Iragarkia

37. ALDIZKARIA - 2013ko otsailaren 22a

1. NAFARROAKO FORU KOMUNITATEA

1.4. DIRU-LAGUNTZAK, LAGUNTZAK ETA BEKAK

546/2012 EBAZPENA, abenduaren 20koa, Hezkuntza Baliabideen zuzendari nagusiak emana, diru-laguntzak ematen dituena 2012-2013 ikasturtean ordaintzeko curriculum egokituko kanpo programetan eskolatze partekatuaren modalitateko ikasle adingabeak hartzen dituzten ikastetxeei, eta 2012ko irailetik abendura bitarteko aldiari dagozkionak ordaintzeko baimena ematen duena.

Hezkuntzari buruzko maiatzaren 3ko 2/2006 Lege Organikoak, atarikoan, ezartzen du aniztasunari arreta ematearen printzipioak oinarrizko hezkuntza guztia gidatu behar duela. Horrela, ikasle guztiei beren ezaugarriei eta beharrei egokitutako hezkuntza emanen zaie. Hezkuntzako desberdintasunak konpentsatzeari buruzko II. kapituluak ezartzen duenez, hezkuntzarako eskubidea erabiltzean berdintasun printzipioa gauzatzeko, hezkuntza administrazioek konpentsazio ekintzak garatuko dituzte, egoera ahulean dauden pertsona, talde eta lurraldeei dagokienez, eta horretarako baliabide ekonomikoak eta behar diren babesak emanen dituzte.

Antolamenduaren, Kalitatearen eta Berrikuntzaren zuzendari nagusiak ekainaren 25ean emandako 345/2009 Ebazpenak curriculum egokituko programak garatzeko baimena eman zien Nafarroako Foru Komunitateko irabazi-asmorik gabeko entitateei.

Hezkuntza Baliabideen zuzendari nagusiak martxoaren 20an emandako 87/2012 Ebazpenaren bidez, 2011ko diru-laguntzarako modulu ekonomikoak luzatu ziren 2012. urterako, curriculum egokituko kanpo programetan eskolatze partekatuaren modalitateko ikasle adingabeak hartzen dituzten ikastetxeentzat.

Gobernuak 2012ko azaroaren 21ean hartutako Erabakiaren bidez, Hezkuntza Baliabideen zuzendari nagusiari baimena eman zitzaion zuzenean eman zitzan Nafarroako Foru Komunitateko irabazi-asmorik gabeko erakundeetako curriculum egokituko programak finantzatzeko behar ziren diru-laguntzak, hots, ekainaren 25eko 345/2009 Ebazpenak 2012-2013 ikasturterako baimendutako programak.

Gobernuak 2010eko martxoaren 1ean hartutako Erabakiaren bidez, Hezkuntza Baliabideen zuzendari nagusiari baimena eman zitzaion zuzenean eman zitzan Ilundain Haritz Berri fundazioaren hiru unitatetako curriculum egokituko programa eta hezitzaileen lanaldi eta erdi finantzatzeko behar diren diru-laguntzak.

Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 d) artikuluak ematen dizkidan ahalmenak erabiliz,

EBATZI DUT:

1. Ebazpen honen eranskinean ageri diren ikastetxe itunduei eta irabazi-asmorik gabeko erakundeei diru-laguntzak ematea, 2012-2013 ikasturtean martxan diren curriculum egokituko programek sortutako gastuetarako; guztira, 723.201,36 euro dira.

2. 2012-2013 ikasturtean martxan diren ikastetxeei modulu ekonomikoaren %40 ordaintzeko baimena ematea, 419.671,62 euroko zenbatekoa alegia, 2012ko aurrekontuko "Haur eskolatugabeentzako arreta zentroak: Ilundaingo baserri-eskola, Etxabakoitz lantegi-eskola" izeneko 410003 41140 4811322D02 kontu-sailaren kargura.

Gainerakoa, 433.920,80 euro, 2013ko urtarriletik abuztura bitartekoa, %45i eta %15i dagozkien bi epetan ordainduko da, "Haritz Berri" baserri-eskolari dagokionarekin batera, horretarako 2013ko ekitaldiko aurrekontuan ezartzen den kontu-sailaren kargura.

3. Diru-laguntza honen xedea da ikasle horiei dohainik ematea arreta eta ekainaren 13ko 93/2008 Foru Aginduan aipatzen diren sustatze eta konpentsatze neurriak eta curriculuma jasotzeko aukera ematea.

Diru-laguntza kontzeptu hauetarako erabili beharko da:

Hezitzaileen kostua: irakasleak eta/edo adituak.

Behar den ekipamendua erosi eta amortizatzeko gastuak eta funtzionamendu gastuak.

Zeharkako beste kostu batzuk.

Hezitzaileen kostuan (lansariak gehi gizarte segurantzako gastuak) hezitzaileen ratio bat sartzen da, astean 30 irakastordu emateko, eta lanaldi laurden bat irakasleak ez diren langile osagarri bakoitzeko.

4. Diru-laguntzaren onuraduna den entitate titularrak Ikastetxeen eta Baliabide Ekonomikoen Zerbitzuan honako dokumentazio hau aurkeztu beharko du 2013ko otsailaren 20a baino lehen:

Ekonomia eta Ogasun Departamentuaren ziurtagiria, zerga betebeharretan egunean dagoela ziurtatzen duena.

Gizarte Segurantzako Diruzaintza Orokorraren ziurtagiria, Gizarte Segurantzako kuoten ordainketan egunean dagoela ziurtatzen duena.

Eta 2013ko urriaren 15a baino lehen, dokumentazio hau:

1.-Langileen gastuen frogagiriak.

Enpresaren ziurtagiria, programan lan egin duten pertsonen nominak ordaindu izanarena, haien izenak eta zenbatekoak eta lan hitzarmen kolektiboaren araberako lanbide kategoria adierazita.

Langileen Gizarte Segurantzako kotizazioen frogagiriak.

PFEZari dagozkion zenbatekoen atxikipenen frogagiriak.

Langile autonomoak baldin badira, ordainketaren frogagiria, BEZaren likidazioarena eta dagozkion zerbitzuak emateko kontratua.

2.-Diru-laguntzaren bidez erositako material inbentariagarria entitatearen inbentarioan sartu izanaren ziurtagiria.

Funtzionamendu kostuen, ekipamenduaren amortizazio kostuen eta beste zehar-kostu batzuen ordainagiri eta fakturen aurkibidea eta zerrenda zenbakiduna eta ordenatua (jatorrizkoak eta fotokopiak).

Jasotako diru-laguntza ez justifikatzeak berarekin ekarriko du justifikatu gabeko zenbatekoak itzultzea.

5. Ebazpen honen kontra gora jotzeko errekurtsoa jar daiteke, Hezkuntza Departamentuko kontseilariari zuzendua, deialdia argitara eman eta biharamunetik hilabeteko epean.

6. Ebazpen hau eta eranskina Nafarroako Aldizkari Ofizialean argitara daitezela agintzea.

7. Ebazpen hau eta eranskina igortzea ikastetxe interesdunei, Gizarte Politiketako Departamentuko Garapenari Arreta Emateko eta Pertsonak Gizarteratzeko Zerbitzuari, Ekonomia eta Ogasun Departamentuak Hezkuntza Departamentuan duen kontu-hartzaile delegatuari, Antolamenduaren eta Aukera Berdintasunaren Zerbitzuari, Hezkuntzako Ikuskapen Zerbitzuari, Baliabide Ekonomikoen Zerbitzuari, Aniztasunarekiko Arretaren eta Hezkuntza Premia Berezien Atalari, Ikastetxeen, Finantzaketaren eta Ikasketetarako Laguntzen Atalari eta Kudeaketa Ekonomikoaren Bulegoari, behar diren ondorioak izan ditzaten.

Iruñean, 2013ko abenduaren 20an.-Hezkuntza Baliabideen zuzendari nagusia, Iñigo Huarte Huarte.

Iragarkiaren kodea: F1302063