1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
38/2013 FORU AGINDUA, otsailaren 6koa, Ekonomia, Ogasun, Industria eta Enpleguko kontseilariak emana, Elena Orcaray Gascue andrea, Aurrekontuaren Zuzendaritza Nagusiko Kontuei buruzko Informazioa Zabaltzeko Bulegoko burua, kargutik kentzen duena.
Nafarroako Administrazio Publikoen Zerbitzuko Langileen Estatutuaren Testu Bategina onetsi zuen abuztuaren 30eko 251/1993 Legegintzako Foru Dekretuaren hirugarren xedapen gehigarriko bigarren idatz-zatiak ezartzen du bulegoburutzak eta atalburutzak bitarte baterako bete daitezkeela, organo eskudunak egindako izendapenaren bidez; burutza horiek betetzen dituztenek nahitaez Foru Komunitateko Administrazioko funtzionarioak edo hari atxikiak izan beharko dute.
Halaber, Nafarroako Foru Komunitateko Administrazioari buruzko abenduaren 3ko 15/2004 Foru Legearen seigarren xedapen gehigarriak xedatzen duenez, kasuan kasuko unitate organikoa atxikirik dagoen departamentuko titularrak izendatuko ditu ataleko eta bulegoko buruak bitarte baterako, funtzio publikoaren arloan eskudun den departamentuak aldeko txostena eman ondoren. Lehendakaritza, Justizia eta Barne Departamentuak aldeko txostena eman du.
Horrenbestez,
AGINDU DUT:
Lehena.-Elena Orcaray Gascue andrea, Nafarroako Gobernuko funtzionarioa, Aurrekontuaren Zuzendaritza Nagusiko Kontuei buruzko Informazioa sortzeko Bulegoko burua, kargutik kentzen duena eta emandako zerbitzuak eskertzen dizkiona.
Bigarrena.-Foru agindu hau jakinaraztea interesdunari, Kontabilitate Zerbitzuari, Ekonomia, Ogasun, Industria eta Enplegu Departamentuko Idazkaritza Tekniko Nagusiari eta Funtzio Publikoaren Zuzendaritza Nagusiari.
Hirugarrena.-Foru agindu hau Nafarroako Aldizkari Ofizialean argitaratzea.
Iruñean, 2013ko otsailaren 6an.-Ekonomia, Ogasun, Industria eta Enpleguko kontseilaria, Lourdes Goicoechea Zubelzu.
Iragarkiaren kodea: F1302605
