Iragarkia

68. ALDIZKARIA - 2013ko apirilaren 11

1. NAFARROAKO FORU KOMUNITATEA

1.3. LURRALDEAREN ANTOLAMENDUA ETA HIRIGINTZA

489/2013 EBAZPENA, otsailaren 26koa, Lurraldearen Antolamenduaren, Mugikortasunaren eta Etxebizitzaren zuzendari nagusiak emana, “Iruñerriko Ibai Parkea handitzea” izeneko udalez gaindiko plan sektorialaren araudia Nafarroako Aldizkari Ofizialean argitaratzeko agintzen duena. Sustatzailea Iruñerriko Mankomunitatea da.

Gobernuak 2010eko martxoaren 29an hartutako Erabakiaren bidez onetsi zen behin betiko goian aipatu espedientea. Erabaki horretan, 2. puntuan, zehaztapen hau egin zen: “UPSean alegazioen ebazpenen ondoriozko zuzenketak sartuko dira; erabaki honen azalpen zatiaren III.3 epigrafean hirigintzako araudiari buruz agertzen direnak; eta Ingurumen eraginaren adierazpenaren ondoriozkoak ere bai.”

Sustatzaileak eskatu zaion testu bategina aurkeztu duenez, eta kontuan hartuz Lurraldearen Antolamendu eta Hirigintza Zerbitzuak eman duen aldeko txostena, bidezko da “Iruñerriko Ibai Parkea handitzea” izeneko udalez gaindiko plan sektorialaren araudia argitaratzea.

Lurraldearen Antolamendu eta Hirigintza Zerbitzuaren txostena ikusita eta Sustapen eta Etxebizitza Departamentuaren (gaur egun Sustapen Departamentua da, ekainaren 22ko 11/2012 Nafarroako Foru Komunitateko Lehendakariaren Foru Dekretuan eta ekainaren 27ko 30/2012 Foru Dekretuan ezarritakoaren arabera) egitura organikoa ezartzen duen abuztuaren 24ko 143/2011 Foru Dekretuak emandako ahalmenak erabiliz,

EBATZI DUT:

1. Iruñerriko Mankomunitateak sustatutako “Iruñerriko Ibai Parkea handitzea” izeneko udalez gaindiko plan sektorialaren araudia Nafarroako Aldizkari Ofizialean argitaratzea. Araudi horren testua ebazpen honen eranskinean ageri da oso-osorik.

2. Adieraztea ebazpen honek ez duela administrazio bidea amaitzen, eta espedientean interesa dutenek, administrazio publikoek izan ezik, haren kontra gora jotzeko errekurtsoa jar dezaketela, Sustapeneko kontseilariari zuzendua, hilabeteko epean.

Administrazio publikoek zilegi dute administrazioarekiko auzi-errekurtsoa jartzea, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean. Horrek ez du alde batera uzten Nafarroako Gobernuan aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan aurreikusitako moduan eta epean.

Epeak ebazpen hau Nafarroako Aldizkari Ofizialean argitaratu eta biharamunean hasiko dira kontatzen.

3. Ebazpen hau igortzea Ebroko Ur Konfederazioari, Nafarroako Industria Ingurumena, S.A. enpresa publikoari, Odieta, Olaibar, Ezkabarte, Esteribar, Eguesibar, Uharte, Aranguren Ibarra, Noain (Elortzibar), Beriain, Galar Zendea, Zizur Zendea, Iruña, Zizur Nagusia, Barañain, Oltza Zendea, Etxauri, Ziritza, Zabaltza, Etxarri eta Bidaurreta herrietako udalei eta Iruñerriko Mankomunitateari, eta Nafarroako Aldizkari Ofizialean argitaratzea, behar diren ondorioak izan ditzan.

Iruñean, 2013ko otsailaren 26an.–Lurraldearen Antolamenduaren, Mugikortasunaren eta Etxebizitzaren zuzendari nagusia, José Antonio Marcén Zunzarren.

I. KAPITULUA

Xedapen orokorrak

1. artikulua. Xedea.

Udalez gaindiko plan sektorial honen helburua da Ibai Parkea handitzeko haren eremuan sartu diren lurren hirigintza araubidea ezartzea, udal mugape hauetan: Ezkabarte, Olaibar, Odieta, Esteribar, Uharte, Eguesibar, Aranguren Ibarra, Iruña, Zizur Zendea, Galar Zendea, Noain (Elortzibar), Beriain, Barañain, Zizur Nagusia, Etxauri, Zabaltza, Ziritza, Etxarri eta Bidaurreta.

2. artikulua. Eremua.

Udalez gaindiko plan sektoriala (UPSa), indarra hartzen duenetik aurrera, planoetan adierazten den eremu osoan aplikatuko da.

3. artikulua. Administrazio jardulea.

UPS hau Iruñerriko Mankomunitatearen ekimenez sustatu da. Horregatik, ekimen publikoz garatuko da.

4. artikulua. Indarraldia.

Udalez gaindiko plan sektorial hau indarrean jarriko da Nafarroako Aldizkari Ofizialean behin betiko onespena argitaratu eta biharamunean.

Indarraldi mugagabea izanen du, harik eta haren ordez maila bereko nahiz goragoko beste dokumentu bat behin betiko onetsi arte.

5. artikulua. Planaren ondorioak.

Lurraldearen Antolamenduari eta Hirigintzari buruzko 35/2002 Foru Legearen 42. artikuluaren 3. idatz-zatiaren arabera: “Udalez gaindiko plan sektorialetan biltzen diren determinazioak lotesleak izanen dira kasuko toki entitate edo entitateentzat. Horretaz gainera, ukitutako toki entitateek beren hirigintza planeamendua egokitu beharko dute harentzat ezartzen diren determinazioetara, planeamendu hori berrikusi edo aldatzen denean, betiere aipatu determinazioek zuzenean ukitzen badute berrikuspen edo aldaketa horren xedea”.

UPS honen determinazioek ukitutako toki entitateak honako udal hauek dira: Ezkabarte, Olaibar, Odieta, Esteribar, Uharte, Eguesibar, Aranguren Ibarra, Iruña, Zizur Zendea, Galar Zendea, Noain (Elortzibar), Beriain, Barañain, Zizur Nagusia, Oltza Zendea, Etxauri, Zabaltza, Ziritza, Etxarri eta Bidaurreta.

6. artikulua. Egiturazko determinazioak.

–Eremua (2. artikulua). UPSaren eremuaren mugaketa da, planoetan zehaztuta.

–Indarraldia (4. artikulua).

–Lurzoruaren sailkapena (9. artikulua). Planoetan zehazten den sailkapena da.

–Sistema orokorra (10. artikulua).

–Jarduketa sistema (15. artikulua).

–Jarduera debekatu eta bateraezinak lurzoru urbanizaezinean (28. artikulua). Helburua da natur ingurunearen babesa bermatzea.

–Kategoriak lurzoru urbanizaezinean (10. artikulua).

–(Memorian eta hirigintzako araudian agertzen diren gainerako gaiak determinazio xehakatutzat hartuko dira).

7. artikulua. Aldaketa.

Plan sektoriala aldatzeko arrazoitzat jotzen dira ondoko hauek:

–Esku hartzeko esparruaren funtsezko aldaketak.

Plan sektoriala aldatzeko, plana onartzeko Lurraldearen Antolamenduari eta Hirigintzari buruzko 35/2002 Foru Legearen 45. artikuluan ezarrita dagoen tramite bera beteko da.

8. artikulua. Dokumentazioa.

Dokumentu hauek osatzen dute plan sektoriala:

–Informazio eta justifikazio memoria.

Lurraldearen Antolamenduari eta Hirigintzari buruzko 35/2002 Foru Legearen 43. artikuluan ezarritako edukia izanen du.

–Informazioko planoak.

–Deskripzioko planoak.

–Antolamenduko planoak.

9. artikulua. Antolamenduz kanpoko eraikin eta eraikuntzak.

1.–Plan Sektorial hau onetsi baino lehen eraiki ziren eta Plan horrekin bat ez datozen eraikin, eraikuntza eta instalazioak antolamenduz kanpoko gisa sailkatzen dira.

Eraikin edo instalazio horietan ezin izanen da egin ez finkatzeko, ez bolumena handitzeko, ez modernizatzeko edo desjabetze-balioa igotzeko obrarik, ezta bestelakorik ere.

2.–Ibaiertzetik 5 metro baino gutxiagora dauden finken itxiturak antolamenduz kanpo daude.

3.–Dagokion ibilguaren paraleloan dagoen 5 metroko zerrenda –ibaiertzetik neurtuta– osorik edo zati batean inbaditzen duten eraikin guztiak antolamenduz kanpo egonen dira.

4.–Antolamenduz kanpoko sailkapenetik salbuesten dira politika hidraulikoari edo komunikazio-sistemari buruzko eraikuntzak eta instalazioak (deribazio-presak, harguneetarako obrak, ubideak, aforo-estazioak, ontziralekuak, zubiak, pasabideak, ibaiertzak babesteko obrak...).

II. KAPITULUA

Hirigintza araubidea

10. artikulua. Sailkapena.

UPSak, haren eremuan, lurrak honela sailkatzen ditu: hiri lurzorua, lurzoru urbanizagarria eta lurzoru urbanizaezina.

–Hiri lurzorua da planoetan horrelakotzat zedarritzen direnak, udal mugape bakoitzean indarra duen udal planeamenduak horrelakotzat sailkatutako lurzoruekin bat eginik.

–Lurzoru urbanizagarria da planoetan horrelakotzat zedarritzen direnak, udal mugape bakoitzean indarra duen udal planeamenduak horrelakotzat sailkatutako lurzoruekin bat eginik.

–Lurzoru urbanizaezina da planoetan horrelakotzat zedarritzen direnak, udal mugape bakoitzean indarra duen udal planeamenduak horrelakotzat sailkatutako lurzoruekin bat eginik. UPSean lurzoru urbanizaezintzat sailkatutako lur guztiek babestu beharreko kategoria dute, alde batera utzita lurzoru horietako batzuk dagoeneko babestuak dauden eta erabilera eta babes araubide propioa duten.

11. artikulua. Sistema orokorra.

1.–Sistema orokorrak lurraldearen egitura orokor eta organikoa definitzen duten elementuak dira, lehendik eginak nahiz UPS honetan aurreikusita daudenak. Hiri lurzoruan, lurzoru urbanizagarrian nahiz lurzoru urbanizaezinean daude.

2.–UPSaren eremu bat sistema orokortzat hartuko da erabilera eta titulartasun publikoko ekipamendua bada, administrazioaren zuzeneko kudeaketa eta aisialdiko erabilerak izanik, eta espazio libre publiko baten parte bada.

12. artikulua. Kalifikazioa.

UPSak erabilera mota hauek ezartzen ditu:

A) Esleipen mailaren arabera:

Orokorrak.

Xehakatuak.

B) Egokitasunaren arabera:

Aurreikusiak.

Onartuak.

Debekatuak.

C) Eginkizunaren arabera:

Jostetagunea.

Ingurumen integrazioko ibai eremua.

Pasealekua.

Bidezidorra.

Berdegunea.

Iratiko bidea.

III. KAPITULUA

UPSa garatzea eta gauzatzea.

14. artikulua. Garapenerako tresnak.

Plan sektoriala urbanizaziorako proiektu baten edo batzuen bidez garatuko da.

15. artikulua. Ibai Parkearen garapena, sistema orokor gisa.

1.–Plan sektoriala urbanizaziorako obren proiektu baten edo batzuen bidez garatuko da.

2.–UPSaren behin betiko onespenak Lurraldearen Antolamendu eta Etxebizitza Departamentuaren administrazio-baimena ordeztuko du, alde batera utzita ingurumena babesteko jarduera sailkatuaren lizentzia eskuratu beharra, lurzoru urbanizaezinean baimentzen ahal diren jardueren eta erabileren kasuan. Administrazio-baimen hori Lurraldearen Antolamenduari eta Hirigintzari buruzko abenduaren 20ko 35/2002 Foru Legearen 47. artikuluan dago ezarrita.

16. artikulua. Jarduketa sistema

Plan Sektorialaren eremuan, jarduketa sistema hauek ezarri dira:

–Lurzoru urbanizaezinean eta hiri lurzoruan: desjabetzea.

–Lurzoru urbanizagarrian: sektore bakoitzerako onesten den planeamendu orokorrean edo garapenerako planeamenduan ezarritakoa.

17. artikulua. Indarreko udal planeamenduak sektorearen zerbitzura lurzoru urbanizagarrian ezartzen duen ekipamendua.

UPS honek xedatzen du udal planeamenduak haren eremuko sektoreen zerbitzura lurzoru urbanizagarrian ezartzen duen ekipamendua ezarritako sistema orokorraren parte dela eta, horrenbestez, berari lotuta dagoela.

18. artikulua. Lanak egitea.

1.–Administrazio jarduleari, hots, Iruñerriko Mankomunitateari dagokio Ibai Parkearen obrak burutzea.

2.–Pasealekuak planeamenduak (UPSak edo udal planek) aurreikusitako berdeguneetan dituen tarteak, berdegune horiek oraindik ez badira garatu eta Ibai Parkea handitzeko UPSaren eremutik kanpo badaude, tarte bakoitzaren urbanizaziorako proiektuan aurreikusten diren gainerako obrekin batera eginen dira (Lurraldearen Antolamenduari eta Hirigintzari buruzko abenduaren 20ko 35/2002 Foru Legearen 101. artikulua: sistema orokorren aldez aurretiko okupazio zuzena, foru lege horren 186.1.b artikuluan xedatutakoaren arabera).

IV. KAPITULUA

Urbanizazioaren ezaugarri orokorrak.

19. artikulua. Urbanizaziorako proiektua.

Urbanizaziorako proiektuan, trazadura berrietan, arau hauetan ezarritako baldintzak sartuko dira: Oztopo fisiko nahiz zentzumenezkoei buruzko 4/1988 Foru Legea, foru lege hori garatzen duen erregelamendua (154/1989 Foru Dekretuaren bidez onetsia) eta Desgaitasuna duten pertsonen aukera berdintasunari, bereizkeriarik ezari eta denendako irisgarritasunari buruzko abenduaren 2ko 51/2003 Estatuko Legea.

Parkea exekutatzeko egiten diren eraikuntza-proiektuen artean errepide sareari eragiten diotenak Herri Lan Departamentuan aurkeztu beharko dira obrak exekutatu baino lehen, obra horietarako baimena eman ahal izateko.

20. artikulua. Oinbideak.

1.–Oztopo fisikoei eta zentzumenezkoei buruzko erregelamenduak ibilbide bakoitzerako ezartzen dituen baldintzak bete beharko dituzte oinbide berriek.

Neurri hauek errespetatu beharko dira:

–Ibilbide intentsiboak: jostetaguneetako bide berriak.

–Ibilbide ertainak: eremuak konektatzeko bide berriak.

–Gainerakoak ibilbide motzak izanen dira.

21. artikulua. Ibilgailuen (motordunen nahiz bizikleten) trafikoa eta oinezkoen zirkulazioa dituen bidea.

1.–Bi zirkulazio mota horiek dituzten bideetarako tarteetan bideak sestra alderik gabe eginen dira. Zirkulazio baterako zein besterako eremuak bereizteko, posible da material, kolore edo testura ezberdinak erabiltzea.

2.–Ibilgailu motordunen zirkulazioa, oinezkoena eta txirrindulariena dituen bidetzat hartuko dira Ibai Parkean lehendik dauden bideen gainean egindako eta nekazaritzako finketarako eta dauden edo eginen diren azpiegituretarako sarbide diren tarteak. Ibai Parkeko bidea erabiliko dute ibilgailu hauek, ez besterik: anbulantziak, babes zibileko bestelako ibilgailuak, nekazaritzako ibilgailuak, nekazaritzako makinak eta orotariko azpiegiturak mantentzeko ibilgailuak. Ibilgailuak baimentzeko sistema ezartzen ahal da, Ibai Parkearen titularrak beharrezkotzat jotzen badu.

3.–Ibai Parkea izan baino lehen zeuden bideen edo lurzatien gaineko zortasun guztiak mantenduko ditu titular berriak UPSak arautzen duen eremuan.

22. artikulua. Argiteria.

Urbanizaziorako proiektuak kontsumo txikiko argiteria aurreikusiko du.

Egonaldi guneei argiztapen nahikoa emateko moduan paratuko dira argiak.

Argiteria gaueko ingurumena babestearren antolatzeari buruzko azaroaren 9ko 10/2005 Foru Legean ezarritakoa beteko da.

23. artikulua. Aparkalekuak.

1.–Hirigintzako araudi partikularrak eremu bakoitzerako ezartzen dituen aparkalekuak kokatuko dira. Haien neurriak 5 x 2,50 m izanen dira, gutxienez.

Aparkaleku multzo bakoitzean aparkaleku-plazen %6, gutxienez, minusbaliatuentzakoak izanen dira (edozein kasutan, aparkaleku-plaza bat, gutxienez). Haien neurriak 3,20 m (zabalera) x 5 m (luzera) izanen dira, gutxienez.

Aparkaleku estaligabeetan zuhaitz sare bat ezarriko da azalera osoan. Zuhaitz bat, gutxienez, paratuko da 3 aparkaleku-plazako.

Aparkaleku multzoetan zuhaitzek ematen duten babesa osatzeko, estalki arinak paratzen ahalko dira.

2.–Jostetaguneetan aparkalekuak paratzea aurreikusiko da.

24. artikulua. Ibai pasealekuaren neurria.

Ibai pasealekuaren puntu guztietan 2,0 metroko zabalera izanen da, gutxienez.

25. artikulua. Ibai bidezidorraren neurriak.

Ibai bidezidorraren puntu guztietan 2,0 metroko zabalera izanen da, gehienez.

Ibai Parkearen proiektu orokorra edo orokorrak osatzeko obren proiektuetan definitzen ahal dira ibai bidezidorrak.

V. KAPITULUA

Eraikuntzaren ezaugarri orokorrak.

26. artikulua. Eraikuntza motak.

Ibai Parkearen eremuan eraikuntza mota hauek aurreikusi dira:

–25 m²-tik beherako kioskoak.

–100 m²-tik beherako zerbitzu-eraikinak.

–100 m²-tik gorako bestelako eraikinak.

–Pergolak.

–Terrazak.

27. artikulua. Eraikuntzaren baldintzak.

1.–Eraikinen osaera eta bolumena libreak izaten ahal dira.

2.–Lurraren gaineko eraikinen okupazioaren portzentajea, gehienez, kasuan kasuko jostetagunearen azalaren %8 izanen da.

28. artikulua. Eraikinaren garaiera.

Kioskoen eta zerbitzu-eraikinen gehieneko garaiera: 3 m.

Beste eraikinen gehieneko garaiera: aurreikusi den erabileraren beharren arabera.

VI. KAPITULUA

Lurzoru urbanizaezinaren araubidea

29. artikulua. Jarduera debekatu eta bateraezinak.

1.–Plan sektorial honetan espresuki aipatzen ez diren erabilera eta jarduerak asimilatzeko, kontuan hartuko da erabilera edo jarduera horrek UPSaren helburuekin (hots, Iruñerriko Ibai Parkearekin) duen bateragarritasuna.

2.–UPSaren eremuko lurzoru urbanizaezinean honako hau ekartzen duten jarduerak edo omisioak debekatuta daude:

–Objektu, hondakin edo bestelako zaborrak isuri, utzi edo erretzea.

–Akuiferoak andeatu edo kutsatzen ahal dituzten likido edo solidoak isurtzea.

–Hezeguneak edo haien ondoko guneak suntsitu edo kutsatzea, alde batera utzita uren araudian ezarritakoa.

–Espezie babestuko animaliak, haien hondarki edo zatiak edo haien arrautzak jazarri, ehizatu, harrapatu edo merkaturatzea; animalia basatiei kalte egiten dieten espezie arrotzak sartzea; eta animaliak gaizki tratatzea.

–Ibaiaren inguruneko flora eta fauna kaltetu eta akuiferoak andeatu edo kutsatzen ahal dituzten ongarriak, medeagarriak eta tratamendu fitosanitarioak erabiltzea.

–UPSaren eremuko tarte bakoitzeko landaredi natural bereizgarria osatzen duten landare-komunitateetako zuhaitz eta zuhaixkak moztea, aurreikusitako trazadurak egiteko behar diren mozketak salbu.

30. artikulua. Ur babestuak.

Mugaketa.

Arga, Ultzama, Urbi, Sadar eta Elortz ibaietako ibilgu naturalen tarteak, UPSaren eremukoak.

Babes araubidea.

Ibaien berezko jarduerak baimenduta daude.

Pasabideak, ontziralekuak, kaiak eta presak (puzgarriak nahiz uhate baskulatzailezkoak) baimentzen ahal dira.

Gainerakoak debekatuta daude.

31. artikulua. Lehendik dauden azpiegiturak.

1.–Kategoria honetan sartzen dira indarrean dagoen araudiaren arabera eraikuntzek okupatzen edo ukitzen dituzten espazioak, erabilera hauetakoak: komunikazioa, ur-hornidura, saneamendua, gas-hoditeria, elektrizitatea eta telefonia.

2.–Agiri honetako planoetan halakotzat zehazten diren lursailek osatzen dute kategoria hau.

32. artikulua. Ibai Parkeko bidezidorra.

Mugaketa:

Ibai-ibilguaren mugakide den zerrenda, ibaiertzetik 5 metrora doan tartea, planoetan agertzen den egoeraren arabera.

Babes araubidea:

Eraikuntzaz kanpoko jarduerak:

Arraseko mozketa, egur aprobetxamendua eta landarearen erreketa debekatuta daude.

Lur mugimenduak eta luberritzeak baimentzen ahal dira.

Gainerako guztiak debekatuta daude.

Eraikuntzako jarduerak:

Baimentzen ahal dira ibai ingurunearekin zerikusia duten kirol eta aisialdi arloko jarduerei lotutako eraikuntzak eta instalazioak; ibai ingurunearekin zerikusia duten ekipamendu, dotazio edo zerbitzuetarako eraikuntzak eta instalazioak; herri lanak gauzatzeko, haien mantentze-lanak egiteko eta haiei zerbitzu emateko beharrezkoak diren eraikuntzak eta instalazioak; eta azpiegiturak.

Ibai Parkean oinezkoak eta txirrindulariak ibiltzeko eta zerbitzuak bideratzeko pista egitea baimentzen ahal da.

Seinale bertikalak nahiz horizontalak eta informazio panelak baimentzen ahal dira.

Publizitate estatikoa debekaturik dago.

33. artikulua. Ibai Parkeko pasealekua.

Mugaketa:

Ibai-ibilguaren mugakide den zerrenda, ibaiertzetik gutxienez 10 metrora doan tartea, planoetan agertzen den egoeraren arabera.

Babes araubidea:

Eraikuntzaz kanpoko jarduerak:

Arraseko mozketa, egur aprobetxamendua eta landarediaren erreketa debekatuta daude.

Lur mugimenduak eta luberritzeak baimentzen ahal dira.

Gainerako guztiak debekatuta daude.

Eraikuntzako jarduerak:

Baimentzen ahal dira ibai ingurunearekin zerikusia duten kirol eta aisialdi arloko jarduerei lotutako eraikuntzak eta instalazioak; ibai ingurunearekin zerikusia duten ekipamendu, dotazio edo zerbitzuetarako eraikuntzak eta instalazioak; herri lanak gauzatzeko, haien mantentze-lanak egiteko eta haiei zerbitzu emateko beharrezkoak diren eraikuntzak eta instalazioak; eta azpiegiturak.

Ibai Parkean oinezkoak eta txirrindulariak ibiltzeko eta zerbitzuak bideratzeko pista egitea baimentzen ahal da.

Seinale bertikalak nahiz horizontalak eta informazio panelak baimentzen ahal dira.

Publizitate estatikoa debekaturik dago.

34. artikulua. Lehendik dagoen bidearekiko konexioa.

Mugaketa:

10 metroko zabalerako zerrenda, planoetan agertzen den egoeraren arabera.

Babes araubidea:

Eraikuntzaz kanpoko jarduerak:

Meategiak ustiatzea, legarra eta harea ateratzea, harrobiak ezartzea eta arraseko mozketak egitea debekatuta daude.

Publizitate estatikoa debekaturik dago.

Lur mugimenduak ekartzen duten gainerako jarduerak baimentzen ahal dira.

Gainerako jarduerak onartzen dira.

Eraikuntzako jarduerak:

Azpiegiturak baimentzen ahalko dira.

Ibai Parkean oinezkoak eta txirrindulariak ibiltzeko eta zerbitzuak bideratzeko pista egitea baimentzen ahalko da.

Seinale bertikalak nahiz horizontalak eta informazio panelak baimentzen ahal dira.

35. artikulua. Ingurumen integrazioko ibai eremua.

Mugaketa:

Planoetan markatutako azalerak, Ibai Parkean sartzean haren parte izanen direnak.

Babes araubidea:

Eraikuntzaz kanpoko jarduerak:

Ibai eta ibai inguruko habitata berreskuratzeko edo lehengoratzeko egiten diren landaketak, ibaiertzeko landarediaren berezko espezieenak, baimentzen ahalko dira.

Lehendik dauden nekazaritza erabilerak.

Lur mugimenduak eta luberritzeak baimentzen ahalko dira.

Jarduera zientifikoak eta ikerketarekin, ingurumen hezkuntzarekin eta zabalkundearekin lotutako jarduerak baimentzen ahalko dira.

Arraseko mozketa, landaredi naturalaren espezieen egur aprobetxamendua eta landarediaren erreketa debekatuta daude.

Makaldi berriak landatzea debekatuta dago.

Gainerako guztiak debekatuta daude.

Eraikuntzako jarduerak:

Baimentzen ahal dira ibai ingurunearekin zerikusia duten kirol eta aisialdi arloko jarduerei lotutako eraikuntzak eta instalazioak; ibai ingurunearekin zerikusia duten ekipamendu, dotazio edo zerbitzuetarako eraikuntzak eta instalazioak; herri lanak gauzatzeko, haien mantentze-lanak egiteko eta haiei zerbitzu emateko beharrezkoak diren eraikuntzak eta instalazioak; eta azpiegiturak.

Jarduera zientifikoekin, ikerketarekin, ingurumen hezkuntzarekin eta zabalkundearekin lotutako azpiegiturak baimentzen ahal dira.

Ibai Parkearekin lotura duten azpiegiturak egitea baimentzen ahal da.

Seinale bertikalak nahiz horizontalak eta informazio panelak baimentzen ahal dira.

Publizitate estatikoa debekaturik dago.

36. artikulua. Jostetaguneak. 1. eta 2. motakoak (T1 eta T2).

Mugaketa:

Planoetan markatutako lursailak, non erabilera intentsiboko jostetaguneak egokitu nahi diren.

Jostetagune bakoitzean bi eremu ezarri dira:

a) Ibilguarekin paralelo doan zerrenda, ibaiaren puntu bakoitzean neurtzen den zabalera berekoa.

b) Gainerako azalera, planoetan ezartzen den mugaraino doana.

Babes araubidea:

–a) eremua, 1. eta 2. motakoen eremu komuna (T1 eta T2).

Eraikuntzaz kanpoko jarduerak:

Babes eremuaren lehen bost metroetan, arraseko mozketa, egur aprobetxamendua eta landarediaren erreketa debekatuta daude.

Babes eremuetan lur mugimenduak eta luberritzeak ekartzen dituzten jarduketak baimentzen ahal dira.

Baimenduta daude gainerako jarduerak.

Eraikuntzako jarduerak:

Baimentzen ahal dira ibai ingurunearekin zerikusia duten kirol eta aisialdi arloko jarduerei lotutako eraikuntzak eta instalazioak; ibai ingurunearekin zerikusia duten ekipamendu, dotazio edo zerbitzuetarako eraikuntzak eta instalazioak; herri lanak gauzatzeko, haien mantentze-lanak egiteko eta haiei zerbitzu emateko beharrezkoak diren eraikuntzak eta instalazioak; eta azpiegiturak.

Gainerako guztiak debekatuta daude.

–b) eremua, 2. motakoak (T2)

a) eremuko erabilerak eta jarduerak baimentzen ahalko dira.

Aparkaleku ireki eta/edo itzaldunak.

Kioskoak, terrazak, piknikguneak, iturriak, produktu eta hondakinen biltegiak, zerbitzu sanitarioak.

Erretegiak, eserlekuak, mahaiak, pergolak eta markesinak.

Seinale bertikalak nahiz horizontalak (panelak).

Ontziralekuak.

Egiturak, pasabideak, politika hidraulikoari buruzko eraikuntzak, ubideak, presak, arrapalak.

Apaingarriak.

100 m²-tik beherako instalazioak.

–b) eremua, 1. motakoak (T1).

2. motako guztiak (T2).

Instalazio estaligabeak.

100m²-tik gorako instalazioak.

Parkearekin, ibaiekin eta ingurumenarekin lotura duten zerbitzu eta jardueretarako eraikuntza itxiak.

Interpretazio zentroetarako, erakusketetarako eta hezkuntza jardueretarako eraikuntza itxiak.

Ostalaritza erabilera*.

Kirol erabilera.

Merkataritza.

Kirol instalazioak, estaligabeak nahiz estaliak.

37. artikulua. Berdegunea.

Mugaketa:

Planoetan markatutako lursailak, non gune naturalak jarri nahi diren pasealekuaren inguruan.

Babes araubidea:

Eraikuntzaz kanpoko jarduerak:

Arraseko mozketa, egur aprobetxamendua eta landarediaren erreketa debekatuta daude.

Lur mugimenduak eta luberritzeak baimentzen ahal dira.

Gainerako guztiak debekatuta daude.

Eraikuntzako jarduerak:

Baimentzen ahal dira ibai ingurunearekin zerikusia duten kirol eta aisialdi arloko jarduerei lotutako eraikuntzak eta instalazioak; ibai ingurunearekin zerikusia duten ekipamendu, dotazio edo zerbitzuetarako eraikuntzak eta instalazioak; herri lanak gauzatzeko, haien mantentze-lanak egiteko eta haiei zerbitzu emateko beharrezkoak diren eraikuntzak eta instalazioak; eta azpiegiturak.

Ibai Parkean oinezkoak eta txirrindulariak ibiltzeko eta zerbitzuak bideratzeko pista egitea baimentzen ahal da.

Seinale bertikalak nahiz horizontalak eta informazio panelak baimentzen ahal dira.

38. artikulua. Done Jakue bidea.

Mugaketa:

Plan sektorialaren eremuan sartzen diren Done Jakue bideko tarteak.

Babes araubidea:

Done Jakue bidea behin betiko mugatu zuen eta hura babesteko araubidea ezarri zuen abenduaren 14ko 290/1988 Foru Dekretua.

Donejakue bidearen lurralde esparrua Nafarroan zehar pasatzean behin betiko finkatu eta mugatu zuen urriaren 25eko 324/1993 Foru Dekretua (multzo historiko-artistikoaren deklarazioa -irailaren 5eko 2224/1962 Dekretuaren bidez egindakoa- osatzeko).

39. artikulua. Altxonbideak. Abelbideak.

Mugaketa

Errege altxonbideen, irangabideen eta zeharbideen trazaduraren lursailak.

Babes araubidea:

Nafarroako abelbideei buruzko abenduaren 15eko 19/1997 Foru Legean ezarritakoa.

VII. KAPITULUA

Hiri lurzorua

40. artikulua. Hiri lurzoruaren mugaketa.

UPSak halakotzat sailkatzen duen hiri lurzorua Olaibar, Esteribar, Huarte, Eguesibar, Aranguren ibarra, Galar Zendea, Noain (Elortzibar), Barañain, Oltza Zendea eta Etxauri udalerrietako udal planeamenduek halakotzat ezartzen dutena da.

41. artikulua. Hiri lurzoruko lur motak.

Hiri lurzoruan lur mota hauek daude:

–Ibai Parkeko bidezidorra.

–Ibai Parkeko pasealekua.

–Ingurumen integrazioko ibai eremua.

–Jostetagunea.

–Berdegunea.

Haien araubidea lurzoru urbanizaezinerako ezarri den hori bera izanen da.

VIII. KAPITULUA

Lurzoru urbanizagarria.

42. artikulua. Lurzoru urbanizagarriaren mugaketa.

UPSak halakotzat sailkatzen duen lurzoru urbanizagarria Eguesibar, Galar Zendea eta Noain (Elortzibar) udalerrietako udal planeamenduek halakotzat ezartzen dutena da. Halaber, Noain Elortzibarko Sarburu jarduera ekonomikoen eremuaren UPSeko lurzorua ere halakotzat sailkatu da.

43. artikulua. Lurzoru urbanizagarriko lur motak.

Hiri lurzoruan lur mota hauek daude:

–Ibai Parkeko bidezidorra.

–Ibai Parkeko pasealekua.

–Ingurumen integrazioko ibai eremua.

–Jostetagunea.

–Berdegunea.

Haien araubidea lurzoru urbanizaezinerako ezarri den hori bera izanen da.

44. artikulua. Hirigintzako determinazioak.

Udalen hirigintza planeamenduko hirigintzako determinazioak mantentzen dira. Eremu horiek sektore urbanizagarriaren zerbitzurako erabilera publikoko berdegune libre gisa sailkatu dira eta Ibai Parkean sartuko dira.

Noain Elortzibarko Sarburu jarduera ekonomikoen eremuaren UPSari dagokionez, haren muga Elortz ibaiaren inguruan ezartzen du, Uren Legeak (1/2001 Errege Dekretua) ezartzen duen ibaiertzetako 5 metroko zabalerako zortasuna errespetatuz.

Bestetik, Lurraldearen Antolamenduari buruzko 35/2002 Foru Legearen 56. artikuluan ezartzen da sektore osoaren %10 gutxienez berdegune handietarako aurreikusi beharko dela industrialde edo zerbitzualdeetan. Aipatu UPSean, berdegune horiek Elortz ibaiaren inguruan daude.

Horrenbestez, Noain Elortzibarko Sarburu jarduera ekonomikoen eremuaren UPSak hiri lurzoruaren karga gisa hartzen du ibaiko zerrenda hori, eta horrela hura mantentzea hobeto bermatzen da. Horretarako, Ibai Parkea handitzeko UPSak egiturazko determinazio gisa ezartzen du Noain Elortzibarko Sarburu jarduera ekonomikoen eremuaren UPSak Ibai Parkearen ibilbidearen trazadura berdeguneen urbanizazioan sartu behar duela, ibilbidearen gainerako tarteek dituzten baldintza berberetan.

IX. KAPITULUA

Araudi partikularra

45. artikulua. Ingurumen integrazioko ibai eremuak.

Ingurumen integrazioko ibai eremuak Ibai Parkeko bidearen eta ibai tarteen artekoak dira. Tarte batzuetan bidetik kanpoko azalerak (ibaitik urrutiago) ere sartzen dira eremu horietan, betiere UPSaren eremukoak badira eta haren planoetan badaude.

Ingurumen integrazioko ibai eremuen helburua da ibaiertzetako landarediaren ondoko azalera jarraitua izatea, bertan ibai habitata berreskuratzeko jarduketak egiteko.

Ingurumen ondorioen azterlanaren neurri prebentibo eta zuzentzaileak, neurri zuzentzaileen planoak eta ingurumena lehengoratzeko plana abiapuntu izan behar dituzte espazio horretarako planteatzen diren jarduketek.

Araudi partikularra.

Ultzama ibaiaren tartea (Odieta-Sorauren).

–Ingurumen integrazioko ibai eremuak bi ibaiertzetan eremu jarraitua osatuko du, Ostiztik Soraurenera doan tartean.

–Lur-erauzketa edo lubetak izanez gero, haien maldak 2H/1V edo 3H/1V izan behar du. Lur-erauzketa edo lubeta horietako lurrak lehengoratzeko, obren eremuko lurra erabiliko da, lurzoruko hazien bankua aprobetxatzeko eta lehendik dauden espezieen sustraitzea bultzatzeko. Muturreko kasuan, belar espezieen ereintzak edo hidroereintzak eginen dira.

–Ingurumena berreskuratzeko lanetan erabili beharreko landare espezieak honako hauek izanen dira: haltza (Alnus glutinosa), lizar arrunta (Fraxinus excelsior), zume zuria (Salix neotricha), zume erdi zuhaixkak (Salix triandra, Salix atrocinerea, Salix purpurea subsp. lambertiana), astigarrak (Acer campestre, Acer pseudoplatanus), ezkia (Tilia platyphyllos), zumarra (Ulmus glabra), hurritza (Corylus avellana), haritz ilaunduna (Quercus humilis), laharra (Rubus ulmifolius), aihenzuria (Clematis vitalba), basaerramua (Euonymus europaeus), zumalakarra (Rhamnus frangula), arrosa (Rosa arvensis, Rosa sp.), ezpela (Buxus sempervirens), zuhandorra (Cornus sanguinea), iparraldeko elorri zuria (Crataegus monogyna), huntza (Hedera helix), ipar-ipurua (Juniperus communis), beltxalea (Ligustrum vulgare), patxarana (Prunus spinosa), intsusa (Sambucus nigra), apomahatsa (Tamus communis) eta marmaratilla (Viburnum lantana).

Arga garaia ibaiaren tartea (Zubiri-Irozko zubia).

–Ingurumen integrazioko ibai eremuak bi ibaiertzetan eremu jarraitua osatuko du, hasierako Magnesitas eremu andeatutik Irozko zubira doan tartean.

–Lur-erauzketa edo lubetak izanez gero, haien maldak 2H/1V edo 3H/1V izan behar du. Lur-erauzketa edo lubeta horietako lurrak lehengoratzeko, obren eremuko lurra erabiliko da, lurzoruko hazien bankua aprobetxatzeko eta lehendik dauden espezieen sustraitzea bultzatzeko. Muturreko kasuan, belar espezieen ereintzak edo hidroereintzak eginen dira.

–Ingurumena berreskuratzeko lanetan erabili beharreko landare espezieak honako hauek izanen dira: haltza (Alnus glutinosa), lizar arrunta (Fraxinus excelsior), zume zuria (Salix neotricha), zume erdi zuhaixkak (Salix triandra, Salix atrocinerea, Salix purpurea subsp. lambertiana), astigarrak (Acer campestre, Acer pseudoplatanus), ezkia (Tilia platyphyllos), zumarra (Ulmus glabra), hurritza (Corylus avellana), haritz ilaunduna (Quercus humilis), laharra (Rubus ulmifolius), aihenzuria (Clematis vitalba), basaerramua (Euonymus europaeus), zumalakarra (Rhamnus frangula), arrosa (Rosa arvensis, Rosa sp.), ezpela (Buxus sempervirens), zuhandorra (Cornus sanguinea), iparraldeko elorri zuria (Crataegus monogyna), huntza (Hedera helix), ipar-ipurua (Juniperus communis), beltxalea (Ligustrum vulgare), patxarana (Prunus spinosa), intsusa (Sambucus nigra), apomahatsa (Tamus communis) eta marmaratilla (Viburnum lantana).

–Landatutako makalek okupatzen dituzten espazioak berreskuratzeko, makalak moztuko dira ibaiertzeko landarediaren berezko espezieetako zuhaixken eta/edo zuhaitz txikien geruza duten eremuetan. Makalak moztu ondoren, motzondoak kendu beharko dira. Eremu horretan ez da beharrezkoa izanen ibaiertzeko espezieak landatzea. Mozteko txanda hurbil duten eremuetan txanda hori itxaron beharko da eta, makalak moztu ondoren, mozketa eremuaren eta ingurunearen egoera ikusita, landaredi naturala nola berreskuratu erabaki: landaredi naturala errekuperatuz, ibaiertzeko berezko espezieen landaketaren bidez, edo moztutako azalera utziz, berez eboluziona dezan.

–Zubiriren eta Nafarroako Magnesitasen arteko tartearen plan berezia idaztean kontuan hartu beharko da, lehenbizi, 15-20 metroko jarduketa-azalera ibaiertz bakoitzean, bereziki gaur egun bildutako materialek okupatzen duten eremuetan. Plan berezia aplikatzeko eremua zedarritu ondoren, ibaiertzen egoerari buruzko diagnostiko bat egin beharko da eta, hori abiapuntu hartuta, berreskuratzeko proiektua idatziko da, ibaiertzak eta ibai inguruneak lehengoratzea barne. Horretarako, aipatu espezieak eta bioingeniaritza teknikak erabiliko dira ibaiertzak berreskuratu behar diren eremuetan.

Urbi ibaiaren tartea (Ustarrotz-Uharte).

–Ingurumen integrazioko ibai eremuak bi ibaiertzetan eremu jarraitua osatuko du, Ustarroztik Uhartera doan tartean.

–Lur-erauzketa edo lubetak izanez gero, haien maldak 2H/1V edo 3H/1V izan behar du. Lur-erauzketa edo lubeta horietako lurrak lehengoratzeko, obren eremuko lurra erabiliko da, lurzoruko hazien bankua aprobetxatzeko eta lehendik dauden espezieen sustraitzea bultzatzeko. Muturreko kasuan, belar espezieen ereintzak edo hidroereintzak eginen dira.

–Ingurumena berreskuratzeko lanetan erabili beharreko landare espezieak honako hauek izanen dira: makal beltzak (Populus nigra), lizarrak (Fraxinus angustifolia, Fraxinus oxycarpa), zuhaitz-zumeak (Salix neotricha), zumarrak (Ulmus minor), astigarrak (Acer campestre), otsalizarrak (Sorbus aucuparia), haltzak (Alnus glutinosa), zume erdi zuhaixkak (Salix atrocinerea, Salix purpurea subsp. angustifolia), hurritzak (Corylus avellana), iparraldeko elorri zuria (Crataegus monogyna), basarrosa (Rosa spp.), laharrak (Rubus ulmifolius), beltxalea (Ligustrum vulgare), patxarana (Prunus spinosa), zuhandorrak (Cornus sanguinea), marmaratilla (Viburnum lantana) eta intsusa beltzak (Sambucus nigra).

–Landatutako makalek okupatzen dituzten espazio bakanak berreskuratzeko, makalak moztuko dira ibaiertzetako landarediaren berezko espezieetako zuhaixken eta/edo zuhaitz txikien geruza duten eremuetan. Makalak moztu ondoren, motzondoak kendu beharko dira. Eremu horretan ez da beharrezkoa izanen ibaiertzeko espezieak landatzea. Mozteko txanda hurbil duten eremuetan txanda hori itxaron beharko da eta, makalak moztu ondoren, mozketa eremuaren eta ingurunearen egoera ikusita, landaredi naturala nola berreskuratu erabaki: landaredi naturala errekuperatuz, ibaiertzeko berezko espezieen landaketaren bidez, edo moztutako azalera utziz, berez eboluziona dezan.

–Makal italiarra (Populus pyramidalis) Urbi ibaiaren espezie bereizgarrienetariko bat da. Horregatik, egokia litzateke espezie horretako landare-materiala erabiltzea ibaia berreskuratzeko lanetan aprobetxatzeko.

Sadar ibaiaren tartea (Zolinako urmaela-Iruña).

–Ingurumen integrazioko ibai eremuak bi ibaiertzetan eremu jarraitua osatuko du, Zolinatik Mutiloabeitik Iruñearekin duen mugara doan tartean.

–Lur-erauzketa edo lubetak izanez gero, haien maldak 2H/1V edo 3H/1V izan behar du. Lur-erauzketa edo lubeta horietako lurrak lehengoratzeko, obren eremuko lurra erabiliko da, lurzoruko hazien bankua aprobetxatzeko eta lehendik dauden espezieen sustraitzea bultzatzeko. Muturreko kasuan, belar espezieen ereintzak edo hidroereintzak eginen dira.

–Ingurumena berreskuratzeko lanetan erabili beharreko landare espezieak honako hauek izanen dira: makal beltzak (Populus nigra), lizarrak (Fraxinus angustifolia, Fraxinus excelsior), zuhaitz-zumeak (Salix alba, Salix neotricha), haritz ilaundunak (Quercus humilis), zumarrak (Ulmus minor, Ulmus glabra), astigarrak (Acer campestre), zume erdi zuhaixkak (Salix purpurea subsp. angustifolia, Salix discolor, Salix atrocinerea, Salix caprea), atxaparrak (Lonicera xylosteum, Lonicera periclymenum, Lonicera etrusca), huntzak (Hedera helix), hurritzak (Corylus avellana), iparraldeko elorri zuria (Crataegus monogyna), basarrosa (Rosa micrantha, Rosa squarrosa, Rosa canina, Rosa spp.), laharrak (Rubus ulmifolius, Rubus caesius), beltxalea (Ligustrum vulgare), patxarana (Prunus spinosa), aihenzuriak (Clematis vitalba), marmaratilla (Viburnum lantana), apomahatsa (Tamus communis), intsusa (Sambucus nigra) eta zuhandorra (Cornus sanguinea).

–Ingurumen integrazioko ibai eremuetan aisialdi-baratzeetarako azalerak sartzen ahal dira, betiere ibaiertzeko landaredi naturaleko zerrenda mantenduz ibaiertzean.

Elortz ibaiaren tartea (Dorre Elortzibar-Zizur Nagusia):

–Ingurumen integrazioko ibai eremuak bi ibaiertzetan eremu jarraitua osatuko du, Dorre Elortzibartik Zizur Nagusira doan tartean.

–Lur-erauzketa edo lubetak izanez gero, haien maldak 2H/1V edo 3H/1V izan behar du. Lur-erauzketa edo lubeta horietako lurrak lehengoratzeko, obren eremuko lurra erabiliko da, lurzoruko hazien bankua aprobetxatzeko eta lehendik dauden espezieen sustraitzea bultzatzeko. Muturreko kasuan, belar espezieen ereintzak edo hidroereintzak eginen dira.

–Ingurumena berreskuratzeko lanetan erabili beharreko landare espezieak honako hauek izanen dira: makal beltzak (Populus nigra), lizarrak (Fraxinus angustifolia, Fraxinus excelsior), zuhaitz-zumeak (Salix alba, Salix neotricha), haritz ilaundunak (Quercus humilis), zumarrak (Ulmus minor, Ulmus glabra), astigarrak (Acer campestre), zume erdi zuhaixkak (Salix purpurea subsp. angustifolia, Salix discolor, Salix atrocinerea, Salix caprea), atxaparrak (Lonicera xylosteum, Lonicera periclymenum, Lonicera etrusca), huntzak (Hedera helix), hurritzak (Corylus avellana), iparraldeko elorri zuria (Crataegus monogyna), basarrosa (Rosa micrantha, Rosa squarrosa, Rosa canina, Rosa spp.), laharrak (Rubus ulmifolius, Rubus caesius), beltxalea (Ligustrum vulgare), patxarana (Prunus spinosa), aihenzuriak (Clematis vitalba), marmaratilla (Viburnum lantana), apomahatsa (Tamus communis), intsusa (Sambucus nigra) eta zuhandorra (Cornus sanguinea).

–Landatutako makalek okupatzen dituzten espazio bakanak berreskuratzeko, makalak moztuko dira ibaiertzetako landarediaren berezko espezieetako zuhaixken eta/edo zuhaitz txikien geruza duten eremuetan. Makalak moztu ondoren, motzondoak kendu beharko dira. Eremu horretan ez da beharrezkoa izanen ibaiertzeko espezieak landatzea. Mozteko txanda hurbil duten eremuetan txanda hori itxaron beharko da eta, makalak moztu ondoren, mozketa eremuaren eta ingurunearen egoera ikusita, landaredi naturala nola berreskuratu erabaki: landaredi naturala errekuperatuz, ibaiertzeko berezko espezieen landaketaren bidez, edo moztutako azalera utziz, berez eboluziona dezan.

–Besaire errekan ibaiertzetako landaredia errekuperatzeko proiektu bat egin behar da, aipatu espezieak oinarri hartuta.

–Comarca-2 industrialdetik datorren trokako uraren hustubidearen azken tartearen ondoko larrean, ibaiaren ondoan, iragazki berde bat sortzea plantea liteke, lezkak (Phragmites australis) edo eneak (Typha sp.) bezalako espezieak oinarri hartuta.

–Ingurumen integrazioko ibai eremuetan aisialdi-baratzeetarako azalerak sartzen ahal dira, betiere ibaiertzeko landaredi naturaleko zerrenda, 5-10 metroko zabalerakoa, mantenduz ibaiertzean. Landaredi hori egon ezik, berreskuratu eginen da, azpiatal honetan aipatutako espezieak eta antzekoak landatuz.

Arga beherea ibaiaren tartea (Bidaurreta-Barañain):

–Ingurumen integrazioko ibai eremuak bi ibaiertzetan eremu jarraitua osatuko du, Barañainek Arazurirekin duen mugatik Bidaurretara doan tartean.

–Lur-erauzketa edo lubetak izanez gero, haien maldak 2H/1V edo 3H/1V izan behar du. Lur-erauzketa edo lubeta horietako lurrak lehengoratzeko, obren eremuko lurra erabiliko da, lurzoruko hazien bankua aprobetxatzeko eta lehendik dauden espezieen sustraitzea bultzatzeko. Muturreko kasuan, belar espezieen ereintzak edo hidroereintzak eginen dira.

–Ingurumena berreskuratzeko lanetan erabili beharreko landare espezieak honako hauek izanen dira: makal beltzak (Populus nigra), lizarrak (Fraxinus angustifolia), zume zuriak (Salix alba, Salix neotricha), zumarrak (Ulmus minor), astigarrak (Acer campestre, Acer pseudoplatanus), makalak (Populus alba), zume erdi zuhaixkak (Salix purpurea subsp. lambertiana, Salix triandra subsp. discolor), iparraldeko elorri zuria (Crataegus monogyna), basarrosa (Rosa micrantha, Rosa squarrosa, Rosa sempervirens, Rosa spp.), laharrak (Rubus ulmifolius), beltxalea (Ligustrum vulgare), patxarana (Prunus spinosa), aihenzuria (Clematis vitalba), marmaratilla (Viburnum lantana), apomahatsa (Tamus communis), atxaparra (Lonicera xylosteum), huntza (Hedera helix), basaerramua (Euonymus europaeus), intsusa (Sambucus nigra) eta zuhandorra (Cornus sanguinea).

–Landatutako makalek okupatzen dituzten ibai espazio ugariak berreskuratzeko, makalak moztuko dira ibaiertzetako landarediaren berezko espezieetako zuhaixken eta/edo zuhaitz txikien geruza duten eremuetan. Makalak moztu ondoren, motzondoak kendu beharko dira. Eremu horretan ez da beharrezkoa izanen ibaiertzeko espezieak landatzea. Mozteko txanda hurbil duten eremuetan txanda hori itxaron beharko da eta, makalak moztu ondoren, mozketa eremuaren eta ingurunearen egoera ikusita, landaredi naturala nola berreskuratu erabaki: landaredi naturala errekuperatuz, ibaiertzeko berezko espezieen landaketaren bidez, edo moztutako azalera utziz, berez eboluziona dezan. Berriki makalak moztu diren eremuetan, ibai habitata berreskuratzeko proiektuak egin beharko dira, Arga beherako tarte honetako ibaiertzen berezko espeziek erabilita.

–Makalaldien azalera handienak Iberon daude, Arakil ibaia Arga ibaiarekin bateratzen den ingurunean. Ibarbasoak berreskuratzeko aukera handiak daude eremu horietan, eta aukera horiei buruzko azterlana egin beharko da, gaur egun dauden makal landaketak ibarbaso bihurtzeko.

–Ziritzako meandroa baliotsua da faunaren aldetik eta, horregatik, aztertu beharko litzateke haren ibai espazioa handitzea ibarbasoa berreskuratzeko, eremu horretako trantsizio banda biogeografikoaren berezko espezieak erabilita.

–Ingurumen integrazioko ibai eremuetan aisialdi-baratzeetarako azalerak sartzen ahal dira, betiere ibaiertzeko landaredi naturaleko zerrenda, 5-10 metroko zabalerakoa, mantenduz ibaiertzean. Landaredi hori egon ezik, berreskuratu eginen da, azpiatal honetan aipatutako espezieak eta antzekoak landatuz.

–Ibaiertzetako tarte andeatuenetan, ibai habitata berreskuratzeko proiektuak egin beharko dira, eremu biogeografikoko ibaiertzen berezko espeziek erabilita.

46. artikulua. 1. jostetagunea (T2).

1. Tartea.

47. artikulua. 2. jostetagunea (T2).

1. Tartea.

48. artikulua. 3. jostetagunea (T2).

1. Tartea.

49. artikulua. 4. jostetagunea (T2).

2. Tartea.

50. artikulua. 5. jostetagunea (T1).

2. Tartea.

51. artikulua. 6. jostetagunea (T2).

2. Tartea.

52. artikulua. 7. jostetagunea (T2).

3. Tartea.

53. artikulua. 8. jostetagunea (T2).

3. Tartea.

54. artikulua. 9. jostetagunea (T1).

3. Tartea.

55. artikulua. 10. jostetagunea (T1).

4. Tartea.

56. artikulua. 11. jostetagunea (T2).

4. Tartea.

57. artikulua. 12. jostetagunea (T2).

4. Tartea.

58. artikulua. 13. jostetagunea (T2).

5. Tartea.

59. artikulua. 14. jostetagunea (T2).

5. Tartea.

60. artikulua. 15. jostetagunea (T2).

5. Tartea.

61. artikulua. 16. jostetagunea (T1).

5. Tartea.

62. artikulua. 17. jostetagunea (T2).

5. Tartea.

63. artikulua. 18. jostetagunea (T2).

5. Tartea.

64. artikulua. 19. jostetagunea (T2).

5. Tartea.

65. artikulua. 20. jostetagunea (T2).

6. Tartea.

66. artikulua. 21. jostetagunea (T2).

6. Tartea.

67. artikulua. 22. jostetagunea (T2).

6. Tartea.

68. artikulua. 23. jostetagunea (T2).

6. Tartea.

69. artikulua. 24. jostetagunea (T2).

6. Tartea.

70. artikulua. 25. jostetagunea (T1).

6. Tartea.

71. artikulua. 26. jostetagunea (T1).

6. Tartea.

Iragarkiaren kodea: F1303085