1. NAFARROAKO FORU KOMUNITATEA
1.7. BESTELAKOAK
81/2013 EBAZPENA, otsailaren 22koa, Hezkuntza Baliabideen zuzendari nagusiak emana, Altsasuko "San Miguel de Aralar II" Bigarren Hezkuntzako Institutuaren deitura espezifikoa aldatzeko baimena ematen duena.
Ikusirik "San Miguel de Aralar II" Bigarren Hezkuntzako Institutuko eskola-kontseiluaren proposamena, hots, ikastetxeari egungo "San Miguel de Aralar II" izenaren ordez “FP Sakana LH” deitura espezifikoa emateari buruzkoa.
Nafarroako Foru Komunitateko Bigarren Hezkuntzako Institutuen Erregelamendu Organikoa onetsi zuen otsailaren 10eko 25/1997 Foru Dekretuaren 3. artikuluan ezarritakoaren bidez.
Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1.d) artikuluaren bidez eskuordetutako ahalmenak erabiliz, eta Hezkuntzako Azpiegituren Zerbitzuak proposaturik,
EBATZI DUT:
1. “FP Sakana LH” deitura espezifikoa ematea, egungo "San Miguel de Aralar II” deituraren ordez, Altsasuko "San Miguel de Aralar II” Bigarren Hezkuntzako Institutuari (ikastetxearen kodea: 31009066). Horrenbestez, hemendik aurrera, ikastetxearen deitura honakoa izanen da: Instituto de Educación Secundaria “FP Sakana LH” Bigarren Hezkuntzako Institutua.
2. Ebazpen honen aurka gora jotzeko errekurtsoa jar daiteke, Hezkuntza Departamentuko kontseilariari zuzendua, jakinarazi eta biharamunetik hilabeteko epean.
3. Ebazpen hau Nafarroako Aldizkari Ofizialean argitaratuko da.
4. Ebazpen hau honako hauei igortzea: ikastetxeko eskola-kontseiluko lehendakari jaunari, Altsasuko Udaleko alkate-buruari, Giza Baliabideen Zerbitzuari, Hezkuntzako Ikuskapen Zerbitzuari, Hezkuntza Baliabideen Zerbitzuari, Lanbide Heziketaren Zerbitzuari eta Hezkuntzako Azpiegituren Zerbitzuari, Araubide Administratiboaren Atalari, Ikasketak Antolatzeko Atalari, Departamentuko Egoitzen eta Ikastetxeen Mantentze-lanetarako Atalari, Aurrekontu eta Kudeaketa Ekonomikoaren Atalari, Ikastetxeen, haien Finantzaketaren eta Ikasketetarako Laguntzen Atalari eta Kontratazioaren, Zerbitzu Osagarrien eta Koordinazio Administratiboaren Atalari eta Ikastetxeetako Informazioa Kudeatzeko Bulegoari.
Iruñean, 2013ko otsailaren 22an.–Hezkuntza Baliabideen zuzendari nagusia, Iñigo Huarte Huarte.
Iragarkiaren kodea: F1304200
