56. ALDIZKARIA - 2013ko martxoaren 21a

1. NAFARROAKO FORU KOMUNITATEA

1.7. BESTELAKOAK

ERABAKIA, Nafarroako Gobernua 2013ko martxoaren 6an hartua, Martzillan (Nafarroa) den Martzillako Gaztelua izeneko higiezinaren babes eremuaren behin betiko mugatzea onesten duena.

Martzillako gaztelua, Espainiako Ondare Historikoari buruzko ekainaren 25eko 16/1985 Legearen Bigarren Xedapen Gehigarriaren arabera, interes kulturaleko ondasuna da, halaxeko babesa ematen baitio Hezkuntza Nazionaleko Ministerioak 1949ko apirilaren 22an emandako Dekretuak (Espainiako gazteluak babestekoa; Estatuko Aldizkari Ofiziala, 1949ko maiatzaren 5ekoa).

Nafarroako Kultur Ondareari buruzko azaroaren 22ko 14/2005 Foru Legearen 19.1 artikuluan ezarritakoarekin bat, beharrezkoa da monumentu horren babes eremua finkatu eta zehatz-mehatz mugatzea.

Aipatutako foru lege horren arabera, espedienteak beharrezkoa du behin-behinekoz finkatu eta mugatzea, jendaurreko fasea eta behin betiko onestea Nafarroako Gobernuaren Erabakiaren bidez.

Vianako Printzea Erakundea-Kulturako zuzendari nagusiak irailaren 3an emandako 103/2012 Ebazpenaren bidez, Martzillan (Nafarroa) den Martzillako gaztelua izeneko ondasun higiezinaren babes eremua behin-behinekoz mugatu zen, eta interes kulturaleko ondasunaren espedientea jendaurrean egoteko epea ireki.

Ebazpen hori 2012ko 93. Nafarroako Aldizkari Ofizialean argitaratu zen, maiatzaren 27an. 30 eguneko jendaurrealdian, alegazio bakar bat ailegatu zen, Vianako Printzea Erakundea-Kulturako zuzendari nagusiak urriaren 11ko 311/2012 Ebazpenaren bidez erantzun eta ezetsi zuena.

Horrenbestez, Nafarroako Gobernuak, Kulturako, Turismoko eta Erakunde Harremanetako kontseilariak proposaturik,

ERABAKI DU:

1. Martzillan (Nafarroa) den Martzillako Gaztelua izeneko higiezinaren babes eremuaren behin betiko mugatzea onestea.

2. Ana Velasco kalea, Aranjuez pasealekua, Príncipe de España kalea, La Cava zeharkalea, La Cava plaza, España plaza, Doctor Félix Asamendia kalea eta Ángel de la Guarda kalea dira Martzillako gazteluaren babes eremuaren muga, eta babes eremuak ondoren aipatzen diren lurzatietako ondasun higiezinak ukitzen ditu, gaztelura ematen duten fatxadetan (espedientearen dokumentazio grafikoan daude jasorik): 87, 86, 169, 85, 171, 433, 440, 441, 217, 434, 209, 210, 211, 212, 213, 214, 165, 166, 167, 137, 315, 316, 107, 114, 88, 115, 116, 117, 981, 103, 92, 91, 84, 83 eta 63 (horiek denak Martzillako udalerriko 3. poligonokoak).

3. Erabaki honek onesten denetik aurrera izanen ditu ondorio administratiboak.

4. Erabaki hau Nafarroako Aldizkari Ofizialean argitaratzea.

5. Erabaki honek administrazio bidea amaitzen du, eta haren aurka, aukeran, berraztertzeko errekurtsoa jartzen ahal da, Nafarroako Gobernuari zuzendua, Nafarroako Aldizkari Ofizialean argitaratu eta biharamunetik hasita hilabeteko epean edo, bestela, zuzenean, Nafarroako Justizia Auzitegi Nagusiko Administrazioarekiko Auzien Salan aurkaratzen ahal da, argitaratu eta biharamunetik hasita bi hilabeteko epean.

Administrazio publikoek, berraztertzeko errekurtsoaren ordez, aldez aurretik errekerimendua egin dezakete, Administrazioarekiko Auzien Jurisdikzioa arautzen duen uztailaren 13ko 29/1988 Legearen 44. artikuluan ezarritako moduan eta epean.

Iruñean, 2013ko martxoaren 6an.–Nafarroako Gobernuko kontseilari eta idazkaria, Javier Morrás Iturmendi.

Iragarkiaren kodea: F1303588