1. NAFARROAKO FORU KOMUNITATEA
1.7. BESTELAKOAK
100/2013 EBAZPENA, martxoaren 1ekoa, Toki Administrazioko zuzendari nagusiak emana, Etxarri Aranazko (Nafarroa) hondakin uren hustubidea berritzeko proiektua eta haren ondoriozko obrek ukitutako ondasun eta eskubideen zerrenda jendaurrean jartzen dituena.
Nafarroako Toki Azpiegiturak, S.A. (NILSA) enpresak, Etxarri Aranazko Udalarekin finkatua duen lankidetza araubideaz baliatuz diharduela, zuzendaritza nagusi honi eskatu dio jendaurrean jar ditzala Etxarri Aranazko (Nafarroa) hondakin uren hustubidea berritzeko proiektua eta hark ukitutako ondasun eta eskubideen zerrenda.
Udalaren zerbitzu publikoa denez gero, eta Nahitaezko Desjabetzeari buruzko Legearen 10. artikuluan eta Nafarroako Toki Administrazioari buruzko uztailaren 2ko 6/1990 Foru Legearen 215. artikuluko 2. idatz-zatian ezarritakoari jarraikiz, tokiko obren eta zerbitzuen proiektuak onesteak berarekin dakar hartzen dituzten ondasunen onura publikoaren adierazpena eta ondasun horiek okupatu behar izatea, nahitaezko desjabetzea egiteko.
Horrenbestez, Nahitaezko Desjabetzeari buruzko Legearen 18. artikuluan xedatutakoari jarraikiz, eta Landa Garapeneko, Ingurumeneko eta Toki Administrazioko Departamentuaren egitura organikoa ezartzen duen uztailaren 25eko 70/2012 Foru Dekretuak esleitu dizkidan eskudantziak erabiliz,
EBATZI DUT:
1. Hamabost egunez jendaurrean jartzea Etxarri Aranazko (Nafarroa) hondakin uren hustubidea berritzeko izeneko proiektua eta hark ukitutako ondasun eta eskubideen zerrenda, hemen ondotik ematen dena, proiektuak ukitutakoek egokiak iruditzen zaizkien alegazioak aurkeztu eta argitaratzen den zerrendan egindako akatsak zuzentzeko behar diren datuak, idatziz, eman ditzaten, Toki Administrazioko Zuzendaritza Nagusian (Arrieta kalea, 12 - 3. solairua, 31002 Iruña) eta Etxarri Aranazko udaletxean. Bi leku horietan proiektuaren kopia bat eta lurzatien planoak izanen dira eskuragarri.
2. Ebazpen hau, ukitutako ondasun eta eskubideen zerrendarekin batera, Nafarroako Aldizkari Ofizialean, Foru Komunitateko egunkari batean eta Etxarri Aranazko udaletxeko iragarki oholean argitaratuko da.
Iruñean, 2013ko martxoaren 1ean.–Toki Administrazioko zuzendari nagusia, Francisco Pérez Arregui.
Etxarri Aranazko (Nafarroa) hondakin uren hustubidea berritzea Ukitutako ondasun eta eskubideen zerrenda |
FINKAREN KODEA | TITULARRA | UKIPENAK | KATASTROKO DATUAK |
Zortasuna | Erregistroak | Aldi baterako okupazio | Poligonoa | Lurzatia | Lur mota |
m.l. | m² | unit. | m² | m² |
Etxarri Aranazko udal mugapea |
ETX-100 | Feliciana Lizarraga Igoa andrea Maiza Kalea, 5 31820 Etxarri Aranatz (Nafarroa) | 144 | 432 | 3 | 6 | 5259 | 3 | 316 | Lehorreko alorra |
F1303504 |
Iragarkiaren kodea: F1303504