2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
IRUÑERRIKO MANKOMUNITATEA
124/2013 Ebazpena
9/2005 Foru Legeak, uztailaren 6koak, ezartzen du 21. artikuluan baterako zerbitzurako eremuko toki entitate eskudunek, beren ordenantzetan hala ezarrita badago, taxi gidari profesionalaren gidabaimena eskuratzeko agindu ahal izango dietela gidariei, lizentzien titularrak izan edo soldatapeko langileak izan.
Iruñerrian baterako zerbitzurako eremuko taxi zerbitzua arautzeko ordenantzaren 18. artikuluak taxi gidari profesionalaren gidabaimena arautzen du, eta ezartzen du taxi zerbitzua emateko beharrezkoa dela taxi gidari profesionalaren baimena izatea.
22/2013 zenbakiko ebazpenaren bidez, Iruñerriko baterako zerbitzurako eremuko taxi gidari profesionalaren gidabaimena lortzeko deialdia onetsi zen, eta 2013ko otsailaren 6ko Nafarroako Aldizkari Ofizialean argitaratu zen –25. zenbakia–.
2013ko apirilaren 17an Mankomunitatearen iragarki oholean eta egoitza elektronikoan argitaratu zen Iruñerriko baterako zerbitzurako eremuko taxi gidari profesionalaren gidabaimena lortzeko probak gaindituak zituzten pertsonen zerrenda.
Oinarrietako 10. atalak ezartzen duenez, Mankomunitatearen iragarki oholean eta webgunean probak gaindituak zituzten pertsonen zerrenda argitaratu eta gero, hogei egun naturaleko epea abiatu zen behar den titulazioa duen mediku elkargokide batek egindako ziurtagiria edo txostena aurkezteko, taxi gidariaren lanbidean aritzeko galarazten edo zailtzen dion eragozpen fisikorik edo psikikorik ez duela ziurtatzen duena. Probak gaindituak zituzten parte-hartzaile guztiek aurkeztu dute dokumentu hori ezarritako epearen barnean.
Orain arte probak gainditu eta baliozko osasun ziurtagiri edo txostenak aurkeztu dituzten pertsonak dira xedapen zatian taxi gidabaimen profesionala ematen zaien pertsonak.
Ematen ez zaien pertsonak dira probak gainditu ez dituztenak.
Eskumena Mankomunitateko lehendakariari dagokio Iruñerriko Mankomunitatearen Estatutuen 20.20 artikuluarekin, Iruñerriko Mankomunitatearen Antolaketa eta Funtzionamendurako Araudiaren 28.20 artikuluarekin, eta Toki Araubidearen Oinarrien 21.1 s) artikuluarekin bat (azken hori aplikatzekoa da Toki Administrazioaren Foru Legearen 8.2 artikuluaren arabera).
Azaldutako guztiarengatik,
EBATZI DUT:
1. Ematea pertsona hauei Iruñerriko baterako zerbitzurako eremuko taxi gidari profesionalaren gidabaimena:
Ciaurriz Noain, José Javier
Eguillor Ayerra, David
Fernández González, José Ángel
García Antón, Francisco José
Hamim Farhat, Bouazza
Lacunza Munilla, David
Lara Jiménez, Pedro María
Martín Domínguez, Antonio Jesús
Martos Romero, Antonio Manuel
Mendiburu Vidart, Jesús María
Morales Mesa, Josefa
Moutaki Hamim, Charaf
Munárriz Zunzarren, Raúl
Olleta Soria, Iñigo
Otxandorena Eizaguirre, Iñaki
Ripodas Beorlegui, Iñigo
Ruiz Taberna, Óscar
Saez Nicuesa, Ángel María
Salinas Jiménez, Francisco Javier
Santamaría Baines, Nicolás José
Sanz Jiménez, Miguel
Saralegui Silanes, Juan Bautista
Ustarroz Mendive, Lourdes
Valencia Ojer, Josu
2. Probak gainditu dituzten pertsonen zerrenda argitaratzea Nafarroako Aldizkari Ofizialean, adierazita, Toki Araubidearen Oinarriak arautzen dituen 7/1985 Legearen 52.2 artikuluan ezarritakorekin bat, ebazpen horrek amaiera ematen diola administrazio bideari, eta Nafarroako Toki Administrazioari buruzko 6/1990 Foru Legearen 333. artikuluan xedatutakoarekin bat, administrazioarekiko auzi errekurtsoa aurkeztu ahal izango dela Nafarroako Administrazioarekiko Auzien Epaitegiari zuzendua, ebazpen hau jakinarazi eta biharamunetik aurrera, bi hilabeteko epean. Aldez aurretik berraztertzeko errekurtsoa aurkezteko aukera dago, Iruñerriko Mankomunitateko lehendakariari zuzendua, edota gora jotzeko errekurtsoa, Nafarroako Administrazio Auzitegiari zuzendua, bietan hilabeteko epean.
Iruñean, 2013ko maiatzaren 7an.–Lehendakaria, José Muñoz Arias.
Iragarkiaren kodea: L1306850