1. NAFARROAKO FORU KOMUNITATEA
1.7. BESTELAKOAK
178/2013 EBAZPENA, Landa Garapeneko zuzendari nagusiak emana, 2013ko ekitaldirako "Nafarroa" Jatorrizko Deituraren Kontseilu Arauemailearen diru-sarreren eta gastuen aurrekontu arrunta onesten duena.
Mahastizaintza eta ardogintza arautzeari buruzko 16/2005 Foru Legearen 20. artikuluko 7. puntuak ezartzen du "Nafarroa" Jatorrizko Deituraren Kontseilu Arauemailearen aurrekontua Foru Komunitateko Administrazioari aurkeztu beharko zaiola, onets dezan.
"Nafarroa" Jatorrizko Deituraren Kontseilu Arauemaileak eskaera aurkeztu du, 2013ko otsailaren 20an, departamentu honek Kontseilu Arauemailearen 2013ko ekitaldirako aurrekontu arrunta onets dezan.
"Nafarroa" Jatorrizko Deituraren Kontseilu Arauemaileak ekarritako dokumentazioan aditzera ematen da 2013. urteko aurrekontu arrunta, bai diru-sarreretan, bai gastuetan, 1.892.774,32 eurokoa dela, eta erakunde horrek 2013ko otsailaren 14an egindako osoko bilkuran onetsi zela.
Kontseilu Arauemaileak 2013. ekitaldiko diru-sarreren eta gastuen aurrekontu arrunta onestearen ziurtagiria aurkeztu du, Jorge Vidal Ragoût "Nafarroa" Jatorrizko Deituraren Kontseilu Arauemaileko kudeatzaileak luzatua, non adierazten baita Kontseilu Arauemaileak 2013ko otsailaren 14an egindako osoko bilkuran erabaki zuela 2013. urteko aurrekontu arrunta onestea, eta aurrekontua, bai diru-sarreretan, bai gastuetan, 1.892.774,32 eurokoa dela. Ziurtagiriarekin batera bidalitako eranskinetan aurrekontuen xehetasunak agertzen dira. Ziurtagiri hori frogagiri gisa egin da eta aurrekontuaren onespen espedienteari erantsi zaio, eta Kontseilu Arauemaileko buruak ontzat eman ondoren sinatu da, 2013ko otsailaren 19an.
Ikusirik Nekazaritzako Ustiategien eta Elikagaien Sustapenerako Zerbitzuaren proposamen txostena.
Horrenbestez, Nafarroako Foru Komunitateko Administrazioari buruzko abenduaren 3ko 15/2004 Foru Legearen 22. artikuluak ematen dizkidan eskumenak erabiliz,
EBATZI DUT:
1. "Nafarroa" Jatorrizko Deituraren Kontseilu Arauemaileak 2013. urterako aurkeztu duen aurrekontu arrunta onestea. Aurrekontu hori, hala diru-sarreretan nola gastuetan, 1.892.774,32 eurokoa da.
Aurrekontu hori onesteak ez dakarkio departamentu honi inolako konpromisorik bertan ezartzen diren diru-laguntzei dagokienez.
2. Ebazpen hau "Nafarroa" Jatorrizko Deituraren Kontseilu Arauemaileari eta Nekazaritza, Elikadura eta Ingurumen Ministerioko Elikagaien Kalitate Berezituaren eta Nekazaritza Ekologikoaren Zuzendariordetza Nagusiari jakinaraztea, behar diren ondorioak izan ditzan, eta Nafarroako Aldizkari Ofizialean argitaratzea.
3. Ebazpen honen aurka gora jotzeko errekurtsoa jar daiteke, Landa Garapeneko, Ingurumeneko eta Toki Administrazioko kontseilariari zuzendua, jakinarazi eta biharamunetik hilabeteko epean.
Iruñean, 2013ko martxoaren 19an.–Landa Garapeneko zuzendari nagusia, Juan Pablo Rebolé Ruiz.
Iragarkiaren kodea: F1304403
