1. NAFARROAKO FORU KOMUNITATEA
1.7. BESTELAKOAK
58/2013 EBAZPENA, urtarrilaren 25ekoa, Landa Garapeneko zuzendari nagusiak emana, 2012ko ekitaldirako "Nafarroa" Jatorrizko Deituraren Kontseilu Arauemailearen diru-sarreren eta gastuen aurrekontu arruntaren aldaketa onesten duena.
Mahastizaintza eta ardogintza arautzeari buruzko 16/2005 Foru Legearen 20. artikuluko 7. puntuak ezartzen du "Nafarroa" Jatorrizko Deituraren Kontseilu Arauemailearen aurrekontua Foru Komunitateko Administrazioari aurkeztu beharko zaiola, onets dezan.
Landa Garapeneko zuzendari nagusiak apirilaren 13an emandako 296/2012 Ebazpenaren bidez, 2012ko ekitaldirako "Nafarroa" Jatorrizko Deituraren Kontseilu Arauemailearen diru-sarreren eta gastuen aurrekontu arrunta onetsi zen.
"Nafarroa" Jatorrizko Deituraren Kontseilu Arauemaileak eskaera aurkeztu du, 2013ko urtarrilaren 10ean, departamentu honek Kontseilu Arauemailearen 2012ko ekitaldirako aurrekontu arruntaren aldaketa onets dezan.
"Nafarroa" Jatorrizko Deituraren Kontseilu Arauemaileak ekarritako dokumentazioan aditzera ematen da 2012. urteko aurrekontu arrunta, aldaketaren ondorioz, bai diru-sarreretan, bai gastuetan, 1.947.818,97 eurokoa dela, eta erakunde horrek 2012ko irailaren 13an egindako osoko bilkuran onetsi zela.
Kontseilu Arauemaileak 2012ko ekitaldirako diru-sarreren eta gastuen aurrekontu arruntaren aldaketa onestearen ziurtagiria aurkeztu du, Jorge Vidal Ragoût "Nafarroa" Jatorrizko Deituraren Kontseilu Arauemaileko kudeatzaile jaunak luzatua, non adierazten baita Kontseilu Arauemaileak 2012ko irailaren 13an egindako osoko bilkuran erabaki zela 2012ko ekitaldirako aurrekontu arrunta aldatzea, eta aurrekontua, bai diru-sarreretan, bai gastuetan, 1.947.818,97 eurokoa dela. Ziurtagiriarekin batera bidalitako eranskinetan aurrekontuen xehetasunak agertzen dira. Ziurtagiri hori frogagiri gisa egin da eta aurrekontua aldatzeko onespen espedienteari erantsi zaio, eta Kontseilu Arauemaileko buruaren ikus-onetsiarekin sinatu da, 2013ko urtarrilaren 8an.
Ikusirik Nekazaritzako Ustiategien eta Elikagaien Sustapenerako Zerbitzuaren proposamen txostena.
Horrenbestez, Nafarroako Foru Komunitateko Administrazioari buruzko abenduaren 3ko 15/2004 Foru Legearen 22. artikuluak ematen dizkidan eskumenak erabiliz,
EBATZI DUT:
1. 2012ko urterako "Nafarroa" Jatorrizko Deituraren Kontseilu Arauemailearen aurrekontu arruntaren aldaketa onestea. Aurrekontu hori, hala diru-sarreretan nola gastuetan, 1.947.818,97 eurokoa da.
2. Ebazpen hau "Nafarroa" Jatorrizko Deituraren Kontseilu Arauemaileari eta Nekazaritza, Elikadura eta Ingurumen Ministerioko Elikagaien Kalitate Berezituaren eta Nekazaritza Ekologikoaren Zuzendariordetza Nagusiari jakinaraztea, behar diren ondorioak izan ditzan, eta Nafarroako Aldizkari Ofizialean argitaratzea.
3. Ebazpen honen aurka gora jotzeko errekurtsoa jar daiteke, Landa Garapeneko, Ingurumeneko eta Toki Administrazioko kontseilariari zuzendua, jakinarazi eta biharamunetik hilabeteko epean.
Iruñean, 2013ko urtarrilaren 25ean.-Landa Garapeneko zuzendari nagusia, Juan Pablo Rebolé Ruiz.
Iragarkiaren kodea: F1301283
