimahaiak zehaztuko du ariketen iraupena, ariketa bakoitza egiterakoan.

Ariketa honetan gehienez ere 50 puntu lor daitezke.

7. oinarria. Gainditzen dutenen zerrenda.

7.1. Ariketaren kalifikazioa bukatuta, epaimahaiak izangaiek lortutako kalifikazioak batu eta gainditu dutenen zerrenda, puntuazioaren hurrenkeraren arabera, jarriko du Zaraitzuko Ibaxaren Batzordearen iragarki oholean eta gainditu duten izangaien aldeko izendapen proposamena eginen du.

7.2. Epaimahaiak proposatu dituen izangaiak izendatuko ditu Zaraitzuko Ibaxaren Batzordeak eta izendatzeko proposamena Nafarroako Aldizkari Ofizialean argitaratzeko aginduko du. Proposaturiko izangaiak ondoko agiriak ekarri beharko ditu, izendapen proposamena argitaratu ondoko 30 egun naturaleko epean:

a) Nortasun Agiri Nazionalaren fotokopia konpultsatua, edo izangaiaren nazionalitatea eta nortasuna frogatzen dituen beste agiri baliokideren batena.

b) Deialdian eskatu den tituluaren fotokopia konpultsatua edo titulua lortzeko eskubideen ordainagiriarena.

c) Osasun ziurtagiri ofiziala, interesdunak lanpostuko eginkizunak betetzea eragozten dion eritasunik edo akats fisiko edo psikikorik ez duela egiaztatzen duena.

d) Zinpeko aitorpena, eginkizun publikoetan aritzeko desgaitua edo gabetua ez dagoela eta inongo administrazio publikoren zerbitzutik ez dela baztertua izan erakusten duena.

Aurkeztutako dokumentazioa.

7.3. Epe horretan, eta behar adina justifikatutako ezinbestekoetan izan ezik, izangaiak ez baditu dokumentu horiek aurkezten, ezin izanen da izendatu, eta haren jarduketa guztiak baliogabetuko dira, hasierako eskabidean gezurra esateagatik egotzi ahal zaion erantzunbeharra aparte utzirik.

8. oinarria. Izendapena eta jabetza hartzea.

8.1. Hautapenaldia amaituta, Zaraitzuko Ibaxaren Batzordeak hautatutako izangaiak izendatuko ditu.

8.2. Izendapena Nafarroako Aldizkari Ofizialean argitaratuko da.

8.3. Izangai izendatuak, izendapena jakinarazi eta ondoko hilabetean hartu beharko du lanpostuaren jabetza. Epe horren barrenean eta ezinbestekoak salbu, jabetza hartzen ez badu, Zaraitzuko Ibaxaren Batzordeko C mailako oihangintzako langile bilakatzeko eskubide guztiak galduko ditu eta aurreko oinarrian esandakoari jarraituko zaio.

9. oinarria. Errekurtsoak.

9.1. Deialdi honen, oinarrien eta bere aplikaziotik sortzen diren egintzen kontra, ondoko errekurtso hauek aurkez daitezke, hautara:

a) Berraztertzeko errekurtsoa, egintzaren organo egileari zuzendua, hilabeteko epean, jakinarazi eta biharamunetik hasita.

b) Gora jotzeko errekurtsoa, Nafarroako Administrazio Auzitegiari zuzendua, hilabeteko epean, jakinarazten den egunetik aitzina.

c) Administrazioarekiko auzi-errekurtsoa, Nafarroako Justizia Auzitegi Nagusiko arlo bereko salari zuzendua, bi hilabeteko epean, argitaratu edo jakinarazi eta biharamunetik hasita.

Ezkarozen, 2014ko apirilaren 15ean.–Batzordeko burua, Juantxo Izal.

I. ERANSKINA

Eskabide eredua

Izena: …………………………, adinez nagusia. Nortasun Agiri Nazionala: …….……. (edo balio bereko beste agiriren bat), sorteguna: ……………………………, sorterria: ……...... (..............), nazionalitatea: ........., egungo bizitokia: ................. (........), kalea: ..............................., posta kodea: ................, telefonoa: ....................

Zure aitzinera azaldu eta adierazten dut:

Onartua izatea eskatzen dudala oihangintzako langile izateko 3 lanpostu, C mailakoak, oposizio-lehiaketa bidez betetzeko deialdian. Deialdia ...... (e)ko .... Nafarroako Aldizkari Ofizialean argitaratu zen, ...............(e)an.

Deialdiko baldintza guztiak betetzen ditudala, eskabideak aurkezteko epea bukatzen den egunean.

Horiek horrela,

Onartua izatea eskatzen dudala Zaraitzuko Ibaxaren Batzordearen zerbitzuko .................. izateko ..... lanpostu oposizio-lehiaketa bidez betetzeko deialdian.

..................... (e)n, ........(e)ko .....................aren .........(e)an

Sinadura

II. ERANSKINA

Gai zerrenda

1. gaia.–Zaraitzuko Ibaxaren Batzordearen ordenantzak.

2. gaia.–Irati, Zabaleta eta Erremendia mendien ezagutza.

3. gaia.–Lan arriskuei aurrea hartzea, oihangintzako lanetan.

4. gaia.–Oihan-kudeaketa eta oihan aprobetxamendua.

5. gaia.–Oihangintzako makinak, mozketa eta ateratze lanetarako.

Iragarkiaren kodea: L1406448