56. ALDIZKARIA - 2013ko martxoaren 21a

1. NAFARROAKO FORU KOMUNITATEA

1.7. BESTELAKOAK

3/2013 EBAZPENA, otsailaren 27koa, Nekazaritza Zerbitzuko zuzendariak emana, Nekazaritza eta Abeltzaintzako zuzendari nagusiaren eskuordetza erabiliz, mahatsondo landareen ekoizle ugaltzaile bati baimena eman eta Mintegiko Hazien eta Landareen Ekoizleen Erregistroan ES15310349 zenbakiarekin inskribatzen duena.

Viveros vitícolas Juan García e hijos, S.L.k (IFK: B71082432) eskabide bat erregistratu du 2012ko abenduaren 11n, mahatsondo landareen ekoizle ugaltzaile gisa baimen dezatela eskatzeko.

Eskaerarekin batera aurkeztutako dokumentazioa azterturik, eta ikusirik entitate eskatzaileak Mintegiko mahatsondo landareak kontrolatu eta ziurtatzeko Erregelamendu Teknikoak ekoizle ugaltzaile berrientzat ezartzen dituen baldintzak betetzen dituela, Landare Ekoizpenaren Bulegoak proposatu du eskatutako baimena ematea.

Mintegiko Hazi eta Landareei eta Baliabide Fitogenetikoei buruzko uztailaren 26ko 30/2006 Legearen arabera, mintegiko hazi eta landareen ekoizleei baimena ematea, ekoizlearen egoitza non dagoen, autonomia erkidego horri dagokio.

Nekazaritza eta Abeltzaintzako zuzendari nagusiaren urtarrilaren 27ko 124/2012 Ebazpenaren bidez, Nekazaritza Zerbitzuko zuzendariaren esku utzi ziren araudiak nekazaritza arloan Nekazaritza eta Abeltzaintzako zuzendariari ematen dizkion eskumen administratibo batzuk.

Horrenbestez, Nafarroako Foru Komunitateko Administrazioari buruzko abenduaren 3ko 15/2004 Foru Legearen 22. artikuluak ematen dizkidan eskumenak erabiliz,

EBATZI DUT:

1. Viveros vitícolas Juan García e hijos, S.L.ri (IFK: B71082432) mahatsondo landareen ekoizle ugaltzaile gisa aritzeko baimena ematea eta Mintegiko Hazien eta Landareen Ekoizleen Erregistroan ES15310349 zenbakiarekin inskribatzea.

2. Ebazpen hau jakinaraztea Viveros vitícolas Juan García e hijos, S.L.ri eta Nekazaritza, Elikadura eta Ingurumeneko Ministerioko Nekazaritzako eta Abeltzaintzako Baliabideen Zuzendaritza Nagusiari, eta Nafarroako Aldizkari Ofizialean argitaratzea.

3. Ebazpen honen aurka gora jotzeko errekurtsoa jar daiteke, Nafarroako Gobernuko Landa Garapeneko, Ingurumeneko eta Toki Administrazioko kontseilariari zuzendua, hilabeteko epean, jakinarazi eta biharamunetik hasita.

Iruñean, 2013ko otsailaren 27an.–Nekazaritza Zerbitzuko zuzendaria, Rubén Palacios Goñi.

Iragarkiaren kodea: F1303186