1. NAFARROAKO FORU KOMUNITATEA
1.7. BESTELAKOAK
51/2013 EBAZPENA, otsailaren 7koa, Hezkuntza Baliabideen zuzendari nagusiak emana, Altsasuko Udal Musika Eskolako inskripzioa aldatzen duena, zeren, eraikina aldatu denez eta musikako nahiz dantzako irakaskuntza berriak ematen direnez, musika eta dantza eskolara aldatuko baita.
Ikusirik Unai Hualde Iglesias jaunak, Altsasuko Udalaren Musika eta Dantza Patronatuko lehendakariak, Udalaren Musika Eskolaren titularra baita, egindako eskaera haren inskripzioa alda dadin eraikina aldatu delako eta musikako nahiz dantzako ikasgai berriak irakasten direlako.
Ikusirik Hezkuntzako Ikuskapen Zerbitzuak eta Hezkuntzako Azpiegituren Zerbitzuak aldeko txostenak eman dituztela.
Kontuan harturik Musika eta Dantza Eskolen sorrerari eta funtzionamenduari buruzko oinarrizko arauak onesten dituen abenduaren 21eko 421/1992 Foru Dekretuaren 29. artikuluan xedatutakoa.
Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1.d) artikuluaren bidez eskuordetutako ahalmenak erabiliz, eta Hezkuntzako Azpiegituren Zerbitzuak proposaturik,
EBATZI DUT:
1. Nafarroako Gobernuaren Musika eta Dantza Eskolen Berariazko Erregistroan Altsasuko Udal Musika Eskolaren eraikinaren aldaketa inskribatzea (ikastetxearen kodea: 31004299). Izan ere, 2012ko otsailaren 10etik aurrera, egun horretan sartu baitzen Hezkuntza Departamentuan aldaketa horren inskripziorako eskaera, Burunda kalea, 1 An dago.
2. Halaber, Nafarroako Gobernuaren Musika eta Dantza Eskolen Berariazko Erregistroan inskribatzea eskolan emanen diren irakaskuntza berriak, ondorioak, halaber, 2012ko otsailaren 10etik aurrera izanda. Honako hauek dira: dantza herrikoia, baxu elektrikoa, musika eta mugimendua, musika hizkuntza, eskolania eta abesbatza, instrumentu taldeak eta fanfarrea eta comboak.
3. Azkenik, ondorioak egun beretik aurrera dituela, musika eskola musika eta dantza eskolara aldatu dela inskribatzea, “Altsasuko Udal Musika eta Dantza Eskola/ Escuela Municipal de Música y Danza de Alsasua” berariazko izena izanda.
4. Musika eta Dantza Eskolen Berariazko Erregistroan eskolaren datu hauek inskribatuko dira:
–Ikastetxearen kodea: 31004299.
–Izen generikoa: Musika eta Dantza eskola.
–Berariazko izena: Altsasuko Udal Musika eta Dantza Eskola/ Escuela Municipal de Música y Danza de Alsasua.
–Helbidea: Burunda kalea, 1 A.
–Herria: Altsasu.
–Udalerria: Altsasu.
–Titularra: Altsasuko Udalaren Musika eta Dantza Patronatua.
Inskribatu diren ikasketak: Hezkuntzari buruzko Lege Organikoaren 48.3 artikuluan ezarritakoak, honako irakasgai hauekin:
1.–Musikako irakaskuntzak:
Oinarrizko eskaintza, abenduaren 21eko 421/1992 Foru Dekretuaren 9. artikuluko 1. ataleko a), b) eta c) letretan ezarritako antolamenduari jarraikiz:
–Instrumentu-praktika: akordeoia, alboka, baxu elektrikoa, bateria, klarinetea, zeharkako flauta, gaita, gitarra, pianoa, saxofoia, trikitia, tronboia, txistua eta biolina.
–Instrumentu-praktikaren osagarri den musika prestakuntza: musika hizkuntza.
–Ahots eta instrumentu jarduerak taldean: eskolania eta abesbatza, instrumentu taldeak eta fanfarrea eta comboa.
2.–Dantzako irakaskuntzak:
–Dantza herrikoia, abenduaren 21eko 421/1992 Foru Dekretuaren 1. ataleko 10. artikuluan lehentasunezko eskaintzan sartua.
3.–Musika eta dantzako irakaskuntzak:
Bestelako gaiak, musikaren oinarrizko eskaintzan (9.2 artikulua) et dantzaren lehentasunezkoen artean (10.2 artikulua) sartu gabeak: musika eta mugimendua, 4 urtetik 8 urte bitarteko ikasleentzat.
–Gehieneko edukiera, eskolan aldi berean musikaren irakaskuntza teorikoak eta taldekoak emateko: 80 ikasle.
–Gehieneko edukiera, eskolan aldi berean dantzaren irakaskuntzak emateko: 20 ikasle.
5. Eskolaren konfigurazioan aldaketaren bat egiteko, horren ondorioz ebazpen honen 4. atalean ezarritako erregistro datuak eta instalazioak aldatzen badira, Hezkuntza Departamentuari horren berri eman beharko zaio, eta departamentu horrek, beharrezkoak diren baldintzak betetzen badira, eguneratu eginen ditu Nafarroako Gobernuko Musika eta Dantza Eskolen Berariazko Erregistroan inskribatutako datuak, aipatutako 421/1992 Foru Dekretuaren 29. artikuluan ezarritakoari jarraikiz.
6. Foru dekretu horren 31. artikuluan aipatutako kasuetan, eskolaren baimena baliorik gabe uzten ahalko da.
7. Administrazioaren ebazpen honen kontra administrazio publiko interesdunak administrazioarekiko auzi-errekurtsoa jartzen ahalko du, Nafarroako Justizia Auzitegi Nagusiaren Administrazioarekiko Auzien Salari zuzendua, ebazpena argitaratu eta biharamunetik hasita bi hilabeteko epean, alde batera utzi gabe aurretik errekerimendua egin ahal izatea, Administrazioarekiko Auzien Jurisdikzioa arautzen duen ekainaren 13ko 29/1998 Legearen 44. artikuluan ezarritako moduan eta epeetan.
8. Ebazpen hau Nafarroako Aldizkari Ofizialean argitaratuko da.
9. Ebazpen hau Udalaren Musika eta Dantza Patronatuko lehendakariari, Hezkuntzako Ikuskapen Zerbitzuari, Hezkuntzako Azpiegituren Zerbitzuari, Arte Ikasketetarako eta Musikaren Hiria Kudeatzeko Atalari, Kontratazioaren, Zerbitzu Osagarrien eta Koordinazio Administratiboaren Atalari eta Ikastetxeetako Informazioa Kudeatzeko Bulegoari igortzea.
Iruñean, 2013ko otsailaren 7an.–Hezkuntza Baliabideen zuzendari nagusia, Iñigo Huarte Huarte.
Iragarkiaren kodea: F1302172
